"Déraison, attitude déraisonnable" : Or puet estre que ce t'amort A chëoir en merencolie. Mais vraiement, c'est grant folie : Tu scez bien que morir te faut, Si que c'est nonscens et deffaut, Puis qu'il ne puet autrement estre, Et si n'i a nul si grant mestre Qui bien a ta mort ne resgarde. (MACH., C. ami, 1357, 63). AMIS. Ha ! Dieu, qui hault siez et loing vois, Com tu es en bonté parfaiz ! Sire, se je me sui meffais Par nonsens, grace te requier (Mir. Amis, c.1365, 44). Prince, foulz est qui a noble maison, Et par non sens la change a une grange. (DESCH., Oeuvres Q., t.1, c.1370-1407, 86). Item, il convient que il [le tirant] semble estre sans insipience ou sans nonsens. (ORESME, Pol. Arist. M., c.1372-1374, 250). Dit aussy, sur ce requis, que lesdites lettres closes du roy adreçans ausdiz mons. le duc de Berry et mons. l'evesque de Poitiers, il, par sa simplesse, non sens, et non cuidant offenser ou mesprendre, lessa à bailler et porter à iceulx mons. de Berry et mons. l'evesque (Reg. crim. Chât., I, 1389-1392, 523). Dit aussi que par sa simplesse et non sens il s'est prins au chariot d'icelle demoiselle de Harecourt, et a fuy et compaigné yceulz littiere et charioz (Reg. crim. Chât., II, 1389-1392, 457). ...pour ce qu'il estoit sourt et ydiot par non sens, yré et courroucé de ce, frappa sa dicte femme par le costé au travers des flans d'une espendouere de bois, dont il chargoit le dit fumier en la dicte charette, et la fist cheoir à terre (Doc. Poitou G., t.7, 1405, 81). Ainsi perdent tous les seigneurs de France, Par leur non sens, honneur et chevance (NESSON, Lay guerre P.D., c.1424-1429, 52). ...par inadvertanche [,] obliance [,] nonsains (Terre Jauche D., 1479-1480, 184). [Autres ex. p.207, 226, 247]
 

I. -

[Domaine de la perception ; lat. sensus]

A. -

"Faculté de perception du monde physique" : Clo ton bec, tes iex, tes oreiles, Ton cuer et tous tes autres sens ! (Best. lap. Rosarius S., c.1330, 28). ...toute l' inclination Des cinc sens que Dieus m'a donné Y estoient si ordonné Que n'avoie cuer ne penser Que lors peüsse ailleurs penser (MACH., J. R. Beh., c.1340, 107). ...le sens de l'oye (SAINT-GILLE, Comment. A.Y. L., 1362-1365, 335). Et de telx principes l'en a la cognoissance en diverses manieres ; car les uns sont cogneüs par induccion, les autres sont cogneüs par sens, les autres sont cogneüs par accoustumance et les autres en autre maniere. (ORESME, E.A., c.1370, 123). Tous mes cinq sens, yeulx, oreilles et bouche, Le nez et vous, le sensitif, aussi, Tous mes membres, ou il y a reprouche, En son endroit ung chascun die ainsi : ... (VILLON, Poèmes variés R.H., c.1456-1463, 76). ...sa tresbelle et bonne dame et espouse (...) fut bien esbahie, et de tous ses sens tant alterée et soupprinse qu'elle ne savoit sa contenance. (C.N.N., c.1456-1467, 424).

-

A sens ouvert. "Clairement" : Et, certes, benoistz sont voz yeulx A qui telz dons sont octroiéz Que de veoir ce que vous voiez, Et vostre ouÿe est saincte et digne A qui la magesté divine Donne d'ouïr a sens ouvert Ce qui vous sera descouvert. (GRÉBAN, Pass. J., c.1450, 171).

-

Les (cinq) sens dehors / de dehors : Et ce appert par raison, car le mouvement du soleil et des estoilles est tres merveilleusement isnel toutevoies, pour ce que il est si loing de nous, il n'est pas appercevable par sens dehors, c'est a savoir par nostre voiement precisement sanz l'aide de la vertu memorative que se recorde que le soleil ou l'estoille fu veue en un lieu et puis est veue en autre ou en autre resgart, car qui les resgarde de prime face, il samble que elles ne se mouvent. (ORESME, C.M., c.1377, 474). Car les quatre vertus sensitives dedens homme, que nous appellons sensitive, ymaginative, estimative et memoire, sont corporelles et organiques, et se pevent grever par trop souvent ou en trop fort oeuvre les exploicter, ainsi que entre les cinq sens de dehors l'oeil se trouble par regarder clarté trop resplendissant, ou par trop souvent lire, ou fichier son regard sur choses menues, de deliee ou differente figure. (CHART., L. Esp., c.1429-1430, 4).

-

Les (cinq) sens corporels / de corps : Mais toutevoies aucuns signes sont qui riens ne monstrent a quelconques sens corporel, mais a l'entendement de toute personne (...). En ceulz qui dorment, les vertus de vie corporele, selon les sens qui sont dis de corps - et ils sont de l'ame - se reposent (FOUL., Policrat. B., II, 1372, 148). Toutesfoys, dit icy l'Ame, que il fault - vuellent ou ne daignent - que ilz confessent aucunes choses espirituelles, et lesquelles on ne puet congnoistre par les V sens corporelz (GERS., Trin., 1402, 168). ...je congnoys doncques une saigesse et non mie par aucun de ces sens corporelz. (GERS., Trin., 1402, 168). Est a scavoir, toutevoies que entre les choses congnoissibles les aucunes sont en dessoubz raison, comme celles que nous congnoissons par les sens corporelz comme les choses blanches, noires et verdes, doulces, ameres, dures, moles, les aultres sont prochaines a raison (Somme abr., c.1477-1481, 136).

-

Les (cinq) sens naturels / de nature : Il y a cinq cens naturéz Et si vous diray tantoust quelz Ilz sont : cë est le voiement ; Le segond est le oÿement Et l'odourement est le tiers (...) ; Le quart appelle l'en goustement ; Et cinquiemë, atouchement. (Liber Fort. G., 1346, 169). Vierge qui es [la] medecine Des pecheurs, oste la racine De pechié mortel de mon cuer Et ne me lesse a nul fuer Mes cinc senz naturelz perir, Mais les veulles par ton plaisir Tant con je vivrai gouverner (ARNAUD, Prière Vierge O., II, c.1350-1400, 150). Item, des choses que nous avons par nature ou qui nouz viennent de nature, nous avons premierement les puissances et puis aprés faisons les operacions, si comme il appert de noz sens naturels. (ORESME, E.A., c.1370, 147). Item, selon ce l'en pourroit dire que aussi comme les sens naturelz des honmes et des bestes sont d'autre raison et d'autre maniere que l'entendement des intelligences ou des honmes, samblablement les sons sensibles sont d'autre guise et d'autre maniere que ne sont les sons celestielz lesquielz sont insensibles. (ORESME, C.M., c.1377, 478). [Titre] Des cinq sens de nature. (HAUTEV., Compl. B., c.1441-1447, 39). Et tant et tellement donna que il deult amer ce que il ly donna, car il te ennoblit quant a l'esteriorité et par dehors des cinq sens de nature (CRAP., Cur Deus, De arrha B.H., c.1450-1460, 274). Maintenant est tempz d'emploiier tous vos .V. sens de nature de mettre la ducé et comté de Bourgoigne en mes mains. (MOLINET, Chron. D.J., t.1, 1474-1506, 173). LA MERE. [La mère prétend voir si son gendre a bien tout ce qui fait un homme] Jamais n'ira, tant que j'aye veu S'il a ses cinq cens de nature (Nouv. mar. T., c.1490-1500, 98).

-

Sens commun / sens humain. "Faculté qui synthétise les perceptions des différents sens, de manière à donner à l'esprit la représentation d'un objet [scolastique]" : Et pour ce qu'il n'y a en la .IXe. espere nulles estoilles ne nulle chose qui se puist monstrer au sens humain, pour ce n'est elle pas a nous sensible. Maiz raison nous aprent qu'il le convient de neccessité mettre. (EVR. CONTY, Harm. sphères H.P.-H., c.1400, 8). Ce n'est pas l'oeil qui ycy est deceu, mais c'est le sens commun qui a ceste occasion erre et grandement s'abuse, car, comme son office soit de joindre les accidens de dehors a la substance ou ilz sont, par ceste mutacion qui est faite de la figure et couleur de la chose veue, il juge ycelle figure et couleur estre ou corps ou elle n'est pas (Inv. secte vaud. V.B. D., p.1460, 101). [Autre ex. p.102] L'excellence de la dignité divine est tant grande que la pensee et la cogitation humaine deffault en pensant de Dieu, car il est incomprehensible. Le sens humain ne le perchoit, car il est invisible. (Somme abr., c.1477-1481, 148). Sens commun est une potence vigoreuse et vertu laquelle rechoit tous les objets, c'est a dire ce qui appartient a ung chascun des sens pour faire son jugement. (Somme abr. M., II, c.1477-1481, 113). En la premiere partie du ventricule du devant est mis le sens commun et en la seconde la [vertu] ymaginative. (PANIS, Guidon, 1478, tr.I, doct.2, chap.1). ...la vertu que se appelle le sens commun ou la fantasie qui comprent toutes les formes comprinses par les cinq sens naturels et iuge de elles apres la remotion de l'aprehension des vertus et des instrumens sensibles exteriores (PREVOST, Cir. Guill. Salicet, 1492, IV, 1).

B. -

P. méton.

1.

"Sensation procurée (ici de chaud et de froid)" : [À propos d'un des quatre fleuves du paradis] Et aussi se mue il en quantité, quar il est en .i. lieu grant et en l'autre petit ; et aussi en sens, quar il est une heure froit et autre chaut. Et ce flueve avironne la terre d'Ynde. (VIGNAY, Oisiv. emp. Gerner, t.2, a.1330, 22v°b).

2.

"Conscience, sensibilité" : ...et ainsi selon Avicenne le sens ou sentement vient du cervel, l'esperit et le vent viennent du cueur, le sang et le desir vient du foye (GORDON, Prat., c.1450-1500, VII, 1). CATECUMINAIRE. (...) Du corps mon ame partira ; A ce cop le sens me deffault. (Il se meurt.) (LA VIGNE, S.M., 1496, 378).

-

Avoir sens de qqc. "Avoir le sentiment, l'intuition de qqc." : ...car la nature de elles [les bestes mues] est venue a perfection siques a ce qu'elles ont sens et apparcevance de tristece et de delectacion. (ORESME, Pol. Arist. M., c.1372-1374, 49).

3.

Au plur. "Instincts sensuels" : ...si est bel et a bon sens Et bien gouverne tous ses sens (CHR. PIZ., M.F., II, 1400-1403, 87).

II. -

[Domaine intellectuel et moral ; lat. sensus ; francique sinno-]

A. -

[Comme faculté]

1.

"Faculté de comprendre, de juger, raison" : Dame, il est ja si eslevez (...) et si membruz Con s'il avoit quinze ans ou plus. De lettre apprendre s'appareille, Si que chascun s'en esmerveille Du sens que Dieu a en lui mis. (Mir. enf. diable, c.1339, 24). ...vostre amour si me maistrie Que tout mon sens surmonté a : Faites tout quanqu'il vous plaira, Amis, de moy. (Mir. abbeesse, 1340, 72). On doit bien telle creature Prisier et amer, mes amis, En qui Dieu tant de bien a mis Et tant de sens. (Mir. mère pape, c.1355, 353). Dieu, qui toi bien appercevra, La foleur pour sens recevra Que tu feras par ficcion (Mir. parr., 1356, 9). Vous estes astrologiens, Les plus haulx de sens et d'engiens Tenuz de toute ceste terre. (Mir. Barl. Josaph., c.1363, 243). Et si sachiés bien que Richece N'aconte rien a gentillesce, A grant sens, a beauté, n'a force, Ne de proesce ne fait force (CHR. PIZ., M.F., I, 1400-1403, 66). Et dit que n'est droit qu'elle doye, Consideré son grant savoir, A Amours laisser decevoir Son cuer, n'ainsi estre surpris, Qui tant avoit de sens compris (CHR. PIZ., M.F., III, 1400-1403, 37). ...dont perdoit senz et memoire quant il consideroit sa foiblece et petitesse de son entendement et suffisance (BAYE, I, 1400-1410, 171). Je laisseray le parler, Car mon scens n'est pas si cler (LA SALE, Sale D., 1451, 3). ...d'ung curé qui oublia par negligence, ou faulte de sens, a annuncer le karesme a ses paroichiens (C.N.N., c.1456-1467, 18). ...quelque sens que Dieu luy eust donné, il ne savoit remede a son cas, fors de soy taire et faire du mort (C.N.N., c.1456-1467, 310). ...homme de grant aage et de cler sens, souverain astrologien en son temps (SIMON DE PHARES, Astrol., c.1494-1498, f° 140 v°). Cestui respondit en plaine congregacion d'icelle Université que le livre de Almageste que aucuns folz theologiens vouloient condempner pour ce qu'il passoit leur sens, et dit que le contenu de ses conclusions estoit le livre ouquel l'engin humain reluisoit le plus. (SIMON DE PHARES, Astrol., c.1494-1498, f° 154 r°).

-

Prov. : ...car la plus sage femme du monde, au regart du sens en a autant come j'ay d'or en l'oeil ou come ung singe a de queue (Quinze joies mar. R., c.1390-1410, 91). ...contre Dieu sens de homme n'a vertu ne pouoir. (TARDIF, Apologues R., c.1493-1498, 88).

-

Par sens / par grand sens. "Raisonnablement" : Ma doulce dame debonnaire, Vous en avez par sens ouvré. (Mir. enf. diable, c.1339, 15). Non pas, sire, que vous ne donnez, mais (sire) donnez par sens et par mesure (GERS., Noël, p.1404, 311). ...ung de ses serviteurs le vint trouver ung jour en sa chambre, a part, et luy va dire par grand sens... [L'homme révèle à son maître que sa femme le trompe] (C.N.N., c.1456-1467, 311).

-

De sens rassis. "La raison bien ferme" : Et quant il furent la assis, La dame dist de sens rassis : ... (MACH., J. R. Nav., 1349, 188). Je, Françoys Villon, escollier (...), de sens rassis... (VILLON, Lais R.H., c.1456-1457, 11). ...touteffois vous sçavez Que tous hommes n'ont pas le sens rassis. (VILLON, Poèmes variés R.H., c.1456-1463, 66).

Rem. R. Ling. rom. 51, 1987, 293. Trav. Ling. Litt. 19, 1975, 81.

-

Estre en sens. "Être dans la plénitude de ses moyens intellectuels" : ...monseigneur le duc d'Orléans (...), pour ce qu'il estoit frère du roy, estoit en âge et en sens, lui sembloit, pour manier et gouverner le fait dudit seigneur roy son frère, non bien maistre de son sens (...), disposer de tous les affaires à sa guise et intention (CHASTELL., Chron. K., t.1, c.1456-1471, 13).

-

Bon sens. "Faculté de bien juger, discernement" : JEHAN. ...vierge benigne, J'ay en mon cuer un ferme espoir Qu'en gré prendrez (...) Les loenges que je diray De vous, dont un livre feray (...). LE DYABLE. Tu n'aras ja tant de bon sens, Ne te ventes mie si tost, Que tu en escrises un mot. (Mir. st J. Cris., c.1344, 278). ...le duc Philippe (...), en l'eage de soixante et onze ans ou environ, plein encore de bon sens et de semblant de corps, mais fort débilité depuis deux ans ou trois avant sa mort... (CHASTELL., Chron. K., t.5, c.1456-1471, 227). Ung fol, comme on dit en ung conte, Jamais son bon sens n'apperçoit Tant que sa folye le dompte Ou c'un bien grant mal en reçoit. (LA VIGNE, S.M., 1496, 320).

.

De bon sens. "Qui est sensé" : ...subtil chevalier estoit et de bon sens (CHASTELL., Chron. IV, D., c.1461-1472, 109).

.

Avoir bon sens / estre en bon sens : ...si est bel et a bon sens Et bien gouverne tous ses sens (CHR. PIZ., M.F., II, 1400-1403, 87). Le sanguin quant il est pur et net a bon sens subtil et chault mouuement pour les operacions corporelles et a lentendement bon et bien arreste (CIB., p.1451, 218). Item homme ou femme de pensee allienee, c'est quant ilz ne sont pas en bon sens, ilz ne peuent vouer d'entrer en religion. (Sacr. mar., c.1477-1481, 52).

.

(Bon) sens naturel, sens de nature : Aprés je di que il est bien possible que aucuns ont bien gouverné senz avoir veüz telx livres, par ce que ilz avoient si bon sens naturel et si bonne prudence et si tresgrant desir au bien publique que ceste science estoit en leur cuer naturelment entee, nee et plantee. (ORESME, E.A., c.1370, 99). Il estoit petit homme de corpz, mais fort eloquent en .II. ou .III. langaiges et plain de vif sens naturel (MOLINET, Chron. D.J., t.1, 1474-1506, 414). Pardonne-moy, si mon sens de nature [,] Incapable [,] n'a scavoir d'ouverture [l. n'ouverture ?] Pour reciter ton vertueux empire. (RIVIÈRE, Nef folz D., 1497, 826).

-

Sans sens. "Insensé" : Aucuns en la parfin ont voulu blasmer saint Pol de ce qu'il diffamoit les autres en les appellant aucunes foys folz et sans sens (...), aucunes foys males bestes et menteurs (GERS., P. Paul, a.1394, 506).

-

Alienation de sens : Sans faille, on treuve bien aussy en la science de medecine que telles mutacions et telles alienacions de sens et de pensee se peuent souvent faire pour aucunes maladies. (EVR. CONTY, Harm. sphères H.P.-H., c.1400, 96).

-

Non sens. "Défaut de jugement" v. non-sens

Rem. Mal sens : H. Lewicka, Les Comp., 1968, 92.

-

(Estre) hors du sens, issir (hors) du sens, issir de son bon sens, perdre (son) sens, estre esgaré / estrangé de sens, estre ravi de son sens, estre fourvoyé de bon sens... "Devenir fou" : Je fusse yssu hors de mon sens, Se je feusse cy demourez. (Mir. enf. diable, c.1339, 23). Car s'elle ne m'eust secourue, Je feusse de mon sens yssue Aujourduy (Mir. enf. diable, c.1339, 24). Et quant elle sot la nouvelle, Qui ne li fu plaisant ne belle, Elle fu si desesperée, Si hors dou sens, si forcenée, Que deus enfans qui sien estoient, Pour ce que Jason ressambloient, Occist en despit de Jason, Puis mist le feu en sa maison. (MACH., J. R. Nav., 1349, 233). Doncques est cest lÿon de son cens forvoyés ? (Flor. Octav. L., t.1, c.1356, 370). Or ne est il nul qui ignorast toutes ces circonstances se il n'estoit hors du sens. (ORESME, E.A., c.1370, 181). Et ne prent pas Aristote fureur pour une maladie de laquelle un homme est dit furieus et hors du sens (ORESME, E.A.C., c.1370, 214). Aucune fois par teles choses il perdent sens et avis (ORESME, E.A.C., c.1370, 364). ...a l'exemple du piteux pere qui son enfant fol et hors du sens combien que le lie et bate, neantmoins tout est par amour et compassion (GERS., P. Paul, a.1394, 507). A pou que Daires n'ist du sens (CHR. PIZ., M.F., IV, 1400-1403, 48). Il n'est homme, s'il n'a le sens perdu, Qui de cecy trop ne se merveillast (NESSON, Lay guerre P.D., c.1424-1429, 60). Esgaré suis et de sens estrangé (HAUTEV., Compl. H., c.1441-1447, 64). ...je croy que vous [resvez], ou que vous estes hors du sens ; car vous savez bien que je n'en portay oncques la clef [du coffre], mais pend a vostre cincture avecques les vostres... (C.N.N., c.1456-1467, 383). A peine qu'il [l'official] ne saillit de son siege hors du sens, quand il regardoit son curé estre habillé en guise de mommeur. (C.N.N., c.1456-1467, 532). ...il sembloit mieulx hors de son sens que aultrement, tant sentoit grand doleur. (C.N.N., c.1456-1467, 535). ["fou de douleur"] ...[elle] alloit et venoit maintenant cy, maintenant la, tant estoit esmeue qu'il sembloit qu'elle fust ravye de son sens. (C.N.N., c.1456-1467, 572). Dyables, j'enracge maintenant. Maudit soit mon premier parent Qu'oncques fus en ce monde né. Je pers mon sens, non esperant D'estre jamaiz sain ne saulvé. (Pass. Auv., 1477, 217). ...au moïen de quoy [de la foudre] plusieurs moururent et autres yssirent de leur bon sens et fist plusieurs autres grans dommages. (SIMON DE PHARES, Astrol., c.1494-1498, f° 111 r°). LUCIFFER. Je meurs de dueil, je ne me puis tenir ; Hors du sens suis, pis c'un desmonÿacle ; Je ne sçay plus quel propos maintenir Se maintenant vous ne faictes miracle. (LA VIGNE, S.M., 1496, 369).

.

Avoir le sens dervé / mari / mis à l'envers : Quand Gaudisse l'entent, pres n'a le sens mary (Jourd. Blaye alex. M., a.1455, 250). [Autre ex. v.17073] Tel deul a en son cuer, prez n'a le sens dervé (Jourd. Blaye alex. M., a.1455, 319). [Autres ex. v.16515, 17526...] J'avoys le sens mis à l'envers. (Cuv. T., c.1475-1500, 76).

.

Le sens me trouble : Le sens me trouble, l'ame dans mon corps tremble. (HAUTEV., Compl. H., c.1441-1447, 66).

.

Subst. Un hors du sens. "Un forcené" : Du secont nous povons mettre exemple quant celluy contre qui l'en donne la sentence est tel que il ne puet pecher, conme un enffent ou un hors du sens, conme le Pape Innocent le Quart l'a noté... (Songe verg. S., t.2, 1378, 163). Et s'aucune fois ilz samblent rire ou jouer, c'est le ris et [le] chant des forsonnez et des hors du senz. Bien sont hors du senz voirement quant ilz se vont pendre et tuer perdurablement. (GERS., Pent., p.1389, 85). ...les aucuns pour l'empeschement du corps qui oste l'usaige de raison, soit a cause de aage comme es enfans, soit a cause de maladie comme es demoniaques et hors du sens, et soit par mauvaise complexion comme es folz de nature (GERS., Trin., 1402, 153). Le jalloux est au pié qui bruict Et crie comme ung hors du sens (Chans. XVe s. P., c.1430-1500, 43).

2.

"Habileté, intelligence pratique, savoir-faire, subtilité, à-propos" : De tout ce estoit mes patrons sages, Si qu'il m'avoit de maint peril Gettee, par son sens soubtil, De celle grant mer occeane (CHR. PIZ., M.F., I, 1400-1403, 41). ...par sa force et sens, Fu Auffrique prise en tous sens. (CHR. PIZ., M.F., III, 1400-1403, 252). ...puis mainte terre vainqui, Par son grant sens plus que par armes. (CHR. PIZ., M.F., IV, 1400-1403, 74). ...car y avoit des soubtils engins qui contrepensoient et qui le plus dur du noeud pensoient bien à rompre par sens, entre lesquels celuy de Lannoy, gouverneur de Hollande, et qui cognoissoit pays et les natures des hommes. Iceluy soubtilla fort en ceste matière (CHASTELL., Chron. K., t.3, c.1456-1471, 102). ...le sens et le pouvoir des Brederode leur estoit grant reconfort en l'attente de ceste guerre (CHASTELL., Chron. K., t.3, c.1456-1471, 126).

-

Avoir le sens de qqc. "Avoir la pratique de qqc., le savoir-faire" : Orpheüs qui sa harpe avoit Et qui seur tous chanter savoit Et de tous genres de musique Avoit le sens et la pratique Et en fu plus souverein mestre Qu'homme né ne qui fust a nestre, Sa harpe acorda sans delay (MACH., C. ami, 1357, 82).

-

Faire qqc. au plus beau de son sens. "Faire qqc. au mieux de son savoir-faire" : ...il iroit à Hesdin devers luy, et là feroit et pratiqueroit ceste matière au plus beau de son sens, quoique la chose il la jugeast bien grande, pour cause des Croy qui la romproient (CHASTELL., Chron. K., t.4, c.1456-1471, 332).

-

Ne pas avoir le sens au bout du pied. "Ne pas manquer d'à-propos" : Et pour iceulx promps canoniers subtilz Qui n'avoient pas au bout du pié le sens, Patrons, pillotes, contremaistres puissans, Voilles a force, guydons et estendars (LA VIGNE, V.N., p.1495, 136).

-

Ne pas estre loin de son sens. "Savoir comment agir" : Et alors le duc qui n'estoit mie loings de son sens, mais prest en ce que devoit respondre, commença à dire : ... (CHASTELL., Chron. K., t.3, c.1456-1471, 345).

3.

"Sens moral, sagesse" : Dame, d'onneur, de sens et de mesure A plus en vous qu'en autre creature (MACH., J. R. Beh., c.1340, 92). Par les vertus des .VII. pucelles, Le sens et la prudence d'elles... (COURCY, Chem. vaill. D., 1406, 44). Comme le printemps donne la fleur, comme la fleur donne le fruit, et comme le fruit donne l'odeur, ainsin l'estude donne les meurs, et les meurs donnent le sens, et les sens donnent les honneurs (LA SALE, J.S., 1456, 76).

-

Mettre qqc. sur le sens de qqn. "S'en remettre à propos de qqc. à la sagesse de qqn" : ...si vostre plaisir portoit de vous joindre emprès luy, de mettre sur son sens toutes vos imaginations et querelles et vous donner bon temps, vous, de vous-mesme, par vostre vertu et maugré tous vos hayneux, viendriez au-dessus de tout (CHASTELL., Chron. K., t.4, c.1456-1471, 329).

4.

P. ext. "Faculté (en général), possibilité (d'agir)"

-

Avoir (le) sens de + inf. "Avoir la possibilité de" : Createur Souverain de tout, quant j'ay a tout advisé, je n'ay point le sens d'en sçavoir qui encoulper fors vous, car vous estes Souverain pardessus les loix, sy poués establir et rappeller. (Percef. IV, R., c.1450 [c.1340], 570). ...et les .iii. ne eurent sens si non deulx en fuir tant comme ilz peurent. (MIÉLOT, Mir. N.D. W., 1456, 53). La pouvre fille, revenue de paumoison (...) cessa la grand flotte de ses larmes, mais elle n'avoit encores force ne sens de respondre. (C.N.N., c.1456-1467, 133).

-

De tout sens. "Autant que possible" : ...mais iceluy, voyant le reculement de son père, la forte ennemie main aussi de ses contraires, tendans à sa désertion, différa son venir en court, et recula de tout sens tant et si longuement que pouvoit (CHASTELL., Chron. K., t.3, c.1456-1471, 457). Sy se fonda le père fermement sur ces mots et de tous sens laboura pour deffendre son fils. (CHASTELL., Chron. K., t.3, c.1456-1471, 458).

B. -

[Comme acte, comme attitude]

1.

"Jugement, avis" : Ne fais rien seulement de toi Sans l'autrui sens, je t'en castoi. (FROISS., Dits Débats F., 1363-1393, 103). Je n'osai parler plus avant, Car aultres sens me vint devant, Qui me fit taire et arester. (FROISS., Pris. am. F., 1372-1373, 52). On dist communement qu'il n'est sens ne adviz que d'homme oyseux, quant il est bien applicqué. (BUEIL, I, 1461-1466, 77).

-

Au plur. : ...et s'ils y font doubte, ilz vont aux sens et au conseil aux eschevins d'Arras, ausquelz ilz exposent le cas qui s'offre et en demandent leur examen (Hist. dr. munic. E., t.1, 1406,,, 570). Audit maistre Thierry, (...) monseigneur le duc Phelippe (...), confians plainement de ses sens, loyaulté et bonne diligence, a retenu en son conseillier, et avec ce pour la bonne et grant experience qu'il a ou fait desdictes chartres, il l'a fait et ordonné garde d'icelles chartres et de tous autres privileges, lettres et escriptures touchans son pays de Flandres et autres qui sont et seront mises en ses tresoreries ordonnees en icellui pays (Comptes Etat bourg. M.F., t.3, 1418-1420, 515).

-

"Jugement divin" : Qui pourroit comprendre les sens de nostre Seigneur, sa justice et sa misericorde ? (GERS., Trin., 1402, 164). [Trad. du lat. sensum Domini, cf. éd., 142.]

-

Selon mon sens. "A mon avis" : Je diroye, selon mon sens, Que vous honteux estre en devriez. (Dit prunier B., c.1330-1350, 47).

-

Sens de maistre. "Avis d'une juridiction supérieure" : [Dans un procès que l'on ne parvient pas à trancher] ...et demanderent li homme sens de maistire [var. de maistre] (Doc. 1400-1500. In : N. Dupire, Z. rom. Philol. 60, 1940, 285).

Rem. Synon. chef de sens, cf. F. Lot, R. Fawtier, Hist. des instit. fr. au Moy. Âge, t.1, 1957, 414.

-

Macher du sens. "Émettre son avis de manière péremptoire, faire l'important" : Tel et tel si mache du sans : On donne a leurs femmes tissuz, Et en sont aussi innocens Que Judas de la mort Jesus. (COQUILL., Oeuvres F., 1478-p.1494, 330). Et disna la, tout a loisir, Machant le sens, trenchant du sage (Repues franches K.V., c.1480, 118).

.

Un mache sens. "Personnage qui livre son avis de manière péremptoire, qui cherche à en faire accroire" : Il y a des oppinions Bien diverses dessus ce cas, De procureurs et d'advocatz, De docteurs et gros mache sens (COQUILL., Oeuvres F., 1478-p.1494, 63).

2.

"Compréhension de qqc."

-

Devant son sens. "Avant même de comprendre" : Cuides tu qu'on tiegne a eür Celi qui emprent (...) Un tres grant fet devant son sens ? (FROISS., Dits Débats F., 1363-1393, 107).

-

En grant sens. "Par mûre réflexion" : ...[le] duc (...) en maints et divers ploys tournoit et viroit ceste venue et l'estimoit de grant pois et bien digne d'estre digérée en grans sens (CHASTELL., Chron. K., t.3, c.1456-1471, 193).

3.

"Attitude sensée, sage" : Comme le printemps donne la fleur, comme la fleur donne le fruit, et comme le fruit donne l'odeur, ainsin l'estude donne les meurs, et les meurs donnent le sens, et les sens donnent les honneurs (LA SALE, J.S., 1456, 76).

-

Faire (grand) sens. "Agir raisonnablement" : Je ne feroie mie sens Se je m'en faisoie prier : Car j'ay de reposer mestier (Mir. femme roy Port., c.1342, 156). L'ERMITE. Vous servirez, sy ferez sens, Celle sainte vierge royne (Mir. femme roy Port., c.1342, 201). SAINT JEHAN. (...) Allons compter ceste aventure A noz freres, je m'y consens. SAINT PIERRE. Je pense que nous ferons sens, Car de le querir cy entour Il n'y fault ja faire retour : Ce seroit abus a nous deux. (GRÉBAN, Pass. J., c.1450, 391). Et me dist que tout le plus grant sens que je pourroye faire, c'estoit de cremir et amer sus toute rien mon Dieu Souverain et de moy garder de l'offensser. (Percef. III, R., t.2, c.1450 [c.1340], 119). ...pour celui temps se sambloit vouloir tenir roide aucunement sur les alliances que avoit prises avec le conte du Maine et ailleurs, dont ne faisoit sens (CHASTELL., Chron. K., t.3, c.1456-1471, 344).

-

[D'une attitude] Estre sens. "Être sage, raisonnable" : Et vraiement, je croy que ce soit sens. (MACH., J. R. Beh., c.1340, 99). ...je vous conseil pour bien, M'amie, se vous savez rien Qu'aiez meffait encontre li, Que vous li en criez merci : Ce sera sens. (Mir. nat. N.S.J.C., c.1343, 216). Ce n'est pas sens d'aler caroler et tresquier, Mais ch'est sens de l'issir, c'on ne le puist moquier. (Bât. Bouillon C., c.1350, 337). Ce n'est pas sens le monde trop amer (MESCHIN., Lun. princes M.-G., c.1461-1465, 1). Cy vins, dont se ne fut point cens A my de le venir querir. (Pasté T., c.1475-1500, 206). Ce n'est pas sens soy eslever, en son estat doit reposer. (COLART MANS., Dial. créat. R., 1482, 170).

-

[A propos d'une attitude jugée insensée] Quel sens ? : De grant malice estes remply, Juïfz, maleureuses gens ! Tüer le mort, fraper celluy Qui est tout mort ! Helas ! Quel sens ? (Pass. Auv., 1477, 232).

-

Propre sens. "Attitude de celui qui n'a en vue que lui-même, qui s'obstine dans ses convictions ; obstination" : Ce puet tres bien apparoir par l'exposicion du dyamant pris pour la sinagoge des Juifz, car des .IIIJ. faces de cestui dyamant en la prumiere reluisoit fort grant orgueil et propre sens, en la seconde face reluisoit ostinacion et toute durté de cuer, en la tierce face reluisoit avarice et convoitise, et en la quarte simulacion et ypocrisie. (MÉZIÈRES, Vertu sacr. mar. W., c.1384-1389, 111). ...l'orgueil et obstinacion d'aucuns particuliers des grans juges, qui jamais ne recognoystroyent leurs deffaultes, et que pis est ilz sont de propre sens, et comme dit saint Jeroisme des prestres et clercs de la foy crestienne, qui cuident estre plus saiges que les autres et sont incorrigibles, plus leur moustre on leurs faultes et plus sont obstinez (MÉZIÈRES, Songe vieil pèl. C., t.1, c.1386-1389, 504-505).

Rem. Cf. l'all. Eigensinn, du m. h. all. eigensinnec.

C. -

[Comme contenu de compréhension] "Signification, interprétation" : ...et ainsi appert tout le sens et la sentence de l'a[phorisme] (SAINT-GILLE, Comment. A.Y. L., 1362-1365, 380). Les gouverneurs des citéz, par le sens de quoy traicte ceste science[,] deveent aucuns arts, les autres souffrent (ORESME, E.A.C., c.1370, 105). ...des equivocacions qui ont pluseurs sens et entendemens divers (FOUL., Policrat. B., II, 1372, 155). ...si demanda tres diligenment a tresgrant instance que un autre homme li exposast une chose doubteuse et li desclarast le sens de celle chose si comme il le pouoit et savoit bien (FOUL., Policrat. B., II, 1372, 156). ...il doit du tout entendre et prester son sens et son entendement sousmettre au parfait et entier sens de la loy. (FOUL., Policrat., IV, 1372, 68). En celle saule tu troveras le mirour de Sainte Escripture, ouquel tu pourras voir ta face et congnoistre quelle elle est ou quelle fut, et par ainsy tu congnoistras quy tu es. Mais tenir droit tu dois ce mirour, sans le decliner a parvers sens ou malvaiz entendement, car il te ferait la face tortuse et vitupereuse. (CRAP., Cur Deus, De arrha B.H., c.1450-1460, 284). [Pourrait être mis aussi sous III, en emploi métaph.] ...combien qu'elle [cette proposition] soit une et pareille selon la matere et forme, toutevoies elle est aultre et aultre selon le sens, selon que cest adverbe "quod", qui est une diction determinative, c'est a dire restraintive, determine le mot mis au subject ou au predicat. (Somme abr., c.1477-1481, 169). Se dont aiant regard a Dieu, ce mot ou diction "necessaire" determine le mot du subject, adont l'oration comme bien et deuement ordonnee est, comme il apartient et est en sens compost et vraie. (Somme abr., c.1477-1481, 169). ...ladicte proposition est divisee, c'est a dire de sens divis, et est faulse. (Somme abr., c.1477-1481, 169). SAINCT MARTIN [au second prestre]. Jamais ne querray la deffaicte De ce que vous m'avez appris, Ne en moy ne sera forfaicte L'or de si tresexcellent pris, Car j'en ay totallement pris Au mieulx que j'ay peu la substance, Et le sens de si prés compris Qu'a aultre chose je ne pence. (LA VIGNE, S.M., 1496, 154).

-

Tirer au sens. "Devenir signifiant, venir à l'essentiel" : ...et tantost après se trouvèrent ensamble là où leurs paroles commencèrent petit à petit à tirer au sens (CHASTELL., Chron. K., t.3, c.1456-1471, 211).

-

Prov. : On dist que sens cachié [corr. de sanc crachié, d'après une var. sens repus] ne vault pas ung bouton. (Flor. Octav. L., t.1, c.1356, 61).

Rem. Sur la confusion sens / sang, cf. R. Ling. rom. 46, 1982, 43 (K. Baldinger).

III. -

[Francique sinno-]

A. -

"Direction, côté d'un corps ou d'une chose"

-

En un sens / en tous sens : Et corps est divisible de toutes pars ou en touz senz, et a touz léz ou selon toutes dimensions et mesures, car des magnitudes, celle qui est divisible en un sens ou selonc une dimension, ce est ligne (ORESME, C.M., c.1377, 46). ...pour 5 poultres, chacune de 4 toises de long et d'un pié et un quart de fourniture en tous sens, lesquelles servent, c'est assavoir, l'une à faire le patin dessus dit, et deux des autres servent à faire les deux pieux de ladite palée, à faire les deux liernes qui sont en icelle palée d'un costé et d'autre, lesquelles deux poultres ont estés refendues de leur long à trait de fer, pour faire lesdites liernes (Comptes Paris V.L.D., t.1, 1449-1450, 675). ...pour le menaige et chargeaige d'un cent et un quarteron de solives chacune de 2 toises de long, d'un espan de fourniture en un sens et demy pié... (Comptes Paris V.L.D., t.1, 1449-1450, 676). Et si y a une belle abbaye Spacïeuse en tous sens, longue et large. (LA VIGNE, V.N., p.1495, 194).

B. -

Au fig. "Moyen, façon, manière" : Nous t'avons quis trois jours par foy De lieu en lieu, chiez noz parens. Nous ne savions mais par quel sens Nouvelles de toy eussions. (Mir. nat. N.S.J.C., c.1343, 241).

-

A tous sens / en tous sens. "De toutes les manières" : ...nullement puet estre amenuisé ne acreu et en tous sens demeure pardurablement infeni fors que par devers la sapience infinie de Dieu. (FOUL., Policrat. B., II, 1372, 170). Le roy à son début, qui veoit et considéroit à qui il pouvoit avoir à faire, si la guerre alloit avant, se pourvit et se fortifia à tous sens, et mit tous ses engins en oeuvre et tous ses entendemens en employ (CHASTELL., Chron. K., t.5, c.1456-1471, 384).

-

De nul sens / par nul sens. "D'aucune manière, d'aucune sorte" : ...si a beau crier, il n'est ame de nulz sens qui le puist oyr (C.N.N., c.1456-1467, 186). ...à quoi toutevoies les dessusdits, et souverainement ceux de Brederode, par nul sens ne vouloient condescendre (CHASTELL., Chron. K., t.3, c.1456-1471, 107).

REM. Faut-il distinguer (comme le fait par exemple le TLF) deux mots sens, en isolant sous un sens² ce qui est mis ici sous III ? On a préféré une solution unitaire en considérant que, sous II, le mot sens porte indiscernablement en lui l'héritage du latin sensus et du francique sinno, et qu'ainsi l'unité de sensus sous-jacente à I et II et celle de sinno sous-jacente à II et III justifiaient que l'on se borne à une seule entrée, d'autant plus que l'idée d' "orientation" (la perception et le jugement "orientent" vers une certaine interprétation) est partout présente, le plus nettement sous III.