A. -

"Ouvrage permettant de franchir un cours d'eau, pont" : Et quant je vins seur le rivage, N'i vi pont, planche ne passage Par ou je peüsse passer. (MACH., D. Lyon, 1342, 163). Il passeroit, la teste armée, Tout outre pour un pont deffaire, Qu'est entre Alixandre et le Quaire, Sus une moult grosse riviere ; Si qu'il ordena sa baniere Qu'au pont droit tenist son chemin, Afin que si li Sarrazin Dou Quaire venissent acourre, Qu'il ne les peüssent secourre (MACH., P. Alex., p.1369, 91). Et l'ost Uriien se loga sur une petite riviere, et le landemain, par matin, se deslogierent et cheminerent tant qu'ilz vindrent devant midy a une moult belle praierie, sur une grosse riviere, et y avoit foison d'arbres. Et avoit ainsi comme a un demy quart de lieue, un grant pont ou il les convenoit passer. (ARRAS, c.1392-1393, 100). Et ly arbalestrier se mettent d'un costé et d'autre du pont (ARRAS, c.1392-1393, 101). La veissiez fier touilleiz ; mais en la fin Sarrasins perdirent le pont, et en chey pluseurs en la riviere. Lors passent crestiens le pont moult ysnellement, et lors commenca fiere la bataille, et y ot moult de mors et de navrez, et reculent ly Sarrasin, et perdent place grandement. Uriiens fait les chevaulx passer le pont (ARRAS, c.1392-1393, 102). ...icelles glaces et riviere de Seinne ont abatu ledit pont de boiz qui estoit en alant à Nostre Dame et partie des maisons adjacens, et aussi ont abatu, froissié, demoli et rué jus le pont de pierre dessusdit et bien de XX à XXX maisons qui estoient dessus (BAYE, I, 1400-1410, 213). ...le pont neuf de Saint Michel fu par lui commencié, aussi le Petit Pont. (CHR. PIZ., Paix W., 1412-1413, 157). ...et [Sertorius] ainssy passa francement par sur le pont qu'il avoit fait, car les anemis ne povoient par sups le feu passer pour assembler a lui. (LA SALE, Salade, c.1442-1444, 49). ...et, afin que homme vivant, autre que ceulx qu'il avoit ordonnez, ne le suivissent ne alassent après lui, fist tenir toutes les portes de Tours fermées depuis ladicte heure jusques à dix heures sonnées, et si fist rompre ung pont près dudit lieu de Tours par où il estoit passé, que homme n'y passast. (ROYE, Chron. scand., I, 1460-1483, 294). Et en la ville a grans ponts sur rivieres, Fortifïees de choses singulieres Et mesmement d'une grosse tour forte, Aboutissant tout joignant de la porte (LA VIGNE, V.N., p.1495, 247).

-

[Comme nom propre ou dans une dénomination] : ...lui qui parle et ledit Perrin Amiot prindrent à Petit-Pont, sur une boursiere qui fait bourses au lez devers le pont Neuf, une bourse de soye à boutons d'argent dorez (Reg. crim. Chât., I, 1389-1392, 81). ...lesquielz tous quatre ensamble alerent boire en la ville de Chandoisel, assez près du Pont Saint-Pierre (Reg. crim. Chât., I, 1389-1392, 134). ...dudit lieu de la Treille ilz alerent gesir en la ville du pont de Chalenton (Reg. crim. Chât., I, 1389-1392, 499). ...et [le duc Anthoine] fonda Yvvois et Saint Vy, et fist le pont de Maisieres sur Meuse, et si fist fonder Wart, et fist le chastel de Donchery sur Meuse et pluseurs forteresses (ARRAS, c.1392-1393, 195). Simonnet Allars, changeur sur le pont de Paris, a au jour d'uy receu en depost de par la Court (...) la somme de deux mil libvres tournois au proufit du duc de Bretaigne. (BAYE, I, 1400-1410, 315). ...la bastide que tenoient Guillaume Glasdal et autres capitaines et gens d'armes anglois de par le Roy, avec la tour de l'yssue du pont d'Orleans par delà Loyre (FAUQ., II, 1421-1430, 307). Et, ce fait, s'en vint jusques en l'eglise de Paris, où il y fut receu par le prelat d'icelle moult honnorablement. Et, après son oroison faicte, s'en revint au long du pont Nostre-Dame, et trouva à l'entrée de Marché Palu cinquante torches alumées qui le conduisoient autour dudit poile. (ROYE, Chron. scand., II, 1460-1483, 28). Et les glaces firent de grans dommaiges, car ilz rompirent et emporterent grant quantité de basteaulx, dont partie s'en alerent frapper contre les ponts Nostre-Dame, Sainct-Michel, d'icelle ville de Paris (ROYE, Chron. scand., II, 1460-1483, 104).

.

Pont aux Changes. "Pont de Paris, entre l'île de la Cité et la rive droite de la Seine" : Et, contre la porte de Chastellet, y avoit de moult beaulx personnages. Et, oultre ledit Chastellet, sur le pont aux Changes, y avoit autres personnages et estoit tout tendu par dessus. (ROYE, Chron. scand., I, 1460-1483, 29).

.

Pont-Neuf : Item, avec ce, avoir prins puis ledit temps en l'ostel Jehan Prevostel, chaussier, demourant sur le Pont-Neuf, et ouquel hostel il ouvroit lors, unes vieilles chausses vermeilles (Reg. crim. Chât., II, 1389-1392, 468).

.

Pont de l'Arche : Et, le lundi tiers jour de fevrier, ung nommé Gauvain Mauviel, qui estoit lieutenant general du bailli de Rouen, fut prins en ladicte ville et mené prisonnier au Pont de l'Arche, et là, par le prevost des mareschaulx, dessus le pont dudit lieu fut drecié ung eschaffault, dessus lequel ledit Gauvain fut decapité pour aucuns cas de crime à lui imposez, et dessus ledit pont fut sa teste mise au bout d'une lance et son corps gecté en la riviere de Seine. (ROYE, Chron. scand., I, 1460-1483, 154).

-

"Construction destinée à servir de pont" : ...et porteroient les pons à mettre par dessus les fossés que avoient fais les dessusdiz Anglois autour de leurs logis (MONSTRELET, Chron. D.-A., t.5, c.1444-1453, 421).

.

Pont de cordes : Et avoient fait lesdiz Anglois ung pont de cordes, par lequel ilz passèrent tout leur charroy et aultres baghes et aultres habillemens de guerre. (MONSTRELET, Chron. D.-A., t.6, c.1444-1453, 15).

-

Battre qqn comme asne à pont. V. asne

B. -

En partic.

1.

MAR. [Calque du néerl. koebrug] Pont de vache. "Sorte de passerelle ; pont reliant les superstructures d'un navire de l'avant à l'arrière" : ...la somme de 16 ú dudit pris pour du commandement de mondit seigneur (...) avoir fait faire ung pont de vaiche sur le cracon de Berthelmi Suarst, venicien (Comptes argentier Ch. le Téméraire B.F.L., t.3/2, 1470, 624). Et primes, pour avoir fait faire ung pont de vaiche sur ledit cracquon de Berthelmi Suarst estant en ladicte armee, venant icellui pont du chastel derriere jusques au chastel devant, servant pour les gens de guerre que monseigneur a mis oudit cracquon estre convenablement a deffence et pour aidier a secourir l'un l'autre (Comptes argentier Ch. le Téméraire B.F.L., t.3/2, 1470, 956).

Rem. Motivation inconnue de cette désignation, dont l'équivalent existe en danois et en allemand.

2.

"Pont-levis" : Or advint une journee que Sarrasins vindrent escarmouchier par un matin, et ceulx de la ville avalerent le pont et ouvrirent portes et barrieres, et yssi le roy tous armez a belle compaignie, et firent grant occision de payens et les rebouterent jusques aux logés. (ARRAS, c.1392-1393, 180). Lors furent Bahaignons moult doulens et rentrent en la cité et lievent le pont et ferment la porte. (ARRAS, c.1392-1393, 180). Et Clarembaut, qui cuida que ce feussent amis, fist abaissier le pont, et ouvry la porte, et vint, lui XIJe, tous armez, sur le pont. Et l'escuier et sa route, quant ilz voient le pont abatu et la porte ouverte, si se traient le chemin le plus prez qu'ils porent. (ARRAS, c.1392-1393, 203). ... tant s'approucha l'escuier de Clerembaut par belles paroles, qu'il se vit prez du pont. Lors escrie a sa gent : Avant, seigneurs ! La forteresse est gaignie. Et quant Clerembaut ouy ce mot, si cuida reculer pour lever le pont, mais lui XXe se ferirent si roiddement par my lui et ses gens que tout tumba par terre, et entrerent en la porte, et mirent tantost deux lances es chanaux de la porte colleisse. (ARRAS, c.1392-1393, 203). Ouvrez la porte. Et ceulx si firent. Et il passe le pont et vint dedens, et vint descendre ou lieu ou il avoit acoustumé de descendre, avant ce qu'il se apperceust qu'il eust perdu sa forteresse. (ARRAS, c.1392-1393, 204). ...a la porte, qu'il trouva close et le pont haulcié (LA SALE, J.S. E., 1456, 401). Et après ce, menerent laditte sentine dessoubz le pont de la basse court, où il se tindrent ung peu de temps jusquez ad ce [que] ledit de Harmes ouvrist la fenestre (qui estoit la troisiesme foys) et regarda en bas et les vit. (LE CLERC, Interp. Roye, c.1502, 173). Et tantost ledit Vigier cuida prandre la chaine des ponts du chasteau pour cuider entrer dedans ; mais le pont fut incontinant levé. (LE CLERC, Interp. Roye, c.1502, 191).

Rem. V. pont-levis.

C. -

P. anal. "Barre transversale de la garde de l'épée qui protège la main" : Ne passa le pont de l'espee Lancelos pour la bien amee Geneuvre, qui estoit roÿne, Qui tant s'amerent d'amour fine Que leur amour, dont ce fu perte, En fu sceüe et descouverte ? (MACH., Voir, 1364, 582). Et, mon tresdoulz cuer, vous savés comment Pyramus et Tysbé, que on avoit enfermé en divers lieus pour ce que il ne se veyssent, quirent voie par quoi il se peussent veoir ; comment Leandon passoit un bras de mer a no pour aler veoir sa dame, que autrement n'i pooit aler (...) ; et comment Lancelos passa le pont de l'espee ; et tout ce faisoient pour amour de leurs dames. (MACH., Voir, 1364, 594).

Rem. Forme enregistrée par le FEW sous ponum ("pommeau de l'épée"), FEW IX, 152a.

D. -

Au fig.

1.

"Moyen d'accès" : SAINT PIERRE. (...) Ma passïon sy est victoire ; C'est .I. pont pour saillir en gloire. Jhesu Crist m'atent, roy dez roys. (Mart. st Pierre st Paul R., c.1430-1440, 150).

2.

[Pour indiquer qu'une princesse de la maison de France, si elle ne peut succéder à la couronne de France en vertu de la loi salique, peut en revanche être le maillon, l'intermédiaire permettant à son fils d'y succéder] Faire pont et planche (à qqn) : ...[France à Angleterre :] ladicte dame Yzabel [fille de Philippe le Bel, épouse d'Édouard II d'Angleterre] (...) vouloit maintenir que son filz Edouart par le moyen d'elle avoit droit en moy, et qu'elle luy faisoit pont et planche, se que ne se peut faire, puisque elle en estoit deboutee et forclouse par le moien de ladicte coustume (JUV. URS., Aud. celi, 1435, 161). Tiercement, ilz [les parties adverses, les Anglais] vuellent dire que le dict Edouart [Édouard III d'Angleterre] estoit le plus prochain masle de la couronne [de France], et que la dicte Ysabel sa mere [fille de Philippe le Bel et épouse d'Édouard II d'Angleterre] luy faisoit pont et planche (JUV. URS., T. crest., c.1446, 16). Et s'ilz [les parties adverses] vuellent dire que femme fait pont et planche, le roy de Navarre Charles, ou Loys conte de Flandres, y feussent venuz [à la succession au royaume de France], et estoyent a preferer a la dicte Ysabeau, car ilz estoient filz ["descendants"] des roys [Charles, petit-fils du roi Louis X le Hutin par sa mère Jeanne, Louis, petit-fils du roi Philippe V le Long par sa mère Marguerite], et Ysabeau n'estoit que seur [des rois Louis X le Hutin, Philippe V le Long et Charles IV le Bel, tous quatre étant enfants de Philippe le Bel]. (JUV. URS., T. crest., c.1446, 19).
 

(Synon. de pont-levis) : ...deux caynes avecques plusieurs boiteaux, chevillez et liens au pont levant d'icelle bastille (Chron. Mt-St-Mich. L., t.1, Pièces div., 1418-1432, 164).
 

"Pont mobile permettant ou interdisant l'accès d'un château, d'une ville, pont-levis" : Et fu la tour bien fossoye et les fossez bien curez, et bonnes, fortes et haultes brayes ; et autour, dehors les fossez, bons murs ; et fu la tour bien gueurlandee, et y ot deux paire de bons fors pons leveiz. Et y ot basse court, forte et bien muree, bons fossez, fors portes et bon pont leveiz. Et furent les murs druz de bonnes tours. (ARRAS, c.1392-1393, 244-245). Atant se part Gieffroy, et puie la montaigne, et vint a la porte de la basse court, et la treuve ouverte, puis s'en va vers la tour qui moult estoit forte a merveilles. Gieffroy la regardoit moult, et forment lui plaisoit. Gieffroy appercoit les ponz leveiz qui furent levez, car le jayant dormoit. (ARRAS, c.1392-1393, 245). ...ilh avoit bonne eawe altour et bon pon leviche (HEMRICOURT, Guerres Awans B., c.1398, 15). ...auqun appert compagnon se missent en un batiel desus la riviere, et vinrent desous le pont et jetterent grans gros cros et havés de fier au dit pont leveis, et puis tirerent si fort que de force il rompirent les chainnes qui le pont portoient et tenoient, et l'avalerent jus par force. (FROISS., Chron. D., p.1400, 667). Car tout le lieu d'un costé panche, N'il n'y a pont levis, ne planche, Qui ne soit assis en crosliere (CHR. PIZ., M.F., I, 1400-1403, 60). Maistre Hebert Camus (...) a appellé et appelle de certain exploit fait contre lui par l'auctorité de messire J. de Bournonville (...) qui a fait abatre le pont leviz de son chastel de Suessons (BAYE, II, 1411-1417, 105). ...deux clefz emploié au wicquet de la porte devant le pont levisch dudit hostel (Comptes Etat bourg. M.F., t.3, 1418-1420, 5). ...deux clefz emploié au wicquet de la porte devant le pont levisch dudit hostel (Comptes Etat bourg. M.F., t.3, 1418-1420, 594). ...tantost démolirent le pont-levis dudit chastel devers les champs et leur tolèrent l'issue et l'estoupèrent de grans fossez, tellement que par là nul homme ne povoit entrer ne yssir (MONSTRELET, Chron. D.-A., t.2, c.1425-1440, 219). ...mais, à les bouter dedens, on n'y en mettoit que dix à une foiz, que on levoit le pont levis devers ladicte place, et les menoit on aux champs (ROYE, Chron. scand., I, 1460-1483, 126). ...faire faire foussez, murailles, tours, tournelles, garites, ponslevys et toutes manières de fortifficacions (Doc. Poitou G., t.12, 1478, 209). Gran pons levis, boulouars et lucarnes, Meurtrissoueres de haulteur succombees, Larges fossez a basses barbacanes (LA VIGNE, V.N., p.1495, 178).