A. -

"Manière de faire ou de se comporter, usage, habitude"

1.

[À propos d'une communauté, d'un peuple] : Et, douce dame, La coustume est partout, d'omme et de fame, Que, quant dou corps s'est departie l'ame Et li corps est en terre sous la lame, Qu'en petit d'eure Est oubliez, ja soit ce qu'on en pleure. (MACH., J. R. Beh., c.1340, 99). La seconde cause est que la coustume aus infernaus est telle que nul d'icheulz n'ose respondre en nulle court de nul cas sans la liberté et licence de nostre maistre Lucifer. (HENRI FERR., Modus et Ratio, Songe pest. T., c.1354-1377, 25). ...le gentil clerc monstra bien a madame la coustume des clercs qu'elle beaucop loa (C.N.N., c.1456-1467, 281). ...il fist, ainsi qu'on a de coustume en Picardie (...), charger son chariot de blé a mynuyt (C.N.N., c.1456-1467, 441). C'est grant pitié ! ung jeune homme, qui viendra en la guerre nouvellement, par faulte de savoir l'usance ou la coustume de la guerre, perdra son bien et son adventure ! (BUEIL, II, 1461-1466, 11). Or t'en va ! Tout t'est pardonné Pour la reverence de la feste De Pasques, ou coustume honneste Est es Juïfz que delivrer Je doiz pour eulx ung prisonier, Celluy que leur plait requerir. [Réf. à Matth. 27, 15] (Pass. Auv., 1477, 173). JEUNE AFFRICQUEE. Jouhan, comme un bon filz et sage, Regardez qu'il n'y ait deffault Dessus mon corps, ne bas ne hault, Affin que briefment on me voye, Autrement je me courceroye Se veoye une seulle plume Dessus moy, car c'est la coustume De noz nouvelles mariees, Si nous sommes cointes, parees, A droit avons nostre regard. (P. Jouh. D.R., a.1488, 18).

-

Selon leur rite et coutume : En somme il fault noter que les empeschemens cy dessus expliquiéz ont lieu quant ceulz qui doivent contraire mariage sont tous deux fideles et catholiques, et sont conjoints ensemble selon leur rit et coustume (Sacr. mar., c.1477-1481, 80).

-

Us et coutume : ...je vuell et ordenne que li personne qui ce feroit ou pourroit faire, n'ait riens de chose qui de par mi li peust venir ou eskoir par lais ni en autre maniere, anchois l'en prive du tout en tout, tant de droit comme de us et de coustume de pays. (Test. saint-quentinois D., 1352, 70). Et s'aucune personne (...) contredisoit ou empeschoit ce mien present testament (...) ou voloit maintenir que, par droit ou par us et coustume de pays, je ne peusse faire ou avoir fait les choses dessus dites en son prejudice (...) je voeill et ordenne que li personne (...) n'ait riens en aucuns de mes biens. (Test. saint-quentinois D., 1358, 105). Par loy, par us et par coustume. (MACH., P. Alex., p.1369, 18). ...deliverra et defendra toutes et chascune d'icelles a ses propres coux et despens, (...) envers tous et contre tous, de touz troubles et empeschemens quelxconques, toutes foiz et quantes que mestier sera et requis en sera, aux us et coustumes du païs (Chartes Abb. St-Magl. T.F., t.3, 1381, 513). ...à toutes autres choses quelsconques qui tant de fait comme de droit de us, stille ou coutume aidier et valoir lui pourroient à dire, faire ou venir contre ces lettres (Canarien,, Pièces justificatives C., 1395, 390). ...et seront bailliez et delivrez [les boeufs] ausdis marchans à bonne caucion bourgeoise, et seront vendus par vendeurs jurez ou marchié de Paris et non ailleurs, selon les us et coustumes dudit marchié. (FAUQ., II, 1421-1430, 54).

-

Pieuses coutumes : Item je doins et laix a mon curié d'Uhanne, por m'amone et toutes autres pidouses costumes, sexangte solz d'estevenans, hun bichet de fromant et hun muy de vin a la mesure de Monmertin. (Test. Besanç. R., t.1, 1335, 342).

-

À la coutume./Selon la coutume : Tanaquil fut meu alegre de cest prodige et de ceste merveille celestial, comme femme qui mot savoit de la science d'augurement et deviner selonc la coustume des Etrusquez, dezquels elle estoit nee. (BERS., I, 1, c.1354-1359, 34.9, 60). ...ses parens et Jhesus montérent ou temple en Jherusalem selon la coustume du jour de la feste (Mir. Theod., 1357, 80). L'obseque fu fais et fu enseveliz moult honnourablement en l'eglise de Nostre Dame de Poictiers, selon la coustume du temps. (ARRAS, c.1392-1393, 29). Et cilz prennent congié de leur pere et de leur mere et entrerent en leur vaissel, et furent les ancres tirez et le voile levé. Et firent les patrons leur recommandacion a Dieu, selon leur coustume, que Dieux leur laissast faire bon voyage, et puis s'empaingnent en la mer (ARRAS, c.1392-1393, 88). L'EVESQUE, espousant Griseldis au marquis selon la coustume du païs (Gris., 1395, 41). ...si a fait le serment acoustumé ledit d'Avaugour, et s'en est constitué plege selon la coustume de Bretaigne messire Alain de la Mote, chevalier. (BAYE, I, 1400-1410, 209). ...s'en estoit allé ledit conte (...) en Zeellande tenir la Vierscare - qui vault autant comme ung parlement a la coustume du pays -, que nul ne peut tenir que le prince en sa personne ou son filz aisné. (CHASTELL., Chron. IV, D., c.1461-1472, 129).

-

À la coutume de (qqn / qqc.) : ...Jusqu'à heure de desjuner, Qui vault desjuner et disner A la coustume des ouvriers. (JACQUES BRUYANT, Voie pauvreté richesse P., 1342, 38). Quant l'Aubigeant l'ouÿt, il se commença à seigner à la coustume de la loy de Mahommet en disant : "Mahom ! Quel fier Doolin vecy !..." (Doolin de Mayence V, P., a.1500, 125).

-

Estre de coutume (de/que) : En un villaige est alé, La ou le diner fut tout prest, Si n'y fera pas lonc arrest, Car en la court est de coustume, (...) Que, quant le roy est en deduit, (...) On fait au soir le grant soupper Et au matin petit diner (LA BUIGNE, Rom. deduis B., 1359-1377, 439). Tantost qu'il eut mis pié a terre, comme il est de coustume aus dictes marches, son hostesse luy vint au devant (C.N.N., c.1456-1467, 431). ...comme il est de coustume de mectre en toutes lettres de saufconduit : Reservé tout vray habillement de guerre, l'Anglois note sur ces motz (C.N.N., c.1456-1467, 55). Or est il de coustume que l'espousé et l'espousée se confessent a tel jour. (C.N.N., c.1456-1467, 298). Le roy s'en alla à son retraict ; et tous s'en allerent au menger, chascun chieux soy, comme il est de coustume, et les ungs avecques les autres. (BUEIL, I, 1461-1466, 174).

.

Il est coutume que : Or estoit coustume, se dedens un terme qui estoit, ne venoit un qui voulsist estre hermite et demourer ou lieu, il convenoit que le plus prouchain d'embas venist demourer ou lieu, et cellui de dessoubz ou sien (ARRAS, c.1392-1393, 272).

-

Maintenir la coutume. "Garder la tradition" : Trop long temps vous voy sommeillier, Mon cueur, en dueil et desplaisir ; (...) Alons au bois le may cueillir, Pour la coustume maintenir. (CH. D'ORLÉANS, Ball. C., c.1415-1457, 70). Et si savez qu'en ma maison Une coustume se maintient, C'est assavoir que qui se tient Pour serviteur de mon hostel, Maintesfoiz souffrir luy convient : L'usaige de mes gens est tel. (CH. D'ORLÉANS, Compl. C., 1433-p.1451, 283).

-

Loc. verb. L'avoir de coutume. "S'être habitué" : Les hommes respondirent que, l'andemain de Noël, il faisoient une feste qu'il appelloient la bachelerie et disoient que ainsi l'avoient de coustume (Cout. bourg. glosé P.M., c.1380-1400, 226). Premièrement, il [le Roy] vous deffent que ne faciez riens à l'entreprise de vostre ennemy. Aprez il vuelt que vous chevauchez tousjours en ordonnance, quelque part que vous alliez, soit en paix, soit en guerre, pour duire voz gens à estre tousjours prestz. Car, quant ils l'auront de coustume, quant le besoing y viendra, ne vous ne eulx, ne traveillerez point à le faire. (BUEIL, II, 1461-1466, 32).

-

Loc. prov. Selon les pays, les coutumes : Sire, selonc les paÿs les coustumez ! Maintenant estes en Grece, et pour ce selon la maniere et coustume de Grece vous convient faire la feste. (Hist. seign. Gavre S., c.1456, 137).

-

En partic. "Épreuve coutumière, rituelle" : ...il respondy : Je demande l'adventure et la coustume de ce chastel. Et ly preudoms lui respond : Vous soiez ly tres bien venuz, et venez aprez moy, et je vous menray ou vous trouverez l'adventure. (ARRAS, c.1392-1393, 303). Lors lui demande qu'il queroit ; Ly roys respont qu'il demandoit La coustume du noble lieu. Cilz respont : "Venez, de par Dieu. Je vous menray grant aleüre Ou vous trouverés l'aventure." (COUDRETTE, Mélus. R., c.1401-1402, 303).

2.

[À propos d'une pers., d'un individu] : En grec "ethos" c'est meur ou coustume, et "ethica" c'est vertu moral. (ORESME, E.A.C., c.1370, 146). ...Mais avoit coustume et maniére Que touz jours estoit en priére (Mir. st Alexis, 1382, 361). ...selon la simplece de mes sens non encore du tout parcreus m'informoye ades des coustumes manieres et condicions de la ditte dame. (CHR. PIZ., Avision T., 1405, 76). Je cognois bien mon mary, dit elle ; ce n'est pas sa coustume de soy enclorre si tard (C.N.N., c.1456-1467, 28). Par l'ordonnance de sa dame, il print regle et coustume de la venir visiter a toutes les foiz qu'il sentoit le mary estre absent (C.N.N., c.1456-1467, 441). Et sa coustume est telle que jamais il ne delibere chose, que grandement et meurement elle ne soit debatue, avant que la conclurre... (BUEIL, I, 1461-1466, 175). Et, à la vérité, il n'eust point failly à ceste tierce ouverture, car ledict duc avoit une coustume que, aussi tost qu'il estoit descendu de cheval au lieu où il venoit pour loger, il ostoit le menu harnoys et retenoit le corps de la cuyrasse et se montoit sur ung petit cheval, huyt ou dix archiers à pied avec luy seulement. (COMM., II, 1489-1491, 142). Athabary fut, selon aucuns, environ ce temps souffisant astrologien et sa coustume estoit, chacun an, de prenostiquer sur le pris des choses par la revolucion de l'an (SIMON DE PHARES, Astrol., c.1494-1498, f° 48 v°).

-

En partic. [souvent p. rapport à la santé] "Mode de vie" : ...car cecy nous faut il mesurer selon la vertu du malade ; avec ce nous convient il regarder le temps de l'an, la region, l'aage du malade, et la coustume. (SAINT-GILLE, A.Y., 1362-1365, 56). Maiz, s'aucun homme avoit amors à baignier et laver son corps, Continuer le peut et doit, Car mains beaucop qu'il ne souloit, Car maintes foiz il est mestier à coustume satisfier. (LA HAYE, P. peste, 1426, 86). Et, s'aucuns de noz Anciens, Qui furent bon Phisiciens, Aient défendu la béverie De vin en temps d'épidémie, Ilz le firent, com l'en présume, Pour ceulx qui n'orent pas coustume De le boire communelment (LA HAYE, P. peste, 1426, 99). Et jaçoice que la digestive soit fortifiee de nuyt, toutesfois la fortification ne souffit pas pour digerer grandes replections de viandes et les humeurs suparflues. En oultre est a noter que en prenant grande quantité ou petite de viande au disner ou souper, toute coustume doit estre conservee, car coustume est chose tresgrande et merveillieuse pour conserver la santé et pour maladies curer (Rég. santé corps C., 1480, 13).

-

Plus que par coutume. "Plus que d'ordinaire" : Sy advint un jour qu'(...)il fit une partie à la paume, et de fait joua une bonne espasce de temps de bon hait, soy donnant largement traveil et plus qu'à luy ne séoit, car s'eschauffa plus que par coustume. (CHASTELL., Chron. K., t.3, c.1456-1471, 442).

3.

"Habitudes"

-

"Habitudes, comportement" : Et aprés ce que j'auray vehues et considerees les coustumes et les meurs du Pape et samblablement de ses freres cardinaulx... (PREMIERFAIT, Décaméron D., 1414, 56). ...car Amours a mis vostre cueur en tiel lieu qu'il ne le povoit mieulx loger, pour ce vrayment qu'elle [la dame] vault trop et en couraige, en beaulté, en coustume, en doulceur et en gracieuseté, en honneur et en noblesse. (BEAUVAU, Troyle, c.1455. In : Chrestom. R., 92).

-

Noble coutume. "Bonne éducation, bonnes manières" : ...pour le grant et noble lignayge dont il vient, pour les bonnes et nobles coustumes et vaillances qui sont en luy (GAST. PHÉBUS, Livre chasse T., 1387-1389, 291). Administracion de nourreture et estat lui fut baillié si nottablement comme droit et noble coustume requiert à telz royaulx enfens (CHR. PIZ., Faits meurs Ch. V, S., I, 1404, 15).

-

Male coutume./Mauvaise coutume : Grant dommaiges est que Berinus li enfes avoit enchargié si mauvaise coustume par le mauvais chastiement du pere et de la mere. (Bérinus, I, c.1350-1370, 9). Et as uns adviennent les concupiscences dessus dites de leur mauvaise nature, et as autres par mauvaise coustume que il ont aprise en enfance. (ORESME, E.A., c.1370, 381). ...et cheent les peux en l'environ de la plaie ou vulnere, et qui sont avec de malle coustume ou de malles meurs, telles plaies ou vulneres sont fraudulentes decepvans et malvaises. (SAINT-GILLE, Comment. A.Y. L., 1362-1365, 156). ...non obstant que pour sa viellece et noureture delicieuse et male coustume ja convertie en meurs, pour sa fragilité ausi, tepidité et negligence, il n'ait pas fait telle penitance come ses grans pechiés le requeroient (MÉZIÈRES, Test. G., 1392, 320). Et se la coustume est mauvaise tu pues dire ainsi : se il a mespris on lui doit pardonner, car mauvaise coustume lui a fait ce pechié faire, et par usage il est a mal enclin. (LEGRAND, Archil. Sophie B., c.1400, 99). Et pour lesdis cas plusieurs en furent batus au cul de la charette, pour leurs jeunes aages et premier mefait, et les aultres, pour leur mauvaise coutume et perseverence, furent penduz et estranglez au gibet de Paris, nommé Montigny (ROYE, Chron. scand., I, 1460-1483, 4).

-

Dire de / par coutume : ...comme l'en dist par coustume, haste ou besoing fait la vielle troter (Comte Artois S., c.1453-1467, 82). ...car on dist de coustume : "tel maistre, tel varlet ; selon seigneur, maisnye duitte", car se le maistre estoit mauvays, pareillement le furent les serviteurs qui la dame avoyent a conduire. (Flor. Octav., a.1454. In : Chrestom. R., 144). ...on dit de coustume : A la tierce foiz va la luycte. (C.N.N., c.1456-1467, 102).

-

De coutume./Par coutume./Pour coutume : Je leur sui phisicienne et garde ; De tous maus les deffen et garde ; Il m'aourent ; je les honneure ; Il me prient, et je demeure ; Je sui leur ressort, leur recours Par coustume et par entrecours (MACH., R. Fort., c.1341, 79). ...et toute inclinacion naturele ou acquise par coustume est plus tenant que opinion. (ORESME, E.A.C., c.1370, 340). Du premier mès, nul à lui ne parloit ; foison de volille par coustume mengoit, les elles et les cuisses tant seulement mengoit, et guaires aussi ne buvoit. (FROISS., Chron. M., XII, c.1375-1400, 78). ...les Escos faisoient par coustume si grans feus, et tant, et si grant bruit de juper et de corner, que ce pooit estre une mervelle. (FROISS., Chron. D., p.1400, 145). ...le nouveau maryé n'eust pas dit ung mot pour cent francs, dont ceulx de dehors ne savoient que penser, car il n'estoit pas muet de coustume (C.N.N., c.1456-1467, 198). ...son mary passe par devant l'ostel au cordoennier avec ung aultre son voisin qui alloit de coustume a la taverne. (C.N.N., c.1456-1467, 528). Pour aussy vray qu'euvangile, je vous dy que quant un jone homme pucel espouse une fille pucelle, le premier enfant qu'ilz ont est par coustume fol. (Ev. Quen., I, c.1466-1474, 85). Nous avons anticipé l'eure Que les bestes de se pays Pour coustume font leur logis Aux champs, es vignhes ou es boys. (Pass. Auv., 1477, 141).

-

Outre coutume. "De façon inhabituelle" : Fortune, sanz merite attendre, Oultre coustume la voult rendre D'autres pluseurs assez meilleure ; Plus [qu'en] moult d'autres en toute heure Y mist assez honeur, richesse, Puissance, valeur et noblesse. (LE FÈVRE, Vieille, trad. De vetula H., a.1376, 203). Adonc n'attendi pas grant pause Et m'eslargi oultre coustume, Car sanz dons ne vault une plume. (LE FÈVRE, Vieille, trad. De vetula H., a.1376, 225).

-

Avoir coutume que./Avoir coutume à faire qqc. : Sire roys, mes peres (...) avoit coustume qu'il aloit tous les matins en la forest qui joint a la forteresse, disant ses heures tous seulz. (ARRAS, c.1392-1393, 58). Il a coustume a fort ferir Et a grans labeurs soustenir. (LA BUIGNE, Rom. deduis B., 1359-1377, 366).

-

Avoir coutume et usage de + inf. : Par ce point me pris a servir, Nom pas de mon corps asservir En subjection de servage, Mais d'avoir coustume et usage De savoir la gent honnourer... (MACH., D. Aler., a.1349, 319).

-

Avoir à / de coutume que + subj. : Mais elle m'a, sans nul aligement, En desirant fait trop lonc temps languir Pour ma dame que j'aim sans repentir. Et s'Amours a de coustume et d'usage Qu'elle face morir pour li amer Ceulz qui sont sien et en son doulz servage Et qui vers li ne saroient fausser, Ce poise mi vraiement (MACH., L. dames, 1377, 91). Qant les varlés de ce d'Artevelle les veirent ensi venus, si furent tout esmervilliet que il demandoient, car il n'avoient point a coustume que chil de Gaind, ne aultres gens venissent ensi de fait et en cel estat parler a lor mestre et voloir esforchier la maison. (FROISS., Chron. D., p.1400, 637). Et dient ceulx du pays que jamais ne se fist nul mal en la dicte crote, ne soir ne matin ; et ont de costume qu'ils tiennent le costé de la mer a quelque heure que se soit (LA VIGNE, V.N., p.1495, 264). [mode indéterminable]

-

Avoir à coutume de : ...qant il les veirent venir a cevauchant en ordenance de bataille, et tout en une brousse, banieres et pennons ventellans, ce que a coustume il n'avoient pas de veoir, si se conmencierent a esfraer (FROISS., Chron. D., p.1400, 690).

-

Avoir de coutume (de). "Avoir l'habitude" : Si alay tout seulet, ainsy Que l'ay de coustume (CHART., L. Dames, 1416, 198). L'oste prend congé de luy et se retrait en sa garderobe, comme il avoit de coustume pour soy deshabiller. (C.N.N., c.1456-1467, 75). ...folz, yvres et enfans ont de coustume de vray dire (C.N.N., c.1456-1467, 153). Il a de coustume, comme tu scez, de se virer par nuyt vers moy, et me taster ung peu (C.N.N., c.1456-1467, 248). ...les Anglois ont de coustume après qu'ilz ont oy la messe d'aller desjeuner en la taverne au meilleur vin (C.N.N., c.1456-1467, 392). Et, après ledit trespas, son corps, depuis qu'il fut appareillé comme on a de coustume de faire, fut porté inhumer dudit lieu des Montilz en l'eglise Nostre-Dame de Clery (ROYE, Chron. scand., II, 1460-1483, 137). Il le faisoit seullement peur leur donner occasion de parler ensemble et de gaigner temps, car ilz avoient de coustume, et ont encores, d'aller tout le peuple ensemble au palais de l'evesque quant il survenoit matières nouvelles, et y sont appelléz au son d'une cloche qui est leans. (COMM., I, 1489-1491, 112). Tousjours avoyent de coustume le roy et le duc de Bourgongne, dès que l'yver venoit, de faire trève pour six moys ou pour ung an ou plus. (COMM., I, 1489-1491, 242). Cestui avoit de coustume chacun an de prenostiquer et, entre autres choses, predist de ce qu'il fut veu en France le jour devant les nones d'avril, à l'aube du jour, c'est assavoir la conjuction de plusieurs estoilles (SIMON DE PHARES, Astrol., c.1494-1498, f° 113 v°). Et adonc ledit grant maistre, qui avoit de coustume de mener la bataille, pour ce qu'il estoit lieutenant du roy en l'abscence du connestable (...) vint devers icelluy connestable et l'advertist du nombre de gens qu'estoient lesditz ennemys (LE CLERC, Interp. Roye, c.1502, 303).

-

Avoir qqc. à / en coutume. "Être habitué à qqc. (que l'on pratique constamment)" : Et ancores de la discipline dist Valerius : que tant la maintenoit le roy Pirro sur ses gens, lesquelz l'avoient tant en coustume que par elle, au .XIIII^m. Grecz, il desconfit les Barbares qui estoient .C^m. (LA SALE, Sale D., 1451, 123). Ces gens se chauffent de charbon de terre qui fait mal à ceulx qui ne l'ont à coustume. (LE BOUVIER, Descript. pays H., p.1451, 109).

-

Il est de coutume que + subj. : Et aprez la bataille, (...) vous savez qu'il est de coutume que on en parle et devise et dist l'en les biens et les maulx et ce qui y a esté fait et ce qui n'y fut oncques fait (BUEIL, II, 1461-1466, 204).

-

Prendre la coutume. "Prendre l'habitude" : ...les hommes foibles de sens et faciles a pernicieulx exemples ont depuis prins la coustume de adourer et prier les ydoles, et faire ymage a leurs proismez et bienfacteurs, ou a ceulx qui en leur vie avoient esté puissans et redoubtez. (CHART., L. Esp., c.1429-1430, 114).

-

Loc. prov. [Coutume en cooccurrence avec nature] : Non pourquant fust ceste loy tres contraire es choses acoustumees et a nature, car coustume vaint nature. (GERS., P. Paul, a.1394, 494). Dont il appert évidemment à tout homme d'entendement Que nul ne doit lors s'avancier à nouveau travail commencier, Car forte chose est de coustume Que nature vaincre présume (LA HAYE, P. peste, 1426, 84). Car coustume rent maistre et devient nature. (BUEIL, II, 1461-1466, 32). Et par diete on doibt entendre aministration de boyre et de mengier. Et la cause de celuy enseignement est car de trangresser la diete acoustumee nuyst grandement car coustume est la seconde nature, et pour ce come il fault garder nature, il convient de garder coustume c'elle est louable. (Rég. santé corps C., 1480, 104). Ceste chose vient par accoustumance, car, comme dit le Philosophe, "Coustume est une autre nature". La force de coustume est si grande que, ce que l'homme fait en veillant, aucunes fois il le fait en dormant ou aux yeulx cloz. (COLART MANS., Dial. créat. R., 1482, 196). Mais, comme dit le Philosophe : "Coustume est une seconde nature". (COLART MANS., Dial. créat. R., 1482, 259).

Rem. Cf. aussi DI STEF., 214c.

4.

P. ext.

a)

"Manière de faire en face de qqc., en conformité avec qqc."

-

Avoir la coutume de qqc. : Tele appropriation ou tel appropriement a la coustume des saintes escriptures, laquelle a donné les euvres manifestans la puissance au Pere (Somme abr., c.1477-1481, 159).

-

Savoir la coutume de qqc. : ...mesires Lois d'Espagne, qui bien savoit les usages et coustumes de la mer, se pourvei de barges et de balengiers, et mist sus la mer sen armee (FROISS., Chron. D., p.1400, 566).

b)

"Manière de faire avec les animaux, dressage" : Au point du jour, que l'esprevier s'esbat, Meu de plaisir et par noble coustume, Bruyt la mauviz et de joye s'esbat, Reçoyt son per et se joinct a sa plume, Offrir vous vueil, ad ce desir m'alume, Joyeusement ce qu'aux amans bon semble (VILLON, Test. R.H., 1461-1462, 111).

B. -

DR.

1.

"Droit établi par l'usage, à l'origine non écrit" : Item a curié de ladicte eglise mon seignour saint Ypolite de Poloigney quinze soulz estevenans par une foiz, pour touz le droit que leur puest competir en mon enterrement, tam de droit comme de costume. (Test. Besanç. R., t.1, 1361, 426). Ce fait, la fausse gent ont pris Toutes les chartres dou païs, Où les coustumes et les loys Estoient, et les drois des roys ; Si les ont arses et brulées Et en un ardant feu getées Si que mais ne seront veües, Ne retrouvées, ne leües. (MACH., P. Alex., p.1369, 272). Ce furent les deux princes (...) qui sont le plus à recommander, car ilz vivoient largement et honnestement du leur, sans grever ne travaillier leur peuple, ne de mettre nulles mauvaises ordonnances ne coustumes en leurs terres. (FROISS., Chron. M., XIV, c.1375-1400, 160). Et si veons, conme experience le nous enseingne, que plusieurs cytés et persones priviligiees par privileges dez princes, par prescripsion ou longue costume, que taille ou aide ou subvencion ne doient païer, toutevoies, au jour d'uy, telles cytés ou persones se soubmetent a la volanté du Roy conme lez aultres (Songe verg. S., t.1, 1378, 44). Tant de Droit escript que de coustume, un clerc puet convenir celluy qui luy fait aucune injure ou celluy de qui il a juste cause de se doubter, en la court de l'Eglyse (Songe verg. S., t.2, 1378, 175). Enquel buisson nul n'a coustume en pasturage ou autrement, soit la forest vendue ou non, excepté lesdis bourgois, reservé la guarenne du roy. (HECTOR DE CHARTRES, Cout. R., 1398-1408, 18). ...garder et tenir en droit et soustenir les coustumes et libertés normandes. (FROISS., Chron. D., p.1400, 673). Et pour ce comme dessus requierent et supplient à la Court qu'elle les laisse joïr et user de leurs dessusdis usages, privileges, coustumes et possessions (FAUQ., II, 1421-1430, 299). Qui sera cellui qui me puist mectre avant ung hault honneur rendu pour vertueux service ne une seule correction pour deliz infiniz commiz en chief contre toute ordonnance d'armes et au revers des loys et coustumes des preux et des vaillans ? (CHART., Q. inv., 1422, 59). Coustume est droit non escript constitué et ordonné par raisonnables acoustumances et usaiges de tout le peuple d'aucun pais ou de la maire partie d'iceluy, droictement et bien commencez et par plusieurs foiz par dix ans fréquentez, aiant auctorité et puissance de lay. (Cout. instit. Anjou Maine B.-B., t.2, 1437, 454). Loy et coustume different comme chose expresse et chose taisible ; car lays sont expressement escriptes es livres, et les coustumes ont auctorité par taisible consentement de peuple, ou autrement du consentement d'aucun hoir. (Cout. instit. Anjou Maine B.-B., t.2, 1437, 455). Entre les aultres chevaliers de Bourgoigne ung en y avoit nagueres, lequel, contre la coustume et usage du païs, tenoit a pain et a pot une donzelle (C.N.N., c.1456-1467, 454). Et, le mardi XXVIe jour de may, fut crié à son de trompe et cry publique par les carrefours de Paris, comme de toute ancienneté il soit de coustume et qu'il ne loise à nulz, de quelque estat qu'ilz soient, de faire assemblées de gens en la ville de Paris, sans le congié et licence du roy et sa justice (ROYE, Chron. scand., II, 1460-1483, 71). Le prince ou bon chevalier desire le bien commung et de ses subgectz ; le tirant demande et quiert son prouffit particulier et l'oppression du peuple. Les tirans font loix et coustumes iniques pour opprimer leur peuple. (BUEIL, II, 1461-1466, 73). ...mais, s'il n'y avoit riens à faire, qu'il desiroit aller à Paris faire publier leur appoinctement en la cour de parlement, pour ce que c'est la coustume de France d'y publier tous accordz, ou autrement ne seroient de nulle valleur. (COMM., I, 1489-1491, 164). ...car tous ces seigneurs d'Allemaigne y estoient à leurs despens, comme il est de coustume, quant il touche le faict de l'empire. (COMM., II, 1489-1491, 20).

-

Par coutume : Item, ont et pevent faire prendre et lever par coustume en ladicte forest coings pour fendre leur coustume, pourveu que la teste soit faicte avant que le forestier les voie ou treuve (HECTOR DE CHARTRES, Cout. R., 1398-1408, 248).

2.

"Ensemble des règles coutumières d'un groupe donné" : Item, selon la general coustume de France, le mort saysit le vif plus prochain en degré, de celluy costé duquel la succession descent, et si exclut tous lez aultres plus lointains en degré (Songe verg. S., t.1, 1378, 260). Coustumes sont ce que estoient gardées d'ancienneté et esprové des princes et gardé du pueple, qui devisent à qui chascune chose doit estre et ce qui appartient à chascun. Lois sont establissemens que les princes ont fait et que le [pueple] a gardé en la contrée, pourquoy touz comptens sont finéz. (Cout. bourg. glosé P.M., c.1380-1400, 108). Et combien que, selon la coustume, XL jours de souffrance soient ordonnez, quant aux amis de l'une partie et de l'autre, esquelz quarante jours les deux parties qui ont commaincie la guerre doyvent mander et faire assavoir a tous leurs amis et parens qu'ilz se doyent garder (MÉZIÈRES, Songe vieil pèl. C., t.2, c.1386-1389, 416). ...car s'en estoit allé ledit conte (...)tenir la Vierscare - qui vault autant comme ung parlement a la coustume du pays -, que nul ne peut tenir que le prince en sa personne ou son filz aisné. (CHASTELL., Chron. IV, D., c.1461-1472, 129).

-

Par / selon la coutume de (+ nom de lieu) : ...le dit évesque estoit tenuz à respondre et procéder en noz assises pour cause dudit patronage par la coustume de Normandie (Cartul. Laval B., t.2, 1335, 199). ...selon l'us et coustume de Champaigne, selon laquelle ceste conté de Rethel, du moins ladite ville de Maisieres, se rieugle (Trés. Reth. L., t.3, 1448, 240). ...par l'usaige et coustume du pays d'Anjou, le juge ordinaire ne doit congnoistre de nulles actions, soient reelles, mixtes, ou personnelles hors les assises (Cout. instit. Anjou Maine B.-B., t.3, 1458, 5). Car par la coustume de Bourgoingne, cellui qui est condempné a induces de VII jours et doit paier la condempnacion ; et aussi le doit condempner es despens de la partie, reservée au juge la tauxacion. (Cout. bourg. glosé P.M., c.1380-1400, 114).

3.

"Règle de droit déterminée" : ...la dicte partie qui avoit gaigné sa cause pendant ou procez demandoit par aventure despens ou autre chose un pou plus largement que, selon le texte de la coustume, faire ne devoit (Echiq. Normandie S., 1391, 71). Si aucun meffait en paix et il se transporte en autruy pais voisin, et les coustumes des deux pais sont adverses, question est qui en congnoistra. La responce est que le juge du pais où il a fait le meffait en cognoistra ... (Cout. instit. Anjou Maine B.-B., t.2, 1437, 155). Coustume nupcialle n'est autre chose fors que coustume particulliere pour le dedens d'aucune cité. (Cout. instit. Anjou Maine B.-B., t.2, 1437, 455).

-

De droit et de coutume./De droit et par coutume : Renonçans en ce fait, par leur foy et par leurs seremens, a action en fait (...) et a toutes autres choses qui, de fait, de droit, de us et de coustume ou autrement, leur pourroient aidier et valoir a venir contre la teneur de ces lettres (Chartes Abb. St-Magl. T.F., t.3, 1344, 127). Il doivent de droit et par coustume labourer les terres des gentils hommes. (FROISS., Chron. R., X, c.1375-1400, 95).

4.

"Ce que l'on possède ou ce dont on a la jouissance par droit d'usage" : Item, s'ilz prennent boiz vert en icelle forest et coustume, ilz en sont tauxés selon la coustume d'icelle forest, selon le meffait raporté par les sergens d'icelle forest. (HECTOR DE CHARTRES, Cout. R., 1398-1408, 122). [Il a le droit de vendre sa] coustume, maisons et tous autres bois et tieulle aux aultres coustumiers, en payant au roy le XIIIe denier par congié du verdier. (Doc. 1424. In : M. Prevost, Étude sur la forêt de Roumare, Bull. de la Soc. libre d'émulation du commerce, 1904, 510).

-

(Bois de) coutume. "Bois (sec ou de qualité inférieure croissant dans des parcelles non réservées) auquel s'applique le droit d'usage dont peuvent bénéficier les habitants des villages voisins de la forêt" : Fere closture d'espine pour clorre sur rive de leur coustume (HECTOR DE CHARTRES, Cout. R., 1398-1408, 41). Lez commun et habitans de la ville et parroisse de Forgez en Bray ont acoustumé de prendre en la forest de Bray les coustumez qui enssuivent, c'est assavoir le mort bois et le sec (HECTOR DE CHARTRES, Cout. R., 1398-1408, 208). Item, ont et pevent faire prendre (...) coings pour fendre leur coustume (HECTOR DE CHARTRES, Cout. R., 1398-1408, 248). Item, se yceulx bourgoiz amenent ou font amener bois à somme de ladicte forest et leurs crocs de somme rompent ou despiesent, eulx em pevent faire de bois de coustume en ladicte forest sans païer amende, autant comme eulx en aront despiecé. (...) Et en oultre, se ilz cloent ou veullent faire clore leurs terres ou leurs jardins et ilz y mettent gaulles, sitost que la gaulle sera lié à la haie ou à un des piéx seullement, lesdictes gaulles sont leurs sans aucune amende, mais que le bois soit de coustume. (HECTOR DE CHARTRES, Cout. R., 1398-1408, 249). ...et quant leurs dictes coustumes aront reposé une nuit ou plus à leurs maisons ou dehors ladicte forest, ilz la pevent vendre et livrer l'un à l'autre, et mener par toute ladicte coustume à charete ou à chevaulx ; (...) et se ilz coupent un arbre tout sec qui rompe un autre au cheoir, soit vert ou sec, ledit arbre rompu sera de leur coustume et sans amende. (HECTOR DE CHARTRES, Cout. R., 1398-1408, 331).

.

P. méton. "Cantonnement auquel s'applique le droit d'usage" : Et contre iceulx habitans le procureur de mondit seigneur eust dit et proposé comme ilz avoient mené et fait mener et encores faisoient par chascun jour leurs bestaulx es boys nommés et appellez les Boys des Coustumes, et en iceulx boys avoient prins et prenoient boys pour maisonner et boys mort pour leur ardoir et chauffaige, sans en faire aucune reddevance a mondit seigneur le conte (Chartes Abb. St-Magl. T.F., t.3, 1397, 711). ...et quant leurs dictes coustumes aront reposé une nuit ou plus à leurs maisons ou dehors ladicte forest, ilz la pevent vendre et livrer l'un à l'autre, et mener par toute ladicte coustume à charete ou à chevaulx (HECTOR DE CHARTRES, Cout. R., 1398-1408, 331).

5.

"Impôt, redevance, taxe"

a)

[Sens général] : ...de coillours des costomes, countreroulers, tronetaries, botillers, et lour assocyez (Chron. London A., c.1350, 88). Et pour ceu vous yert ceu guerrandon randu Que ma fille averez et s'arez au sorplux La terre de Sezille, lez chaistialz et lez mur, La citeit et lez ville, la coustume et lez huix Aprés ceu que du ciecle serait mort et perdut, Car viez hons sus et fraille si que ne valt rien plus. (Lion Bourges K.P.F., c.1350, 253). Tel coustume alleva ains l'annee acomplie, De quoy en la cité fut la gent sy honnye Que d'un seul huis ouvrir qui sciet sur la chaussie Paioit on .vi. deniers la sepmaine acomplie (Tristan Nant. S., c.1350, 112). Et soiez tousjours sur vostre garde, tant que la puissance soit vostre, car, se vous vous laissiez sourmarchier, il vous fauldroit gouverner a leur voulenté. Mais toutesfoiz gardez vous que, quelx qu'ilz soient, durs ou debonnaire, que vous ne leur alevez nouvelle coustume qui soit desraisonnable. Prenez sur eulx vostre droit, sans eulx taillier oultre raison, ne alever coustumes inraisonnables, car, se peuple est povre, le seigneur est mendiz (ARRAS, c.1392-1393, 86).

-

Fausse coutume. "Impôt injuste ou impôt perçu à tort" : Les ducz, les princez, les barons Hont faitte composition Par convent de faulse costume. (DUPIN, Mélanc. L., c.1324-1340 [c.1450], 77). Chevaliers en la vielle loy Estoient eslehuz pour faire droit, Mais acrotis sont comme enclume. L'un ment pour voir, l'autre pour foy, Trop savent de chaitiz traffoy Et de lever faulse costume. (DUPIN, Mélanc. L., c.1324-1340 [c.1450], 87).

b)

En partic. "Redevances et prestations dues au seigneur"

-

"Redevance en argent ou en nature due au seigneur pour une habitation ou l'usage d'un terrain" : ...chascun an quatre deniers parisis de fons de terre, demie coustume dont la coustume vault par an un sextier d'avoine, un minot de fourment et deux chappons qui se paient le jour de Noël (Chartes Abb. St-Magl. T.F., t.3, 1390, 621). Philippe de Villiers eust dit, que en ladicte ville et ou terrouoir d'icelle, il avoit XX et quatre arpens de coustumes, dont il ne devoit que quatre solz parisis par ans (Ch. VI, D., t.2, 1403, 48). ...les coustumes desd. maisures, qui sont pour chascun feu une geline, deux bichetz avene et environ quarante s. t. chacun an en argent (Trés. Reth. L., t.4, 1480, 376).

-

"Droit levé sur les productions et les marchandises mises sur les étals du marché" : ...car ensi com en une vile si homme vendist partout, le seignur perdroit sa coustome, et pur ceo est ordenez qe tout soit vendu en une place de la vilee, et c'est comunalment en une carfour la ou touz les chemyns s'assemblont. (HENRI LANC., Seyntz medicines A., 1354, 121). ...en tant qui touche l'estaillages ou cornaiges de nos hommes de la Chapelle d'Antenaise, que nous disions estre francs à Laval et nostre dit cousin dict au contraire, lesdits hommes payeront ledict estalaige comme les autres et n'en seront point quictes de coustume en faisant despry. (Cartul. Laval B., t.2, 1401, 371).

.

[Dans un cont. métaph.] : Le diable si est seignur de ceo marchee et prent ses prises et ses droitz, et le pavage si est tout soen - c'est l'alme, q'est paiee pur le tool ["la taxe"] - c'est la coustome qe ne se prent nule part fors en marchee (HENRI LANC., Seyntz medicines A., 1354, 121). Et la se vient le pecché mortel et nule autre part, car nule peecché est mortel tantqe il vient en coer, ne nul coustome de l'alme ne poet le diable chalangier forsque la. (HENRI LANC., Seyntz medicines A., 1354, 121).

-

"Droit levé sur le transport des marchandises" : Item, je treuve que, quant la guerre fu entre les Espaingnoz et ceulz de la Rochelle, que les Espaingnoz emporterent environ XV^m tonniaus de vin et furent touz portez hors du royaume sanz paier la coustume (Doc. c.1330. In : H. Moranvillé, Bibl. Éc. Chartes 64, 1903, 573). ...et disions en oultre à nous appartenir les costumes et les planchaiges de touz les vessiaus entrans le chenau de Jart (Doc. Poitou G., t.1, 1333, 413). ...pour deniers paiez par li, pour le Roy, au viconte de Londres, pour la coustume des vins qui darrainnement sont venuz de Gascoigne (Comptes argent. rois Fr. D.-A., I, 1359-1360, 210). Et en ce que touche les draps que lesdits supplians et marchans détailleurs de draps mèneront es foires et marchez du païs d'Anjou, iceulx seront tenuz payer pour la cloaison cinq soulz pour chascune charge ou fardeau, la coustume, le trespas de Loire (Roi René vie L., 1461, 295).

.

Coutume de (+ nom du produit ou du service taxé) : ...le dit sire recognoist que le demourant de la dicte coustume nous appartient, sauves les coustumes et le boutage du vin que l'en vent au dit bourgc (Cartul. Laval B., t.2, 1332, 171). ...lesdiz magnans et habitans de nostre dicte ville de Saint Ligier sont frans de coustume de havaige en la ville de Chevreuse (Chartes Abb. St-Magl. T.F., t.3, 1412, 807). Item, plus est à rabatre, qui a esté prins et retenu par les grenetier et contreroleur dudit grenier pour la coustume de 288 bestes qui ont amené ledit sel (Aff. Jacques Coeur M., 1453-1457, 589).

6.

"Péage" : ...[certaine quantité de bestiail] conduite et acquittée du trespas et coustume par Denis le Lou (Chron. Mt-St-Mich. L., t.2, Pièces div., 1447, 211). : Si marchant ignorant coustumerie aiant cause de ignorance, trespasse sa denrrée par la brancherie et non par le corps d'icelle sans l'acquiter, en jurant ladicte ignorance, et paiant la loy d'amende avecques la coustume, il s'en ira. (Cout. instit. Anjou Maine B.-B., t.4, 1464, 156).

-

P. méton. "Lieu où l'on paie le péage" : S'aucun marchant forain trespasse par les branchières d'aucune coustume par la terre du conte, du baron, ou du seigneur chastellain, sans acquicter sa denrée, s'il ygnore l'acquict pour ce que autres foiz n'y ait passé, il sera receu de le jurer par serement (Cout. instit. Anjou Maine B.-B., t.1, 1411, 287).