Dictionnaire du Moyen Français (1330-1500) - ATILF - CNRS & Université de Lorraine

[Comparativement] Tant ... comme : Aucunes genz dient que a la jambe devant on cognoist quanz anz un sangler a, quar il a tantes petites foussetes en la jambe comme il a des anz (GAST. PHÉBUS, Livre chasse T., 1387-1389, 92).

[Dans le temps]

Après tant : ...après tantes males nuictz et jours doloreux, Amour, qui ses serviteurs loyaulx aide et secoure quand bien luy plaist, leur appresta ung jour tresdesiré (C.N.N., c.1456-1467, 434).

Tantes fois : ...tantes fois et si tost que mestier en sera (Chartes Abb. St-Magl. T.F., t.3, 1345, 142). ...et par tantes foys que le cas avendroit (Chartes Abb. St-Magl. T.F., t.3, 1359, 235). ...et si tost et par tantes foiz que aucune chose en seroit deu (Chartes Abb. St-Magl. T.F., t.3, 1376, 467).

[Corrélatif d'une conséquence] Tant ... que : Je vois faire, sire, s'ou plait, Ce qui vous plaist moy conmander Et en tans lieux le demander Que de li nouvelles orray (Mir. st Alexis, 1382, 311). Nous avons en tant de pardons Esté et passé tantes illes Et braz de mer et bonnes villes Que ne les sarions raconter (Mir. st Alexis, 1382, 328). Et, si ses chienz le drescent, si aille aprés, et, s'ilz ne le drescent de celuy tour qui soit bien grant, si en preigne un autre qui soit plus court, et tanz tours et essainz, en apetissant touz jours, que ses chienz le drescent ou facent saillir, s'il est demouré, quar un lievre demeure aucune foiz tant que on le voit en sa fourme et en son lit ou que les chienz le prenent sanz ce que il se bouge. (GAST. PHÉBUS, Livre chasse T., 1387-1389, 224).

B. -

Tant/tanz de + subst.

Tant de + subst. sing. "Telle quantité de, telle masse (concr. ou abstr.) de"

[Dans le temps] : Mais quant le penancier entend qu'il a esté es subjections de l'anemy, et par tant de temps, sy lui rompist sa parolle sans en voulloir plus escoutter (LA SALE, Salade, c.1442-1444, 101).

[Corrélatif d'une conséquence] Tant de ... que : ...monseigneur le roy a tant oÿ dire de bien de vous qu[e]... (Bérinus, I, c.1350-1370, 165). Il veoit bien que ils tous seuls ne pooit avoir tant de sens ne de poissance que de gouvrener le ville de Gaind (FROISS., Chron. R., X, c.1375-1400, 81).

Tant/tanz de + subst. plur. "Tel nombre de" : ...quant ceans a tant de belles gens (Bérinus, II, c.1350-1370, 115). Si suy je ici venu , non pas à tant de gens que vous me escripsistes ; mais... ilz sont de grant et bonne volenté (FROISS., Chron. M., XII, c.1375-1400, 5). ...et ne puet pas vacquer à tant de choses ensemble (BAYE, I, 1400-1410, 162). Mais, comme je vois, a la plus grant confusion de moy tu as proposez toutez ces parolles, affin que tu demonstrasses moy estre digne de plus grant aynne, comme je suis ingrate de tans de biens et grans beneficez que j'ay receux. (CRAP., Cur Deus, De arrha B.H., c.1450-1460, 275). En parlant a ces deux coquars Nous ont donné tans de brocquars Et de lardons de tous costez... (Copp. lard., a.1488, 173).

[Comparativement] Tant de ... comme/que : ...tant de bonnes gens estoient passet que sèse banières et trente pennons (FROISS., Chron. R., XI, c.1375-1400, 15). Et tout cor de cerf se puet conter, puis que on y puet pendre un esperon, et autrement non. Et, quant il porte autant de l'unne part comme de l'autre, il puet dire que elle est fourmee de tant de cors come elle portera. Et, quant elle ne porte que d'unne part, il puet dire que elle est seignee de tanz de cors comme elle portera. (GAST. PHÉBUS, Livre chasse T., 1387-1389, 157).

[Dans le temps]

Après tant de : Pompee aprés tant de victoires establa ses chevaulx ou temple Salmon (CHART., L. Esp., c.1429-1430, 61).

C. -

Empl. subst. Ce tant de. "Ce grand nombre de" : ... alons combatre ce tant d'Englès qui sont demorés derrière : tantost les arons desconfis (FROISS., Chron. L., III, c.1375-1400, 92).

II. -

[Adv. ou nominal]

A. -

[Marque l'intensité]

[Comme adv. portant sur un adj.] "Si" : ...de tant grant honneur li porte Que d'aler devant se deporte (MACH., D. Aler., a.1349, 331). Ce roy, qui avoit tant grant pouoir et qui estoit de si grant vaillance, aimoit Melia par amours (Bérinus, I, c.1350-1370, 327). Je afferme que tel hoste qui est tant riche, tant large, tant bon et gracieux paiera bien son hoste (GERS., Pent., p.1389, 82). ...tant grant bien vient par femme (CRAP., Cur Deus, De arrha B.H., c.1450-1460, 217).

[Corrélatif d'une conséquence] : ...li contes estoit tant courouchiés que il n'en voloit nulle oïr (FROISS., Chron. R., IX, c.1375-1400, 185). ...il y a tant grans abus que merveilles (JUV. URS., Nescio, 1445, 544). Es grans maisons tendant d'estre emparees Drap d'or fut mis par despit a l'esvent, Soye requise estoit si drue au vent, Tant riche fust de figure ou enseigne Sans regarder de les mettre en espargne, Qu'on n'en faisoit mise, recepte ou compte (LA VIGNE, V.N., p.1495, 220).

[Comme adv. portant sur un autre adv.] "Si" : Ses corrections vous ennuyent si tost, et il a tant longuement enduré voz deffaulx. (CHART., L. Esp., c.1429-1430, 65).

Tant souvent : ...lassé de tant atendre et de tant souvent demander response, s'en est tournés a Gabe sans response emporter (BERS., I, 1, c.1354-1359, 54.7, 90). Ilz se couchoient le plus du temps tous yvres ; et tant moult souvent par le trop boire, car c'estoit ou moustisons (FROISS., Chron. M., XII, c.1375-1400, 319).

[Corrélatif d'une conséquence] : Tant souvent fut visitée en la maniere dessus dicte, qu'en la fin sa concupiscence et desir charnel la vaincquirent, et fut du dart amoureux bien avant touchée (C.N.N., c.1456-1467, 567).

Tant maint : Là en y ot ... fait tant mainte belle apertise d'armes (FROISS., Chron. R., IX, c.1375-1400, 100).

[Comme adv. portant sur un verbe] "Tellement" : Et puis qu'il nous a tant meffait, Alons a Dieu nous deux de fait, Si nous plaignons. (Mir. prev., 1352, 246). ...celle qu'il a tant amée (CHR. PIZ., P.V.H., 1416-1418, 48). Et disoit on lors que aucuns de eulz s'estoient fait fors et avoient promis au roy de ravir son filz entre les mains du duc de Bourgoingne et de l'amener devers lui, voulsist ou non. Laquelle chose divulguee vint jusques aux oreilles du daulphin, lequel, voisin prouchain desdis Liegeois, aloit tous les jours volant et chassant parmy les forestz en son simple estat. Si en prist peur et devint en freeur, car ne craignoit riens tant que la main de son pere (CHASTELL., Chron. IV, D., c.1461-1472, 295).

[Corrélatif d'une conséquence] : Mais l'ennemy me tricha tant Que il me fist mon veu brisier (Mir. enf. diable, c.1339, 26). ...depuis a tant espars de ses riches odeurs que la terre en est soef flairant. (ROBERTET, Oeuvres Z., c.1450-1500, 132). ...mon mary a tant fait par le moien d'aucuns ses amis envers mon dit seigneur le cardinal qu'il ne fera que ung demy guet (C.N.N., c.1456-1467, 387).

B. -

[Marque la quantité] Tant/tanz

"Autant, telle quantité, telle masse (concr. ou abstr.), en partic. telle somme" : ...chascun pour tant que a luy touche (Chartes Abb. St-Magl. T.F., t.3, 1364, 273). Ne, sans li, homs n'ara tans pris, S'il ne l'a, qu'il n'en soit repris (MACH., P. Alex., p.1369, 15). ...ces couvenanches furent prises... secretement... Et de tant acata li dus de Brabant les contes de Flandres pour sa fille (FROISS., Chron. L., IV, c.1375-1400, 87). Chil Gourdinès ... prist un jour Ainmerigot Marcel et le rançonna à cinc mil frans : tant en eut il (FROISS., Chron. R., IX, c.1375-1400, 143). Sy entra dedens ung temple et but tant du sang d'un thor nouvellement sacreffié (LA SALE, Sale D., 1451, 101).

S'en tenir à tant : Moult bien m'en pos tenir atant [à tant] (MACH., D. Aler., a.1349, 245). Mais ne se tindrent mie atant [à tant] Les .II. felons, ainçois batant Le maleureux pere avalerent En une orde fosse et gicterent (CHR. PIZ., M.F., II, 1400-1403, 295).

Prov. Tant vaut l'homme, tant vaut sa terre. V. homme

En tant que. "Autant que" : Aprés laquelle complainte et requeste, je, selon le contenu des dittes lettres royaulx, tins et maintins yceulx religieux de Saint Magloire et leur dit procureur pour eulx en leur ditte saisine et possession des dittes dismes en tant que je le povoie et devoie faire (Chartes Abb. St-Magl. T.F., t.3, 1369, 405). ...et de tenir, obéyr et acomplir, en tant qu'en moy est, tout ce que par ladicte court me sera sur ce jugié et apointié. (Doc. 1440. In : MONSTRELET, Chron. D.-A., t.5 c.1444-1453, 467).

Tant seulement. "Seulement" : Adonc se parti il, lui cinquime tant seulement (FROISS., Chron. L., VI, c.1375-1400, 221). Je aroie tant seulement avoecques moy mon varlet (FROISS., Chron. L., V, c.1375-1400, 88). ...chascun est maistre en la Grant Bretaigne touchant les armes fors moy tant seullement, qui ne me sçay entremettre en nulz fais d'armes (Percef. V, R., t.1, c.1450 [c.1340], 223).

[Synon de tout quanque] Tout tant que. "Tout ce que" : ...elle leur donna sa cotte et tout tant que elle avoit sur elle jusques à la cheminse (Cleriadus Z., c.1440-1444, 385).

Ne tant ne quant. "Nullement, pas du tout" : Treschiers et treshonnorés sire, J'ay perfait tout entierement Vostre treshault commendement, Sans y faillir, ne tant ne quant. (Myst. st Adr. P., c.1450-1485, 56).

[En contexte forclusif (ici en proposition hypothétique)] "Tant soit peu" : Si tu as congnoissance, Entendement ou raison tant ne quant... (SAINT-GELAIS, Séj. honn. D., c.1490-1495, 287).

Tant pour tant. "Proportionnellement" : ...et est amistié de lignage a preferer tant pour tant devant amistié vertueuse (ORESME, E.A.C., c.1370, 461).

Tant que pour ... que. "Tout autant pour ... que" : En che temps se tenoit toute Bretaigne close tant que pour le roi de France que l'un contre l'autre (FROISS., Chron. R., IX, c.1375-1400, 137).

Tant en ... comme en. "Tout autant en ... qu'en" : ... toutes gens d'armes s'apparillièrent (…) tant en l'avant garde comme en l'arrière garde, que ossi en la bataille dou roi (FROISS., Chron. R., XI, c.1375-1400, 48).

Tant qu'il peut/pouvoit... "Le plus possible" : ...aincois que Remondin y peust venir, ly quelz venoit a desray de cheval, tant qu'il povoit courre (ARRAS, c.1392-1393, 72). S'en fuit tant qu'il peut pour saulver Sa vie et seureté trouver. (CHR. PIZ., M.F., IV, 1400-1403, 48). Le traditeur qui ma mort veult S'approche d'icy tant qu'i peult (Myst. Pass. Troyes B., a.1482, 697).

Tant comme il dure à la ronde. V. ronde

[Empl. subst.] : ...celle pour quy j'ay de l'amour ce tant ["avec une telle intensité"] (Percef. VI, R., c.1450 [c.1340], 493).

[Comparativement]

Plus ... et tant. "Plus ... et d'autant plus" : Et plus approçoient les mettes de France et de Bourgongne, et tant ooient il dures nouvelles (FROISS., Chron. L., VII, c.1375-1400, 108).

Tant moins. "D'autant moins" : Car quant il y a meins d'amour, Il y a tant meins de dolour (MACH., J. R. Nav., 1349, 233). ...et tant moins involuntaire, tant moins est a loer. (ORESME, E.A.C., c.1370, 175). Se amans aux biens passez regardent, Tant moins en ont et plus en ardent (CHART., L. Dames, 1416, 247).

"À tout le moins" : M'ame, tu y seras trainee [en prison], Avant vieille, passez avant, Vous recev(e)rez ce passe avant Et tant moins sur vostre museau. (Sav. serg. D.L., c.1480-1490, 33).

Tant plus. "D'autant plus" : Et com plus briefment le ferés, tant y arés plus de pourfit (FROISS., Chron. L., VII, c.1375-1400, 52). Saches que elle a tant plus de droit sur lez hommes curiaulx a leur faire sentir meschief et misere (CHART., L. Esp., c.1429-1430, 12). Commandons a Dieu nostre seigneur, Quar tant plus verrons son martire, Nostre doleur en sera pire. (Pass. Autun Biard F., 1470-1471, 120).

Plus que tant. "Plus que ce à quoi on pouvait s'attendre, vraiment beaucoup" : Plus que tant avons dispensey Nostre labeur et nostre peine. (Myst. st Clément Metz D., p.1439, 479).

[Avec un effet multiplicatif]

X tant/tans. "X fois plus" : Ton filz apprenra en set ans Plus que nulz enfes quatre tans. (Mir. enf. diable, c.1339, 19). Et se visé Y avoie et pensé cent ans, Ne diroie je de cent tans Sa bonté, ne sa grant biauté (MACH., R. Fort., c.1341, 138). Et me pensai que, se li temps Estoit encor pires dis tans, Voire cent fois, voire cent mil, N i a il conseil si soutil Comme de tout laissier ester (MACH., J. R. Nav., 1349, 141). Et fussiez prestre telz cent tans, Gardez que ne diez plus mot (Mir. parr., 1356, 13). Mais li a plus grevé cent tans Le veillier et le mauvais giste. (Mir. Theod., 1357, 115). Certes nennil, ains en soustienc cent tans Dont dou monstrer ne puis venir a tamps, Et en euïsse assés bien le loisir. (FROISS., Orl., 1368, 102). ...je vous feray Trois tans gangnier que vous n'avez. (Mir. Rob. Dyable, c.1375, 13). Si gouvrenait la première [bataille] li dus d'Orliens à trente six banières et deux tans de pennons (FROISS., Chron. L., V, c.1375-1400, 20). Si n'est pas la porte plastree, Ainçois y a plus grant entree Qu'en la premiere, tel .III. tans (CHR. PIZ., M.F., I, 1400-1403, 90). Mais plus joie en avoit dix tans De ce que né ert en son temps. (CHR. PIZ., Chem. estude P., 1402-1403, 248). Et ne me puis ne ne doy doubter de mes compaignons s'ilz sont occis, car ainchois qu'il soit nuit j'en reavray deux tant. (Percef. VI, R., c.1450 [c.1340], 137).

X tant que. "X fois plus que" : Je l'ottroy, mais que sanz faillir Je l'aray au chief de set ans, Et je feray pour toy set tans Que tu n'oseras demander. (Mir. enf. diable, c.1339, 14). Mais je qui sui leur droite mere Leur doing une clarté si clere, Si a point, si bien ordenée, Que la racine qui entée Est dedens leur cuer d'amours germe Fleur, fueille, fruit et nouviau germe, Et les fais plus cointes vint tans Que la terre n'est au printemps. (MACH., R. Fort., c.1341, 81). ...or ne vous esmaiez du paiement, car se il y a en vous tant de prouesce comme je l'espoir, ains demain vespre vous pourrez gaignier quatre tans que vous ne me devez (Bérinus, II, c.1350-1370, 113). ...ilz lui laissierent trois tans qu'ilz n'avoient despendu (Bérinus, II, c.1350-1370, 153). ...le grosse ville de Saint Leu en Constentin... valoit trois tant que le cité de Coustances (FROISS., Chron. L., III, c.1375-1400, 139).

X tant de + subst. (que). "X fois plus de ... (que)" : ...et avoient deulx tant de gens que les Gregoiz (Percef. I, R., t.1, c.1450 [c.1340], 127). ...je oseroye bien sur vostre fiance emprendre ung tournoy encontre .II. tantz de chevaliers bien preux. (Percef. I, R., t.1, c.1450 [c.1340], 657). ...nous sommes plus liez de leur venue que de .III. tant d'autres (Percef. I, R., t.1, c.1450 [c.1340], 667).

X tant plus ... : Et se Famius en avoit grant angoisse et douleur, encore en avoit sa femme sept tans plus (Bérinus, I, c.1350-1370, 6).

X tant plus que/ tant mais que : Chascune est de grant beauté plaine Cent tans plus que ne fu Heleine, Cent tans mes sans comparaison (Tomb. Chartr. Trois contes S., c.1337-1339, 99). Et encores, pour le voir dire, Trueve femmes en leur martire Avoir esté cent mille tans Plus devotes et plus constans Assez que les hommes ne furent (DESCH., M.M., c.1385-1403, 293).

X tant mieux que : Vierge pure, se cent mille ans Vous eusse cent mille tans Miex que ne vous ay reservi, N'aroie je pas desservi, Vierge, ceste grant courtoisie. (Mir. enf. diable, c.1339, 19).

[Corrélatif d'une conséquence, d'une condition, d'une cause, d'une concession]

[...d'une conséquence] "Au point de" : Et ... fu trouvé en son tort tant que il le compara chierement... car il en fu pris et justiciés (FROISS., Chron. R., VIII, c.1375-1400, 24).

À tant de + inf. "Au point de" : Car Grace, ma trés chiere amie, Va a Dangier, et se li prie Qu'il ne soit pas si dongereus Au fin amant qui est honteus, Et qu'atant se vueille souffrir De lui ramposner et laidir (MACH., D. verg., a.1340, 44).

À tant que. "Au point que" : Evesque suy de ma contree, Mais a tant est la chose allee Que je faiz vostre cortillage (Tomb. Chartr. Trois contes S., c.1337-1339, 117).

Estre à tant que. "Être au point que" : Li rois de France ... supposoit bien que li rois dessus nommés... ne se tenrois point à tant que il n'emploiast ses gens où que fust (FROISS., Chron. L., IV, c.1375-1400, 139). Et sachés que je suis a tant Que ne puis aller ne courir (OUDIN, St Genis M.S., c.1490, 74).

Loc. conj. Tant que. "De sorte que, si bien que" : ...en abaiant li chiennès m'aprocha, Tant que ses dens a ma robe acrocha. (MACH., J. R. Beh., c.1340, 103). Et eurent tout ce fait en quatre jours, tant que il pooient bien aller jusques au dit mur à leur aise (FROISS., Chron. R., VIII, c.1375-1400, 52).

Tant et si bien que : ... li Espagnol...furent... tout sech paiiet de leurs gages, tant et si bien que il se contentèrent grandement dou roy de France et de son paiement (FROISS., Chron. R., VIII, c.1375-1400, 64).

À tant que. "En sorte que" : Sires juges, jugiez atant [à tant] Que sentence sera rendue. (MACH., J. R. Nav., 1349, 253).

[...d'une condition]

En tant. "En posant telles conditions " : ... et les avisa li connestables en tant, se il ne rendoient la forterèce ensi que oblegié estoient, tout premierement, il feroient morir leurs hostages, et puis les constrainderoient d'assaus (FROISS., Chron. R., VIII, c.1375-1400, 213).

Fors /sauf tant (que). "Si ce n'est (que)" : ...je ne suy sage Certainement de nul ouvrage Fors tant que bien coultiveroie Un beau jardin se je l'avoie. (Tomb. Chartr. Trois contes S., c.1337-1339, 112). J'en ay le cuer si empeschié De grant courrous et de grant yre Que, par foy, je ne say que dire, Fors tant que pour savoir le voir Je vueil que li faciez savoir, Messire Nicole Jourdain, Que visitacion demain Feray laiens (Mir. abbeesse, 1340, 82). Or parlons de sa fin, dont je parole envis, fors tant que pour sçavoir ou tamps advenir que il devint (FROISS., Chron. R., IX, c.1375-1400, 77). ...li soudis de l'estrade avoit volu rendre le fort, sauf tant que yaux et le leur s'en peussent yestre allé à Bourdiaux sauvement (FROISS., Chron. R., IX, c.1375-1400, 87). ...et avec ce, sont tenuz de labourer les terres d'icelui hostel deuement, et de garder et excerciter et de faire excerciter, chascun an durant leurs et la vie du plus seurvivant, par personnes souffisantes et bien congnoissantes, a leurs couz, frais, peril et despens, toute la justice que les dis religieus ont oudit hostel et lieu dessus dis et enteriner, et de faire les explois et garder prisonnier, s'il y eschiet, sauf tant que les dessus nommez des cas et explois de justice qui y escherront useront et exploiteront par le conseil du baillif ou prevost des dis religieus que qu'ilz ont et auront a Mery et ou païs de Montfortois durant ledit temps (Chartes Abb. St-Magl. T.F., t.3, 1376, 465). Et lors (...) s'apperu à elle un annemi en façon et estat des ennemiz que l'en fait aus jeux de la Pacion, sauf tant qu'il n' avoit nulles cornes. (Reg. crim. Chât., I, 1389-1392, 356). ...toutesvoies sur ce n'y ot pour lors prinse aucune conclusion, sauf tant que monseigneur le Chancelier dist que... (FAUQ., I, 1417-1420, 284). ...si regarday envyron moy et ne trouvay ne vy aulcune aultre chose estre demeuree fors tant seullement le petit livret que Raison me laissa soubz le chevet de mon lict (MESCHIN., Lun. princes M.-G., c.1461-1465, 35).

Par/parmi tant (que). "À cette condition (que)" : ...car riens ne te lairoit de nul avoir que tu ayes, ainçois te feroit tout tollir et oster, et encores nous yroit il bien, se par tant nous pouoions eschapper. (Bérinus, I, c.1350-1370, 153). Il ... heurent en convent au duc d'Ango... qu'il demorroient boins François à tous jours mais ... et parmi tant, li dus d'Ango les delivra tous quittes (FROISS., Chron. R., IX, c.1375-1400, 14). Li contes de Flandres se reconforta parmi tant que li dus de Bourgongne li eut en convenant de aidier (FROISS., Chron. R., X, c.1375-1400, 251).

Sinon par tant que : Neantmoings, lesdis membres ont diverses actions et offices par la divine Providence si bien conduictes et ordonnées que l'ung membre ne peut bien exercer son office, sinon par tant que les autres membres luy soient en aide et familiers. (BUEIL, II, 1461-1466, 67).

Loc. conj. Tant que. "Pour peu que, si tant est que" : ...or en alons ensemble, Tant que de Chestre soions près Je vois devant, venez après, Et me suivez. (Mir. fille roy Hongrie, c.1371, 30). Mais de poree : bectes, feuilles de violectes, espinars et laictues, orvale, autant de l'un comme de l'autre, tant que de tout vous ayez deux pongnees largement. (Ménagier Paris B.F., c.1392-1394, 244).

[...d'une cause]

De tant que. "À cause de cela, à savoir que" : Dame des cieulx, cinc mille fois Vous loe et gracie et mercy De tant que vous vous estes cy A ma personne demonstrée (Mir. enf. diable, c.1339, 4). ...ton dit ayol duquel de tant que de sang descendus lui es plus prouchain... (CHR. PIZ., Paix W., 1412-1413, 70).

En tant que. "À cause de cela, à savoir que" : ...laquelle dicte prosperité et bonne fortune ilz reputerent estre a leur prejudice, en tant que, se ainsi montoient et aloient croiscent, pourroient estre en poissance, seignourie et honneurs plus grans d'eulx (Bouciquaut L., 1406-1409, 212).

Par tant. "Pour cette raison" : Et nomma un signeur de l'host, et dist qu'il estoit à lui. On le laissa passer par tant ; et cuida bien estre escapés, mès non fu (FROISS., Chron. L., III, c.1375-1400, 64). ...lez aultrez luy donnerent courtoise finanche pour raenchon et par tant leur donna congié. (Comte Artois S., c.1453-1467, 45).

"Ainsi, à la suite de quoi" : Et par tant delivra ces prisonniers trestouz. (JEAN LE LONG, Voy. Odoric A.M., 1351, 18). ...et par tant tous s'en revont. (JEAN LE LONG, Voy. Odoric A.M., 1351, 58). Par tant est complète et finie La première Somme ou Partie. (LA HAYE, P. peste, 1426, 70).

Par tant que. "Pour cette raison que" : Chier sire, je le scé par tant Que je mesmes vien du pays (Mir. mère pape, c.1355, 388). Lequel son cousin, par tant qu'il ot sesdiz biens ainsi par lui mal prins, le lessa aler où il voult, sanz lui fere autre dommage ou destourbier. (Reg. crim. Chât., I, 1389-1392, 5).

Pour tant. "À cause de cela" : ...cil de Gand soutilloient et visoient, nuit et jour, comment il poroient nuire leurs ennemis et porter damage ; et pour itant besongnoit il bien à ceux qui leur estoient prochain (...) que il fuissent sus leur garde (FROISS., Chron. R., XI, c.1375-1400, 218).

Pour tant que. "Parce que " : Vous vous devez tenir plus chiére Pour tant que vous un fil avez. (Mir. enf. diable, c.1339, 15). Mais pour ytant qu'il [l'homme] en gousta, Dieu de ce lieu hors le bouta (Mir. Barl. Josaph., c.1363, 266). ...li compagnon en aront grant joie, pour tant que il seront paiiet (FROISS., Chron. R., VIII, c.1375-1400, 77). ...et jeta son advis à aller mettre le siège devant Bergerach pour tant qu'elle est la clef de Gascoigne (FROISS., Chron. R., IX, c.1375-1400, 1). Et furent les villes taxées à grant somme de florins, pour tant que il avoient au commencement desobei au roi (FROISS., Chron. R., XI, c.1375-1400, 81). ...elle ne pooit parler ne dire mot, pour tant qu'ele ne l'en osoit parler. (WAUQUELIN, Manequine C.T., a.1448, 146).

[Empl. subst.] Pour un tant. "C'est pourquoi" : Pour un tant, chierement vous pri Que vous me menés sans detri Haut et bas et ne m'espargniés (FROISS., Joli buiss. F., 1373, 111).

Pour un tant que. "Étant donné que" : Il m'en souvient moult bien encor Pour un tant que moult me valirent, Car onques chil ne me fallirent Jusqu'a tant que je vins a Romme. (FROISS., Joli buiss. F., 1373, 59).

[...d'une concession]

Tant soit petit. "Si petit soit-il" : Preuve moy quelle euvre ilz [tes dieux] ont faicte, Tant soit petite et imparfaicte ; Tu n'en seroye une trouver. (Myst. st Adr. P., c.1450-1485, 150).

Tant soit peu. V. peu

Tant ou petit. "Si peu que ce soit" : ...se vous vos faites assalir tant ou petit, vous serés tout mort sans merci (FROISS., Chron. L., V, c.1375-1400, 219).

C. -

[Dans le temps]

"Si longtemps" : Et ne cuidiez mie que nulz autres homs y peüst avoir duré, car Dieux le consenti a tant vivre pour ce qu'il lui vouloit faire sa char chierement comparer les oultrages contre nature qu'il avoit faiz. (Bérinus, I, c.1350-1370, 130). ...pour quoy ycellui defendeur a tant tardé et attendu de proceder ausdictes criées et decret après la sentence desdis commissaires (FAUQ., III, 1431-1435, 159).

Tant que. "Aussi longtemps que ; jusqu'à ce que, jusqu'au moment où" : ...pour ycelles garder sauvement, tant que il leur plaisoit et avoit pleu (Chartes Abb. St-Magl. T.F., t.3, 1330, 24). ...je vous attenderai tant que vous serez revenus (FROISS., Chron. L., II, c.1375-1400, 32). Messires Jehans Chandos le veult acompagnier, ensi qu'il fist, et li tint toudis compagnie tant qu'il fu hors de le prinçauté (FROISS., Chron. L., VI, c.1375-1400, 98). Bien se sentoient en forte place assez pour iaux là tant tenir que secours leur seroit venus d'Escoce (FROISS., Chron. R., IX, c.1375-1400, 32). ...nuls ne leur aloit au devant tant que il fuissent ensamble (FROISS., Chron. R., IX, c.1375-1400, 143).

De ci à tant que + indic. ou subj. "À partir de ce moment-là et jusqu'à ce que" : Quant tu venras aux murs de la tour et tu avras trouvé la porte, tu n'enterras pas dedens, ains ten yras tout aval a destre, costoiant les murs de si atant que [à tant que] tu avras trouvé une fenestre qui sera ou mur. (Bérinus, I, c.1350-1370, 65). Si m'aïst Dieu, jamaiz a nul jour ne seray liez de si atant que [à tant que] j'aie ce chevalier occiz (Bérinus, I, c.1350-1370, 337).

D'ici à tant que : ...je ne m'en partiray pour rien qui me doye advenir d'icy atant que [à tant que] vous me dourez vostre gracieux congié (Comte Artois S., c.1453-1467, 68). ...d'icy a tant que lez trois chosez cy dessus escriptez fussent acheveez (Comte Artois S., c.1453-1467, 143).

Jusques à tant que + indic. ou subj.. "Jusqu'à ce que" : Je voeul que tu saches de fit Que bien et fort te monteray Jusqu'a tant que de toy orray Chose qui mestourne a moy. (Dit prunier B., c.1330-1350, 71). Comme, a cause de vostre office, vous eussiez arresté et mis en la main du roy nostre seigneur certainne rente que les religieus de l'eglise monseigneur Saint Magloire, fondee du roy en la grant rue Saint Denis a Paris, se dient avoir sus une et plusieurs certainnes mesons seant a Paris, jusques a tant que il nous eussent monstré cause comment il les tenoient comme amortiz ou autrement... (Chartes Abb. St-Magl. T.F., t.3, 1334, 56). N'a mon las cuer jamais bien ne vendra, N'a nul confort n'a joie n'ateindra, Jusques atant que [à tant que] la mort me prendra (MACH., J. R. Beh., c.1340, 64). Ne vous vueillez de cy mouvoir Jusqu'a tant qu' a vous revenray. (Mir. abbeesse, 1340, 65). Adonc il fist son serement que jamais il n'avroit repos jusques a tant qu'il avroit conquis Blandie (Bérinus, I, c.1350-1370, 122). Si fist chargier deux sommiers de fin or et les lui envoya par Galopin, qui bien savoit la voye et ne fina de jusques atant [à tant que] qu'il ot fait a la dame son present (Bérinus, I, c.1350-1370, 269). ...et avecques ce ycellui preneur ne pourra vendre ne aliener nul des grains des dites dismes et champars jusques a tant que les dis religieux soient paiez chascun an enterinement de leur dite moison (Chartes Abb. St-Magl. T.F., t.3, 1357, 219). Et einsi demuerent toute la sayson de l'esté les boucs hors d'avec les chievres jusques atant que [à tant que] le temps de leur ruit vient (GAST. PHÉBUS, Livre chasse T., 1387-1389, 71). Et, tantost comme l'ourse a conceü et se sent grosse, elle se met en une caverne de roche et demeure dedanz jusques atant que [à tant que] elle ait faonné (GAST. PHÉBUS, Livre chasse T., 1387-1389, 84). ...oncques pourtant ne perdy la veue de son mary jusquez atant [à tant que] qu'il fu entré en son logis (Comte Artois S., c.1453-1467, 107). Ces tresors mettez la dedans, Jusques a tant qu'il soit en terre. (Myst. st Laur. S.W., 1499, 185).

Tant qu'à. "Jusqu'à" : Le disner fait, vous partirés, et vous baillerai bonnes gides qui vous menront tant c'a Chierbourc (FROISS., Chron. R., VIII, c.1375-1400, 47). Il est à present ou plain de l'ivier, que il fait froit et mauvais ostoiier ; vous venrés à Vennes, et là vous tenrés tant c'à l'avril ou mai (FROISS., Chron. R., X, c.1375-1400, 27).

À tant. V. atant

"Jusque-là" : Mais fort jure qu'encor vengié Ert des Grieux, qui l'ont dommagié, Et ses barons reconfortant Le vont, disant qu'il seuffre [qu'il le supporte] atant [à tant]. (CHR. PIZ., M.F., III, 1400-1403, 57).

À tant que. "Jusqu'au moment où" : Si prens congié et d'Amours et de Joye Pour vivre seul a tant que mourir doye (CHART., Compl., 1424, 327).

D. -

[Dans une relation identifiante] "Pour ce qui est de, en ce qui concerne"

Tant comme à. "Pour ce qui est de" : ...mais, comment que (...) souvent passaissent parmi nos relicques susdictes, qui nompourquant furent en grant quantité comme de .III. hommes, si ne les porrent il oncques trouver, car Dieux par sa vertu divine les avoit fait invisibles tant comme a ceulz, affin que elles ne perissent (JEAN LE LONG, Voy. Odoric A.M., 1351, 20). Signeur, grant mercis de l'onneur que vous me ... volés faire ; mais tant comme à present, je ne voeil pas ceste, car je sui encores trop jones pour encargier si grant fais (FROISS., Chron. L., VI, c.1375-1400, 118).

Tant que à. "Pour ce qui est de" : Et se doubtoient à avoir le siège, mès non eurent tant c'à celle fois (FROISS., Chron. R., VIII, c.1375-1400, 51).

Tant que de. "Pour ce qui est de" : ...et tant que de moy je le plaindy grandement (FROISS., Chron. M., XIV, c.1375-1400, 41). Messires Guiçart, tant que de monsigneur Guillaume que vous demandés à avoir, nous vous jurrons bien en loyauté que nous ne savons où il est (FROISS., Chron. R., VIII, c.1375-1400, 1). Tant que de lors honmes, fenmes, enfans et tous lors meubles, il avoient tout retrait ou fort (FROISS., Chron. D., p.1400, 327).

Tant que de + inf. "Pour ce qui est de" : ...tant que de eux donner sauf conduit d'aller en Engletière, vous n'en ferés rien (FROISS., Chron. R., XI, c.1375-1400, 100).

Tant que pour. "Pour ce qui est de" : Si demora depuis Tenremonde en pais tant que pour celle saison (FROISS., Chron. R., IX, c.1375-1400, 199).

Tant qu'est à ... "En ce qui concerne, pour ce qui est de, quant à" : En tant qu'est a parler du saint Temple de Nostre Seigneur et de Salomon, on n'en peut veoir que l'entrée (Voy. Jérus., c.1395, 41). Tant qu'est a parler d'iceulx greniers par dedans, nous n'en pourriens proprement parler, car l'entrée dessus est murée et par devant sont tresgrosses tombes (Voy. Jérus., c.1395, 68). Tant qu'est a moy je luy donray Une belle pomme que j'ay Droitement cy en ma malette. (MARCADÉ, Myst. Pass. Arras R., a.1440, 25). Je t'aideray, tant qu'est a moy, Voulentiers (CH. D'ORLÉANS, Rond. C., 1443-1460, 332). ...sy conseille, tant qu'est a moy qu'atout ce que vous porrez avoir de gens, vous entrez en leur pays avant qu'il aient fait leur armee pour venir par decha (Comte Artois S., c.1453-1467, 70).

De tant. "En ce qui concerne cela, sous ce rapport" : Sire, faites semblant de deslogier... Chil de laiens isteront sus. De tant les cognoi je bien (FROISS., Chron. L., III, c.1375-1400, 91). Sire, sachiés que temprement vous vos combaterés : de tant congnoi je bien le prince (FROISS., Chron. L., VII, c.1375-1400, 30).

En tant que. "En cela que, dans la mesure où..." : Chier filz, qui establiz les loys, Qui de grace tant me donnas, Que de moy ta mére ordenas, Non pas conme mére conmune, Mais mére et vierge fui par une Voie qui fu dessus nature, En tant que de ta creature Tu daignas nestre en humain corps (Mir. ev. arced., c.1341, 133). Cil baron, chevalier et escuier qui se trouvoient en ces marès... n'estoient pas à leur aise en tant que il estampoient en le bourbe et en l'ordure, li pluseurs jusques en mi le gambe (FROISS., Chron. R., XI, c.1375-1400, 20). Reconforter me doy en tant Que de celi mon pleige fis Qui tout peut faire (Mir. march. juif, c.1377, 203). Et car ceste matiere est moult proufitable, tant que lez clers et lez chevaliers en sont en grant doubte, je vous veueil enquerir touz lez cas a mon povoir esquieulz droit permet gaige de bataille (BOUVET, Arbre bat. R.-B., c.1386-1389, 503).

En tant comme. "En cela que, dans la mesure où..." : L'an de grace mil CCC et trente, le vendredi avant la Saint Vincent, nous rapporta par son serement Jehan Paris, sergent a cheval du roy noseigneur en la visconté de Paris et ou ressort d'ycelle, [que] le jeudi darrenierement passé avoit esté a Mareul souz Monfort, et la, [tant] pour mettre a execucion la sentence dont mencion est faite en ladite commission que par vertu de la commission de nous a lui donnee ci annexee et des lettres du roy noseigneur dont mencion est faite en ycelle, selonc la teneur de la dite sentence et en la maniere que commis li estoit, contre monseigneur Adam, curé de ladite ville, et en tant comme il lui pouvoit touchier selonc la teneur de ladite sentence, avoit pris, saisi, arresté et mis en la main du roy des grains dudit cu (Chartes Abb. St-Magl. T.F., t.3, 1331, 35). ...et que la election du roy faite par le pueple n'eust nule vertu, se ne fust en tant comme les peres l'aprovassent. (BERS., I, 1, c.1354-1359, 17.9, 28). ...chascune en tant comme il luy touche (Chartes Abb. St-Magl. T.F., t.3, 1364, 271). Et en celle meïsme maniere doit recevoir l'auditeur les choses dessus dictes, pour ce que il appartient a tout homme bien discipliné enquerir de chascune chose la certainneté selon la maniere et en tant comme la nature de elle le puet recevoir et le requiert. (ORESME, E.A., c.1370, 107). Deffendez leur de mesdire d'aultruy, fors seulement a vous et en secret, et en tant comme le meffait toucheroit vostre prouffit seulement, et pour eschever vostre dommage et non plus. (Ménagier Paris B.F., c.1392-1394, 128). Si n'en ont nul bien autrement, Fors en tant comme ilz s'en delivrent. (CHR. PIZ., Chem. estude P., 1402-1403, 198). Esperance et crainte sont opposites aucunement, non pas contraires, en tant comme crainte est don du saint Esperit. (CHART., L. Esp., c.1429-1430, 103). Item, que de la part du Roy et de ses succeseurs Roys de France ne sera faicte ne permise, ou seufferte faire par les princes et seigneurs dessusdiz aucune paix, traictié ou accord avec son adversaire et ceulz de la part d'Angleterre, sans le signifier à mondit seigneur de Bourgoingne et à son heritier principal après lui et sans leur exprès consentement, et les y appeller et comprendre, se comprins y veullent estre, pourveu que pareillement soit fait de la part de mondit seigneur de Bourgoingne et de sondit hoir principal au regard et en tant comme il touche la guerre d'entre France et Angleterre. (LA MARCHE, Mém., I, c.1470, 231).

En tant comme + subst. "En cela qu'une chose est ce qu'elle est (et que dit le subst.), comme tel" : Et ne pourroit estre que le telier, le corroier, selonc leurs arts, fussent ordenéz a aucunes oeuvres et homme, en tant comme homme, ne fust pour aucune oeuvre mais fust chose oysive et pour neent. (ORESME, E.A., c.1370, 120). ...et de toute mensonge en tant comme mensonge, il a horreur et abhominacion (ORESME, E.A., c.1370, 268). Et celui qui faint teles choses pour aucune autre fin, se il le fait pour grace et afin de avoir gloire et honeur, il n'est pas tres vituperable en tant comme ventëeur. (ORESME, E.A., c.1370, 268). ...combien que Aristote les repreuve en sa Methaphisique, il n'est pas à entendre que il les repreuve en tant comme poetes, n'en tant comme covertement ilz parlent des secrez, car poesie si n'est pas reprouvée, ainçois si comme meismes ou tiers livre il recite, et saint Thomas le desclaire, il ne les repreuve ne diffame, senon en tant comme il appert que fabuleusement ilz ont parlé des principes des choses (CHR. PIZ., Faits meurs Ch. V, S., II, 1404, 177).

En tant que de. "En ce qui concerne, pour ce qui est de" : En tant que de la dispensation, li ambasadour d' Engleterre s'en cargierent (FROISS., Chron. D., p.1400, 157).

DMF 2020 - MAJ 2020

Robert Martin

Fermer la fenêtre