A. -

[Compar. de bien]

1.

"De meilleure manière, de manière plus satisfaisante" : Mais aussi con my devancier Feray, ou mieulx. (Mir. ev. arced., c.1341, 128). LE BAILLIF. (...) Je ne vous say miex conseillier (Mir. enf. ress., 1353, 66). Mais ces biens devant diz qui sont de diverses especes sont appeléz "bien" pour ce que il ont aucune dependence d'une chose ou actribucion a aucune chose, ou encor a mieux dire, ou aucune proporcion, si comme le voiement au corps et l'entendement en l'ame. (ORESME, E.A., c.1370, 116). Les Anglois souloient dire que nous savions mieulx danser et caroler que mener guerre. (FROISS., Chron. M., XIV, c.1375-1400, 133). Par foy, Remondin, dist le conte, c'est petit de chose ; mais, se Dieu plaist, je vous feray mieulx. (ARRAS, c.1392-1393, 34). Par ma foy, monseigneur, on ne lui pourroit donner nom [à la forteresse de Lusignen] qui mieulx lui afferist, selon l'estat de lui. (ARRAS, c.1392-1393, 47). ... le roy Selodus (...) maintient la bataille si tres vaillaument que on ne pourroit mieulx (ARRAS, c.1392-1393, 185). Et pour ce que plus est meü Le cuer de l'homme par veoir Que par letre sanz plus savoir Et mieux s'i mettent les coraiges, Sera ci fait par personnages (...) D'icelle hystoire la semblance. (Gris., 1395, 2). LE MARQUIS a l'evesque. Monstrez les moy [les bulles du pape], beau sire, si ques J'en puisse mieux estre a ma paix. (Gris., 1395, 74). LE CONTE. (...) en quelquonques lieu pieça Nous ne feumes mieulz receüz. (Gris., 1395, 93). Ils (...) si bien dou roi que nuls mieuls de li (FROISS., Chron. D., p.1400, 48). ...afin de tenir et fortifier ce royaume en paix, amour et bonne union pour mieulx resister aux Anglois et anciens ennemis du Roy. (FAUQ., I, 1417-1420, 133). Elle eust volentiers refusé si ce ne fust pour mieulx faire. [L'homme recherche un bijou égaré] (C.N.N., c.1456-1467, 46). Le pouvre martir estant soubz le lit, a peu s'il s'osoit tirer de la, doubtant le retourner de son adversaire, ou, pour mieulx dire, son compaignon. [Il vient d'assister, impuissant, au viol de sa femme] (C.N.N., c.1456-1467, 52). ...si monseigneur avoit bien besoigné, voire et a haste encores fist il mieulx (C.N.N., c.1456-1467, 76). ...tres bien luy sembloit qu'il estoit mieulx taillié de faire la besoigne que son mary. (C.N.N., c.1456-1467, 150). L'oncle, esperant que mieulx luy en seroit cy après (...) fut content de la servir (C.N.N., c.1456-1467, 172). Il respondit (...) qu'il estoit plus aise et mieulx a luy que ceulx qui ont leurs belles chambres voirrées, nattées, et tapissées. [D'un berger mal logé] (C.N.N., c.1456-1467, 358). "...Vous me tuerez, dit elle, aultre n'y a. - Laissez moy faire, dist il, je sçay mieulx beaucop..." (C.N.N., c.1456-1467, 519). Or sus, mon amy Tropsadvance, Et vous, amoreux Mitrart, Venés et nous mectons appart, Et nous parons pour mieulx dancer. (Pass. Auv., 1477, 89). Pour le mieulx veoir, advansons nous. (Pass. Auv., 1477, 190). Je suis gent, mignon et parfait Et pour mieulx acomplir mon faict, Amoureux je veulx devenir. (B. veoir, p.1480, 15).

-

Encore mieux : ...ses gens (...) se portoient bien (...) et pour eulx encoires mieulx encourragier et donner bonne voulenté, il escripsoit souvent à messire Guillaume, son chevalier. (FROISS., Chron. M., XIV, c.1375-1400, 196).

-

Tant mieux. "De manière d'autant plus satisfaisante" : Pour le descendre mieulx a plain, Monter me fault sur ceste celle ; Et vous, Crispe, montés sur celle, Et tant mieulx farons nostre ouvracge. (Pass. Auv., 1477, 239).

-

Trop mieux. "De manière beaucoup plus satisfaisante" : ...trop mieuls lor valoit que il atendesissent apriés le passage que li passages atendesist apriés euls. (FROISS., Chron. D., p.1400, 705). ...[le dernier venu] estoit de plus haulte estoffe et trop mieulx soulier a son pié que le premier venu... [brachylogie : ce soulier était mieux, de manière plus satisfaisante, à son pied que...] (C.N.N., c.1456-1467, 228).

-

En mieux : J'ay sceu que aussi faictes vous en vostre endroit, dont je suis très joieux, et mesmement de deux rencontres que l'on dit avoir esté faittes à vostre avantaige. Dieu vous y doint continuer et tousjours prouffiter en mieulx. (LE CLERC, Interp. Roye, c.1502, 310).

.

(Se) muer en mieux : LE QUINT CHEVALIER. (...) marïage fait müer Par sa grant vertu les corages, En mieux se müera li saiges, Et le fol ja bien ne fera (Gris., 1395, 15). LE SECRETAIRE en lisant. (...) Chier frere, j'ay entencïon, Pour müer en mieulz mon coraige, De prendre femme a marïage (Gris., 1395, 23).

.

De bien en mieux : De joie et d'onneur pourveoir Vous vueille, mes dames gentieulx, Et tout adès de bien en mieulx Dieu de lassus ! (Mir. Amis, c.1365, 35). ...le Chancelier dist que le Roy estoit très bien content des dessusdis de la Court, de l'Université et de la ville de Paris, et qu'il avoit assez bien aperceu leur bonne volenté et loyauté, en les ammonestant qu'ilz voulsissent perseverer de bien en mieulz, en disant telles paroles ou semblables en effect. (FAUQ., I, 1417-1420, 231). ...lequel [le royaume de France], par la grace de Dieu, est ores tresgrandement recouvré, esperant tousjours de bien en mieulx (LA SALE, Salade, c.1442-1444, 11). DIEU. (...) Je les secouray [les martyrs] bien a point, Mès qu'ilz soient perceverans De bien en mieulx, et attendans, Pour amour de moy et de vous. (Myst. st Adr. P., c.1450-1485, 84). ...[je] ne pense point pourtant que vostre amour doyve cesser, ainçois de bien en mieulx se maintiendra (C.N.N., c.1456-1467, 165). On dit en tous lieux Que de bien en mieulx Sy grans signes fait Sus jeunes et vieulx ! (Myst. Pass. Troyes B., a.1482, 474). ...nous devons considerer Qu'en plus grande parfection Chet plus grande devocion Pour parvenir de bien en mieulx. (Myst. Pass. Troyes B., a.1482, 1066).

.

De mieux en mieux : ...Et me donnez cuer et desir De vous de miex en miex servir (Mir. femme roy Port., c.1342, 176).

-

Loc. adv. (À) qui mieux mieux/ que mieux mieux : Et vit que ledit Regnier le feri le premier cop et aus autres après, chascun qui miex miex (Conf. Jug. Parlem. Paris L.L., 1333, 107). Il laissièrent le baillieu et se desroutèrent, et s'enfuirent cascuns à qui mieux mieux. (FROISS., Chron. R., IX, c.1375-1400, 177). ...et puis les oblas qui mieux mieux geteront le remanant de la terre et empliront la fosse en vengant les .IIII. elemens desquelz ladite charongne a mainte fois mal usé. (MÉZIÈRES, Test. G., 1392, 310). Et lors se commence l'ost a estourmir, et viennent Sarrasin, qui mieulx mieulx, a la meslee. (ARRAS, c.1392-1393, 105). Ses gens le sievoient a l'esporon, que mieuls mieuls. (FROISS., Chron. D., p.1400, 361). ...si (...) fist (...) widier gens a force pour aler contre son signour et ses enfans et les aultres qui venoient, qui mieuls mieuls (FROISS., Chron. D., p.1400, 890). ...et saillirent qui mieulx mieulx hors d'ycelle bastille (MONSTRELET, Chron. D.-A., t.5, c.1444-1453, 314). Dieu perpetuel, Hault et glorïeux, Los tres solempnel Rendons qui mieulx mieulx ! (Myst. Pass. Troyes B., a.1482, 570). Prenez chascun une plommee, Et en soit sa chair descharpie Et sa faulce vie consummee. Frappez ! bastez ! de randonnee ! Car celuy qui le mieulx fera Aura robe de ma livree. A qui mieulx mieulx or y perra. Avancez vous, si l'assommez. (Myst. st Laur. S.W., 1499, 230).

.

Qui mieux. "À l'envi" : ...et lors les prince seculiers qui mieulx offroient a leur mere et le fons de la terre et les fruiz et la juridicion temporelle. (MÉZIÈRES, Songe vieil pèl. C., t.2, c.1386-1389, 304).

-

Avoir mieux. "Se trouver dans une position plus satisfaisante, plus confortable" : C'est maistre Guillaume Cottin Et maistre Thibault de Vittry, Deux povres clercs parlans latin, Humbles, bien chantans au lectry, Paisibles enffans sans estry ; Je leur laisse sans recevoir Sur la maison Guillot Gueutry, En attendant de mieulx avoir. (VILLON, Lais R.H., c.1456-1457, 24).

-

Ne demander mieux. V. demander

-

Estre mieux : Si passa parmi Cambrai, et puis vint à Arras, et plus cheminoit, et mieux de sa santé lui estoit. (FROISS., Chron. R., XI, c.1375-1400, 125). Sur ce costé me vueil tourner Pour savoir s'il m'en sera miex. (Mir. Pierre Changeur, c.1378, 240). ...s'espousée l'ay, J'en seray miex. (Mir. Clov., c.1381, 212). Et fu chascuns logié selon son estat, qu'ilz disoient que en leurs propres hostieulx ne feussent ils pas mieulx. (ARRAS, c.1392-1393, 39). LA PREMIERE DAME. (...) vostre beauté nonpareille Serra mieux en ce noble habit Qu'elle ne feroit en petit (Gris., 1395, 39). Je suys ung pou mieulx, dit elle, que par cy devant n'ay esté. (C.N.N., c.1456-1467, 136). Il est mieulx d'estre prejuré Que injustement tuer ung prophete Pour ung jurement deshonneste. (Pass. Auv., 1477, 97).

.

Estre mieux avec qqn. "Avoir à l'égard de qqn une attitude (encore) plus favorable" : Dont n'est point a doubter que se vous et les autres princes et seigneurs crestiens et ceulz qui combattre doivent, que se vous estes bien avec Dieu, que il ne soit assez mieulx avecques vous (LA SALE, J.S., 1456, 202).

.

Il en est mieux à qqn de qqc. "Qqn gagne à qqc., en tire profit, y trouve un contentement" : Je le feiz [rompre la très amoureuse prison] en telle façon, Voyant celle devant mes yeulx Consentant a ma deffaçon Sans ce que ja luy en fust mieulx ; Dont je me dueil et plains aux cieulx, En requerant d'elle vengence A tous les dieux venerïeux, Et du grief d'amours allegence. (VILLON, Lais R.H., c.1456-1457, 12).

.

C'est mieux que + subj. : Mere, ce seroit beau cop [l. beaucop] mieulx Que ne pancessiés plus ces paines. (Pass. Auv., 1477, 254).

-

Faire mieux : LA VENTRIÉRE. (...) Dame : voz grans maux sont passez. Demandez quel enfant avez, Si ferez miex. (Mir. Clov., c.1381, 247). ...car mieulx le feïssons [le ditter], Se mieulz faire le sceüssons. (Gris., 1395, 4). LE MARQUIS. (...) Car ce que l'en fait pour mieux faire Ne doit fors en bien avenir. (Gris., 1395, 98). La reme que dois gouverner Sera par moy bien maintenue ; Je ne cognois dessoubz la nue Home mieulx le faisant de moy. (Myst. st Adr. P., c.1450-1485, 169). LE CRESTIEN. L'ai ge (pas) [le juif] bien sceu envelopper ? Oncques mieulx faire je ne vy. (Mir. st Nic. juif, c.1480-1500, 94). Il a toujours en soy regret Qu'il ne peult mieulx faire pour vous. (Myst. st Laur. S.W., 1499, 180).

.

Ne pouvoir mieux faire : PREMIER BERGIER. (...) Car quant en santé les nourriz [mes brebis], Mieulx, ce me semble, ne puis faire. (Gris., 1395, 47).

-

Ne pas pouvoir mieux : LA MARQUISE. (...) Je me rigle a vostre personne, Car mieux, ce me semble, ne puis. (Gris., 1395, 58).

-

Savoir mieux ... que : Mais depuis ilz conclurent que Voyau iroit au sacre, pour ce qu'il congnoissoit mieulx les personnaiges à qui il se failloit adresser et aussi que ledit de Balsac savoit myeulx les passaiges et chemins de Lymosin que ledit Voyau : ce qui fut fait (LE CLERC, Interp. Roye, c.1502, 152).

-

(Il) semble mieux que : LA PREMIERE DAME. (...) Ains semble mieux, a son atour Et a sa tressaige maniere, Que en l'ostel d'un emperiere Ou en aucun palais royal Ait demouré que ci aval Entre ces povres laboureurs. (Gris., 1395, 42).

-

Valoir mieux. "Avoir plus de valeur ; y gagner" : LE COUSIN. (...) Mais prenez en vous confors telz Que vostre ame en puist valoir miex (Mir. enf. ress., 1353, 57). "Comment ?", respondy le duc de Guerles, "plus est riche et puissant, tant y vault la guerre mieulx..." (FROISS., Chron. M., XIV, c.1375-1400, 177). ...[ils] lui distrent aussi qu'il vendeist icelle au mieulx qu'il pourroit, et que du surplus que icelle cendrée valoit mieulx que les XX frans qu'il leur avoit prestez, ilz vouloient bien qu'il en feist son prouffit (Reg. crim. Chât., II, 1389-1392, 395). Amis, bontez vault mieulx que beautez. (ARRAS, c.1392-1393, 104). Il [le roi] a ja fait son testament, et donne a ses serviteurs tant que chascun s'en tient a bien paiez, et est confez, et a recu son Createur et tous ses sacremens. Par foy, dist le cappitaine, il en vault mieulx et a fait que saige. (ARRAS, c.1392-1393, 114). Par ma foy, monseigneur, le corps de vous vault mieulx que X. royaulmes et fait plus a priser, quant a mon gré. (ARRAS, c.1392-1393, 192). LA PREMIERE DAMOISELLE a la contesse. (...) [l'enfant] nourri sera chierement Et de tel endoctrinement Qu'a tous jours maiz mieux en vaulra (...) tant comme il vivra. (Gris., 1395, 68). ...la roine (...) li dist et pronmist que (...) elle se sentoit grandement tenue a euls, et que si enfant ou temps a venir, en vaudroient mieuls. (FROISS., Chron. D., p.1400, 64). Li enfes est jones et avera mestier d'avoir bon consel. Se li bailliés tel que li roiaulmes en vaille mieuls (FROISS., Chron. D., p.1400, 164). Simonnet Guerin, qui valoit miex mort que vif. (FAUQ., II, 1421-1430, 352). ...s'ainsi le faictes, vous en vauldrez mieulx. (C.N.N., c.1456-1467, 120). L'odeur que je sens est tresbonne ; Mes encore le corps vault mieulx. (Pass. Auv., 1477, 260). En ce faisent farés assés Pour en estre loué tout temps Et de Dieu et des bonnes gens ; Et vous mesmes en vouldrés mieulx. (Pass. Auv., 1477, 275).

-

Venir mieux. "Être plus favorable" : Mieulx venist que je me feusse noyee ou fait mourir d'autre mort cruelle ou que je eusse esté mort nee que tant de nobles creatures eussent esté periz et mors par mon pechié. (ARRAS, c.1392-1393, 162). "Se je atens le jugement des .XII. pers, il n'est riens si certain, on me retenra et serai mis en prison. Et tout au mieuls venir, se je voel avoir ma delivrance, il faudra que je remette arriere tout ce dont je sui en saisine..." (FROISS., Chron. D., p.1400, 487). ...vous entreamerez et entretiendrez l'un a l'aultre par lectres, actendans que mieulx vous vienne. [Conseil à deux amants qui doivent se séparer] (C.N.N., c.1456-1467, 165).

.

Mieux vient à qqn que. "Qqn agirait de manière plus satisfaisante en" : Mais mieulx venist aux Sarrasins que ilz s'en feussent tourné, car les chevaliers vindrent en l'ost, et compterent la nouvelle. (ARRAS, c.1392-1393, 101).

2.

P. ext.

a)

"Plutôt, de préférence"

-

Aimer mieux que. "Préférer que" : Auquel Breton il qui parle a oy dire par plusieurs fois que il aymeroit mieulx que l'en le feist morir que l'en le meist plus en gehine (Reg. crim. Chât., I, 1389-1392, 545). Par foy, dist Oliviers, j'aime mieulx que tu m'occies, car a moy rendre ne puis je gueres conquester. (ARRAS, c.1392-1393, 64). "Ha ! dame, je amaisse trop mieuls que vous fuissiés d'autre part que chi..." (FROISS., Chron. D., p.1400, 848).

.

Aimer mieux qqc. que : Puis qu'il m'est ainsi infortuneement advenu, j'ayme mieulx ma mort que a plus vivre. (ARRAS, c.1392-1393, 163). PREMIER BERGIER. (...) J'aimme mieux amer Marotele, Et la faire au fresteau danser, Que moy faire fol ressembler Pour contrefaire l'omme d'armes. (Gris., 1395, 44).

.

Aimer mieux (à) + inf. que : J'ameroye miex a mourir, Que ce que je vous encusasse (Mir. femme roy Port., c.1342, 176). Mais Eustrace met un example d'un autre qui fist bien : ce fu Zenon le philosophe, qui eslut a mourir et ama mieulx estre pilé en un mortier que il revelast a un tyrant le secret de sa cité. (ORESME, E.A.C., c.1370, 177). Puis qu'ainsi est, j'aime mieulx a mourir par la main d'un si vaillant chevalier que vous estes que d'autre main. (ARRAS, c.1392-1393, 64). J'ayme trop mieulx a mourir que de souffrir ainsi martirier ma gent. (ARRAS, c.1392-1393, 162). ...j'ayme trop mieulx faire reverence a dix filles communes que avoir failly a une femme de bien. (LA SALE, Salade, c.1442-1444, 12). Par la force sainte Marie, j'aymeroie mieulx vous veoir noyer que seans vous bouter. (C.N.N., c.1456-1467, 28). J'aime mieulx non rien besoigner Que ces cloux faire, par mon ame ! (Pass. Auv., 1477, 177). Mon seigneur, je suis son ancelle Et sa servante a le servir ; Pour ce amaroys mieulx morir Que si en prenoye ung denier (Pass. Auv., 1477, 237).

-

Croire mieux. "Croire plutôt" : LE PREMIER BERGIER. (...) croy je mieux qu'il a Haulte dame a femme rouvee (Gris., 1395, 80). ...li aultre creoient mieuls le contraire que le fait (FROISS., Chron. D., p.1400, 865).

-

Penser mieux que... "Penser plutôt que" : Elle estoit en le cité de Rennes, quant elle entendi que ses sires estoit pris (...) Se elle en fu dolente et couroucie, ce peut cescuns et doit penser et savoir, car elle pensa mieus que on deuist mettre son signeur à mort qu'en prison. (FROISS., Chron. L., II, c.1375-1400, 115). Et y fait tant d'armes que il n'y ot si hardy Sarrasin qui l'ose attendre, mais le fuient comme l'aloe l'esprevier. Quant le gallaffre de Bandas l'appercoit, si le monstre au roy Braidimont. Ne veez vous pas cel homme ? Par foy, je pense mieulx qu'il soit plains de maligne esperit qu'il soit homme naturel. (ARRAS, c.1392-1393, 137).

-

Prendre qqc. mieux en bon gré. "Accepter plus volontiers" : LE BOURGOIZ. (...) Ce me seroit a grant confort, Et si en prendroie la mort Miex en bon gré. (Mir. enf. ress., 1353, 1).

-

(Il) vaut mieux que. "Il est préférable que" : Mieulx nous vault estre des premiers Que ce que feussions derreniers. (Mir. femme, 1368, 185). ...verité est que elle dist a sadite seur qu'il valoit mieulx que elle feist la volenté et plaisir dudit chevalier que ce qu'il la baillast à sesdiz varlez et garçons. (Reg. crim. Chât., I, 1389-1392, 46). Par foy, ma damoiselle, je ne parlay oncques a lui [Uriien], mais il vault mieulx que je ne dy. (ARRAS, c.1392-1393, 104). LA MARTE. Le corps que sur son giron porte Luy donne celle vanité. NICODEMUS. Doncques il vault mieulx qu'on l'emporte. (Pass. Auv., 1477, 258).

.

Il vaut mieux + inf. "Il est préférable de" : LA DAME. (...) Car, mon enfant, il vault miex naistre De bonne heure que de bons estre (Mir. enf. ress., 1353, 24). ...car, s'il [Glaude] eschappoit, il pourroit par aventure encores faire moult d'ennuy avant que on le peust ratrapper, et que mieulx le valoit enclorre ens ou cavain et le prendre par force la dedens. (ARRAS, c.1392-1393, 204). ... il vault mieulx fuir que mauvaisement attendre. (ARRAS, c.1392-1393, 233). SECONT BERGIER. (...) mieux vault estre paoureux Par raison qu'estre fol hardi. (Gris., 1395, 47). Homme vicieulx, Il voulsit mieulx - pour ton profit Perdre tes yeulx Faulx, envieulx, - que croire au dit De ce mauldit dampné (Pass. Auv., 1477, 246).

.

(Il) vaut mieux à qqn... "Il est préférable pour qqn" : Car, certes, il me vaulsist mieulx Estre avant de li trespassée (Mir. st J. Cris., c.1344, 254). Mieuls li vaudroit a demorer en paix que penser a telles wiseusses. (FROISS., Chron. D., p.1400, 267). ...mieuls lor valoit a morir sus la place que estre pris ne retourner ; car qant il retournoient, il estoient pendu conme traitte. (FROISS., Chron. D., p.1400, 630). Mieulx luy vauldroit la fievre quarte Que d'estre mis entre noz mains ! (Pass. Auv., 1477, 192). Il me vauldroit mieulx estre mort Que d'ausi vivre longuement. (Pass. Auv., 1477, 231).

.

Qui mieux vaut. "Ce qui est préférable" : Quand le mary vint a l'ostel, il fut servy de prinsault comme l'Escossois fut leans, des parolles et grandes offres qu'il fait ; et en conclusion, qui mieulx vault, comment il se rendra demain au soir devers elle en sa chambre. (C.N.N., c.1456-1467, 49).

b)

"Plus, davantage" : ...si avoit tousjours le sire de Couchy, pere de la dessusdicte dame, fait guerre en Ronmagne et ailleurs pour Clement encontre Urbain ; pour quoy Urbain ne l'en amoit pas mieulx (FROISS., Chron. M., XIV, c.1375-1400, 47). Se en devant il les avoit bien amez, encoires les ama-il mieulx aprez (FROISS., Chron. M., XIV, c.1375-1400, 172). "Retournons, retournons en France ; ce sont mieulz nos marces. Mal dehait ait qui ja ira plus avant !" (FROISS., Chron. R., VIII, c.1375-1400, 220). Quant la royne ot bien entendu la piteuse querelle des dessusdiz cardinaulx appellez chetis, pauvres et decirez, lesquelx sembloient mieulx mors que vifz (MÉZIÈRES, Songe vieil pèl. C., t.1, c.1386-1389, 290). ...et se mieulx eust peu prendre oudit hostel, prins l'eust. (Reg. crim. Chât., I, 1389-1392, 90). ...icelli feu Thevenin li dist que il venoit à Paris, pour savoir s'il pourroit plus et mieulx gaignier à labourer vignes environ Paris qu'il ne faisoit audit lieu de Francouville (Reg. crim. Chât., II, 1389-1392, 59). Et sachiez qu'il sembloit mieulx forsenné que autre. (ARRAS, c.1392-1393, 250). LE FAULCONNIER. (...) Se voler ne faiz mon faulcon Encore mut mieux qu'onques maiz ! (Gris., 1395, 5). LE QUINT CHEVALIER [au marquis]. (...) Laquelle [chose que nous te demandons, ton mariage], se nous l'avïons, Nous tenrïons pour fortunez Mieux que nulz noz voisins d'assez (Gris., 1395, 12). .LE TIERS CHEVALIER. (...) onques maiz ne nasqui de mere Deux enfans mieux d'une semblance. (Gris., 1395, 92). Nous sonmes en son pais ; et qant nous serons dehors, il avera mieuls cause de escrire et seeler les desfiances que il n'ait presentement. (FROISS., Chron. D., p.1400, 299). Quant damp Abbés fut partis et qu'il s'en fut retournez en son abbaye, commencerent ses loenges a qui mieulz le pouoit loer. (LA SALE, J.S., 1456, 254). Le vallet trouva la bonne fille et luy dist qu'elle aura ces dix escuz, voire et encores mieux cy après. (C.N.N., c.1456-1467, 121). ...il n'en partira meshuy, pource qu'il a tant empesché le lieu de celuy qu'elle ayme beaucop mieulx que luy. (C.N.N., c.1456-1467, 185). ...ne vous fault pas penser qu'il ne fust entretenu de la bonne gouge autant et mieulx que par avant (C.N.N., c.1456-1467, 228). Et affin, dist il, que j'en soye mieulx creu, et vous voiez son tort evident, je vous monstreray tout. (C.N.N., c.1456-1467, 471). Elle en ressemble la mere, Et par Dieu je l'en aime mieulx. Mes arregardés quieulx doulx yeulx Et quel visacge femenin ! (Pass. Auv., 1477, 91). Simon, on dit Q'un usurier deux debteurs avoit. L'un cinq cens deniers luy devoit, L'aultre cinquante a payer ; Tous deux n'avoient pas ung denier. L'usurier leur a tout donné. Dy moy lequel est mieulx amé, Et qui plus amer doit de ses deux ? (Pass. Auv., 1477, 153). Je ne quier pas mieulx C'est vray teste de Bible. (Cene dieux, c.1492, 115). [Mais] pour estre mieulx a son aise S'il luy failloit je ne scay quoy, Elle seroit mieulx avec moy, Et en doys estre le seigneur. (P. moyne, a.1500, 47). Mais nous qui sommes cloistriez, Nous vivons en paix et sans noises, Et pour vivre mieulx a son aise Au monde ne pourroit mieulx estre. (P. moyne, a.1500, 48).

-

[Après une quantité, un nombre] Et mieux... "Et davantage" : Et après, le populaire aloient en grant et merveilleux nombre, qu'on estimoit à cent mil personnes et mieulx. (ROYE, Chron. scand., I, 1460-1483, 330). Et pour ce que ceulx de ladicte ville de Douay et de Lisle lez Flandres orent certaines nouvelles de ladicte destrousse, se mirent aux champs pour rescourre ledit argent et prisonniers, et nonobstant qu'ilz feussent moult grant nombre, nos dictes gens se saulverent parmy eulx, en tuerent IIIIxx et mieulx, et en emporterent ledit argent par eulx gaigné (ROYE, Chron. scand., II, 1460-1483, 69).

-

Ne pas demander mieux : Alors de beau gris de Rouen Elle vous va couper dix aulnes, Et m'en fist les mains toutes jaulnes. Je fis ung peu le gratieux, Mais je ne demandoye pas mieulx. Elle me les fist emporter... (B. veoir, p.1480, 18).

B. -

[Superl. de bien] Le mieux/la mieux/les mieux : Chantez en alant la le mieulx Que vous sarez. (Mir. femme roy Port., c.1342, 195). Il estoient logiet sus une montagne et avoient envoiiet desous, en lieu où on ne les pooit aviser ne approcier, la droite moitié de leurs gens et les mieus à harnas. (FROISS., Chron. L., VI, c.1375-1400, 65). ...lequel estoit l'omme du monde que elle amoit le mieulx, et duquel elle avoit de beaux enfans (Reg. crim. Chât., II, 1389-1392, 333). Or, mon chier amy, dist la dame, laissons en le parler, car de ma part ne tendra pas que vous ne soiez le mieulx fortunez qui oncques feust en vostre lignaige et tous ly plus puissans. (ARRAS, c.1392-1393, 42). Par ma foy, ma damoiselle, ce sont les plus appertes gens d'armes et les plus beaulx hommes qui oncques entrassent en cest païs, et les mieulx abillez. (ARRAS, c.1392-1393, 97). L'ystoire dit que la feste fu grande soubz Lusegnen et y jousta on moult bien ; mais sur tous les jeunes damoisiaux Regnault et Anthoine le firent le mieulx, au dit des dames et des heraulx (ARRAS, c.1392-1393, 149). ...madamoiselle Jehane (...) lors estoit la plus belle, la plus gente, la plus frice et mieuls aians toutes nobles manieres que nulle jone dame dont on euist la congnissance (FROISS., Chron. D., p.1400, 267). ...[elle fut] courroucée d'oyr la perte du meilleur membre de son corps, et dont elle se servoit le mieulx, et son mary aussi. (C.N.N., c.1456-1467, 39). ...ung grand seigneur dudit royaume d'Angleterre entre les mieulx nez, riche, puissant, et conquerant (C.N.N., c.1456-1467, 79). Affin qu'il puisse mieulx veoir (...) il choisit le plus hault arbre et mieulx houssé du bois et monte dessus (C.N.N., c.1456-1467, 88). ...je seroie perdue et gastée, et vous ne seriez pas le mieulx party du jeu. (C.N.N., c.1456-1467, 122). Ce que le roy fist et y envoya Mons. du Bueil, Ymbert de Batarnay et maistre Pierre Doriole ; lesquelz, estans vers Mons. de Guienne, escripvirent au roy unes lettres, lesquelles receuz par le roy, les envoya à Mons. le grant maistre, comme à celluy de son royaulme duquel il esperoit estre le mieulx servy ; desquelles la teneur s'ensuit : "Sire, nous recommandons à vostre grace tant et si très humblement que nous povons..." (LE CLERC, Interp. Roye, c.1502, 220).

-

Le mieux du monde : Et sur ce point, je faiz conduire ledit Luxembourg jusques devers le gouverneur du Daulphiné et leur mande qu'ilz le gardent jusques ad ce qu'il aient fait leurs besongnes et après qu'ilz le me renvoyent ; et ce pendant le duc de Bourgongne cuidera que son herault besongne le mieulx du monde. Je vous manderay le surplus par mons. le chancellier. (LE CLERC, Interp. Roye, c.1502, 208).

-

Le plus tard vaut le mieux : Dame, ne vous en hastez mie, Que le plus tart si vault le mieulx, De peur du bruit, je vous affie, Et du peuple qui sera joyeulx. (Myst. siège Orléans H., c.1480-1500, 424).

.

Le plus tost vaut le mieux : Le plus toust partir vault le mieux A surprandre noz anemis. (Myst. siège Orléans H., c.1480-1500, 539).

-

(Tout) le mieux qu'il peut : ...maiz estoit homme qui se vivoit et gouvernoit à la pene de son corps le mieulx qu'il povoit ; et n'avoit aussi oncques veu ne vestu houppellande fourrée (Reg. crim. Chât., I, 1389-1392, 103). ...icelli commissaire dist à part à lui qui parle, tout seul, qu'il se tenist fort et se deffendeist tout le mieux qu'il pourroit et sauroit, puisqu'il se mett[r]oit en rebellion. (Reg. crim. Chât., II, 1389-1392, 192). ...et alé ou païs de Normandie, tant pour requerir sa vie comme pour la gaignier audit mestier et autrement le mieulz qu'il eust peu et sceu. (Reg. crim. Chât., II, 1389-1392, 521). Ma chiere seur, faictes le mieulx que vous pourrez (ARRAS, c.1392-1393, 206). ...sur quoy la Court a respondu qu'elle fera le miex qu'elle pourra en justice (BAYE, I, 1400-1410, 240). Et finablement, les generaulz dessusdis, aprés pluiseurs paroles et excusacions, respondirent que sur tout ilz feroient le mieulz qu'ilz pourroient. (FAUQ., I, 1417-1420, 338). ...[il] fist une tresbelle eglise et couvent, et les maintint [les moines] et entretint toute sa vie le mieulx qu'il peut. (C.N.N., c.1456-1467, 215).

-

Au mieux. "De la meilleure façon" : ...ilz recommenceront ledit Parlement et le continueront au mieulx qu'ilz pourront à l'onneur du Roy et de ladicte Court. (FAUQ., II, 1421-1430, 367).

.

Au mieux qu'il/qu'on peut : ...mais il fait au mieulx que il peut selon sa discrecion par vertu d'epyeykie. (ORESME, E.A.C., c.1370, 325). ...et en cest estat se sont vesqus bien et loyalment, au mielx qu'ilz ont peu. (Reg. crim. Chât., I, 1389-1392, 159). ...puis trois mois ença, il s'est partiz d'icelle ville d'Otun, et venu ou pays de France pour gaignier sa vie au mieulx qu'il eust peu et sceu (Reg. crim. Chât., II, 1389-1392, 275). Et lors vint le navire ferir ou havre, et trairent chevaulx et ce qu'il leur plot hors des nefs, et se logent aux champs au dehors de la ville, en tentes, en trefs, en paveillons ; et ceulx qui n'en ont nulz se logent et font logeiz au mieulx qu'ilz pevent. (ARRAS, c.1392-1393, 92). Et le roy envoya courant a force de chevaulx jusques a mil hommes par my eux, qui moult les dommagierent et empescherent qu'ilz ne se porent ordonner a leur guise. Non pourtant ilz se mirent au mieulx qu'ilz porent en arroy. (ARRAS, c.1392-1393, 137). Et lors senty descendre sur lui, aussi dru que pluie chiet du ciel, coups et horions d'un costé et d'autre, et fu moult defroissiez de coupz orbes, et puis fu tirez moult vilainement hors de la forteresse, et traynez tout hors de la barriere, et la fu laissiez. Et sachiez qu'il ne pot oncques veoir pié de ceulx qui ainsi le servoient. Lors se redrece au mieulx qu'il puet, et maudist cellui qui lui apporta les nouvelles de ceste adventure, et l'eure qu'il y vint oncques. (ARRAS, c.1392-1393, 306). LE VENEUR. (...) A son povre pere et a lui, Au mieux que puet et sanz enuy Leur petite vie [Griseldis] appareille (Gris., 1395, 29). Ensi s'apaisierent li Flamenc ; et se passerent au mieuls que il porent d'aler au moustier (FROISS., Chron. D., p.1400, 367). L'autre, tresdesplaisant de ceste male adventure, conforte le chevalier au mieulx qu'il peut (C.N.N., c.1456-1467, 77). ...comme il estoit au lit de la mort, et [eust] fait ses ordonnances et disposé de sa conscience au mieulx qu'oncques peut, il appella ung seul filz qu'il avoit (C.N.N., c.1456-1467, 330).

.

Au mieux que faire se pourra : Toutesfois, si ledit seigneur de Barbazan ou autres se tirent devers vous, et qu'ils facent que la possession de Lestore et de toutes les autres places de par delà vous soient royallement baillées, et qu'il facent au surplus entiere obeyssance, en ce cas et non autrement, pour soupporter le povre peuple, et afin qu'ilz puissent mieulx payer les tailles, je suis content que l'armée n'entre point audit pays et que vous les supportés de charge au mieulx que faire se pourra. (LE CLERC, Interp. Roye, c.1502, 235).

-

Du mieux qu'il/que l'on peut : ...en ycelle [église] prindrent plusieurs vestemens, aournemens et autres choses que l'en trouvera leans, chascun du mieulx qu'il pot, dont il ot sa part desdiz vestemens de draps de soye (Reg. crim. Chât., I, 1389-1392, 66). Confortons nous et faisons dou mieuls que nous poons. (FROISS., Chron. D., p.1400, 216). Nous fasons du pis et du mieulx Que nous pouons, sans y faillir. (Myst. st Adr. P., c.1450-1485, 139). ...il fut la laissé toute la belle nuyt, pense, dorme, face du mieulx qu'il peut (C.N.N., c.1456-1467, 185).

-

Le mieux qu'on sait : Et je commenceray de cuer diligent, de mon povre sens et povoir, en ay fait le mieulx que j'ay sceu. Si prie a mon Createur que mon tres redoubté seigneur le veulle prendre en gré, et aussi tous ceulx qui l'orront lire. (ARRAS, c.1392-1393, 1). Li marescal s'escuserent au mieuls que il sceurent ne porent (FROISS., Chron. D., p.1400, 652). ...si s'en alla hastivement vers le curé, et tout le mieulx qu'il sceut se confessa (C.N.N., c.1456-1467, 349). ...elle ne vouloit condescendre a ce mariage, et au mieulx qu'elle savoit s'en excusoit. (C.N.N., c.1456-1467, 423).

-

Estre le mieux de qqn. "Être dans les meilleurs termes avec qqn" : ...il se meteroit en grant aventure et peril ; car qant il quideroit estre le mieuls d'euls, uns rumours et uns debas s'esmouveroit a Bruges ou a Gant ou a Ippre de ses gens as Flamens (FROISS., Chron. D., p.1400, 450).

-

[Sans le]

.

[Avec plaire] : Et puis [le roi] regarde d'autre part, et voit la table mise, et la nappe belle et blanche dessus, et y voit moult de nobles mez. Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. (ARRAS, c.1392-1393, 303). ...nous, et chacun de nous, serons tenus de aidier et servir cellui d'entre nous qui à besongner en aura, se requis en sommes, de cinq cens hommes d'armes ou gens de trait à l'avenant, lequel que mieulx plaira à cellui qui en aura à besongner (FAUQ., II, 1421-1430, 96). ...ilz firent ce que mieulx leur pleut. (C.N.N., c.1456-1467, 323). ...elle passa legerement les requestes de ceulx qui mieulx luy pleurent, et joyrent d'elle. (C.N.N., c.1456-1467, 327).

.

Dire mieux à qqn. "Parler à qqn de la manière la plus satisfaisante, avec le plus de bienveillance" : De riens n'ay soing, si mectz toute m'atayne D'acquerir biens et n'y suis pretendent, Qui mieulx me dit, c'est cil qui plus m'actaine, Et qui plus vray, lors plus me va bourdent (VILLON, Poèmes variés R.H., c.1456-1463, 46).

.

Au mieux venir. "Dans le meilleur des cas" : Ma fille, merciez ces nobles hommes du secours qu'ilz ont fait a moy et a vous, et a nostre royaume, car, se ne feust la grace de Dieu et leur puissance, nous estions tous destruiz, et, au mieulx venir, exilliez de nostre pays. (ARRAS, c.1392-1393, 119).

C. -

Empl. subst.

1.

"Ce qui est meilleur" : Ne sçay que face pour son miex, Ou que le mande ou qu'a li voyse. (Mir. st Guill., c.1347, 6). Avant pardisons, c'est le mieux, Nostre rondel. (Mir. chan., c.1361, 168). Ralons nous ent chantant es cieulx Avecques Dieu, c'est nostre mieulx, A mon avis. (Mir. st Sev., 1362, 205). ...Puis nous en irons, vous et moy, Couchier, c'est le mieux que g'y voy (Mir. Berthe, c.1373, 168). Ma filhe, or dancés plus fort ; Pour avoir du bien, faictes mieulx. (Pass. Auv., 1477, 92).

-

"Condition meilleure" : Item, aussi comme mutacion ne peut estre que elle ne soit en miex ou en non-miex (ORESME, C.M., c.1377, 482).

-

Avoir un peu mieux. "Être en meilleure santé" : Et là sejourna il plus de quinze jours, pour l'amour de lui, et le fist medeciner ; et quant il eut un peu mieus, il le mist en une litière et le fist amener tout souef à son hostel en Pikardie. (FROISS., Chron. L., V, c.1375-1400, 52).

-

Avoir du mieux. "Avoir le dessus, remporter la victoire" : Si faictes dont diligemment Que je soye en present armee, Et me baillez gens mesmement Que a Orleans soye menee, Que par ma longue demouree Les François n'ont pas [eu] du mieulx. (Myst. siège Orléans H., c.1480-1500, 378).

2.

"Le meilleur"

-

C'est le mieux : Las, mon cuer nect Est ja tout prest - a morir si ce m'est le mieulx ! (Pass. Auv., 1477, 257).

-

Le mieux est de + inf. : ...et semble que en tel cas le miex est de oster les lays anciennes. (ORESME, Pol. Arist. M., c.1372-1374, 97).

-

Le mieux de qqn. "Ce qu'il y a de meilleur pour qqn" : Avant l'esté revenu, se il demoroient là, il seroient tout mort de povreté, et, se il s'espardoient sus le païs pour querre leur mieux, il faissoient doubte que li Escot, qui les haioient (...) ne les mourdresissent en leurs lis. (FROISS., Chron. R., XI, c.1375-1400, 276). ...on les avoit bouté hors de Calais, pour tant que il cargoient trop la ville, et le foulloient de vivres, et en aloient aillours a l'enventure querir lor mieuls, ensi que povres gens qui avoient tout perdu sans nul recouvrier. (FROISS., Chron. D., p.1400, 747). Pour obvier a ses dangers [aux exigences, aux hauteurs de la femme que j'aimais], Mon mieulx est, ce croy, de partir. A Dieu ! Je m'en vois a Angers, Puis qu'el ne me veult impartir Sa grace ne me departir. (VILLON, Lais R.H., c.1456-1457, 13). La nuyt est assez bonne et coye : Je m'en puis bien, se croy, aler Avec mes freres consoler. Est ce mon mieulx ? Je croy que oÿ (Myst. Pass. Troyes B., a.1482, 946).

-

Au mieux. "Dans le meilleur des cas" : ...monseigneur au mieulx se couche en la paillace, et madame en ung tresbeau lit avec l'escuyer se repose. [L'homme est parti à la guerre] (C.N.N., c.1456-1467, 110).

-

Pour le mieux. "De la meilleure façon" : Se luy requerez qu'il vous conseille pour le mieulx de ceste besoingne yci, car elle vous touche trop grandement (FROISS., Chron. M., XIV, c.1375-1400, 59). Et pour ce, selon Averroïz, nature donna aus bestes aucunes choses qui ne leur sont pas simplement neccessaires, mes le fait pour le miex, si comme est le voiement ou ouïr. (ORESME, C.M., c.1377, 408). .. je vous recommande ma terre et la vostre, et en faictes ainsi qu'il vous semblera pour le mieulx a l'onneur de moy et de vous (ARRAS, c.1392-1393, 148). Et, sur ce, se offry la Court pour soy emploier selon l'oportunité, ainsy que seroit advisé pour le miex au bon plaisir du Roy et des gens de son Conseil. (FAUQ., III, 1431-1435, 40). ...Dieu (...) fait tout pour le mieulx (C.N.N., c.1456-1467, 95). Jamaiz ne fusse je esté né ! Je croy qu'il me fut pour le mieulx, Veu que suis a mort condempné. (Pass. Auv., 1477, 206). Veez cy piteuse mutacion, Müer la joye en passïon. Mon enfant, est ce pour le mieulx ? (Pass. Auv., 1477, 221). Je suis prest, montons a cheval Et chevauschons sans selle, et pour le mieulx, Disant adieu, tant a mont com a val, Car nous avons affaire en aultres lieux. (Sots mal., c.1480, 91). N'en prenez point tant de souci, Que nous avons fait pour le mieux. (Myst. siège Orléans H., c.1480-1500, 637).

-

Faire tout le mieux (à qqn) : JANICOLA. (...) tout le mieux que je pourray Ma vie durant te feray. (Gris., 1395, 87). Et, après lui y vint et comparut ung esleu de Paris nommé Marc Sename, et deux des filz messire Jehan Sanguin, qui aussi vindrent en ladicte jouxte honorablement et y firent tout le mieulx qu'ilz porent, mais ilz n'en emporterent gueres de bruit. (ROYE, Chron. scand., I, 1460-1483, 204).

.

En faire tout le mieux : GRISELDIS [à son père]. (...) Je vous feray si bonne aÿe (...) Que tantost serez en bon point, Car je le vueil et doy bien faire. JANICOLA. (...) Je say bien que tu en feras Trestout le mieulx que tu pourras (Gris., 1395, 28).

3.

"La meilleure partie de qqc." : Avecques moy vous en venez : Je demeure ou miex de la ville. (Mir. roy Thierry, c.1374, 291). Et regretoit moult le gallaffre et le roy Braidimons les vaisseaulx qui estoient esgarez par la tourmente, ou leur artillerie estoit toute ou le mieulx. (ARRAS, c.1392-1393, 131).