Empl. pronom. réciproque. "S'entretuer" : Et ainsi pensoie en cel estre Dont ce vient, ne que ce puet estre Que meismement les bestes mues, Soient ou aux champs ou en nues, Se vont ensemble combatant, Entreocciant et abatant (CHR. PIZ., Chem. estude P., 1402-1403, 17). Puis vindrent aux lances et espees dont ilz s'entroccioyent par mons et par tas (Gil. Tras. W., c.1450, 75). Et de fait, tous deux se fussent entreoccis, n'eust esté la nuit qui les surprint et preserva (Percef. III, R., t.3, c.1450 [c.1340], 128). Il sambloit lors qu'ilz se deussent tous entreoccire car tout homme ruoit a destre et a senestre (Percef. III, R., t.1, c.1450 [c.1340], 175). ...puis vindrent aux lanches et aux picques dont ilz s'entreoccirent (WAVRIN, Chron. H., t.3, p.1471, 202).
 

"Massacre"

Rem. FROISS. (éd. Kervyn), 13/231.
 

"Massacre" : Si ont veü Jourdain le vassal de jouvent Qui touz seux se combat sans amy ne parent Et demainne paiiens a grant ochiement (Jourd. Blaye alex. M., a.1455, 227).
 

"Celle qui tue : ...l'en pourra dire que vous soiez cause de ma mort et occieresse de moy (PREMIERFAIT, Décaméron D., 1414, 349). [Var. du manuscrit Paris, B.N., fr. 129 (ca.1475)]

Rem. tueresse.
 

"Celui qui tue, meurtrier" : ...mais chier se vendoient aux occieurs, car maint en verserent le jour en la marine nouer tous armez avec les poissons (Bouciquaut L., 1406-1409, 263). ...converseur des Juifz, occieur des Chrestiens, gardien des Sarrazins, estandart de Mahomet, seigneur de tout le monde. (Doc. 1427. In : MONSTRELET, Chron. D.-A., t.4 c.1444-1453, 283).
 

A. -

Au propre Occire qqn ou un animal

1.

Empl. trans.

a)

"Faire mourir qqn de mort violente, tuer qqn" : ...as jugié faussement Maint preudomme et maint jugement ; Car les innocens opprimoies Et les courpables delivroies, Et Dieus dit qu'on n'ocie mie L'innocent et juste de vie. (MACH., C. ami, 1357, 13). Quant Julius Cesar fu des Rommains En traïson occis, mors et estains, Moult fu des dieus et des deesses plains Pour la tresgrant valeur dont il fu plains : Deÿfiés fu de leurs propres mains. (MACH., Voir, 1364, 550). Monter te vueil dessus la pance Pour toy occire. (Mir. Amis, c.1365, 39). Là fu la traïson mortel Tout de nouvel recommencie, Traitie, jurée et plevie, Et furent trestuit d'un acort Que le landemain, sans deport, Li roys seroit ocis et mors. Mais li roys voloit aler hors, Si que plus matin se leva D'eaus tous, dont sa vie sauva. (MACH., P. Alex., p.1369, 263). Seur lui [les conjurés] furent si encharnez, Qu'onques mais uns homs de char nez Ne vit homme avoir tant de plaies, De la teste jusques aux braies, Ne telles comme il li feïrent ; Ce dient ceus qui le veïrent, Qu'il en avoit plus de LX. Bien doit estre la main dolante Qui est telle ne si hardie Qu'elle son droit signeur occie. Et n'i avoit que mortels plaies. (MACH., P. Alex., p.1369, 270). Et se aucun navroit ou occioit son propre filz et il cuidast que ce fust son adversaire, si comme fist Merope. (ORESME, E.A., c.1370, 181). Vela ceuls qui nous ont ocis nos amis (FROISS., Chron. L., I, c.1375-1400, 121). Ilz entrerent ens es hostelz, là où le plus il en y avoit de logiez et, ainsi comme il les trouvoient, il les occhioient sans pité et sans merchy, et en occirent celle nuit plus de troix cens (FROISS., Chron. M., XIV, c.1375-1400, 129). Et l'Escripture meisme dist que la lune se arresta, et toutevoies, generacion ne cessa pas lors ne corrupcion, car ce pendant, ceulz qui estoient contre Gabaon furent occis. (ORESME, C.M., c.1377, 374). Mors est, a dire verité. En son lit occis a esté, Et si ne scet on de quelx gens. (Mir. st Lor., 1380, 146). ...il a ouy dire, ou temps qu'il estoit oudit païs, que icellui Thomassin occist et murdrit pour elle un compaignon qui estoit venu à elle pour avoir sa compaignie. (Reg. crim. Chât., I, 1389-1392, 143). Requis s'il fu oncques à homme tuer, murdrir ou occir, dit par son serement que nom (Reg. crim. Chât., I, 1389-1392, 397). Et oultre, dit que l'omme occiz dont en sadite confession est faite plus à plain mencion, quant il fu veu et apperceu dudit Paradis, estoit monté sur un cheval (Reg. crim. Chât., II, 1389-1392, 271). Et l'aventure si est telle que, se, a ceste presente heure, uns subgiez occioit son seigneur, qu'il devendroit ly plus riches, ly plus puissans, ly plus honnourez qui feust oncques en son lignaige, et de lui ystroit si tres noble lignie qu'il en seroit mencion et remembrance jusques en la fin du monde ; et saiches que c'est vray. (ARRAS, c.1392-1393, 21). Je scay bien comment tu [Remondin] as occis ton seigneur par mespresure, comme de cas volontaire, combien que pour l'eure tu ne le cuidas pas faire (ARRAS, c.1392-1393, 25). LE MARQUIS [à Griseldis] Et les enfans ay fait garder A Bouloigne, et non pas occire. (Gris., 1395, 95). ...pour requerir justice contre le duc de Bourgoigne qui avoit fait occirre le feu duc d'Orleans (BAYE, I, 1400-1410, 237). ...es oeuvres de nature nous veons que le baselique par son regart seulement occit ung homme. (GERS., Concept., 1401, 425). ...les enfans Jacob pour leur suer qui ot esté violée occirent le roy qui ce avoit fait (CHR. PIZ., Paix W., 1412-1413, 94). ...si bientost ne me despeschez et ne me mettez en paradis, je mesme a mes deux mains vous occiray. (C.N.N., c.1456-1467, 62). Item cellui qui occist sa femme ne doibt pas prendre aultre (Sacr. mar., c.1477-1481, 62). Vostre sentence despreuvee Conclud encontre humanité Que Mort subite et aggravee L'occise ains son point limité. (Cene dieux, c.1492, 138). Et, par le commandement du duc, furent faictes choses le plus inhumaines et execrables que l'on pourroit dire ne panser : entre lesquelles ledit duc de Bourgoigne fist tuer et occire prestres consacrans et tenans corpus Domini entre leurs mains, fut laditte ville pillée, robée, et les murailles d'icelle abatus dedans les fossez. (LE CLERC, Interp. Roye, c.1502, 218). ...oudit an LXVIII, fut livré l'assault à laditte ville du Liege, et y entrerent les Bourguignons sans qu'ilz trouvassent peu ou nulle resistence en ceulx de laditte ville, pour ce que la plus grant partie des habitans d'icelle, durant ledit assault et le siege et à l'entré de laditte ville, furent occis et mis à mort, hommes, femmes, enffans, religieux et religieuses, jeunes femmes et filles à marier et religieuses violées par les Bourguignons. (LE CLERC, Interp. Roye, c.1502, 218). Pareillement il donna grace et remission à ung nommé Jehan de la Roche, escuyer, de ce qu'il avoit occis ung homme auquel il avoit donné ung cop en la cuisse d'un espée, dont il morut. (LE CLERC, Interp. Roye, c.1502, 250).

-

[D'une chose] : ...le chault soleil sus leurs testes... les ardera et occhira... (FROISS., Chron. M., XIV, c.1375-1400, 92).

-

[Un animal] "Tuer" : Mais riens n'i vausist fer ne fust, Se belle Adriane ne fust, Qui oublia Minos, son pere, Et Androgeüs, son chier frere, Sa terre et ses charnels amis, Pour Theseüs, ou elle a mis Son cuer, si qu'elle li moustra Comment occis le fier moustre a, Pour lui delivrer dou servage ; Et li donna son pucelage Par si qu'a femme la penroit Et qu'en son païs l'en menroit Avec Phedra, sa chiere suer, Qu'elle ne lairoit a nul fuer. (MACH., J. R. Nav., 1349, 231). ; ...il ne faisoit compte d'ochir ung homme non plus comme une beste. (FROISS., Chron. M., XIV, c.1375-1400, 189). Assez tost aprez vendront les veneurs et de ses gens qui apporteront le conte mort en une lettiere ; et semblera a tous que la plaie soit faicte des dens du porc, et diront tuit que le senglier l'a mis mort, et que le conte a le senglier occiz, et le tendront pluseurs a grant vaillance. (ARRAS, c.1392-1393, 27).

-

Empl. abs. "Tuer" : ...car il est dit après En ce lieu mesmes par exprès: J'occiray et vivre feray, Je naverray et gariray (Mir. st Panth., 1364, 345). ...si comme l'en diroit que une espee occist et si est ce chose senz ame, ou comme l'en diroit que la main occist ou le sergent de celui qui le commande. (ORESME, E.A., c.1370, 314). Et quant Sarrasins le sceurent, si tournerent en fuye. Et noz gens les suivent et vont occiant par my les champs et par les buissons ; et sachiez qu'il en eschappa moult petit. (ARRAS, c.1392-1393, 185).

b)

En partic.

-

[Dans un contexte guerrier] : ...Comment Achillès en l'estour Se combatoit encontre Hectour, Mais n'i pooit rien conquester N'a ses mortels cops contrester ; Et le mervilleus sagittaire Occioit tant de gens a traire Que c'estoit une grant merveille ; Et Troïllus moult se traveille Pour la fille Calcas de Troie, Briseyda. (MACH., F. am., c.1361, 191). Li rois, Brimons et Percevaus, Li princes, sa gent et le conte, De quoy on tenoit moult grant conte, Et li mareschal en tuerent Si grant plenté et afolerent, Qu'il gisoient mors et ocis, Là cent, là mil, là vint, là sis ; Si que l'iaue de la marine Dou sanc avoit couleur sanguine Une huchie tout entour, Tant fu fors et crueus l'estour (MACH., P. Alex., p.1369, 76). Et s'avons heü tele honnour, À l'aïde Nostre Signour, Qu'onques chose plus honnourable N'avint à nul de nous, sans fable, Car nous les avons detranchiez, Ocis, desconfis et chaciez Maugré leur dens, dedens leur ville, Qui tant est grant, fort et nobille ; Si que s'einsi me departoie, À tous jours mais honnis seroie (MACH., P. Alex., p.1369, 83). Et là fu bleciez si forment Un très bon escuier Norment Qu'en l'eure fu mort, sans respas, Tout droit à l'entrée dou pas, Bonau de Bon y fu occis Et aveques li plus de VJ. Hommes d'armes, dont ne saroie Nommer les noms ; et toutevoie Il furent mort piteusement, Comment que ce fust vaillamment. (MACH., P. Alex., p.1369, 155). Si ont tant fait et tant erré, En bataille joint et serré, Que devant Triple sont venu, Grant et petit, juene et chenu, En ociant leurs annemis Qu'à fort sont en la ville mis. (MACH., P. Alex., p.1369, 208). ...messire Edouars de Guerles (...) fut occis en la bataille qu'il eut contre le duc de Braibant (FROISS., Chron. M., XIV, c.1375-1400, 153). ...icellui messire Gouffier fu tué et occis d'une flesche qui lui fu traitte dudit fort. (Reg. crim. Chât., II, 1389-1392, 186). Et, quant cilz voient le fort, si s'en vont tout le petit pas vers la cité, occiant et gectant par terre tout quanqu'ilz encontrerent en leur chemin. (ARRAS, c.1392-1393, 95). Lors commencent les Cipriens qui gardoient le pas, a traire et a lancier de grant maniere, et la ot mort et occiz grant foison de Sarrasins. (ARRAS, c.1392-1393, 106). Lors se rassemblent entour le roy et vont faire aux Poictevins une fiere envahie. La ot maint homme mort et occiz a grant doulour. (ARRAS, c.1392-1393, 161).

.

"Anéantir, exterminer, massacrer" : ...Ne celui n'i a qui ne fuie Vers la porte de la cité. Là n'avoit merci ne pité, Car li nostre qui les chassoient Sans deffense les occioient, Si que d'ocire ne finerent Tant qu'à la porte les chasserent. (MACH., P. Alex., p.1369, 77). Li jours vint, la gaite s'escrie Dedens un cor sarrasinois : "Seigneurs, li Alexandrinois Sont tuit mis à desconfiture ; Armez vous tuit grant aleure, Et ociez le remenant, Qui sont en la ville manant." (MACH., P. Alex., p.1369, 97).

-

[Dans un contexte judiciaire] Estre occis par justice. "Être mis à mort en exécution d'une sentence judiciaire" : De nostre mal personne ne s'en rie, Mais priez Dieu que tous nous vueille absouldre. Se freres [nous, les pendus] vous clamons, pas n'en devez Avoir desdaing, quoy que fusmes occis Par justice ... touteffois vous sçavez Que tous hommes n'ont pas le sens rassis. (VILLON, Poèmes variés R.H., c.1456-1463, 66).

-

[P. hyperb.] : Certes La chose ne puet demourer Einsi pour moy deshonnourer, Qu'à tous jours mais honnis seroie Et blasmez, s'einsi la laissoie. Car ce m'ocist et tant me grieve, Qu'a po n'a que li cuers ne me crieve, Que li autre font leur honnour, Et je demeure à deshonnour. Et si l'estoie venus querre, À grant peinne en estrange terre, À grant mise et à grant labour, Et pou ce a mes cuers grant dolour. (MACH., P. Alex., p.1369, 233).

.

[Lang. de l'amour] : Las ! or sui en grant freour Pour paour Qu'elle ailleurs s'amour n'ottrie ; Et s'il avient, en langour, Par tristour, Convendra qu'elle m'ocie, Car toute joieuse vie M'iert faillie Ne ja mais n'arai bon jour, Cuer joiant ne chiere lie (MACH., Ch. bal., 1377, 609). Mors sui, se je ne vous voy, Dame d'onnour, Car l'ardour Qui ma dolour Acroist en moy M'ocirra, si com je croy. (MACH., Ch. bal., 1377, 617). Desesperez En sui et si forcenez, Quant si mal sui fortunez, Qu'à grief tourment M'ocira vo partement. (MACH., Ch. bal., 1377, 623). Douce dame, vous ociés à tort Vostre humble serf et vo loial ami, Car je n'ay pas desesperée mort Desservie, pour ce que miex que mi Vous aim assez. Mais puis qu'il est ainsi Qu'à moy occire est vo pensée, Puis qu'il vous plaist, forment m'agrée. (MACH., L. dames, 1377, 84). Car je n'ay pas hardement dou rouver, Pour ce que po sui dignes, à voir dire, Dou recevoir ; et si doy moult doubter Et moy garder que ne m'oie escondire, Car s'il avenoit einsi, Vous ociriés vostre loyal ami, Tres douce dame ; et vous savés bien tant Qu'assez rueve qui se va complaingnant. (MACH., L. dames, 1377, 164). Se mes dous amis demeure Longuement ensus de mi, Je me doubt que sa demeure Ne m'ocie ; car einsi Ne puis vivre en tel sousci N'en telle dolour Com j'ay esté dusqu'à ci, Et tout pour s'amour. (MACH., L. dames, 1377, 164). Eymmi ! tres douce creature, Noble en faiture, Plaisant et pure, N'est pas droiture Que vous m'ociés pour amer, Quant je vous aim d'amour seüre Et de laidure Vous asseüre. (MACH., Les lays, 1377, 282).

.

[Dans une formule affirmative] Se faire occire (si telle ou telle chose) : Respont SAINT PERRE a Jhesucrist. Se ne sui ge pas, beaulx syre ! Je me feroye premier octire Que je fisse telle trayson : Se seroit bien grand mesprison. (Pass. Autun Biard F., 1470-1471, 76).

-

[Dans un cont. métaph.] : Li faulx jurez, li faulx notaire Occist le peuple de son glayve. (DUPIN, Mélanc. L., c.1324-1340, 71). Lors vient Dongiers li despiteus, Fel, desdaingneus et po piteus, Qui volentiers occist et tue Amans cui Amours esvertue, Et contredit la compaingnie Et ne vuet pas que courtoisie Soit a ce loial amant faite. (MACH., D. Aler., a.1349, 323). Notez que faire aumosnez des biens des povres est occire le filz devant son pere. (GERS., Annonc., a.1400, 239).

2.

Empl. pronom. "Se donner la mort" : Einsi languist li dolens en dolour ; Car quant il voit Que de s'amour, present li, autres joit, Qui son ami appeler le soloit, Il a le cuer si jalous, si destroit, Que c'est merveille Qu'il ne s'occist, ou qu'il ne s'apareille D'occirre ce qui einsi le traveille ; Et ce li met jalousie en l'oreille. Et s'il avoit L'amour de li, einsi comme il soloit, Qu'en feroit il ? Certes, riens n'en feroit. (MACH., J. R. Beh., c.1340, 123). Mains einsois qu'elle s'oceïst, Elle commanda qu'on feïst Un ardant feu en sa presence. Et quant en sa desesperance S'ocist, si forment s'envay Qu'avec le cop en feu chay, Dont tantost fu arse et bruïe. Einsi fina Dydo sa vie. (MACH., J. R. Nav., 1349, 210). Chascuns scet bien ce qu'il avint De l'ami a la Chasteleinne De Vergi : d'amours si certeinne L'ama qu'il s'ocist sans demour, Quant morte la vit pour s'amour. (MACH., J. R. Nav., 1349, 234). Quant Cephalus vid le meschié, Il a son arc en .II. trenchié Et ses saiettes depecié ; Tous ses dieus jure Qu'il s'ocirra pour ce pechié. (MACH., Voir, 1364, 532). Si comme verité est que la loy ne commande pas que un homme se occie. (ORESME, E.A., c.1370, 326). ...se il me pesast de vivre, j'ay bien ung coustel, ou je eusse bien pieça trouvé une corde pour moy ochirre. (LA SALE, Salade, c.1442-1444, 62). ...si vous estes si mal conseillée de vous abandonner a la mort que fuyr vous povez, vous occirez, j'en suis bien seure. [D'une femme malade qui refuse les soins] (C.N.N., c.1456-1467, 144). En ce texte declare l'acteur aulcunes signes proprices de la complexion melancolique. La premier est malignité, car la melancolie fait les gens praves et maulvais et de maulvaises meurs, comme sont plusieurs qui se occisent. (Rég. santé corps C., 1480, 146).

-

"Provoquer sa propre mort (en partic. en compromettant sa santé)" : Après, amis, se tu vues vivre Sainnement, mesure ton vivre, Car s'a mesure ne vivoies, Vraiement, tut te honniroies. S'on t'aporte bonne viande Et ton appetit te commande Que tu en preingnes largement, Ne fai pas son commandement, Car cils se honnist et deffait Qui trop menjue et riens ne fait. Et s'on t'aportoit a cautelle Ceste viande bonne et belle, Et puis tu en mengasses trop, Tu t'ociroies a un cop, Qu'on te donroit a la traverse Après d'une autre si diverse Et si anuieuse a mengier Que tu n'en porroies mengier. (MACH., C. ami, 1357, 60). Qui ne se couche a heure et lieve, C'est une chose qui tant grieve Qu'on en haste souvent sa mort. Ne scet qu'il fait qui s'i amort, Qu'au meins est ç'une si grant peinne Qu'on en pert couleur et aleinne Et Dieu servir et ses besongnes. Tu t'ocis, s'en ce t'embesongnes. Que valent teles veilleries Et puis tels longues dormeries ? Certes, onques bien ordonnez Ne fu qui ad ce fu donnez. (MACH., C. ami, 1357, 128).

-

S'occire de deuil et de douleur : Et quant il ne pot plus, il se occist de deul et de douleur. (ORESME, E.A.C., c.1370, 390).

3.

Part. prés. en empl. adj. [D'une chose] "Mortifère" : ...le chaut leur est amy ; chaut est amy de nature et vivifiant, froit est anemy et occiant. (SAINT-GILLE, A.Y., 1362-1365, 83).

4.

Part. prés. en empl. subst. "Meurtrier" : Et en icelle contemplacion, les dessusdis occisans donnerent a icellui Guillaume une paere de chausses (Chancell. Henri VI, L., t.1, 1424, 134).

5.

Part. passé en empl. subst. "Mort, tué" : Et envoya commencier l'escarmouche devant la barriere, et y ot foison de mors et de navrez d'une partie et d'autre, et firent reculer les Sarrasins par force, et y ot moult d'occiz et de mehaigniez. (ARRAS, c.1392-1393, 96).

6.

Inf. subst. "Mort" : Je suis navrés jusqu'a l'ochire (TAILLEV., Moral. D., 1435, 88).

B. -

P. anal.

1.

Occire qqn. "Détruire qqn moralement" : Einsi li las se duet, Mais souffrir li estuet, Pour ce qu'Amours le vuet Qui l'ocist et tourmente ; Ne dou mal qu'il acquet Confort trouver ne puet, Einsois plus qu'il ne suet Se complaint et demente. (MACH., Les lays, 1377, 301).

-

Occire qqn par detraction : La tierce maniere si est homicide espirituel, qui fort desplaist a mon Pere, c'est assavoir occire l'omme par detraction et lui oster sa dignite et sa bonne renommee (MÉZIÈRES, Songe vieil pèl. C., t.2, c.1386-1389, 151).

2.

Occire qqc. "Faire disparaître, détruire qqc." : Ilz vendent venin et poison Et tiegnent serpens en prison Pour le monde occirre et destruire. (DUPIN, Mélanc. L., c.1324-1340, 74).

-

"Faire disparaître qqc., supprimer qqc." : Item contre narinnes puans qui vient de cerviaul, vraie medicinne : R. jus de mente et de rue et les melleis bin ensemble et meteis en narinnez sovent, s'amendera mult le cerviaul et ocira tout le puour. (Méd. nam. H., c.1400-1500, 203).

-

"Faire disparaître qqc., enlever qqc." : ...et lesquelz cheval et houpelande ilz firent arester par la justice dudit lieu de Villers-Adam, comme les biens de leurdit frere et pere occiz, comme dit est, disans et affermans par leurs sermens icelles choses estre siennes, et le voulans prouver. (Reg. crim. Chât., I, 1389-1392, 286).

-

"Détruire qqc. (d'abstr.)" : Parlons aprés du second traitre, Delit luxurieux, qui occist ou deboute pure et nette chasteté (GERS., Annonc., a.1400, 236).

-

"Éliminer qqc." : ...Petronius et Affrannus, qui estoient Pompeains, lesquelz estoient en Espaigne assiegiez et estains de soif en telle maniere qu'ilz estoient tous desesperez de leurs vies, par quoy ilz avoient toutes doubtes et tous empeschemens occis (LA SALE, Salade, c.1442-1444, 57).

-

"Mettre fin à qqc." : Et ce sont ceulz qui communément, ja soit ce qu'ilz ne soient de corps ou de gens d'armes les plus fors ou puissans, occient souvent les batailles et soubsmectent les armigeres guerres et les corps (LA SALE, J.S., 1456, 34).
 

"Meurtre, massacre" : Et fist Souvain en la contree Maint' occise et main grant dommage (Tomb. Chartr. Souvain S., c.1337-1339, 8). >...et hors du sens en la plus presse s'espaint le roy de Grenalde et quand il a sa lance rompue et il ampoigne le brant d'acier par tout ou il va il fait merveillez de l'espee et se Dieux n'y pourvoye il fera grant occise de Crestiens (Jehan d'Avennes F., c.1465-1468, 171).
 

"En coupant, par le menu" : Concise, adverbium : Occisement, trenchement (LE TALLEUR, Vocab. E.M., c.1490, 59).
 

"Assassin" : ...la requeste par moy à vous autrefois faicte pour prendre les homicides, consentans, occiseurs et coulpables de la mort de mondit seigneur et père, et vostre frère. (MONSTRELET, Chron. D.-A., t.2, c.1425-1440, 117). ...occiseur des Crestiens, gardien des Sarrazins, estandart de Mahommet (...) à tous ceulx ausquelz nostre débonnaireté est advenir, salut, en nostre grâce. (LEFÈVRE ST-RÉMY, Chron. M., t.2, c.1462-1468, 139). ...ung petit village assez pres de Ponfret, ou ilz enterrerent le corps du roy Richard dedens une petite eglise, ou il fut jusques aprez la mort de ce roy Henry son occiseur (WAVRIN, Chron. H., t.2, p.1471, 40).
 

"Mise à mort, meurtre ; tuerie, massacre" : Aussi fu l'estoile coumée, En semblance de feu couée, Qui de feu et d'occision Faisoit prenostication. (MACH., J. R. Nav., 1349, 143). ...Et maint païs destruit en furent, Dont encor les traces en durent ; Et des prises et des outrages Et des occisions sauvages De barons et de chevaliers, De clers, de bourgois, d'escuiers, Et de la povre gent menue Qui morte y fu et confondue, De rois, de duz, de bers, de contes Seroit lons a dire li contes. (MACH., J. R. Nav., 1349, 144). ...pour compassion des miserables distractions que nous avons ehues de nos biens, pour cause (...) des occisions des corps de plusieurs personnes (Trés. Reth. S.L., t.2, 1351, 136). Là furent Sarrasin si vil Que hors de la ville fuioit Chascuns, qui fuir s'en pooit, N'onques si grant occision Ne fu dès le temps Pharaon. (MACH., P. Alex., p.1369, 91). La noble cité d'Alixandre, Qui n'a pareille ne seconde, Ne milleur en trestout le monde, Toute est mise à destruction, N'onques si grant occision Ne fu dès le temps de Pompée, Quant Cesar, à sa bonne espée, Li tolli joie, honneur et gloire (MACH., P. Alex., p.1369, 117). ...Si que consideration Ot le pape au petit estat Où la Crestienté estat. Si li dist : "Tribulations, Mortalitez, occisions, Compaingnes regnent, et pechiez ; Dont li mondes est entechiés, Si que bon ne me samble mie Que le passage vous ottrie Quant à present, car ce seroit Très grans peris que li feroit..". (MACH., P. Alex., p.1369, 220). Et furent pris messires Guis de Flandres et jusques a douse chevaliers et bien trente esquiers, tous gentils honmes, que de Flandres que d'Artois. Et i ot grande occision des aultres honmes ; et les caçoient les Englois jusques a la mer et les faisoient sallir dedens, et plus chier ils avoient a noiier que a morir de glave. (FROISS., Chron. L., I, c.1375-1400, 278). ...considéré les larrecins commisses et reiterées par plusieurs fois par icellui prisonnier, avecques les occisions dont en icellui procès est faite mencion, combien qu'ilz n'avoient pas esté ne furent fais de propos advisé, que icellui Colin de La Sale estoit digne de mourir (Reg. crim. Chât., I, 1389-1392, 183). ...et après laditte occision et murdre, le porta et jetta en la riviere d'Essonne, qui est près d'illec (Reg. crim. Chât., II, 1389-1392, 55). Et Uriien et sa gent suivent payens a desray, qui s'en vont grant aleure. Tous ceulx qui estoient attains estoient mors, et dura l'occision prez de cinq lieues. (ARRAS, c.1392-1393, 102). Mais, avant qu'il les eust rassemblez ne ordonnez a moitie, vint Uriien et sa bataille, qui leur coururent sus moult asprement. Et la commenca l'occision grant et la perte, mais la plus grant perte tourna sur les payens, car ilz ne orent pas loisir d'eulx ordonner, et estoient foulez de l'assault (ARRAS, c.1392-1393, 112). Non pourtant ilz se mirent au mieulx qu'ilz porent en arroy. Nos gens assemblerent a eulx ; la ot grant occision de traitt sur les Sarrasins. (ARRAS, c.1392-1393, 137). Lors s'assemblent les batailles, la ot grant occision et fiere meslee. (ARRAS, c.1392-1393, 161). Moult se requierent vaillaument d'une part et d'autre, et moult par fu la bataille et l'occision fiere et horrible, mais toutesfoiz la greigneur perte tourne sur le roy d'Ausay et sur sa gent (ARRAS, c.1392-1393, 161). Car tant fu grant l'occision Et de sanc telle effusion Que nulz ne le pourroit penser (CHR. PIZ., M.F., II, 1400-1403, 212). Et soit adverti par la Court, comme ilz supplient, un privilege qu'ilz eurent du temps de Philippe le Conquerant contre un prevost de Paris appellé Thomas, sur l'occision de V escoliers tuez en plainne rue (BAYE, I, 1400-1410, 105). Mais selon la verité ce estoit avaricieuse rapacité qui ne espargnoit homme, ne femme, ne petis enfans, que tout ne fust ravis, rifflé, maintenant par fraude renardique, maintenant par violence loupine, maintenant par occision leonine. (GERS., Noël, p.1404, 309). ...pour soy garder des invasions, assaulx, pilleries et roberies, occisions et autres violences que faisoient les gens des ducs d'Orleans, de Bourbon (BAYE, II, 1411-1417, 33). Et encour n'ont ilz point remort De celle griefve occision, Dont c'est tresgrant abusion. (Myst. st Adr. P., c.1450-1485, 54). ...le secret du murdre et de son occision (LA SALE, Sale D., 1451, 249). La fut d'eulz l'occision si grande que par avant ne onques puis la bataille de Thesaille, ou Pompee fut desconfit, ne fut faite la semblable. (LA SALE, J.S., 1456, 220). La mere et les seurs, qui ne vouloient point veoir celle occision, se tirerent d'une part. [D'un amant surpris par le mari qui veut le tuer] (C.N.N., c.1456-1467, 383). Et, durant ladicte journée, y ot grande occision de hommes et de chevaulx, dont plusieurs en furent tuez par les ribaulx pietons du costé dudit de Bourgongne, qui, de piques et autres ferremens les tuoient. (ROYE, Chron. scand., I, 1460-1483, 66). O desloyalle occision ! Caÿn, quel offence as tu fait ? (Myst. Pass. Troyes B., a.1482, 117). Cestui predist aussi la rebelion de la ville de Bruges et l'occision de plusieurs officiers, que le roy y avoit mis en l'an mil IIIc. (SIMON DE PHARES, Astrol., c.1494-1498, f° 129 r°). Et plus largement y en eust eu de mors s'il y eust eu saillie à sortir hors de lad. ville, mais toutes les portes estoient murées du costé de l'ost des Bourguignons, par quoy ne se peult faire lad. saillie, et ne fut fait audit assault que peu d'occision des gens du roy. (LE CLERC, Interp. Roye, c.1502, 292). Et l'un d'iceulx qui luy donna le cop de la mort, estoit nommé Pierre le Gorgiat, qui depuis fut archier de la garde du roy. Et est à noter que le peché par icelluy conte d'Armignac commis à sa seur, laquelle il avoit maintenue contre la loy de Dieu, peust estre cause de son occision. (LE CLERC, Interp. Roye, c.1502, 331).

-

Faire occision : LA DAME. (...) l'enfant est mort par la mere, Qui en a fait l'occisïon. (Mir. enf. ress., 1353, 32). ...si comme larrecin, adultere, malefice ou empoisonnement, paragogie, seducion ou substraccion cauteleuse de autrui servant, occision faite en traïson et faux tesmoignange. (ORESME, E.A., c.1370, 283). Lors commencent a ferir de lances et d'espees sur tout quanqu'ilz trouverent de Sarrasins, et couppent cordes de paveillons, de trez et de tentes, et font moult horrible occision de payens, selon la quantité que ilz estoient. (ARRAS, c.1392-1393, 95). Moult fait le soudant a ressoingnier. Il tint une hache en ses poings, et fiert a dextre et a senestre, et fait moult grant occision de noz gens. (ARRAS, c.1392-1393, 112). Je suis du tout entalenté De faire grant occision Pour ceste conspiration, Car je veul que tous les enfans Jusques al aige de deux ans Et demi soyent decollés, Tués, occis et desmembrés (MARCADÉ, Myst. Pass. Arras R., a.1440, 54).

-

Livrer occision : Et approchiez ensemble, il luy livra occision (Percef. I, R., t.1, c.1450 [c.1340], 44).

-

Mettre à occision : ...ou je seray a main armee appareillié de eulx mectre a occision. (Percef. I, R., t.1, c.1450 [c.1340], 11).
 

"Fait de donner la mort" (synon. occision)

Rem. J. DE COURCY, Hist. de Grèce, 1416-1422 (ms. du XVe s.), ds GD V, 567c (= La Bouquechardière, titre de l'ensemble, dont la Grèce est la première partie, ms. Ars. 3689 ; elle fut occiseure de son propre sang). GD l'interprète à tort comme le féminin de occiseur ("forme bizarre"). C'est une personnification (elle est la mort de...).
 

"Couchant, occident" : Apres ilz [les astrologues] divisent tout le ciel en .xii. parties, lesquellez parties ilz appellent maisons, et sont distinguées les dites .xii. maisons selon le cercle de midy et de l'ocison a Orient (Renart contref. R.L., t.1, 1328-1342, 233).
 

"Acheve, tuer" : A paines estoient Flamenc cheu, quant pillart venoient, qui se boutoient entre les gens d'armes, et portoient grandes coutilles, dont il les parochioient, ne nulle pité il n'en avoient, non plus que che fussent chien. (FROISS., Chron. R., XI, c.1375-1400, 55).

Rem. Mabrien V., 1462, 33/11 ; 41/11. Ex. d'a. fr. et Percef. V (éd. 1528) ds GD V, 782c.
 

"Tuer de son côté" : Parmy le gros du cuer li mist se lance dure ; Puis rocist [rocis[t]] .I. bourgois au fier par tenpreüre (Jourd. Blaye alex. M., a.1455, 112).

REM. Aussi v. 5078 (mais sous la forme ra ochiz, ra ocit).