Dictionnaire du Moyen Français (1330-1500) - ATILF - CNRS & Université de Lorraine

Une (seule) fois : Quant Remondin entendy les promesses de la dame et il lui ressouvint des paroles que ses sires lui avoit dictes, et considere aussi le peril ou il est d'estre exilliez ou mort, ou dechaciez de tous pays ou il peust estre congneuz, si s'avisa qu'il se mettroit a l'aventure de croire la dame, car il n'avoit que une foiz a passer le crueux pas de la mort. (ARRAS, c.1392-1393, 26). Et puis regarde d'autre part, et voit la table mise, et la nappe belle et blanche dessus, et y voit moult de nobles mez. Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. (ARRAS, c.1392-1393, 303). ...lesdis orfevres ne furent devers eulz que une seule fois pour avoir provision d'or (FAUQ., II, 1421-1430, 232). ...et que en oultre de par ledit convent a esté enjoint (...) et à ung chascun des enfans dudit convent de dire une fois les sept pseaulmes et une fois le service des mors pour le salut desdis conseilliers (FAUQ., II, 1421-1430, 268).

"Pour commencer, d'abord (?)" (L'Éd. propose d'y voir l'équivalent de la locution employée par les Belges Une fois ! et qu'il suggère de traduire par "Eh bien") : LE SECOND MARY. Une foys, ta femme est maistresse, Tencerresse, orguilleuse et fiere. LE PREMIER MARY. La tienne set tendre du derriere. (Deux hommes deux femmes T., c.1500, 470).

[Procès unique pendant une période donnée] : Si est ce une moult belle terre et rendable, car elle vault bien une fois l'an seize mil frans. (FROISS., Chron. L., VI, c.1375-1400, 53). ...et disna Gieffroy avec le prieur, et lui dist en confession comment Remond estoit son pere, et comment il se prenist garde de lui, et que l'eglise n'y perdroit rien, et qu'il le vendroit veoir une foiz l'an, tant comme il vivroit. (ARRAS, c.1392-1393, 279). "...il fait chascun moys une foys venir en la praierie de Causuel tous les chevaliers et toutes les dames et les damoiselles..." (Chev. papegau H., c.1400-1500, 5).

Une bonne fois/une fois pour toutes. "De manière unique et définitive" : ...[il luy commande] de par Dieu, comme son ange, une foiz pour toutes, qu'elle maine sa fille a l'ermite (C.N.N., c.1456-1467, 102). ...je le vous dy, et m'en creez une foiz pour toutes. (C.N.N., c.1456-1467, 294).

(Tout) à une fois. "D'un coup, subitement" : ...et tantost se muera et getera toutes ses panes et toutes ses plumes, et se depoullera aussi comme a une fois. (HENRI FERR., Modus et Ratio, Livre deduis T., c.1354-1377, 205). ...et en icelle cariere, par temptacion de l'ennemi, et comme tout yvre qu'il se disoit estre, print et emporta à une fois les ostils dessus dis, et iceulx engaiga, pour XVIIJ s. par. (Reg. crim. Chât., I, 1389-1392, 240). ...atant est la tempeste chutte tout a une fois sus le chevalier (Percef. III, R., t.2, c.1450 [c.1340], 118).

Pour une fois. "En une fois" : Et furent les dessus nommez d'accord que sur ladicte reste que devoit ledit maistre Bertrand, on rabateroit des gaiges d'un chascun des lays XL solz et d'un chascun des clers vingt solz parisis pour une fois (FAUQ., II, 1421-1430, 260).

[d'un procès répété]

À chacune fois : ...si a chacune foiz receviez vostre createur, ce seroit tresbien fait. (C.N.N., c.1456-1467, 223). ...a chacune foiz que tu luy donneras son avene [à la mule], si mectz parmy une bonne poignée de sel (C.N.N., c.1456-1467, 312).

À diverses fois. "À plusieurs reprises" : ...pendant lequel temps il a prins en plusieurs lieux et à diverses fois grant quantité de vivres, denrées, pain, vin, oës, poulles, poussins (Reg. crim. Chât., I, 1389-1392, 3).

À la fois. "Parfois" : Quant au pape a la foiz m'en voys, Je n'y encontre homme ne femme. (Mir. enf. diable, c.1339, 36). ...si que pour eschiver les choses qui sont a doubter elles craingnent a la foiz les choses seures (Mir. nonne, 1345, 314). On fait bien a le fie d'estrainge enfans ses hoirs. (Bât. Bouillon C., c.1350, 145). Ensi Fortune alefois moult bien blece Les coers vaillans [qui tendent a proëce]. (FROISS., Ball. B., c.1362-1377, 45). Car alefois souvent aviennent Pluiseurs coses a moult de gens, Dont li recors est biaus et gens (FROISS., Joli buiss. F., 1373, 93). Un anelet d'or il portoit, Ou alefois se deportoit (FROISS., Joli buiss. F., 1373, 148). ...li varlet qui poursievent les gens d'armes, font plus a la fois, qant il se voient au desus de lor emprise, que on ne lor conmande. (FROISS., Chron. D., p.1400, 439). ...a le fois on quide avoir tout gaegnié et on a tout perdu. (FROISS., Chron. D., p.1400, 543). Et quant il chevauche dehors, voulentiers donne l'aumosne de sa main, non mie un petit denier a la fois, mais tres largement (Bouciquaut L., 1409, 394).

Aucunes fois. "Parfois" : ...et au mettre que elle fist icellui voult en ladite paile, fist trois croix sur icellui voult de la pointe d'un coustel, et [à] l'aide d'une cuillier d'arain, tourna plusieurs fois et tourmenta icellui voult de cire parmi ladite paile et eaue, et aucunes fois le piquoit dudit coustel. (Reg. crim. Chât., II, 1389-1392, 330). ...et en passant devent les enfans qui pipoient, comme aucune foiz font, le cheval s'esmut et esclissa aucuns (BAYE, I, 1400-1410, 107). Lors je sentis dame Memoire Reprendre (...) Et meismement l'estimative, Par quoy prospective nous vient, Simulative, formative, Desquelles souvent il advient Que, par leur trouble, homme devient Fol et lunatique par moys ; Je l'ay leu, se bien m'en souvient, En Aristote aucunesfois. (VILLON, Lais R.H., c.1456-1457, 29). Ne faictez ja long traictié a voz ennemis, car en longs traictiez gist aucunes foiz grant decepcion et grant perte pour la plus puissant partie, car les saiges reculent pour plus loing saillir. (ARRAS, c.1392-1393, 87). Et puis elles monstrent leur sain Tout descouvert aucunes fois. (Sots Magn., a.1488, 196). Item, se ilz ont congneu que aux roolles des monstres il y avoit eu aulcune fraude ou abus au dommaige et prejudice du roy, et en quelle maniere, pour ce que on dit que aucunes foys on mettoit es roolles noms interposés et empruntoit on les gens pour estre à la monstre seulement, dont les capitaines avoient les gaiges. (LE CLERC, Interp. Roye, c.1502, 345).

De fois à/en autre. "De temps en temps" : Par non et par surnon vistement se huoient. Et de fies en autre moult hautement huoient. (Bât. Bouillon C., c.1350, 115). Et regardoit de fois en aultre ses gens et looit Dieu de ce qu'il en veoit si grand fuison. (FROISS., Chron. L., V, c.1375-1400, 20). J'ayme tresbien voirement pastez d'anguilles (...) de foiz a aultre (C.N.N., c.1456-1467, 83).

[Avec un ordinal] : ...et le roy le tierce foythe assembla graunt host et chivacha par my la tere d'Escoce (Chron. London A., c.1350, 69).

Moult de fois : ...que (...) il a moult de fois esté en sa possibilité de soy traire devers le roy et tenir son parti, s'il eust voulu (Reg. crim. Chât., II, 1389-1392, 206). On les en remerchia moult de fois. (FROISS., Chron. D., p.1400, 153). Moult de fois m'en est souvenu. (Path. D., c.1456-1469, 60). Laquelle credence estoit en affect que le roy les mercioit moult de foiz de leurs grandes loyaultez (ROYE, Chron. scand., I, 1460-1483, 63).

(Par) maintes fois : Si que dont, quant je la vëoie Vis a vis et que remiroie Son port, son maintieng, sa maniere, Qui plus est estable et entiere Que nulle qu'onques mais veïsse, Bien estoit drois qu'en retenisse Aucun notable enseingnement, Quant dou souvenir seulement Meintes fois par Douce Pensée Ma maniere estoit amendée. (MACH., R. Fort., c.1341, 8). N'on ne doit pas si haut monter Qu'on ait honte dou desvaler, Eins doit on le moien eslire, Car meintes fois ay oï dire, Qui plus haut monte qu'il ne doit De plus haut chiet qu'il ne vorroit. (MACH., R. Fort., c.1341, 139). Il n'amoient eaus ne autrui, Einssois des dames se ventoient Meintes fois, dont il se mentoient. (MACH., D. Lyon, 1342, 212). Et toutes les choses y peuent et proffitent qui appartiennent a vertu et telles viennent en nous et sont causees par faire maintes foiz et souvent choses justes et actrempees. (ORESME, E.A., c.1370, 156). LE TIERS CHEVALIER. (...) Maintes foiz voy que viz a viz [le marquis] La regarde [Griseldis] moult longuement, Maiz ja maiz un seul mouvement Ne un seul semblant de tristece Il n'y trouvast (Gris., 1395, 70). ...sans debatz et sans noises, car par ce sont mainteffoiz les compaignies rompues (LA SALE, J.S. E., 1456, 309).

Nulle(s) fois. "Jamais" : Ha ! sire Diex (...) Qui ne laissiez a nulles fois Ceulx qui ont en vous esperance ! (Mir. ste Bauth., c.1376, 99). ...et lequel Montagu estoit si elevé que quasi nulles fois, lui venant à la Court de Parlement, n'ostast son chaperon de sa teste (BAYE, I, 1400-1410, 292). ...[il] pensoit aussi que la ceruse fust tant enrouillée qu'on ne la pourroit ouvrir, pour ce que nulle foiz ou pou souvent s'ouvroit. (C.N.N., c.1456-1467, 27).

Le plus des fois. "La plupart du temps" : ... de ce que fol pense la plus grant part en demeure le plus de foiz (ARRAS, c.1392-1393, 139). Le plus des foiz monseigneur se disne et souppe de bescuit et de la belle fontaine (C.N.N., c.1456-1467, 110).

(À)(par) plusieurs fois/de fois plusieurs : ...il a par plusieurs fois chevauché, porté le bacinet, lui armé de jaque et de cote de fer, couru, pillié et rançonné les gens et pays d'environ le fort de Moustiers (Reg. crim. Chât., I, 1389-1392, 23). ...en la ville de Saint-Denis en France, il avoit par lonc temps, et à plusieurs et diverses fois, ouvré avec plusieurs mareschaux, duquel mestier il est (Reg. crim. Chât., I, 1389-1392, 37). Et sachiez que Remondin avoit la esté pluseurs foiz (ARRAS, c.1392-1393, 29). ...elle [Mélusine en forme de serpent] s'est monstree par pluseurs foiz a un homme qui encores demeure en la forteresse (ARRAS, c.1392-1393, 309). LA SECONDE DAME. Tant [Griseldis] est constant que m'en merveil, Car veü l'ay de foiz pluseurs Devant le marquis et ailleurs, Et qu'il sa face remiroit, Qu'onques elle ne se muoit (Gris., 1395, 58). Je vi plusieurs fois avenir Ce qu'a propos peut bien venir, Que dit Anacharien (CHR. PIZ., M.F., II, 1400-1403, 57). Lors s'en vat a une bourgoise de Paris, a qui le seigneur de Saintré son pere l'avoit pluseurs fois recommandé (LA SALE, J.S., 1456, 52). ...je me suis pluseurs foiz presentée de faire mon devoir (C.N.N., c.1456-1467, 225). ...je vous ay veu entrer devers elle par pluseurs foiz (C.N.N., c.1456-1467, 229). Audit temps, ledit grant maistre et les gens d'armes de sa charge allerent plusieurs fois courir devant les places qui tenoient pour le duc d'Autriche, cuidans faire saillir des garnisons ceulx qui estoient esdittes places. (LE CLERC, Interp. Roye, c.1502, 375).

Par fois et par parties. "À plusieurs reprises" : Si lui fu par le dit duc de Bourgongne et sa compaignie par fois et par parties porté maint dommage (Bouciquaut L., 1406-1409, 23).

(Par) n fois : Dame des cieulx, cinc mille fois Vous loe et gracie et mercy (Mir. enf. diable, c.1339, 4). ...[elle] appella en son ayde, comme dit est, ledit Luciafer, et, en après ce, dist trois fois l'euvangile saint Jehan, et trois fois la patenostre et Ave Maria, et, ce fait, mist un gant en l'une de ses mains, et un chascun desdiz botereaulx print par le pié (Reg. crim. Chât., II, 1389-1392, 330). Et lors cria un herault par trois foiz : Laissiez les aler, faictes vostre devoir, faictes vostre devoir. (ARRAS, c.1392-1393, 62). ...et fist le signe de la vraye croix par trois foiz. (ARRAS, c.1392-1393, 62). ...une toison d'une annee est plus prouffitable que celle qui est tondue trois foiz. (ARRAS, c.1392-1393, 86). Il a bien maudit mille foiz l'eure que Gieffroy fu nez ne oncques engendrez. (ARRAS, c.1392-1393, 253). Item Yvain de Galles jura a mon tres redoubté seigneur le duc dessusdit que il l'avoit veue [Mélusine en forme de serpent] par deux foiz sur les murs de Lusegnen (ARRAS, c.1392-1393, 309). ...il besoigna tresbien deux ou trois fois. (C.N.N., c.1456-1467, 136). ...sus son gros derriere par trois, par quatre foiz sa rude main il fait descendre (C.N.N., c.1456-1467, 89). ...[il] la baisa deux ou trois foiz tres doulcement (C.N.N., c.1456-1467, 269). ...son mary luy dist (...) qu'elle se logeast a l'ostel dudit hostellain, et qu'elle le recommendast a luy cent mille foiz. (C.N.N., c.1456-1467, 408). ...si je buvoie dix, voire cent foiz le jour, si n'est ce pas assez a son gré (C.N.N., c.1456-1467, 542). Saichés qu'il n'est homme ne femme Qui ne doit juner en caresme Et aller a confession. Ceulx qui sont en devotion Y vont bien trois fois, voire quatre. (C. Riffl., c.1480-1520, 58).

[Avec une valeur emphatique ou laudative] Les n fois : ...il m'a tel jour de ceste sepmaine recoigné les trois, les quatre foiz (C.N.N., c.1456-1467, 42). ...si tres bien s'i acquitta que les trois, les quatre foiz gueres ne luy cousterent [D'un amant très doué] (C.N.N., c.1456-1467, 76).

Par fois + adj. : Et Origenes disoit, si comme recite saint Jerome, que ainsi fera Dieu par foys innombrables. (ORESME, C.M., c.1377, 166).

Par quantité de fois : ...ledit Hainsselin avoit eu afaire à sa femme par très-grant nombre et quantité de foiz. (Reg. crim. Chât., I, 1389-1392, 342).

(Par) tant de fois. "Souvent" : L'ystoire nous dit que, quant Presine party de Elinas atout ses trois filles, qu'elle s'en ala atout elles en Avalon, nommé l'Ille Perdue, pour ce que nulz homs, tant y eust esté de foiz, n'y sauroit rassegner, fors par aventure. (ARRAS, c.1392-1393, 10). ...cuidant avoir ma chambriere, par tant de foiz et oultre mesure m'avez accolée pour accomplir vostre desordonnée volunté (C.N.N., c.1456-1467, 76). Duché, conté de Bourgogne hault et basse, Comment a il subjuguée et reduicte, Et d'autres lieux en bref temps et espasse Par sa force et sa bonne conduite, Tant a de fois les ennemys en fuite Mis et chassés, jusques en Allemaigne ! (LE CLERC, Interp. Roye, c.1502, 396).

Souventes fois. "Souvent" : ...le bailli ou cellui qui congnoist de la cause d'appel, souventes fois et communement, condempne es despens de la cause d'appel, quant il infirme la sentence, cellui qui a obtenu ycelle sentence ou jugement à son prouffit (FAUQ., II, 1421-1430, 83). ...ausquelles tous saiges princes et gouverneurs de choses publicques doivent avoir esgart et souventeffoiz y pensser. (LA SALE, Salade, c.1442-1444, 18). Elles monstrent souventes fois Leurs denrees comme les tripieres... (Sots Magn., a.1488, 196).

Trop de fois. "Beaucoup de fois, très souvent" : LE MARQUIS. Froissart, il me semble que j'ay Ceste fille veu trop de foiz (Gris., 1395, 29). Et dient generaulment, et ce ont il veu par experiense par trop fois que, apriés un bon roi, il en ont un qui n'est de nulle vaillance. (FROISS., Chron. D., p.1400, 42).

[Avec une valeur intensive] Beaucoup de fois. "Avec intensité, bien" : "Vous retournerez devers nostre belle ante, et le nous saluerez biaucoup de foiz, et luy baillerez ces lettres..." (FROISS., Chron. M., XIV, c.1375-1400, 183). Amis, dist elle, vous me saluerez les deux damoisiaux, et donrez a l'ainsné de par moy cest fermail, et lui dittez que il le porte pour l'amour de moy. Et ceste verge a ce diamant vous donrez au moinsné, et les me saluez beaucop de foiz. (ARRAS, c.1392-1393, 97).

[Pour marquer une alternative, une alternance] "Tantôt... tantôt"

À la fois...et l'autre fois : "A la fois ai-ge esté si rué jus que je n'avoie sur quoy monter, et l'autre fois riche assez, ainsi que les bonnes fortunes venoient." (FROISS., Chron. M., XII, c.1375-1400, 107).

Une fois..., autre fois/aucune fois..., aucune fois : Et puisque il est ainsi, que une foiz loon celui qui aime honeur, autre fois le blasmon, il convient que amy ou amëeur de honeur soit dit en pluseurs manieres. (ORESME, E.A., c.1370, 259). ...lesquelz [Engleiz] par son rapport, aucune foiz sont sailliz hors et couru sus ausdis François, et aucune fois non. (Reg. crim. Chât., I, 1389-1392, 123).

Une fois... et l'autre (fois) : ...une fois gaegnoient, et l'autre perdoient (FROISS., Chron. D., p.1400, 393).

À la fois... et l'autre fois. "Un jour... et l'autre jour" : Ouquel [ostel] il frequanta continuelment par trois jours à la fois, en estat d'escuïer, et l'autre fois en estat de laboureur (Reg. crim. Chât., I, 1389-1392, 31).

Aucune fois... et à la fois : ...il a aucune fois veu vestu de houpelandes courtes, fourrées d'escurieux, et à la fois de longues houpelandes, et, avec ce, l'a veu qu'il n'avoit sur lui de robe qui vaulsist aucune foiz X ou XIJ s. (Reg. crim. Chât., I, 1389-1392, 165).

Aucunes fois... aucunes fois : Aucunesfois ont des enfans et aucuneffois non (Quinze joies mar. R., c.1390-1410, 33). ...aucunefois la personne est en contemplacion par une maniere, aucunefois par lautre [l. l'autre] : aucunesfois contemplacion est par dilatacion de pensee, aucunesfois par eleuacion et aucunesfois par alienacion. (CIB., p.1451, 185).

Maintenant... à l'autre fois/une autre fois : Il regarde ce mal (...) maintenant le touche d'un doy tant doulcement, une aultre foiz y souffle la pouldre (C.N.N., c.1456-1467, 35). Maintenant plaint sa robe, maintenant son couvrechef, et a l'aultre foiz son tixu. (C.N.N., c.1456-1467, 259).

L'une fois... à l'autre : ...[elle] ne avoit oncques volu quelque chose accorder fors luy bailler l'une foiz espoir et a l'autre doubte (C.N.N., c.1456-1467, 388).

Or... à l'autre fois : Or l'appelle malgracieux, fol et enragé, a l'autre foiz deshoneste (C.N.N., c.1456-1467, 89).

Telle fois... telle fois : La pierre de la lune (...) sy rent clartet de nuit telle foys en playne lune. Et telle foys ne luist fors en certaines heures et constellations. (MANDEVILLE, Lap. M., c.1350-1390, 180). Et avoit ung entre eulx [ambassadeurs d'Orient] de la loy sarrasine, nommé Machomet, et toutevoies alloit en l'eglise avecques les aultres, faisoit les honneurs a Dieu a genoux comme ses compaignons, tel fois au grant autel entrant en l'eglise, tel fois a la messe, laquelle il ne refusoit point sinon qu'il ne aouroit point le Saint Sacrement (CHASTELL., Chron. IV, D., c.1461-1472, 287).

[Pour situer le procès dans le temps] "À un moment donné"

(À) une autre fois. "À un autre moment (dans le passé ou dans le futur)" : LE MARI. (...) De tout mon cuer te magnify Pour les graces et le bienfait Qu'autre foiz et ores m'as fait. (Mir. enf. ress., 1353, 73). ...lesquelz (...) cogneurent avoir acheté desdiz Brun et Raoulet, et aussi de Perrin Quatredois, les choses qui ensuivent, c'est assavoir : ledit de Warlus, dudit Brun, une houpelande de drap violet, retournée à l'envers, fourrée de connins, donc le drap valoit IIJ s., et la penne environ IX s., à une fois. Item, à une autre fois avoir acheté desdiz Brun et Raoulet IJ dagues, IJ coiffes de fil, la somme de VIJ s. (Reg. crim. Chât., I, 1389-1392, 161). LE SECONT BERGIER. (...) Et puis vous me menacerez, Se bon vous semble, une autre foiz. (Gris., 1395, 99). Et ce fait, la Court a fait appeller aux arrestz et a reservé de sur ce ordonner à une autre fois. (FAUQ., II, 1421-1430, 222). ...une aultre foiz je feray ce que vous vouldrez. (C.N.N., c.1456-1467, 211). ...vous y reviendrez bien quand il sera jour, demain ou [une] aultre foiz. (C.N.N., c.1456-1467, 217).

"Une nouvelle fois" : ...et pour ce espia à une autre foiz icellui cordouannier près de l'ostel dudit president (BAYE, I, 1400-1410, 48).

[Dans le prés. ou dans le fut.] Aucune fois. "Un jour" : Et nyentmoins, je diray apres ou secont livre comment il est possible, et par aventure neccessaire selon le cours de nature, que toute la terre ensamble soit meue aucune foys. (ORESME, C.M., c.1377, 58).

Autre(s) fois. "Jadis ; déjà à un moment passé ; auparavant" : Seigneurs, (...) Combatre nous convient sanz faille. Autre foiz avons en bataille Esté sanz estre mors ne pris (Mir. Clov., c.1381, 262). ...ledit Perrin dist à icelle Jehennete que elle alast avecques lui en sa chambre, en li disant que il vouloit avoir sa compeignie. Laquelle respondi que jà soit ce que autres foiz elle eust fait le plaisir et volenté dudit Perrin, toutesvoies son entente n'estoit pas que dores en avant elle feist plus riens pour lui en ce cas dont requise l'avoit. (Reg. crim. Chât., I, 1389-1392, 118). Maiz adez [le marquis] dist qu'entencïon N'a mie de soy marïer. Or ne say pas se le prier Y vaulroit plus qu'une autre foiz, Car ce avient aucunes foiz Qui onques ne pot avenir. (Gris., 1395, 8). ...maistre Pierre Buffiere estoit surrogué ou lieu de me André Marchant à conserver les biens du feu evesque de Poitiers (...) lequel André y avoit autre foiz esté commiz. (BAYE, I, 1400-1410, 73).

[Dans le futur] : L'un de mes clers prengne ses draps [de Clovis], Dont autre foiz vestu sera, Quant le jour d'ui passé sera. (Mir. Clov., c.1381, 277). LE SECONT BERGIER. (...) Et puis vous me menacerez, Se bon vous semble, une autre foiz. (Gris., 1395, 99).

(À/pour)celle/ceste fois : A la priière de la dame volt entendre et descendre à celle fois li dus de Berri, et li acorda legierement. (FROISS., Chron. R., VIII, c.1375-1400, 116). Lors appella a ceste fie Son filtz le duc de Normandie (HÉRAUT CHANDOS, Vie Prince Noir T., c.1385, 74). Au jour d'ui, a esté ordonné, oye la relation des commissaires que maistre Loiz Blanchet ait pour provision de son vivre et de sa femme sur la revenue de la terre de Lanque en Brie, C livres tournoiz pour ceste foiz. (BAYE, I, 1400-1410, 181). ...les biens et gages prins durant la foire du Lendict derrien passé sur aucuns forains extans à ladicte foire (...) seront pour ceste foiz rendus et restituez auxdis forains (BAYE, II, 1411-1417, 216). ...pour ce que on a esperance que à ceste fois y sera pourveu par le concile general de l'Eglise estant à Bale (FAUQ., III, 1431-1435, 106). "Allez vous en, noz sire, et ne vous advienne plus ; ceste foiz vous sera pardonnée, mais la seconde seroit irremissible..." (C.N.N., c.1456-1467, 457). C'est cela : vous ne vouldrïez Jamais trouver nulle achoison De venir boire en ma maison ; Or y bevrez vous ceste fois. (Path. D., c.1456-1469, 76). Par le sang bieu, c'est ung Breton. Et je dy que je suis Françoys ! Il est fait de toy ceste foys ! (Fr. arch. B., c.1468-1480, 39). Je m'en allay au cler de lune, A ce beau matin tout joyeulx. Ceste fois là je fuz heureux, (B. veoir, p.1480, 18). Je fus heureux a ceste fois. (B. veoir, p.1480, 19).

Quelque fois. "À un certain moment" : On luy mect sus [à Jésus] Que des pechés, tant soient ilz ors, Donne remors Es pecheurs sans estre confus, Et qu'ad nul il ne fait reffus, Mes sans abus Il veult a chascun complaire. Pour ce quelque foiz vouloir heus Et conclus De le vëoir miracle faire. (Pass. Auv., 1477, 136).

Une fois. "Un jour (dans le passé), un beau jour" : Thiery et Guillaume de Soumain et bien eulx IIc. armeurez de fiers, chevaliers et escuiers, qui avanchier se vouloient et qui desiroient et demandoient les armes, monterent uneffois aux chevaulx, sus leurs meilleurs et plus appers que ilz avoient et les mieulx gouvrenez et agrenez, sus l'entente et emprise que de venir devant Ville-Arpent pour resveillier les compaignons qui dedens se tenoient (FROISS., Chron. M., XIV, c.1375-1400, 94). Dire que c'est possible que une chose soit faite de nouvel et que elle soit incorruptible ou perpetuelle et que une chose qui a duré sanz conmencement soit apres corrompue, ainsi que une chose ait une foys generacion sans avoir corrupcion ou que une autre ait une foiz corrupcion sans avoir eu generacion, ce dire est interimer aucunes des choses devant suppousees. (ORESME, C.M., c.1377, 230). Advint une foiz entre les aultres que comme le chevalier, pour passer temps et prendre son esbatement, se pourmenast... (C.N.N., c.1456-1467, 38). ...comme il fut parvenu a l'eage dessus dicte, ainsi que une foiz pensoit sur son estat... (C.N.N., c.1456-1467, 554). Une fois entre tous Le mary de Bellot me vit, Et je m'en vins fourrez dessoubz Ung grant filz de putain de lict. (B. veoir, p.1480, 20). En ce temps, comme le roy revenoit de Rion, il alla à Aigeperse, là où le patriarche vint une foys par nuyt au logis de monseigneur de Nemours, que le roy avoit mandé venir par devers luy, et remonstra comment les Bretons estoient desja sus les champs et les Bourguignons aussi, et que le royaulme estoit en dangier d'estre perdu et destruit (LE CLERC, Interp. Roye, c.1502, 187).

"Un jour (dans le présent ou l'avenir)" : SECONT BERGIER. Resjoÿssons nous, pastoureaux, Et mettons paine de venir A honneur, affin qu'avenir Puissons a noblesse une foiz (Gris., 1395, 43). Vous en serez une foiz tous riches. (C.N.N., c.1456-1467, 342). "Ha", dist le marquis, "ton outraige Te fera une foys mourir !" (Fr. arch. B., c.1468-1480, 33). Mon doulx maistre, mon doulx raby, Je pry a Dieu que nous octroye Que vous voye Vune fois au reaulme de luy. (Pass. Auv., 1477, 103). LE .I. SERGENT. Il fault tous m(e)orir une fois, Rendre compte tous en ung tas. (Mir. st Nic. juif, c.1480-1500, 159).

"Enfin" : Je t'en requiers, faiz tourner ton compas Afin que prengne une foiz mon repas (HAUTEV., Compl. B., c.1441-1447, 31).

[Avec une idée de répétition]

Autre fois. "À nouveau" : Et cilz qui ne l'oit ne entent, ne lui respond mot. Et celle, comme courroucie, lui redist autre foiz : Comment, dist-elle, sire musars, estes vous si despiteux que vous ne me daigniez respondre ? (ARRAS, c.1392-1393, 24).

De fois à autre. "De temps en temps" : Et la demoura deux jours, et faisoit moult mate chiere, et tousjours aloit et venoit hault et bas par my leans, visitant tout le lieu, et gettoit de foiz a autre moult griefs plains et moult griefs souspirs. (ARRAS, c.1392-1393, 254).

L'autre fois. "En dernier lieu, la dernière fois" : Ouquel [ostel] il frequanta continuelment par trois jours à la fois, en estat d'escuïer, et l'autre fois en estat de laboureur ; et advisa la maniere comment l'en fermoit et ouvroit l'uys de la chambre d'icelle dame (Reg. crim. Chât., I, 1389-1392, 31).

[Avec une idée de simultanéité]

À la fois. "Simultanément, en même temps" : Et dist, sur ce requis,que autre salaire, gaing ou prouffit, il n'ot onques d'iceulx Engleiz, ne de chose qu'il gaignassent ou pillassent, ne ne fu aussi en lieu où feu fust bouté ou mis, sinon ès bois où iceulx Engleiz et lui se logoyent de nuit et de jour à la fois, quant il aloyent en courrerie. (Reg. crim. Chât., I, 1389-1392, 124). ...et comment qu'il soit, a l'ayde de Dieu, nous yrons secourir la pucelle que le roy d'Ausay veult avoir par force, dont il me semble mal conseilliez, car quant on les a par leur bon gré et accort en mariage, si y a il a la foiz grant riote. (ARRAS, c.1392-1393, 150). Item, au Loup [Jean Le Loup] et a Cholet Je laisse a la foys ung canart Prins sur les murs, comme on souloit, Envers les fossés, sur le tart, Et a chacun ung grant tabart De cordelier jusques aux piez (VILLON, Lais R.H., c.1456-1457, 22). Item, et au Prince des Sotz Pour ung bon sot Michault du Four, Qui a la foyz dit de bons motz Et chante bien "Ma doulce amour", Je lui donne, avec le bon jour ; Brief, mais qu'il fust ung peu en point, Il est ung droit sot de sejour Et est plaisant ou il n'est point. (VILLON, Test. R.H., 1461-1462, 92). ...nul ne s'i doit bouter s'il n'en veult a la foiz gouster. ["Pour ung plaisir, mille douleurs"] (C.N.N., c.1456-1467, 372). En escoutant les chansons et dances, prenoit a la foiz si grand plaisir que amours emouvoit son courage (C.N.N., c.1456-1467, 567). "Ha !" fais je, "mon amy Guillaume, Que resemblez vous bien de chiere Et du tout a vostre bon pere !" Dieu sçay comme j'eschaffauldoye, Et a la fois j'entrelardoye En parlant de sa drapperie ! (Path. D., c.1456-1469, 86).

"D'une seule fois, d'un seul coup" : Avise quel jeu tu veux faire. Contre toy suis content [de] traire Chopine de vin a la fois. (Tr. Men., c.1480-1500, 289).

(Tout) à une (seule) fois. "À la fois, en même temps" : Et touz lui cent a un fie En l'eawe, la launce baissie, Si sont feru sur lour coursers. (HÉRAUT CHANDOS, Vie Prince Noir T., c.1385, 55). Et cilz tendent leurs arbalestres, et mettent bons viretons en coche, et laissent aler tout a une foiz, et en mirent mors a ce poindre sur le pont jusques a XIJ. (ARRAS, c.1392-1393, 101). ...et pour ce avoit chappelle de grant nombre de jeune gent, dont en avoit levé puiz IJ ans VJ ou VIJ des petiz enfans de l'eglise de Paris à une seule foiz (BAYE, II, 1411-1417, 232). Et fissent entre nuit et jour si grant bruit de corner et de buissener, tout a une fois, et de juper apriés, tout hault et de diverses vois, que li Englois en furent tout estonné. (FROISS., Chron. D., p.1400, 144). Ces deus coses furent faites tout a une fois. (FROISS., Chron. D., p.1400, 519). Bonnes gens, vous avez veu mon paradis et mon enffer. Or me dittes a une fois quelle est vostre intencion. (Percef. III, R., t.2, c.1450 [c.1340], 96).

"Tout d'un coup" : Sitretos que li chevaliers le desvolepa [l'oriflamme] qui le portoit, et qui leva l'anste contremont, celle bruine à une fois cheï et se desrompi. (FROISS., Chron. R., XI, c.1375-1400, 53).

[Succession dans le temps] "Tour de rôle"

(À) ma/sa/leur... fois. "À mon/son/leur... tour" : Polinicés (...) lui mandoit (...) Qu'il est raison que sa foix regne, Com lui fu enconvenancié, Si lui soit le regne laissié, Et Ethioclés hors s'en saille (CHR. PIZ., M.F., II, 1400-1403, 303). Et quant il avient que l'autre partie regaigne et a, [a] sa foiz, l'avantage, autant leur en font (Bouciquaut L., 1406-1409, 179). Une dame, quant ce vint a sa fois, Ala nommer le bon conte de Foix Sage et entier, Noble Jehan, de Phebus heritier, Et qui porte son escu en quartier Et de tousjours suit l'amoureux mestier. (CHART., D. Fort., 1412-1413, 193). Si laisseray aux autres leur foiz suivre Les biens d'amours. (HAUTEV., Compl. H., c.1441-1447, 62). MARCELLE. Il ne fait point icy trop chault ; Je m'en vois chaffer ["chauffer"] a ma foiz. (GRÉBAN, Pass. J., c.1450, 261). ...[la femme] ne laissa pas de leur bailler tousjours audience, chacun a sa foiz, puis qu'ilz la requeroient (C.N.N., c.1456-1467, 236). Vous viendrez doncq à son escolle Vostre foys (Maistre Mim. T., c.1480-1490, 256).

Loc. conj. [En prop. temporelle ou hypothétique]

(À)(la) premiere fois que : ...la premiere fois qu'il veist oncques la piece d'argent fondue donc son pere fu trouvé saisy, il le vit en ladite ville de Chartres (Reg. crim. Chât., I, 1389-1392, 219). ...premiere foiz que je la vy, ne me scot elle bien a dire toute ma mesaventure ? (ARRAS, c.1392-1393, 253). A la premiere foiz qu'il rencontra le bon musnier, il le salua haultement (C.N.N., c.1456-1467, 47).

À (toutes) chacune (des) fois que. "À chaque fois que" : Et dit, sur ce requise, que à toutes chascune des fois que elle mettoit ladite paile et eaue sur le feu, et aussi ledit voult, elle faisoit autant de misteres à une fois comme à l'autre, et tourmentoit aussi ycellui voult (Reg. crim. Chât., II, 1389-1392, 330). Et a chascune foiz qu'elle passoit devant la fenestre, elle gettoit un cry si merveilleux et si doulereux que chascun en plouroit de pitié (ARRAS, c.1392-1393, 260). ...a chacune foiz que vers elle venoit, tousjours estoit (...) de mal oppressée (C.N.N., c.1456-1467, 458).

À la fois que. "Au moment où" : A la foiz que noz bonnes gens eurent ceste devocion, ung laboureur avoit perdu son veau (C.N.N., c.1456-1467, 88).

[Pour marquer la rareté ou le caractère exceptionnel d'une action] Pour une fois que

[Pauvre pour minimiser la gravité de l'acte] Pour une pauvre fois que : Il me veult tout le mal du monde pour une pouvre foiz que j'ay voulu ronciner sa mere (C.N.N., c.1456-1467, 325).

(À) toutes (les) fois que. "Chaque fois que" : ...car ce fait bien et aide a adjouster soy a la verité pour ce que toutes fois que il appert par raison pour quelle cause la chose qui sembloit vraie n'est pas vraie, ceci fait croire plus et mieulx ce qui est voir. (ORESME, E.A., c.1370, 408). ... toutes fois que il estoit ainsi malade, elle mettoit sur le feu, en une paelle d'arain, ledit voult, et le tournoit à une cuillier d'arain (Reg. crim. Chât., II, 1389-1392, 287). ...[elle] lui dist plusieurs fois que tout ce que elle vouloit faire et savoir, elle faisoit et savoit par le moyen du peché, qui parloit à elle toutes fois que elle en avoit besoing ; et lui enseigna la maniere comment elle parloit audit pechié, que l'en appelle Haussibut (Reg. crim. Chât., II, 1389-1392, 290). LA NOURRICE [à la marquise]. Elle [votre fille] scet aler et parler, Dame, si puet estre sevree, Toutes les foiz qu'il vous agree, Ou, se voulez, des maintenant. (Gris., 1395, 51). Et le dit roi et duc, conte de Pontieu, dira : "Voire." (...) Et aussi sera fait et renouvellé toutes fois que l'onmage se fera. (FROISS., Chron. D., p.1400, 194). ...il pooient aler, venir et demorer partout sus le sien, armés et desarmés, toutes fois que il lor plaisoit (FROISS., Chron. D., p.1400, 257). ...le bon curé tenoit le lieu de gentilhomme toutes foiz qu'il estoit dehors. (C.N.N., c.1456-1467, 352). ...il print regle et coustume de la venir visiter a toutes les foiz qu'il sentoit le mary estre absent (C.N.N., c.1456-1467, 441). ...il n'avoit besoigné sur son harnois (...) toutes les foiz qu'elle eust bien voulu (C.N.N., c.1456-1467, 516). Et, toutes les foys que vous [le comte Dampmartin] viendrez, vous serés le très bien venu. (LE CLERC, Interp. Roye, c.1502, 317).

"À condition que" : ...se il vous plest a metre trois de vos chevaliers contre eulz trois, il jousteront a eulz de fer de glaive, parmi trois lanches, devant vous, ainssi toutevois que, se il y en a aucun qui jouste sans assiner d'aucune de ses trois lanches, il se combatra a son compaignon jucques a outranche. (HENRI FERR., Modus et Ratio, Songe pest. T., c.1354-1377, 102). "...Je vous quite vostre prise et vostre foi, et poés partir toutes fois que vous volés." (FROISS., Chron. D., p.1400, 754). "Par les tretiés de le pais, nous le poons monstrer et prouver, se nous vollons (...) que Audenarde estoit à abatre, ou point où elle est, toutes fois que nous volions." (FROISS., Chron. R., IX, c.1375-1400, 222).

(Toutes et) quantes fois que/toutes fois quantes fois que. "Aussi souvent que" : ...ledit seigneur ne voult pas que les robes communes de drap, lesquelles il vest tous les jours, soient mises ne escriptes en ce présent inventoire, pour ce que il les donne et départ à ses officiers et autre part, toutes et quantes foiz que bon luy semble. (Invent. mobilier Ch. V, L., 1379, 355). "Jaques d'Artevelle nous donnoit anten a entendre que il avoit le wagne de la draperie en la main, et le nous feroit avoir toutes fois qantes fois que il vodroit..." (FROISS., Chron. D., p.1400, 281). Cedit jour, la Court a eslargi sub penis et summissionibus maistre Pierre de Montyon et Guillaume Germe, et comparront toutes foiz qu'il seront mandez. (BAYE, I, 1400-1410, 184). ...toutes et quantes fois qu'il plairoit au Roy ou à son Conseil de mander ou ordonner aucuns de ceans (BAYE, II, 1411-1417, 100).

Quand une fois/si une fois : Qui vouldroit au long racompter La legende de Triboullet, Il fauldroit bien la hault monter Pour haultement la mettre au net. Il faisoit tout ce qu'il vouloit Quant une fois ouvroit la bouche, Car il estoit le mig[n]onnet Du sot renommé maistre Mouche. (Vig. Trib., c.1480, 232). Que je fusse eureux, Si une fois puisse regauldir. (B. veoir, p.1480, 14). Se une fois les attrape, Ilz pevent (bien) dire en effect que c'est fait. (Cene dieux, c.1492, 117).

Une fois que. "Un jour où" : ...monseigneur passoit par devant nostre maison une foiz que atout deux cruces alloye a la riviere. (C.N.N., c.1456-1467, 41).

B. -

[Marque un rapport de grandeur, d'intensité]

[Élément multiplicateur] Nombre fois nombre : "Et encores en a le conte de Foeis, en la tour du chastel d'Ortais, par X. fois cent mille frans seulement de ceste emprise là." (FROISS., Chron. M., XII, c.1375-1400, 28). "Et environ eulx XX. des plus notables il emmena avec lui à Ortais, et en ot, ainçois que ilz lui eschappassent, cent mille francs deux fois." (FROISS., Chron. M., XII, c.1375-1400, 30). "Et il se tint à Ortais en son chastel, et là où il tient ses florins." - "Sire, di-ge au chevalier, en a-il grant foison ?" - "Par ma foy, dist-il, aujourd'uy le conte de Foeis en a bien par trente fois cent mille." (FROISS., Chron. M., XII, c.1375-1400, 45). ...deux foiz troiz foiz .II. font .XII. (LEGRAND, Archil. Sophie B., c.1400, 228). De ces trois des me veulx esbatre. Hé, trois foiz six, venés en plasse ! Veez les la ! (Pass. Auv., 1477, 203). Six vings valent deux fois soixante. (LA VIGNE, S.M., 1496, 266).

Tant de n fois que. "n fois autant que" : Moult petit de villes fremees sont en Escoce : il i a grant fuisson de chastiaus, et non pas tant de diis fois que il i a en Engleterre. (FROISS., Chron. D., p.1400, 217).

n fois plus : ...j'ayme plus cher morir mille foiz, s'il m'estoit possible. (C.N.N., c.1456-1467, 140). ...fust il plus grand maistre cent foiz, si je l'y puis rencontrer je luy osteray la vie (C.N.N., c.1456-1467, 234).

n fois plus adj. : Vous ont il mis a finance ? - "Oil." - "Et a conbien ?" - "A douse cens florins, et m'ont demandé se vous demorriés pour moi." - "Oil, dist il, et tantos se la sonme estoit plus grande diis fois." (FROISS., Chron. D., p.1400, 332). ...il avoient pris plus fortes villes que la lour ne fust vint fois. (FROISS., Chron. D., p.1400, 631).

n fois mieux/pire : Par ceste croix, Il sera plus fin que moustarde S'il n'est mieulx trompé mille fois. (Sots triumph., c.1475, 48). J'ay esté tousjours en prison Pire cent fois que la Gourdaine. (Sots, c.1480-1500, 278).

À n fois près. "La n^ème partie" : ...et matin firent leur procession générale, leur messe et sermons, là où amour se monstra outre-passe et si grande que jamais à dix fois près on ne l' y eust espéré tel. (CHASTELL., Chron. K., t.4, c.1456-1471, 202).

Loc. conj.

n fois autant comme : Dit aussy que yceulx deux compoingnons ne departirent aucunement en sa presence le residu de la poudre qui estoit oudit sachet, et que, par son advis, il en demoura bien en ycellui saichet deux fois autant comme il en fu mis en yceulx quarante noëz à lui bailliez. (Reg. crim. Chât., I, 1389-1392, 456).

n fois plus que : ...je suiz plus esmerveilliez des paroles que il m'a dictes, cent foiz que vous n'estes de sa venue. (ARRAS, c.1392-1393, 55).

C. -

[Avec une idée de concession] Toutes fois. "Néanmoins" : Ore, seigneurs, je vous diray (...) Chose dont serez merveilliez ; Toutes foiz ce sera tout voir. (Mir. fille roy, c.1379, 112). ...et toutes fois en aucun cas, il [le droit de rendre depost] n'a pas lieu et se mue. (ORESME, E.A.C., c.1370, 304). Et jà soit ce qu'ilz feissent de parole tout leur povoir afin d'avoir icelle fille, toutesvoyes alors ilz ne firent aucune force ou violence en icelle ville, eglise, ne au curé et habitans de ladite ville, mais leur fu donné à boire par aucuns des habitans de ladite ville, et en leurs maisons, où ilz furent menez par aucuns d'iceulx. (Reg. crim. Chât., II, 1389-1392, 236). Et jasoit ce que plusieurs autres exemples on y pourroit donner qui seroient longues a escripre, toutesvoyes ce vous doit assez souffire quant a cest article (Ménagier Paris B.F., c.1392-1394, 115). Et quant il approucha de la dicte fontaine, il entrouy une voix qui chantoit si melodieusement que il ne cuida pas pour l'eure que ce ne feust voix angelique, mais toutes foiz il entendy assez, par la grant doulcour de la voix, que c'estoit voix femmenine. (ARRAS, c.1392-1393, 6). ...et combien que par chartres de paix faictes a diverses foys appere que on bailla aux roys d'Angleterre les pays de Quercin, Pierregort, Agenois et Xantonge oultre la Charente, toutesvoyes plusieurs terres demourerent ou demaine du roy, et y estoyent avant que la guerre commençast et au temps d'icelle, et en levoit on les prouffis et emolumens. (JUV. URS., T. crest., c.1446, 116). Elles despoullees, pour ce que trop chault avoient, requist qu'elles fussent toutes nues. La singesse ne s'y vouloit acorder ; toutesvoyes comme a force on la despoulla, et fut la tout veu et apperceu (Nouvelles inéd. L., p.1452, 49).

Rem. Voir aussi toutefois.

DMF 2020 - Article revu en 2015

Pierre Cromer

Fermer la fenêtre