Empl. intrans.

A. -

Au propre

-

"Aller, se déplacer, voyager, faire du chemin (à pied, à cheval...)" : E ! Dieux, com je sui traveillie ! Pieça n'erray tant com j'ay hui (Mir. st J. Cris., c.1344, 286). Tant a erré par ses journées, Par froit, par chaut et par jalées, Qu'à Vienne vint sus la Denoe, à X. journées de Cracoe. (MACH., P. Alex., p.1369, 43). Percevaus fist tantost sonner La trompette et haut resonner. Tost furent rengié et serré, Et en po d'eure ont tant erré Qu'il sont venu devant la porte, Où mainte personne fu morte. (MACH., P. Alex., p.1369, 85). En ce detriement, se faisoient et ordonnoient grandes pourveances et grosses et trop fort besongnoient, car il devoient errer en un pays où il en trouveroient tout petit. (FROISS., Chron. L., VI, c.1375-1400, 230). "...Pensons de leement errer et hastivement voler tant que nous puissons parvenir a ladicte montaigne." (MÉZIÈRES, Songe vieil pèl. C., t.1, c.1386-1389, 197). Quant Thierry ouy le mandement de son frere, si monta a cheval, et erra tant qu'il vint a Lusegnen, ou Gieffroy le receupt moult liement, et lui dist qu'il lui vouloit laissier son pays en garde et gouvernance, car il vouloit aler a Romme confesser de ses pechiez au Pere Saint, et aussi qu'il ne fineroit mais d'errer tant qu'il auroit trouvé son pere, se il se puet bonnement faire. (ARRAS, c.1392-1393, 274). Maistre Julien, qui avoit oÿ de damp Abbés et de Madame les deduis des chasses qu'ilz faisoient, n'en pensa gueres mains de la verité, print congié d'elle et tira son chemin ou il peust aler le soir au gicte, et erra tant par ses journees qu'il vint a la royne (LA SALE, J.S., 1456, 261). LE TIERS CHEVALIER. Ne soyons donc tant surpris de foiblesse Qu'incontinant ne monstons a cheval. SAINCT MARTIN. Nous errerons tant d'amont et d'aval Qu'a son besoing nous ne luy fauldrons poinct. (LA VIGNE, S.M., 1496, 239).

-

Errer des talons. "Marcher à pied" : ...tant ay des talons Erré et me sui adrecié Que j'ay le roy adevancié Et voy la royne sa femme (Mir. Oton, c.1370, 352).

-

Errer par (sus) (la) mer. "Voguer, naviguer" : Li Sarrazin ès nés monterent Et le clerc avec eaus menerent. Tant ont vogué, tant ont erré Par mer et par chemin ferré O le clerc, qui a non Anthoinne, Qu'il sont venus en Babiloinne, Où li soudans les atendoit. (MACH., P. Alex., p.1369, 128). L'ystoire dit que, quant Uriiens et Guion et leur navire se furent partiz de la Rochelle, qu'ilz errerent par la mer moult grant temps, et passerent par devant mainte ysle, et se rafreschirent en pluseurs lieux. (ARRAS, c.1392-1393, 88). ...et errasmes par mer, tant a voille comme a rames, jusques au sabmedy ensuivant que nous arrivasmes en une isle qu'on appelle Chifornia. (Voy. Jérus., c.1395, 7). Par sus la mer, ou fort venta, Tant erra qu'il lui ennuita. (CHR. PIZ., M.F., II, 1400-1403, 297). Tant a erré par mer, a nage, Qu'enGrece vint a un rivage. (CHR. PIZ., M.F., III, 1400-1403, 64). Tant erra par pluseurs journees Que ses grans hosts il a menees Devant une noble cité, Qui fu, comme il est recité, Toute d'or et de pierrerie Precïeuse a entaillerye. (CHR. PIZ., M.F., IV, 1400-1403, 54).

-

"Marcher, voyager (en faisant des détours, en se perdant)" : N'as tu pas leu que le peuple d'Israël fut par .XL. ans errant par les desers pour leurs contraditions et murmures, dont ilz enaigrirent sur eulx l'indignation de Dieu. (CHART., L. Esp., c.1429-1430, 76).

-

"Partir à l'aventure" : Proeche ne voelt point sejourner a l'ostel, mais errer et travillier et querre partout ens es pais prochains et lontains les armes et les aventures. (FROISS., Chron. D., p.1400, 36).

-

Errer + compl. d'obj. interne "Parcourir" : Vous m'avez fait errer maint pas Pour vous trouver et mains destrois. (Mir. mère pape, c.1355, 379). Penser me fault de mon affaire, Conment je le menray a fin, Puis que tant ay erré chemin Que d'Espaigne suis ou pais. (Mir. Oton, c.1370, 343). Adont li di, que plus n'atarge : "O Souvenirs, faitis tousiaus, Aprester te faut tes housiaus Et faire ton cheval ferrer, Car temprement te faut errer Chemins et voies et sentiers..." (FROISS., Pris. am. F., 1372-1373, 135). ...Plourer, gemyr, cheoir en desesperance, Plus que nul homme avoir malle mescheance, Errer desers sans y estre conduyt (Au grey d'amours F.-H., c.1400-1500, 287). Lors lui enseigna la dame la maniere de la champaigne et comment il pourroit chevauchier pour errer sa grandeur, puis print congié et s'en parti atant. (Percef. IV, R., c.1450 [c.1340], 1064).

.

[D'un animal] : Le fesant erre volentiers les petites senteletes parmi les bois (HENRI FERR., Modus et Ratio, Livre deduis T., c.1354-1377, 287). J'ay erré païs vaillamment Qui suis desja dedens Judee (Myst. Incarn. Nat. L., t.2, c.1454-1474, 33).

-

Inf. subst. "Voyage" : [Les ambassadeurs d'Orient] Disoient entre autres choses : "Dia, ce disent il, nous avons esté en passant par devers plusieurs princes et seigneurs faire nostre annoncement, mes ce avons fait comme pelerins. Mes droit cy est le lieu et la bute de nostre contendre pour laquelle nous emprismes l'errer..." (CHASTELL., Chron. IV, D., c.1461-1472, 290).

.

Se mettre à l'errer. "Prendre la route" : Pour retourner en France ce sont mis a l'errer (Galien D.B., c.1400-1500, 5).

-

Part. prés. Errant

.

Empl. adj. "Qui marche, qui voyage, sans résidence fixe, à l'aventure" : Nous sommes sodoiers errans Par pais, qui maistre querons. (Mir. fille roy, c.1379, 63). Dure chose est de mariage A clerc qui veult estudier Et a un errant chevalier : Le clerc en laisse son estude, Et en devient chetif et rude, Et lui fault a sa femme entendre, Qui lui scet bien response rendre Et ramentevoir son estat, En li mouvant souvent debat : Robe li demande et joyaulx (DESCH., M.M., c.1385-1403, 137). Sur les destriers s'en vont ferant Aprés le chevalier errant Qui s'en vait tout le petit pas. (CHR. PIZ., M.F., II, 1400-1403, 306). Au port Circés l'enchanterresse Arriva, qui a grant destrece Maint chevaliers errans mettoit (CHR. PIZ., M.F., III, 1400-1403, 163). "Vous dirés au roy que il ne luy deplaise de savoir mon nom. Car j'ay fait veu de ne le dire a nul. Mais dittes luy que je suis ung pouvre chevalier de France qui cerche le monde comme chevalier errant..." (Belle Maguel. C., 1453, 6). ...je ne cuidoie pas que les dames de ce païs fussent si peu courtoises que de refuser ung giste aux chevaliers errans. (C.N.N., c.1456-1467, 476).

.

Empl. subst. "Celui qui voyage à l'aventure" : ...mais dormi N'ot gaires, quant un autre errant, Qui aventures vait querant, Aultressi lassez et moullez, Et de son pays exillez Se fu partis, si comme a force, La fu par mainte voye torse Venus et se cuide logier Soubz le portail et hebargier. (CHR. PIZ., M.F., II, 1400-1403, 298).

B. -

Au fig. "Agir" : Au mielx qu'il pot se deporta Pour ses gens tenir plus hetiez, Et quatre barons affetiez Par le conseil de sa mesgnie Devers la blanche chevauchie Tramist pour savoir et enquerre S'il portoient ou paiz ou guerre Et de quel païs il estoient Et pour quel cause ainsi erroient. (Tomb. Chartr. Trois contes S., c.1337-1339, 78). Les poissons, les vers de la terre Font leur droit, et chascun d'eulx erre Ainsi comme faire le doit (DESCH., Oeuvres R., t.8, c.1370-1407, 308).

C. -

Empl. adv. Errant. "Immédiatement, sans plus attendre" : "Aiglente, dist soudant, par ma barbe florie, Vous serés en ung feu errant arse et bruÿe" (Tristan Nant. S., c.1350, 192). Agnesot, sanz plus faire attente, Alon m'en au moustier errant, Faire crestïen cest enfant, Car au naistre a eü tant paine, Que je ne suis mie certaine Que gueres vive. (Mir. enf. ress., 1353, 24). Le haro conmança si grant Que la justice y vint errant. (Mir. enf. ress., 1353, 57). Quant le franque royne fu le noise escoutans, À ung de cez barons fu errant demandans : "Pour coy crient no gent, ont il assault pesans ?" (Hugues Capet L., c.1358, 69). Baptizier me vois faire errant. (Mir. st Panth., 1364, 319). Tu t'apaisas et descendis Et tes chevaus fiers et hardis Represis et menas arriere Et rentras dedens ta barriere Et ratelas ton kar errant. (FROISS., Pris. am. F., 1372-1373, 100). Et le roy lui respond : Sire duc, Cellui le vous merisse qui souffry la mort en la croix pour nous rachater de l'infernal servage. Puis prent congié du duc et de la duchesse et de Regnault et de toute la baronnie, et monte a cheval, et s'en va errant avec sa mesgnie, tant comme il puet, vers son pays d'Ausaiz, doulens de sa perte et joyeulx du secours que le duc Anthoine lui a promis faire pour secourir le roy Fedric, son frere. (ARRAS, c.1392-1393, 173).
 

Empl. intrans.

A. -

[D'une pers.]

1.

"Se tromper, s'éloigner de la vérité" : S'en compteray un petit compte Qui vous fera avoir grant honte, Et a ma dame grant honnour, Et grant clarté a mon signour, Dont il verra plus clerement Comment vous errez folement. (MACH., J. R. Nav., 1349, 201). Car uns chascuns d'eaus se merveille Coment là s'estoit tellement Embatus et si folement. Nompourquant tres bien s'atourna, Et vers la ville retourna, Et dist à ses gens : "J'ay erré. Or cheminons ferme et serré, Tout ensamble et le petit pas. à ce cop Dieux ne faurra pas, Qu'il ne nous conforte et aïde, Se nous requerons son aïde..". (MACH., P. Alex., p.1369, 92). LE QUINT CHEVALIER. (...) Si tieng que li homs fault et erre Qui obstinez est au contraire [à ne pas se marier]. (Gris., 1395, 16). ...si [les saints docteurs] ont parlé en ceste matiere plus en enquerent que en determinant ; par quoy aucunes foys ilz semblent dire choses contraires, et non font. Et si puet on tenir en tel cas contre leur oppinion, sans errer perilleusement. Pour ce saint Bernart en l'espitre que il feist aux chanoines de Lyon, les reprent car trop hastivement ilz vouloyent celebrer la feste de ceste concepcion (GERS., Concept., 1401, 422). S'ilz ont erré, a eulx en doit on demander le retour et sur eulx en soit la vengence, quant soubz umbre de nous esclarcir verité ilz nous ont mis en ces obscures tenebres. (CHART., Q. inv., 1422, 39). Dit oultre que depuis ses depposicions précédantes, il s'est ramentu et a trouvé par une coppie du contract fait avec Jehan Bonhomme, de Montferrant, touchant la ferme de la terre de La Font-Saint-Magerant et Brozac, qu'il a erré en sesdictes premières depposicions (Aff. Jacques Coeur M., 1453-1457, 574). Ceulz qui errent en toutes choses sans raison, tout ce puet amender fors que es erreurs des desordonnees guerres et batailles, ausquelz n'est nulz qui s'i peust opposer, car la peine incontinent ensuit son mesfait. (LA SALE, J.S., 1456, 33). ...luy souvint de la doctrine de son pere. Si cogneut qu'il avoit erré, si battit sa coulpe [Un jeune homme n'a pas suivi les conseils de son père] (C.N.N., c.1456-1467, 331). Item, mon corps j'ordonne et laisse A nostre grant mere la terre ; Les vers n'y trouveront grant gresse, Trop lui a fait fain dure guerre. Or lui soit delivré grant erre, De terre vint, en terre tourne ! Toute chose, se par trop [je] n'erre, Voulentiers en son lieu retourne. (VILLON, Test. R.H., 1461-1462, 77). Las, j'ay erré ! Bien ay esté mal assené Et dessené. (Pass. Auv., 1477, 277). Item quant l'homme peche, il erre aucunement infinitement sans fin selon les parties de lui qui est raisonnable, irascible et concupiscible. (Somme abr., c.1477-1481, 176). Icelluy roy Loys, là où il a voulu bien dire ou faire, a resemblé Origenes, car oncques roy, non pas roy seulement, mais homme, ne fist ne dist mieulx que luy, et aussi là où il y a eu erreur en son faict, oncques roy ne homme ne erra plus que luy. (LE CLERC, Interp. Roye, c.1502, 399).

-

Empl. factitif. Faire errer qqn. "Faire que qqn se laisse induire en erreur, tromper, berner" : Et ne l'osoient mettre hors de prison, car il pesoit ses choses si parfont et aleguoit tant de haulte escripture que espoir eust-il fait le monde errer. (FROISS., Chron. M., XII, c.1375-1400, 232). Ilz [les Juifs] sont plains de sortilieges et font plusieurs Crestians errer ; ilz se dient avoir dyables privés enclos lez uns en aneaux, lez aultres en pos et en aultres vesseaux et lez vendent aux Crestians pour divers pris (Songe verg. S., t.1, 1378, 361). Ung livre faulx escript fait errer ceulx qui y lisent, et a ceulx qui le contreescripvent adjouxter fauls sur faulz. (CHART., L. Esp., c.1429-1430, 45).

-

Part. prés. en empl. subst. [Avec interférence du sémantisme de iterare] "Celui qui s'est égaré, celui qui est dans l'erreur" : Encores veul je et vous commande que les sept euvres de misericorde espirituelles soient toujours en vous, c'est assavoir les ygnorans enseignier, les deffaillans corrigier, les errans et desvoiez adressier, les vices d'autruy celler, les injures supporter, les desconfortez consoler, et pour tous les pecheurs prier. (LA SALE, J.S., 1456, 39). Item par misericorde reduit les errans et fourvoians a soy, ceulz qui vont maine a lui, les trebuchans relieve, ceulz qui sont drois et estans, il les tient sans delaissier, les perseverans introduit en sa glore. (Somme abr., c.1477-1481, 180).

.

"Hérétique" : ...les Pragois avoient esté desconfis, et mors de huit à dix mille personnes, par les nobles du pays de Bohaigne (...). Et brief ensuivant furent occis deux prestres qui estoient capitaines des errans (...) et avec eulx six mille de leur secte. (MONSTRELET, Chron. D.-A., t.5, c.1444-1453, 83).

-

"Divaguer, perdre la raison" : Et tu celestiel Ysaïe qui en la loy de Moyse eubz esperit crestien et sembles mieux escripveur d'Evangile que annunciateur de prophecie, descripsis clerement ceste demonstrance en la persecution que tu predisis sur Egypte, laquelle l'abbé Joachin et autres saintes persones ont depuis exposé pour France, disans ainsi en la persone de la divinité : "Je amatyray vostre cueur dedens voz entraillez, et precipiteray vostre conseil, et mettray en vous esperit tournoyant, variable et sans constance, et vous feroy errer comme homme yvre, qui pert le savoir de soy conduire et la vertu pour soy soustenir..." (CHART., L. Esp., c.1429-1430, 79).

2.

"Commettre une faute, une erreur" : Si cogneut qu'il avoit erré, si battit sa coulpe et bouta en sa manche tout secretement ung pain bis et l'apporta a son hostel. (C.N.N., c.1456-1467, 331).

-

En partic. Errer contre/à l'encontre de/ qqn/qqc. "Commettre une faute en agissant contre qqn, en ne respectant pas qqc." : ...Mieus vorrent estre martirez Que faire ou penser tel foloy Comme d'errer [var. desrer] contre leur loy, Ne qu'orer l'estature d'or Que fist Nabugodonosor (MACH., C. ami, 1357, 56). Quant il furent venu en une place, li rois leur fist dire et monstrer ensi par un homme de sen conseil comment il avoient esret à l'encontre de lui et s'estoient mis en painne de tourner toute Engletière en tribulation et en perte. (FROISS., Chron. R., X, c.1375-1400, 130). Par foy, dame, s'il se puet excuser qu'il n'ait pas erré contre son serement ne faussé ne enfraint l'ommage que il doit, j'en seray tous liez, et seray cellui qui voulentiers le recevray en ses excusacions, lui et ses complices. (ARRAS, c.1392-1393, 209). Lengue caldee cil parla, Et fu le premier qui trouva Les folles loys et controuva En la contree ou il regnoit, Et enduit ceulx qu'il gouvernoit Encontre Dieu, par loy errer, Et divers dieux fist aourer, Offrandes leur fist faire et veux, Et aourer faisoit li feux, Et disoit et amonnestoit A tous que "li feux dieux estoit, Qui par poissance et valour Leur donnoit clarté et chalour." (CHR. PIZ., M.F., II, 1400-1403, 154). ...car ilz dient, de par le Pape, que icelles pecunes sont dehues de droit divin, naturel et positif, et se ainsy estoit, la Court et le Roy averoient erré contre la foy (BAYE, I, 1400-1410, 343). SAINCT MARTIN. Redempteur d'eternelle gloire, Plasmateur de la Trinité En qui je veulx de bon cueur croire, Donne moy, par ta dignité, Maintenant l'opportunité D'aller devers les Arrïens Qui contre ta divinité Errent et si n'en donnent riens. (LA VIGNE, S.M., 1496, 325).

-

[D'un point de vue religieux] "Pécher" : ...aussi com j'ay erré Par avarice en amasser, Aussi mon temps vueil dispenser En vous servir, dame (Mir. pape, 1346, 386). Saiges homs doit sa femme amer Pour avoir hoirs, non pour errer Es delis de la char mauvaise, Pour delecter et querir aise: Nulle chose n'est plus amere Que ta femme comme adultere Amer desordonnéement. (DESCH., M.M., c.1385-1403, 177). Et premierement s'ensuivent les noms des vices, et desquelz vous vous pouez confesser se vous y avez erré. (Ménagier Paris B.F., c.1392-1394, 20). Et pour ce tu qui est paresceux te dois confesser des branches de paresce, et dire ainsi : Sire, j'ay aussi erré en toutes les branches de paresce pour ma negligence. (Ménagier Paris B.F., c.1392-1394, 31). Et n'est pas a oublier que trop plus grant peril est a errer en blaphemant ceste Vierge que en l'onnourant, elle qui par langue d'omme souffisamment ne puet estre louee. (GERS., Concept., 1401, 422).

B. -

[D'un phénomène physiologique]

1.

"Être irrégulier, déviant par rapport à une norme" : ...mais telles fievres ne errent point, car chascune suit le mouvement de sa matiere, mais il nous semble que elles errent pour la diversité de leurs peroximes selon le mouvement des planettes (GORDON, Prat., c.1450-1500, I, 8).

-

Part. prés. en empl. adj. : ...maiz avec ce, fievres quartes, fievres errantes, splenes, ydropisies, ptisique, ulceracions, strangurie, lienterie, sciades, squinance, anelitus, yliaque passion, epillencies, manie, melancolies. (SAINT-GILLE, A.Y., 1362-1365, 69).

2.

"Avoir un mauvais fonctionnement" : Item en morphee erre vertu assimilative, mais non pas en ictericie, donc je conclus que morphee c'est erreur de vertu assimilative en cuir (GORDON, Prat., c.1450-1500, I, 22).
 

"Marcher en-dessous" : Suberro (...) soubz errer, folier, subtus vel parum errare, exorbitare, vagari, peccare, currere, derelinquere (LE VER, Dict. M.E., c.1420-1440, 480).