I. -

[Idée d'un mouvement vers le haut, d'un mouvement qui redresse]

A. -

Au propre [Sens spatial]

1.

Empl. trans. Relever qqn. "Remettre qqn sur pied, remettre qqn droit" : PREMIER ESCUIER. (...) las ! je ne li voy Pié ne main ne corps remuer. Pensons tost de li relever Dessus ses piez. LE CHEVALIER. Or sus, mon chier seigneur, dressiez Vous en estant. (Mir. st Guill., c.1347, 20). ...tout en alant, Retournoient en reculant, Et en retournant relevoient Les bleciez qui cheüs estoient. Tant ont la montaingne eslongné Que dou chastel sont aprochié, Et qu'il furent en mi la pleinne. (MACH., P. Alex., p.1369, 154). De joie ont perdu la parole Touz deux et sont en paumoisons : Alons et si les relevons (Mir. emper. Romme, 1369, 310). Et quant le chevalier la veist a terre, il descendi a pié pour la relever, mais elle s'estoit ja pasmee (Chev. papegau H., c.1400-1500, 25). ...maintenant [la nourrice] le maine [le petit enfant], maintenant le tient par la main et laprent a aler et le soustient, et maintenant le laisse tout par soy, et sil aduient quil chee, elle acourt a le releuer. (CIB., p.1451, 189). Et ce pendant, icelluy bastard releva icelluy homme tumbé, et en le relevant mist la main en sa bource, en laquelle trouva deux pieces d'or et ung signet pesant quatre escus ou envyron. (LE CLERC, Interp. Roye, c.1502, 178). Et, quant ledit Geuffroy Cueur s'aproucha dudit conte, se mist à deux genoulx devant luy, luy requerant mercy. Lequel conte icelluy releva et le print par dessoubz les bras, et luy dist : ... (LE CLERC, Interp. Roye, c.1502, 179).

-

"Remettre qqn droit (dans le lit)" : ...jusques a la dame est la nouvelle alée Qui en sa chambre estoit estroitement fremée (...), Mais si tost qu'a lui fu la nouvelle contée Devant les dames est de grant joie paumée, Si qu'a grant paine fu en son lit relevée. (Brun de la Mont. M., c.1350-1400, 46).

2.

Empl. intrans. ou pronom.

a)

"Se remettre debout, se remettre droit" : [Cérémonial pour approcher du sultan] Si tost comme il porent choisir Le soudan, sans penre loisir, Et tantost sans essoinne querre, Il leur couvint baisier la terre, Et à toutes leurs gens aussi, Qu'il le couvenoit faire ainsi. Et quant il furent relevé Droit emmi le palais pavé, À IJ. genous se genouillerent Et seconde fois la baisierent, Et toutes leurs gens ensement, Qu'estre ne pooit autrement. (MACH., P. Alex., p.1369, 197). Et quant icellui Oudot ot d'elle qui parle ainsi fait sa volunté, et que elle qui parle fu relevée, vint à elle ledit Baudet (Reg. crim. Chât., II, 1389-1392, 510). Et quant messire Enguerrant fut relevé et a son costé de la lice retourné, il actendit Saintré, qui briefment vint. (LA SALE, J.S., 1456, 118). Le [prieur], du dos du cousteau, fiert au col de l'yvroigne ung grant et pesant cop, et a terre l'abbat bien rudement. Mais vous n'avez garde qu'il se relieve (C.N.N., c.1456-1467, 63). ...et y fut veue chose quasi miraculeuse, c'est assavoir que les haulx ediffices, à moitié clinés pour tumber, se releverent, sans estre nulle part conquassés. (SIMON DE PHARES, Astrol., c.1494-1498, f° 114 v°).

-

Se relever debout : Adonc se releva debout (Vig. Trib., c.1480, 234).

-

Inf. subst. : ...et au relever ledit Fuisel, qui estoit tres mouvant home, se commença a courroucier contre ledit Braise (Chancell. Henri VI, L., t.1, 1425, 231).

b)

En partic. "Se lever du lit" : ...j'ay grant talent, Puis que j'ay dite ma complie, D'aler couchier, que je n'oblie A relever a mie nuit. (Mir. ev. arced., c.1341, 111). ...comme il estoit couché en une hostelerie en la ville de Saint-Sanson, en une chambre, avec plusieurs marchans qui illec estoient, il qui parle se releva de nuit (Reg. crim. Chât., I, 1389-1392, 564). LE MALADE. Je vous ay dit ce qui me griefve De penser que jamais reliefve Du lit (...) Si non que la mort m'en reliefve (HAUTEV., Conf. Test. am. tresp. B., c.1441-1447, 43).

-

Vêtement à relever. "Vêtement que l'on porte la nuit quand on se lève" : ...une houppelande longue jusques sur le col du pié, à relever de gris bieure (Comptes Etat bourg. M.F., t.1, 1419, 77). Lors le roy et la royne se firent baillier leurs robes et housettes a relever (LA SALE, J.S. E., 1456, 353).

-

Se relever d'une maladie. "Revenir à un état physique normal" : À Henry Le Seigneur, escuier et eschançon de monseigneur, la somme de quatre vins dix escuz, du pris de 30 gros nouvelle monnoye de Flandres chascun escu (...) pour soy aidier à relever d'une maladie qu'il a nagaires eue par l'espace de 3 mois et aussi pour soy vestir, monter et armer et habillier, affin d'estre plus hounorablement ou service de mondit seigneur (Comptes Etat bourg. M.F., t.1, 1419, 167).

-

Inf. subst. : ...deux cannes d'escarlate données à monseigneur de Sisteron aux relevez de la maladie du roy (Comptes roi René A., t.2, 1479, 111). Don à Manault de Guerre, la somme de cent ducaz que le roy lui a donnez au relever de sa maladie (Comptes roi René A., t.3, 1479, 30).

c)

[D'une femme] "Faire ses relevailles" : ...IJ pièces de zetonnin azuré, pour faire IJ corsez qui furent broudez par Perrin de Paroy, et en sont prises les perles ci-dessouz ès parties dudit Perrin, lesquiex corsez madame donna aus IJ filles mons. de Navarre quant madame de Navarre relva [sic] derrenièrement à Bréval (Comptes argent. rois Fr. D.-A., II, 1342, 27). Ja ne quier estre departie De vous, dame, s'il vous agrée, Tant que vous soiez relevée Tout a vostre aise. (Mir. nat. N.S.J.C., c.1343, 219). LA VENTRIÉRE. Robert, je croy que ja s'esmaie Conment avec vous passera La nuit qu'elle relevera De la jesine. (Mir. st J. Paulu, c.1372, 120). ...elle a esté engrossie oudit hostel d'un joine Lombart nommé Athevrien, lors demourant oudit hostel, ouquel hostel elle a jeu d'une fille, et en a esté relevée à l'aide dudit Athevrien qui lui a fait moult de biens (Reg. crim. Chât., II, 1389-1392, 531).

-

Relever d'un enfant : ...et si est de nouvel relevee d'un moult beau filz (Percef. IV, R., c.1450 [c.1340], 136).

d)

"Ressusciter" : Et a celle dedicause furent saint Monulphe et saint Gondulphe, evesquez de Tongre, qui se releverent de leur sepulcre a Treit ; lesquelz donnerent grans pardons et puis en ralerent et retournerent en leur sepulture a Treit dont ilz estoient partis. (JEAN D'OUTREM., Myr. histors G., a.1400, 85). L'eure que le soloil voult lever, Nous vismes Jhesu relever. (Pass. Semur D.M., c.1420 [1488], 259).

-

Relever de mort : Ordes nouvelles vous aporte, Grant duel et grant raige me mort, Quar cil sont relevé de mort Que feïstes l'autrier tuer. (Jour Jug. R., c.1380-1400, 239).

-

Relever de mort à vie : Seigneurs, sachés quar le filz Marie Est relever de mort a vie (Pass. Autun Biard F., 1470-1471, 140).

e)

[D'une bête sauvage, cerf, lièvre...] "Quitter le fort, le buisson, pour aller viander" : ...quant il [le cerf] a oÿ les chiens ou le limier, ja puis ne relevera es tailles ne aus chans, mes viandera dedens le fort entour lui en son buisson. (HENRI FERR., Modus et Ratio, Livre deduis T., c.1354-1377, 25). [Nombreux autres ex. ds ce texte, cf. le gloss. de l'éd.] Bische qui porte faons, a matin, quant elle ira a son emboschement, elle ne demourra ia [l. ja] aveques son faon, mes le laissera bien loing de luy et le fiert du pié et le fet couchier, et la le faon demourera touz jours jusques a tant que elle se relieve pour viander. (GAST. PHÉBUS, Livre chasse T., 1387-1389, 65). Quant une lievre se relieve pour aler a son viandeïs ou s'en revient a son giste... (GAST. PHÉBUS, Livre chasse T., 1387-1389, 78). [Nombreux autres ex. ds ce texte, cf. le gloss. de l'éd.]

-

Inf. subst. : Aussi, quant lievres entrent dedanz un clos ou de champs ou de vignes ou de vergiers pour viandier, et on scet le pas par ou ilz entrent, on leur doit tendre un royseul ou une pouche et atendre leur relever (GAST. PHÉBUS, Livre chasse T., 1387-1389, 287).

Rem. HENRI FERR., Modus et Ratio, Livre deduis T., c.1354-1377, 28, l.72.

3.

Empl. trans. Relever qqc.

a)

"Remettre debout, redresser" : Les vignes doivent estre relevees et liees avant que les bourgons croicent et deviengnent gros. Et les vignes qui sont en ordre, liees a perches et a eschalas, et sont espesses, doivent estre relevees egalment. (Rustican H., 1373-1374, 87).

b)

Relever une partie du corps. "Redresser" : Et se un homme d'armez chiet, A tart relevera son chief, Et pluiseurs meurent estouffez Des vostres, car trop sont armez. (BOUVET, Appar. Meun A., 1398, 27). ...il avoit la poitrine relevee ["bombée"], pelue (Percef. III, R., t.1, c.1450 [c.1340], 97).

c)

"Mettre qqc. plus haut" : Et pour ce que li orloges ne poet Aler de soi, ne noient ne se moet, Se il n'a qui le garde et qui en songne, Pour ce li fault a sa propre besongne Un orlogier avoir, qui tart et tempre Diligamment l'aministre et attempre, Les plons relieve et met a leur devoir (FROISS., Orl., 1368, 105). ...un baston qu'il tenoit en sa main, duquel il relevoit la lictiere des chevaulx (Reg. crim. Chât., II, 1389-1392, 378).

-

"Surélever, élever en hauteur" : Pour bien le voir on releva planchiers, On mist a point fenestraiges et porches, On fist sonner d'eglise et de clochiers Joyeusement a bransle toutes cloches. (LA VIGNE, V.N., p.1495, 180).

B. -

Au fig.

1.

Empl. trans. Relever qqn

a)

"Remettre qqn dans un état favorable" : Car Dieu, qui aux tors faiz repune, Ceulx relieve en qui espoir maint. (CHR. PIZ., J. d'Arc, 1429, 29). Et comment pourras-tu jamais Dieu mercier à souffisance, Servir, doubter en tous tes fais, Qui de si grant contrariance T'a mis à paix, et toute France Relevée de tel ruyne, Quant sa tressainte providence T'a fait de si grant honneur digne ? (CHR. PIZ., J. d'Arc, 1429, 31). Le Champion (...) Amours et les dames relieve (MARTIN LE FRANC, Champion dames I-II, P., 1440-1442, 93). Povres sommes se Dieu ne nous relieve (MESCHIN., Lun. princes M.-G., c.1461-1465, 1).

-

"Remettre qqn en état de grâce" : ...sur les pecheurs pas n'envoies Ta justice (...) Pour les destruire oultréement, Mais pour eulx amiablement Relever, doulx Dieu (Mir. st Guill., c.1347, 41).

-

[Du Christ] "Rétablir dans son état premier (d'avant la chute)" : ...en ta reparacion mervoilleusement dures et tres terribles asperités il a soustenus et divers tormans pour toy relever la dont tu estoye cheux. Pour amour de toy (...) il descendit es hommes mortelx, il print mortalité, il substint passion, il vainquit la mort, il restaublit l'omme. (CRAP., Cur Deus, De arrha B.H., c.1450-1460, 276).

b)

Relever qqn (de qqc.). "Décharger, débarrasser, délivrer qqn ou une collectivité (de qqc.), soulager, libérer qqn (de qqc. de pénible, d'une obligation, d'une charge...)" : À Janico de Vereres (...) la somme de IIc frans par Monseigneur en recompensation de pluseurs dommages quil avoit soustenuz pour Monseigneur et pour le relever diceulz, lesquielx IIc frans Monseigneur (...) mandoit li estre poiez sur tout le droit qui à Monseigneur povoit ou pourroit appartenir (Compte Navarre I.P., 1367-1371, 153). Du quel demaine, par grant prudence remis sus et repare, tu doys vivre selon Dieu et relever tes loyaux [subgiez] les Francois d'oppressions et de toute espece de tyrannie. (MÉZIÈRES, Songe vieil pèl. C., t.2, c.1386-1389, 355). ...desirans icelle [ville] relever desdictes charges et dommages (Ordonn. Ph. le Hardi, Marg. de Male B.-B., t.2, 1396, 152). ...ou cas que dedans ledit XVJe jour de juin ledit de Poiz n'aura choisy, la Court dès maintenant en baille le choiz à sa dicte mere, et le relieve de despens et pour cause (BAYE, I, 1400-1410, 229). ...pour eviter plus grant efusion de sang humain, et aussi pour relever le peuple et subgiez de ce royaume des griefs et oppressions qu'ilz ont souffert et soubstenu (FAUQ., I, 1417-1420, 360). ...icellui Jehan de Noident, qui à present est sur l'affinement et conclusion de ses comptes de tout le temps qu'il a exersé ledit office de recepte, nous a humblement supplié que de ladicte somme de 1612 frans 19 solz 10 deniers tournois, il le nous pleust relever et icelle faire mettre et allouer en la despense de ses comptes (Comptes Etat bourg. M.F., t.1, 1419, 134). ...et en tant que pourrons doresenavant vous relever et soulaiger, vous et vostre peuple, de partie des charges que avez portez et soustenuz le temps passé (Lettres Ch. VIII, P., t.1, 1483, 2). ...desirerions [qu'ilz] feussent relevez et recompensez de leurs pertes, nous vous prions et mandons [que] vous advisez de leur faire quelque bien (Lettres Ch. VIII, P., t.2, 1488, 199). LE POVRE. La douleur que mon corps soubstient, Hellas, m'est au cueur si tresgriefve Que si gueres long temps me tient, Ma povre vie sera briefve ! N'est il pitié qui me relieve ? Commant ? Est morte charité ? N'est il nul homme qui m'eslieve De ma grant miserableté ? (LA VIGNE, S.M., 1496, 543).

Rem. Tomb. Chartr. Souvain S., c.1337-1339, 30 ; DESCH., Oeuvres Q., t.2, c.1370-1407, 193 ; doc. 1438, in : Bibl. Éc. Chartes, 80, 1919, 150 ; Pac. Job M., c.1448-1478, 390 ; MOLINET, Faictz Dictz D., 1467-1506, 413 ; 446 ; TARDIF, Apologues R., c.1493-1498, 78...

-

Relever qqn de sa despense. "Rembourser qqn de ses dépenses" : ...il lui a semblé que le salaire de ladicte somme de XIJ salus d'or n'estoit mie grant ne souffisant pour le relever de sadicte despense. (FAUQ., III, 1431-1435, 134).

-

DR. Relever qqn de la peine de mort. "Faire grâce à qqn" : ...nous eussions fait arrester en nostre chastel de Poictiers Loys d'Amboyse, chevalier, pour certains cas et deliz que on lui imposoit, sur lesquelz par nostre ordonnance il fut interrogué et examiné et sur sa confession prins droit, veue laquelle par nous en nostre grand conseil, appellez à ce les presidens et conseillers laiz de nostre court de Parlement, se ensuit certain arrest pronuncé en nostre presence, en nostre Palais à Poictiers, par lequel ledit Loys d'Amboyse fut par nous relevé de la peine de mort (Doc. Poitou G., t.8, 1434, 61).

-

"Libérer qqn d'une obligation en le remplaçant, prendre la relève de qqn dans une tâche" : ...puis que (...) aultre presentement ne nous peut relever de ceste charge, nous vous supplions en toute humilité qu'en vostre benigne supportance il vous plaise parer et couvrir la rudesse de noz termes et manieres de parler (CHASTELL., Chron. IV, D., c.1461-1472, 174).

2.

Empl. intrans. ou pronom. [D'une pers.]

-

Relever de qqc. "Sortir d'une situation difficile" : ...en recompensacion des bons et agreables services qu'il a fait longuement et loyaulment et encores fait de jour en jour à icellui seigneur et à madicte dame la duchesse, et aussi pour lui aidier à relever des rançons qu'il lui a convenu paier pour la delivrance de son frere et de son nepveu qui ont esté prins par ses adversaires (Comptes Etat bourg. M.F., t.2, 1418, 126). ...pour le aydier à relever aucunement de pluseurs grans et inreparables dommaiges qu'il avoit supporté et soustenus de la partie des ennemis de mondit feu seigneur pour avoir tenu et porté son party et le favourisié de tout son povoir en ladicte ville de Troyes (Comptes Etat bourg. M.F., t.1, 1420, 393).

.

(Se) relever (de peché) : ...car Dieu ne veult pas sa mort, mais qu'il se convertisse et vive, en tel est cheu en pechié qui aprés se relieve et meine juste vie. (CHR. PIZ., Trois vertus W.H., c.1405, 129). ...car tout ainsi comme ycelles desfaillans se peuent par grace de Dieu relever, convertir et estre sauvees, se pourroient les bonnes par temptacion d'Annemi et fragilité pervertir et estre peries (CHR. PIZ., Trois vertus W.H., c.1405, 215). Et puis encores il y a plus, car quant il voit que tu ne peulx de toy ne par toy releuer de pechie et affin que tu ne desesperes, il te promet indulgence et pardon se tu le demandes. (CIB., p.1451, 189). La quarte maniere de trinité est par laquelle l'homme, qui est chut(,) par pechié[,] se relieve, c'est a scavoir foy, espoir et charité. (Somme abr., c.1477-1481, 126). Ainsi doit faire cellui qui est cheu en pechié : il ne doit pas seullement demander pardon mais faire bonnes oeuvres affin qu'il puisse relever et soy resourdre de ses pechiez. (COLART MANS., Dial. créat. R., 1482, 175).

-

Se relever. "Reprendre des forces, reprendre le dessus (en partic. pour se révolter)" : Mais ceulx du païs demanois, Comme la force avoir poaient, Si aigrement se relevoient Qu'il ne lessassent en lor marche Nul qui fust né de Danemarche. (Tomb. Chartr. Souvain S., c.1337-1339, 25). Gens qui pour guerre ou autrement Sont venus a deschoiement, Qui ont talent d'eux relever Ou par tolir ou par embler... (LA BUIGNE, Rom. deduis B., 1359-1377, 127). Et sachez que par elle Anglois Seront mis jus sans relever, Car Dieu le veult, qui oit les voiz Des bons qu'ilz ont voulu grever ! (CHR. PIZ., J. d'Arc, 1429, 36). Et, posé ores qu'il n'avoit que peu de gens, si maintenoient plusieurs que s'il eust eu davantage cinq cens frans archers à pié pour expedier les Bourguignons qui ilec furent gettez par terre, qui après se relevoient, qu'il eust mis en telle subjection iceulx Bourguignons que jamais n'eust esté memoire d'eux en armes. (ROYE, Chron. scand., I, 1460-1483, 66).

3.

Empl. trans. Relever qqc.

a)

"Remettre qqc. en état, réparer" : Item, fer pour asne rendu ferré, oultre X. d. Item, pour relever le fer d'un asne IIII. d. (Doc. Poitou G., t.7, 1422, 387). ...pour avoir relevé tout de neuf le conduit d'une piece de chaussée devant le Palais du Roy nostre sire, à commencer à la jambe d'une maison appartenant à Robin de Cahours, du costé devers Grant Pont, faisant le coing de la Vieille Pelleterie, en montant jusques oultre la premiere porte dudit Pallaiz, à l'endroit du second piller d'emprès ladicte porte (Comptes Paris V.L.D., t.1, 1442-1443, 328).

-

[Des fossés] : Et doit li dis moituiers les fosses d'entour les tieres, pres et pastures dessus dis releuer en le maniere qu'il appertient. (Doc. 1339. In : Ch. Doutrepont, Z. frz. Spr. Lit. 22, 1900, 111). Et si doit li dis Jaquemars les fosses qui entour les dictez tierez sont releuer de III. ans en III. ans. (Doc. 1355. In : Ch. Doutrepont, Z. frz. Spr. Lit. 22, 1900, 115). ...releveir le fossé dudit vivir qui astoient dedens thomeis (Terre Jauche D., 1479-1480, 199). [T. Matsumura, Dial. de Wallonie 25-26, 1997-1998, 135]

-

"Restaurer, rétablir qqc." : Quant Passelion vey les six chevaliers qui vouloient mettre le poeple en leur subjection, il leur dist tout haut : "Qui estes vous, seigneurs, qui voulés seduire ce poeuple et relever le mauvais malice de Darnant [leur chef, précédemment au pouvoir] le mauvais traïttre ?" (Percef. IV, R., c.1450 [c.1340], 934). ...au monde croy que c'est celle Qui convincra noz emmis, Et les François metra en selle En relevant les fleurs de lis. (Myst. siège Orléans H., c.1480-1500, 589).

-

Relever la danse de qqn : SECOND. Je ne soubstiens pille ne crois, Mais au jour d'uy, s'il chiet en coche, Il surviendra quelque espinoche Qui relievera nostre dance. (LA VIGNE, S.M., 1496, 265).

-

Relever (le corps). "Guérir" : ...Audace, espoir, joie et léesce, Dure pensée et forte estude, Et mainte autre sollicitude, Lesquelz pevent forment grever Le corps vivant ou relever, Et causéer, n'en doubtez mie, Parfoiz santé ou maladie (LA HAYE, P. peste, 1426, 109).

b)

"Donner du relief à qqc." : ...et, par ce [en faisant dialoguer les bêtes, dans la fable], aussi eschevons l'ennuy des oyans et aidons la memoire des escoutans, laquelle chose se procure et relieve par similitude des choses [Empl. pronom. passif]. (COLART MANS., Dial. créat. R., 1482, 81).

c)

Relever qqc. de. "Soustraire qqc. à, libérer qqc. de" : ...et mes terres et possessions remettre et relever hors de sa tyrannie [du jayant] (LA MARCHE, Mém., IV, Pièces annexées, p.1468, 113).

-

Relever qqc. "Soulager qqc." : Il avient aucunes fois que l'entendement, relevé par labour corporel, retourne en soy plus franchement et plus clerement (FOUL., Policrat. B., II, 1372, 148).

4.

Empl. trans. DR.

a)

[L'obj. désigne un bien, une propriété, un fief] "Donner ou redonner (à un bien, un fief) sa force en tant que bien, en tant que fief"

-

"Racheter (un bien)"

Rem. Doc. 1330, 1335, 1337 ds GD VI, 763c-764a.

-

Relever une terre / un fief du suzerain. "Reconnaître la suzeraineté de... (sur une terre), recevoir de... (du suzerain) l'investiture d'un fief (moyennant un droit de mutation appelé relief ou rachat)" : ...le roy Edouart quant il sceult que Phelippe de Valois, son cousin, estoit roy de France, adont passa il le mer et vint a Amiens ou il trouva le roy Phelippe et la fu il receus tres grandement et la fist hommage et releva du roy Phelippe tout son tenement que il tenoit du roy de France sans nulle contrainte et puis s'en rala en Angleterre. (Voeux héron G.L., c.1346, 67). Galaffre d'Ermenye ot fait Ganor mander, S'il ne venoit a lui sa terre relever (...), Que brefment lui feroit l'ame du corps sevrer (Tristan Nant. S., c.1350, 113). Ledit conte de Montfort fut si conseillié qu'il releva la duchié de Bretaigne du roy d'Angleterre (LE BEL, Chron. V.D., t.1, 1358, 259). ...je, Jehans Li Alemans, escuiers, demourant à Braux, tiens et advoue à tenir, et ais releveit et entreit en la foy, hommage, ressort et souveraineté de mondit seigneur (...) les choses qui s'ensuient (Trés. Reth. S.L., t.2, 1384, 313). Barons, dit Gaufroit, dit vostre roy que je relevay ma tere de luy a mes noichez ["lors de mes noces"] (JEAN D'OUTREM., Myr. histors G., a.1400, 24). Marsilz et Baligant, roys sarasins, ont fait hommaige au roy Charlez et releveit leur terre de luy (JEAN D'OUTREM., Myr. histors G., a.1400, 102). La relevat chascun sa seingnourie du roy Wideilhon. (JEAN D'OUTREM., Myr. histors G., a.1400, 143). Et pareillement, ala devers le Roy à Laon, Jehanne de Béthune, contesse de Ligney et viscontesse de Meaulx. Lequel Roy fut très content de sa venue et le reçupt très agréablement et joieusement. Et releva ycelle contesse, du Roy, toutes les signouries qu'elle tenoit de luy. Et avec ce fist certain traictié avec ses commis, pour et en tant que touchier ly pooit, des biens meubles que sondit feu mari ly avoit laissiés. Lesquelx on disoit estre confisquiés, pour ce qu'il estoit alé de vie par mort, adversaire du Roy ; et en paya certaine somme d'argent. Et par ainsy, au regard de ce, demoura paisible, et en obtint lectres royaulx (MONSTRELET, Chron. D.-A., t.5, c.1444-1453, 469-470). ...le roy Alexandre se trait par devers le roy de la Grant Bretaigne et luy dist devant tous qu'il venist relever son royaume de luy comme a son lige seigneur. (Percef. I, T., c.1450 [c.1340], 160). ...et disoit on que celles seignories, venans à fille, devoient revenir à la seignorie de l'empire. Et pareillement furent aucunes questions pour la duchié de Brabant, que l'on disoit non estre relevée par le duc de Bourgoingne souffisamment, et dont autrefois en avoit esté question entre l'Empereur Sigismond et le duc dessusdit, pour ceste matiere. (LA MARCHE, Mém., I, c.1470, 279).

b)

Relever( un appel / une appellation). "Donner force à l'appel qu'on a interjeté, en obtenant l'autorisation par une lettre scellée du chancelier ou par un arrêt de le poursuivre, pour faire intimer une partie" : ...de nostre plus ample grace, consideré que le dit exposant a encores deux moys ou environ, si comme l'en dit, de relever son appel, nous la dicte appelacion, avec la sentence et tous procès dont sortist le dit appel, ou dit cas, mettons en neant sanz amende (Doc. Poitou G., t.5, 1389, 386). ...duquel jugement les dit Girard et ses complices, pour empescher la punicion de leurs corps, qui les peust apprehender, appellerent et releverent leur appel devant nostre bailly d'Amiens où la cause est encores entiere. (Hist. dr. munic. E., t.1, 1406,,, 571). ...et [le procureur du roy] disoit qu'il avoit intencion de relever et poursuir ledit appel, en suppliant à la Court que à ceste chose ycelle Court voulsist tenir la main (FAUQ., I, 1417-1420, 172). Et pour ce que ledit Chancelier en perseverant faisoit dificulté de baillier adjornement pour relever lesdictes appellations en Parlement, soubz umbre de ce que dit est, la Court, depuis, conclud de donner adjornement et de le faire seeller du signet de la Chambre dudit Parlement (FAUQ., II, 1421-1430, 92). Lequel appel, ja soit ce que yceux appelans soient encores dedans les trois mois sur ce ordonnez, ne puet bonnement estre relevé, pour certaines causes qui declarées nous ont esté (FAUQ., II, Pièces diverses, 1424, 133). Lequel appel nous voulons que lesdiz appellans puissent relever dedens VJ sepmaines après ledit mois passé, et que les adjornemens et intimacions qui sur ce seront fais soient d'autel valeur et effect comme ilz eussent esté faiz dedens temps deu sur ce ordené (FAUQ., II, Pièces diverses, 1424, 134). ...et depuis ledit Henry a relevé sondit appel en la court de Parlement par laquelle court icelle somme de 52 escuz et demy a esté adjugée audit Hélionnet, et aussi que ladicte assiecte seroit faicte sur lesdiz biens dudit feu Jehan de la Borderie. (Aff. Jacques Coeur M., 1453-1457, 522). "...par ce que ledit pierre darras avoit mal releve ladicte appellacion en ladicte assise [d'Amiens] attendu que par previleges royaulx les baillis damiens estoient tenus tenir assise en ladicte ville de doullens..." (Comptes Doullens W., 1466, 15).

Rem. Chartes communes Bourg. G., t.1, 1408, 250 ; Vieux cout. Poitou F., c.1451-1454, 95 ; Mét. Blois B., t.2, 1454, 34 ; Très anc. cout. Bret. P., Textes divers, 1455, 430 ; MART. D'AUV., Arrêts Am. R., c.1460-1466, 75 ; 78 ; doc. 1482, in : Bibl. Éc. Chartes, 5, 1848-1849, 228 ; doc. 1499, in : Bibl. Éc. Chartes 3, 1841-1842, 575...

-

[Contexte métaph.] : Sathan, relieve ton appel Et tu aras provision. (GRÉBAN, Pass. J., c.1450, 230). Sathan, relyeve ton appeau Et tu auras provision. (MICHEL, Myst. Pass. J., 1486, 243).

5.

Empl. trans. Relever une chose perçue négativement "Racheter, effacer qqc., remédier à qqc." : Dame, (...) tu es l'onorificence de ton temple, c'est des Juifs desquelx tu as l'infame relevé. (Mir. femme, 1368, 180). ...et nous tous ses subgiez avons esterance d'estre relevée la ruyne et desolacion du royaume (Doc. c.1434. In : Vallet de Viriville, Bibl. Éc. Chartes 2, 1865-1866, 133).

-

[Du Christ] "Racheter" : JHESUS. Mon pere (...) de ce haultain paradiz, M'envoyastes la bas au monde Pour relever la coulpe immunde Qui obligoit lignaige humain (GRÉBAN, Pass. J., c.1450, 440).

II. -

[Idée d'un mouvement qui fait ramasser, emporter, enlever]

A. -

Relever qqc.

1.

"Ramasser qqc." : ...il [le] fist lever de là où il estoit assis et, en ce faisant, cheirent icelles deux tasses d'argent entre les piez dudit prisonnier, lesqueles ilz releverent (Reg. crim. Chât., II, 1389-1392, 498). ...et il relevat l[e] chapel(le) Charlez et luy remist sur son chief (JEAN D'OUTREM., Myr. histors G., a.1400, 209). ...comme il boutoit son bras dedans l'une des manches, il en saillit une lettre (...). Il les releva toutesfoiz, et voit qu'elles sont fermées (C.N.N., c.1456-1467, 180).

-

Loc. fig. Relever le gage. "Relever le défi (de se battre, proprement en ramassant le gant)" : CLAUDE [à saint Martin]. (...) Mon mary estoit homme saige (...) ; Pour tant, j'en ay gecté mon gaige Devant le juge proprement, En luy nyant tout platement Que mon mary luy doibve rien [à un usurier], Ne moy aussi semblablement, Car au vray cella sçai ge bien. Mon gaige il releva, combien Que j'aye bon droit et non tort. (LA VIGNE, S.M., 1496, 525).

2.

"Enlever qqc."

a)

Au propre : FRANCEQUIN. Actendez donc que je soublieve Ung peu la table et les treteaux. Sortez, monsieur. Sus, qu'on relieve La nappe, serre ces cousteaux, Emporte tranchoire et plateaux, Ces pussins, ces vïandes grasses, Et de pain ces petis chanteaux, Puis nous aurons deux motz de graces. (LA VIGNE, S.M., 1496, 206).

-

"Enlever qqn de" : LE MALADE. Je vous ay dit ce qui me griefve De penser que jamais reliefve Du lit (...) Si non que la mort m'en reliefve (HAUTEV., Conf. Test. am. tresp. B., c.1441-1447, 43).

b)

En partic. "Exhumer" : ...il fist relever si sollempnelment la teste ou le chief monseigneur saint Pierre et monseigneur saint Paul quant il fut a Romme (BOUVET, Arbre bat. R.-B., c.1386-1389, 78). ...et furent canonisiet cestuy an meisme a la Nativiteit Nostre Seingneur et leveiz [var. et furent releveis] en fietrez d'or et d'argent (JEAN D'OUTREM., Myr. histors G., a.1400, 16). Le corps fut en terre posé Par mistere trés sumptueux, Ou a ix^c ans reposé, Faisant miracles merveilleux. Maintenant les religïeux Font grant sollicitacïon Que du corps digne et precïeux Soit faicte relevatïon (...). La journee est ja toute prinse Pour ce noble corps relever (FLAMANG, Vie Pass. st Didier S., 1482, v.8238).

c)

Au fig. "Enlever, détruire" : Car trois maulx fait et traison aussi [celui qui trahit son ami auprès de celle qu'il aime] : Le premier mal, qu'amour est relevée, Et le second... (DESCH., Oeuvres Q., t.2, c.1370-1407, 107).

3.

"Recueillir (de l'argent)" : De cest argent que j'ay conté, Qui par Judas fut regecté, Les Juïfz, qui le releverent, Depuis ung champ en achetterent (Myst. Pass. Troyes B., a.1482, 1042).

-

"Recueillir" : Luciane, vaz relever Le corps du bom Sebastïent Que l'empereur Dyoclecient En chambres coyes a fet giter. (Myst. st Sébast. M., c.1450-1500, 293).

.

Au fig. : Chose briefve fait pourffit Car plustost on la relieve (TAILLEV., Rég. fort. D., c.1445, 232).

B. -

Relever des troupes. "Lever, enrôler" : LE ROY DE BARBARIE. (...) Semblablement, au puys de Surye, Gotz et Magotz sont en ma seigneurye, Ou trente mille gens de faict lyeverons. Mores et Turs apprés eslyeverons, Les Eschavons aussi relyeverons, Sans estymer ceulx de Sarrazinesme. Par ce moyen noz faiz esprouverons Et de sa terre l'empereur priverons, En luy faisant des maulx plus chiers que cresme. (LA VIGNE, S.M., 1496, 227).