A. -

Prép. [Suivi d'un subst. qui désigne un intervalle de temps où le fait a lieu ou bien suivi d'un subst. d'action ou d'état] "Au cours de, pendant" : ...et confessa que, de son comquest fait et de ses deniers pendant le temps que elle ne fust en la compaignie de son dit mary, elle avoit, tenoit et avoit conquesté une maison... (Chartes Abb. St-Magl. T.F., t.3, 1348, 153). Savoir faisons que sur ledit debat et pendant la journee de publier accordé a esté finablement entre les dictes parties en la maniere qui s'ensuyt, c'est assavoir que... (Chartes Abb. St-Magl. T.F., t.3, 1377, 475). Et pendant le temps que vous baignerez vostre esprevier se le souleil se convertissoit en pluye, ou se en cheminant il plouvoit sur vostre oysel, il le convient essuyr a tresbon feu ou au soleil sur un trestel. (Ménagier Paris B.F., c.1392-1394, 154). Mardi, XVJe jour de decembre, maistre Guillaume Gente et les notaires du Roy dient que les peageurs du peage de Conflans et de Maisons-sur-Seine, pendant le procès d'entre eulz, les travaillent au prejudice des arrestz donnez en ceste matiere, en attemptant contre ledit procès, si requierent que defense soit faicte ausdis peageurs que plus ne le facent. (FAUQ., II, 1421-1430, 258). ...vaca le bon marchant l'espace de cinq ans, pendant lequel temps sa bonne femme garda tresbien son corps (C.N.N., c.1456-1467, 126). Et pendant le procés, les bons mariz demourerent en prison (C.N.N., c.1456-1467, 525). Pendant et durant lequel temps, la tresgente et gracieuse damoiselle dont j'ai parlé demoura garde de l'ostel (C.N.N., c.1456-1467, 567). Pendant laquelle tresve ne fut faicte aucune guerre de costé ne d'autre ; mais, durant icelle, chacun mist peine de sa part de soy fortifier. (ROYE, Chron. scand., I, 1460-1483, 100). Durant et pendant le temps que le roy estoit audit lieu de Clery, y mourut beaucoup de gens tant de son hostel que d'autres. (ROYE, Chron. scand., II, 1460-1483, 115). Pendant icelluy temps que le roy estoit en son dict camp pres Pontresme, luy vindrent plusieurs nouvelles (LA VIGNE, V.N., p.1495, 279). Et, pendant le differant qui fut entre le duc de Normendie et le duc de Bretaigne, fut le roy adverty par aucuns qu' il estoit maulxcontent dudit duc de Normendie et que bien aisement, s' il voulloit, il recouvreroit laditte duchié de Normendie. (LE CLERC, Interp. Roye, c.1502, 200).

-

Loc. adv. Ce temps pendant. "Pendant ce temps ; entre-temps" : Ce temps pendant, vint à Paris le filz au duc de Lencastre veoir la noble cité au conduit des diz ducs, oncles du roy de France (Chron. Valois L., c.1377-1397, 335). La fist Uriiens logier ses gens, et dist que la attendroit le cappitaine et les gens que il devoit admener. La demourerent celle nuit et le landemain jusques a heure de tierce. Et cellui temps pendant, aucuns chevaliers et escuiers de cellui ost s'estoient alez esbatre vers icellui pont (ARRAS, c.1392-1393, 100). Et ce temps pendant ne tarda gueres que la nouvelle du trespas de son pere lui vint, dont par ainsin fut il le seigneur de Saintré. (LA SALE, J.S., 1456, 187). Advint ce temps pendant que ce bon chevalier le prya de soupper au chasteau (C.N.N., c.1456-1467, 208). Ce temps pendant le roy dedens Lyon Encore estoit (LA VIGNE, V.N., p.1495, 141).

.

En ce temps pendant. "Pendant ce temps" : ...en ce temps pendant la fille acoucha (C.N.N., c.1456-1467, 104).

.

En ce pendant. "Pendant ce temps" : Lors orent les Hermins si grant joye que ilz ne porent plus, et se agenoillierent devant lui et lui baisent la main a la guise du pays. Lors renforce la joye plus grande que devant n'avoit esté. Et en ce pendant le roy commanda que on appareillast le navire au Limacon, et fist mettre moult de richesses dedens les vaisseaulx. (ARRAS, c.1392-1393, 142). Et en ce pendant le duc esperoit de pooir apprendre et sentir comment sainement et a son honneur il poroit donner responce en ceste haulte matere sans y avoir charge ne note (CHASTELL., Chron. IV, D., c.1461-1472, 291).

B. -

Loc. conj. Pendant que. "Au cours du temps que, tandis que" : Et pendant que ce voiage se faisoit, le navire des François vaucroit sur la mer, et y avoit dedens aucun nombre de gens d'armes pour le garder. (MONSTRELET, Chron. D.-A., t.1, c.1425-1440, 84). ...deux sablieres, chacune de 4 toises de long et d'un espan de fourniture en tout sens, lesquelles ont servy à estayer le jou qui repose sur ladite palée, pendant que on a osté les deux vieilz pieux dessusdits (Comptes Paris V.L.D., t.1, 1449-1450, 675). Et, pendant qu'il y fut, arriverent devers lui plusieurs ambaxadeurs de diverses contrées et pour divers cas. (ROYE, Chron. scand., I, 1460-1483, 155). Et, pendant qu'ilz faisoient telz maulx, semblablement le faisoient le conte daulphin d'Auvergne et autres nobles hommes de sa compaignie ou pays de Bourgongne pour le roy (ROYE, Chron. scand., I, 1460-1483, 286). Quant l'en est au retour d'aucune entreprinse, on doit tousjours lessier le plus fort derrière pour resister aux survenans et aux empechemens soudains, pendant que les autres se mettroient en arroy, comme firent ceulx de Crathor à ce retour. (BUEIL, I, 1461-1466, 73). Je vous donne à vous et à Bouffille toutes les forfaitures de ceulx qui seront mis dehors pendant que vous serez par delà (Lettres Louis XI, V., t.5, 1475, 341). Icy parle des practicques que le roy menoit contre le duc de Bourgongne et de la guerre qu'il luy feït en Picardie, pendant que ledict duc estoit empesché au siège de Nuz. (COMM., II, 1489-1491, 15). Digression ou discours, aucunement hors de la matière principale, par laquelle Philippe de Commynes, autheur de ce present livre, parle assez amplement de l'estat et gouvernement de la seigneurie de Venise et de ce qu'il veït et y fut faict pendant qu il estoit ambassadeur pour le roy en leur ville de Venise (COMM., III, 1495-1498, 108). Et, pendant qu'ilz estoient en leurdit parc ou moys d'aost, Mons. le connestable escripvit unes lettrez à Mons. le grant maistre, dont la teneur s'ensuit: ... (LE CLERC, Interp. Roye, c.1502, 300). Et pendant que ces choses se fasoient, pour ce que le roy, en faisant l'appointement avec le duc de Bretaigne, luy avoit promis de luy baillier ou envoyer les scellez de plusieurs seigneurs de son royaulme affin que les traicté et aliance fussent plus seurs et plus fermes (LE CLERC, Interp. Roye, c.1502, 360).

Rem. Doc. 1422 ds TLF.

-

Pendant ce que. "Tandis que" : ...et, pendant ce que ledit Simon eust envoié a Paris pour avoir conseil sur les procés et remission dudit Hubert... (Chartes Abb. St-Magl. T.F., t.3, 1378, 485). ...ouquel hostel, pendant ce que la dame d'icellui ala traire le vin ou celier, icellui Jehannin, prisonnier, sanz le sceu ne consentement dudit Simonnet, son frere, monta en l'une des chambres dudit hostel et... (Reg. crim. Chât., II, 1389-1392, 500).

-

Ce temps pendant que. "Tandis que" : Ce temps pendant que ledict duc mist à venir, quelquung de ceulx du dedans se advisa et apporta des fagotz alluméz pour gecter au visaige de ceulx qui se efforçoient de rompre la porte. (COMM., I, 1489-1491, 234). Lors me levay, si prins mon escriptoire, Ce temps pendant que j'avoye l'engin fres, Et escripvis ce petit repertoire De tout mon songe (LA VIGNE, Ress. chrest. B., 1494, 141). Et oultre plus, de droictes ordonnances Bien dixsept ou dixhuit cens lances, Qui tout du long des rues s'estendoyent, Ce temps pendant que le roy attendoyent (LA VIGNE, V.N., p.1495, 240).

Rem. Aussi Renart contref. R.L., t.1, 1328-1342, 231b.

C. -

[Empl. adv.] "Pendant ce temps ; entre-temps"

Rem. LA BUIGNE, Rom. deduis B., 1359-1377, var. du v.2382 (ms. du XVe s.).

V. aussi cependant