I. -

Empl. trans. "Tourmenter, accabler qqn" : ...pour l'amour de celui Qui pour nous en croiz fu penez... (Mir. st Guill., c.1347, 34). ...tant hé celle joie vaine (...) Qu'aler le fol contrefaisant Vueil en povreté, (...) Traveillier, pener et despire Ma charongne (Mir. parr., 1356, 8). Avant ce que l'en plus te paine, (...) sacrefies a noz diex, Si feras sens. (Mir. st Panth., 1364, 354). ...de la mer sommes hors A la sauveté de noz corps, Ou moult avons esté penez Par tempestes et malmenez (Mir. fille roy, c.1379, 27). Certes je l'ay fait a grant paine, Car maladie trop me paine. (Mir. st Alexis, 1382, 351). SAINCT MARTIN. Moult fort il me tarde de voir Commant nostre affaire se porte ; Pour ce il fault faire le debvoir Que sur le lieu on se transporte. SAINCT GALLE. Il faut bien que l'on se deporte De tant pener vostre personne, Car ja viellesse la comporte, Qui la mort tout bellement sonne. (LA VIGNE, S.M., 1496, 472).

-

"Supplicier" : [Les Sarrasins] le mirent a tourment, et le traveillerent et penerent par diverces menneres de tourmens (JEAN LE LONG, Voy. Odoric A.M., 1351, 16). Car par cellui Signeur qui se laissa pener En l'arbre de le crois pour nous a racater... (Hugues Capet Lab., c.1358, 269).

II. -

Empl. intrans. ou pronom.

A. -

"Se faire souffrir, se faire du mal" : ...trop me fait de meschief La cuisse ou je me sui navré ; (...) Ne m'en chaut combien je me paine, Ma douleur ne prise une quille, Mais que je puisse avoir la fille Que tant desir. (Mir. Rob. Dyable, c.1375, 66).

B. -

"Se donner du mal, faire des efforts" : LE JUGE. (...) Quant trouvé l'aras, si te peines Et fai tant que tu le m'amaines, Ou mort ou vif. (Mir. enf. ress., 1353, 29). Puis firent leurs vivres chergier Dedens leurs nez sans atargier, Armes, chevaus et toutes choses Necessaires que penser oses, Pour si grant fait comme de prandre La noble cité d'Alixandre. Tant ont pené et travillié, Qu'il ont chergié et abillié Et mis à point tout leur harnois. (MACH., P. Alex., p.1369, 56). Li roys, qui bien l'a entendu, Longuement n'a pas atendu, Eins respondi courtoisement : "Seigneurs, je say certeinement Que il dit voir comme evangile. Mais ce seroit chose trop vile À moy, qui tant me sui penez, Que je vous ay ci amenez Et s'avons heü tele honnour, À l'aïde Nostre Signour, Qu'onques chose plus honnourable N'avint à nul de nous, sans fable, Car nous les avons detranchiez, Ocis, desconfis et chaciez..." (MACH., P. Alex., p.1369, 83). Et doit l'en essaier, tempter et labourer a tout [,] pener et par toutes voies estre bon et vertueus. (ORESME, E.A., c.1370, 469). ...[il] advisa qu'il avoit perdu son voyage, et s'estoit pené et traveillié, et encores peneroit et traveilleroit sanz cause, s'il aloit par devers ledit mons. le duc, qui estoit au Merle, par delà ladite ville de Poitiers (Reg. crim. Chât., I, 1389-1392, 521). ...pour occasion de ce que le Roy, son clergié et son Conseil avoient pené et penoient et poursuioient l'union de l'Eglise (BAYE, I, 1400-1410, 232). Pener, c'est à dire travaillier. (LA HAYE, P. peste, 1426, 220).

-

Se peiner pour neant. "Se donner du mal en vain" : Et laissa Clarembaut, son frere, ou fort, a LX. bacinez, pour le garder, et s'esploitte Glaude tant comme il puet, de venir a temps a la bataille. Mais pour neant s'en paine, car Phillibert et ses X. chevaliers furent venus a la bataille, et orent tellement besoingnié que tous les hommes Giron furent mors et Giron pris. (ARRAS, c.1392-1393, 201). La fu grant la foule, car les deux soudans y admenerent leur puissance, et cuidoient bien redrecier l'admirault, mais pour neant s'en peinent, car il est mort. (ARRAS, c.1392-1393, 235).

-

(Se) peiner en qqc. : En la loenge de la vierge benoite se peine toute sainte escripture et estent tant comme elle peut, maintenant par diz de prophètes, maintenant par tesmoingnages d'evangelistes... (Mir. st J. Paulu, c.1372, 91).

-

(Se) peiner à/de + inf.

.

(Se) peiner à + inf. : Et s'il [le penencier] te charge aucune paine, A la souffrir t'efforce et paine (Mir. parr., 1356, 26). O ! vous mondains qui naturelment desirez souverain bien, et qui tant vous penez à avoir aise, repos et parfaite felicité, certes en vain vous travailliez (CHR. PIZ., P.V.H., 1416-1418, 43). L'ame prudente et gracieuse, De savance moult curieuse, Et non puissant sans desplaisir Résister à si beau desir, Se paine fort, à son povoir, À trouver, sentir et savoir, Les causes et occasions De teles admirations (LA HAYE, P. peste, 1426, 16). Or vueilles donc pour moy pener A moy oster de ceste peine (Prières saints R., t.1, 1432,,, 106).

.

(Se) peiner de + inf. : Et aussi ma trés douce dame, Que je desir et aim, par m'ame, De cuer, sans pensée vileinne, Plus que Paris ne fist Heleinne, M'estoit miroir et exemplaire De tous biens desirer et faire. Et pour le bien qu'en li vëoie, De tout bien faire me penoie Et me gardoie de mesprendre, Si qu'on ne me peüst reprendre, A mon pooir, car sa bonté M'en donnoit cuer et volenté. (MACH., R. Fort., c.1341, 7). ...[la mére Dieu] M'a dit que se tost sanz demour Ne laisse la mondaine amour Et que d'elle servir me paine, Jugie sui a le grief paine D'enfer (Mir. nonne, 1345, 346). De gentils gens estoit servis, Preus et apers a grant devis, Et avoit en sa compaingnie De moult noble chevalerie, A qui riches robes donnoit. Cils poins moult bien li avenoit, Car pour sa grace desservir Se penoient de lui servir. (MACH., J. R. Nav., 1349, 213). L'ONCLE. (...) Il ne fault fors chascun se paine De cheminer. LE MARCHANT. Oncle, bien m'en vouldray pener, Car tout prest sui. (Mir. march. larr., c.1349, 101). Car je vous ay donné m'amour Pour vous loyaument honnourer, Et de cuer, de corps, de vigour Vueil tous jours vostre honnour garder ; De servir je me vueil pener De vrai cuer, humble et debonnaire, Tant com je vivray, sans meffaire. (MACH., Bal., 1377, 554). Si se doit moult loyaus amans pener De faire tant qu'il ait le dous ottri Qu'on apelle mercy guerredonner. Et quant il l'a, il le doit garder si Comme sa vie et com l'onneur de li, Pour souffisance en son cuer arrester (MACH., Les lays, 1377, 339). Nous sommes ja VIIJ. enfans masles, la terre de nostre pere ne demourra pas sans hoir, posé que de nous ne feust rien. Dont, pour celle cause, nous devons tant plus penner de voyagier pour acquerre honneur. (ARRAS, c.1392-1393, 81). Et furent ly Sarrasin recullé, de quoy le soudant fu moult courroucié, et escrie moult a sa gent : Avant, seigneurs Barons ! Penez vous de bien faire. La ville sera nostre encore anuit. (ARRAS, c.1392-1393, 106). ...et s'esploittierent tant que ilz vindrent, environ soleil levant, a VIIJ. grosses lieues de la et se painnent de cheminer tant comme ilz pevent. (ARRAS, c.1392-1393, 149). Cy nous dit l'istoire que les freres se partirent de Bonneval, et se penerent tant [d']errer qu'ilz vindrent en Champaigne (ARRAS, c.1392-1393, 280). ...le roy, la royne, tous Messeigneurs et les dames se penerent de tous leurs pouoirs de ces seigneurs festoier (LA SALE, J.S., 1456, 224). Bons vins [les grands maîtres] ont, souvent embrochez, Saulces, brouestz et groz poissons, Tartes, flans, oefz fritz et pochetz, Perduz et en toutes façons. Pas ne ressemblent les maçons Que servir fault a si grant peine : Ilz ne veullent nulz eschançons, De soy verser chacun se paine. (VILLON, Test. R.H., 1461-1462, 39). Ne le laissez nuyt ne jour amortir, Mais vous penez de bien l'aguillonner Et grans tourmens luy veillez subvertir S'il ne se veult par voz ditz gouverner. (LA VIGNE, S.M., 1496, 370).

Rem. Myst. st Clément Metz D., p.1439, gloss. ; Percef. I, R., c.1450 [c.1340], gloss. ...

.

Se peiner + inf. : ...le roy, la royne (...) se penoyent (...) ces seigneurs festoier (LA SALE, J.S. E., 1456, 339).

-

(Se) peiner que + subj. : ...Car il est vrais, fins, loiaus et secrez, Frans et gentis, ne dire ne saroie La riche honneur dont il est couronnés Ne le haut bien : si ne say tour ne voie, Comment peüsse finer Dou remerir. Mais je ne vueil pener Qu'à mon pooir vous conforte et sequeure, En lieu dou cuer, amis, qui me demeure. (MACH., Bal., 1377, 544). Va, si le quier et si te paines Qu'en ceste eglise ci l'amaines (Mir. st Alexis, 1382, 339). Doncques la creature ne se doit pas pener par oultrageuse presumpcion que les jugemens et fais de Dieu vueille comprendre en son entendement, mais y penser et soy esmerveillier ; et, en soy esmerveillant, considerer comme il saiche doubter et glorifier Cellui qui si celeement juge. (ARRAS, c.1392-1393, 2). ...et doit ce roy diligement pener que selon raison et loy ses subgiez se gouvernent et soient gouvernez (CHR. PIZ., Faits meurs Ch. V, S., II, 1404, 28).