A. -

"Mal, de mauvaise façon" : Pierre, malement ouvré a Le pape qui Romme maintient (Mir. pape, 1346, 364). Je fais pour bien mon paiement, Pour mal trés cruel jugement, Car je suis de tout jugeresse, De ce te fais je bien promesse, S'ay a chascun vraye amité, Mais je n'ay de nullui pité, Non qui chiesse en punition, Dont il dessert correction. Et cils malement le dessert Qui a merencolie sert. Tu l'as servi ; se plus la sers, De plus en plus seras ses sers, Et je meïsmes y seray Qui tout adès te puniray. (MACH., D. Aler., a.1349, 390). ...les coses aloient en Engleterre trop mallement, et (...) justice n'i avoit point de lieu ne de audiense (FROISS., Chron. D., p.1400, 54).

-

"Durement, rudement, fâcheusement, cruellement" : Sire, je sui ja malement Traveillie (Mir. nat. N.S.J.C., c.1343, 209). Puis vinrent pensées diverses, Assés contre mon cuer parverses, Qui moult malement m'argüoient Et moult forment me contraignoient Que de ce lieu me destournasse, Afin que je l'entroubliasse, Car jamais jour ne le verroie, Quant de la me departiroie. (MACH., D. Aler., a.1349, 260). ...Dont j'ay orendroit moult d'amer, Amer qu'on appelle amertume, Par quoy mes cuers en amer tume. Tume ? mès y est ja tumés Et malement amertumés, Qu'il morra de dueil entumis, Se briefment ne le destumis. (MACH., D. Aler., a.1349, 291). Se cil a destre sont paié, Si qu'il ne sont point delaié, Cil de la senestre partie Ont aussi tost leur departie, Si desservent et si reçoivent De quoy malement se deçoivent, Quant dames cuident decevoir. Je croy bien dire de ce voir. (MACH., D. Aler., a.1349, 339). Mais au departir li loien De grieté forment me loierent Qui malement me formenerent, Et bonne Amour me chastia, Qui dès lors mon cuer deslia Des pensers qui mains bons cuers lient Et aus grans grietés les alient. (MACH., D. Aler., a.1349, 367). Or dit aucuns ceste raison Que chascune chose a saison D'estre selonc son temps loée, Car quant loange est affermée D'une chose, s'elle en dechiet, Au loant malement meschiet, Dont il puet estre diffamez Et meins prisiez et meins amez, Car trop a esté deceüs, Quant li contraires est sceüs De qui il avoit mis avant (MACH., D. Aler., a.1349, 376). ...trop m'anuioit malement De ce gerfaut qui tellement M'avoit honteusement laissié Et l'onneur de lui abaissié, Dès qu'il n'avoit d'onnesté cure Et s'estoit pris a tel laidure, Pour la bonne proie laissier. (MACH., D. Aler., a.1349, 386). Vous avez dit et devisié Et jugié de fait avisié Par diffinitif jugement, Que cils a trop plus malement Grieté, tourment, mal et souffraite Qui trueve sa dame forfaite Contre lui en fausse maniere, Que la trés douce dame chiere Qui avera son dous amy Conjoint a son cuer, sans demy, Par amours, sans autre moien, Puis le savera en loien De la mort ou il demourra, Si que jamais ne le verra. (MACH., J. R. Nav., 1349, 172). LA DAME. Mon enfant, je suis malement Traveillie de toy tenir. Egar ! Que met tant a venir De la ou est ma chamberiere ? (Mir. enf. ress., 1353, 31). Assailliz sui malement fort Et temptez si diversement Ne scé que faire (Mir. Barl. Josaph., c.1363, 293). Et se un cirurgien fendoit ou trenchoit aucun membre pour garir .I. homme et il le occioit et se aucun vouloit monstrer a un autre comment champions se doivent combatre, et en ce faisant, il le ferist par quoy il le bleçast malement contre son entencion. (ORESME, E.A., c.1370, 182). En ce temps, nouvelles vinrent au duch de Normendie et as trois estas que messires Godefrois de Harcourt herioit et guerrioit malement jusques ens ès fourbours de Kem le bon pays de Normendie. (FROISS., Chron. L., V, c.1375-1400, 74). Et entrèrent (...) en le terre le visconte de Rochewart. Si le ardirent et gastèrent malement, ne riens n'i laissièrent fors les forterèces, que tout ne fust essillié. (FROISS., Chron. L., VII, c.1375-1400, 169). Si commenchièrent à murmurer mout de gens parmi la ville de Gaind, et especiaulment li navieur asquels la cose touchoit trop mallement. (FROISS., Chron. R., IX, c.1375-1400, 166). Au departement dou roi de la ville de Courtrai, elle fu mallement menée, car on l'ardi et destruisi sans deport. (FROISS., Chron. R., XI, c.1375-1400, 70). ...qu'il s'en voise, Et plus ne lui meine de noise, Ou malement lui en yra ! (CHR. PIZ., M.F., II, 1400-1403, 305). Or a Fromon le cors moult malement navré (Jourd. Blaye alex. M., a.1455, 110). Alors Madame se fait devestir sa robe et se met a dormir, et ainsin font toutes, dont a pluseurs ce long parler de Madame a Saintré, pour le talent de dormir, leur ennuye malement. (LA SALE, J.S., 1456, 51). Qui n'eust, ce dit il sans mentir, Ung lambeau de son cotillon, Quant de ce monde voult partir. Il est ainsi et tellement : Quant [Villon] mourut, n'avoit q'un haillon ; Qui plus, en mourant, mallement L'espoignoit d'Amours l'esguillon ; Plus agu que le ranguillon D'un baudrier lui faisoit sentir - C'est de quoy nous esmerveillon -, Quant de ce monde voult partir. (VILLON, Test. R.H., 1461-1462, 151).

-

"Mal, difficilement" : "Que povez-vous suposer ne ymaginer des Englois, ne comment se porteront-ils ceste saison ?" - "Par ma foy, respondirent les aucuns et chascun par lui, sire, malement le povons savoir, car Englois sont couvers..." (FROISS., Chron. M., XII, c.1375-1400, 321). ...gens d'armes (...) fissent pluisseurs destourbiers et grans anois a ceuls qui voloient par mer (...) et tant que tous li pais de Flandres s'en contentoit malement. (FROISS., Chron. D., p.1400, 273).

B. -

P. ext. [Marquant le très haut degré] "Extrêmement, excessivement" : Vous l'amés [Saint Prist] de cuer malement, Ne sçay se ja vous amera, Mais au mains sçay je bien qu'il a L'amour de vous. (Mir. prev., 1352, 233). Je vous voi malement lepreux ; N'avez mais biauté ne couleur (Mir. Amis, c.1365, 58). IGNACE. (...) Et pour Dieu aiez m'en memoire En voz priéres. L'ERMITE. Elles sont malement ligiéres ; J'ay trop greigneur mestier des vostres, Sire, que vous n'avez des nostres. (Mir. st Ign., 1366, 107). Si tretos que li escarmuce fu commencie, il ne volt pas estre des darrains, mès se arma et monta sus un coursier fort et rade malement. (FROISS., Chron. L., IV, c.1375-1400, 4). Si fu la ditte cités courue, toute pillie et robée. Et y trouvèrent et conquisent li dit Englès trop fier avoir, car elle estoit malement riche et trop plainne de grans biens. (FROISS., Chron. L., IV, c.1375-1400, 15). ...la belle nefs qui se nonmoit Cristofle (...) estoit malement grande (FROISS., Chron. D., p.1400, 344). Entre les assaus qui furent fait et livret a Aubenton, il en i ot un le samedi que on dist des Brandons, mallement grant (FROISS., Chron. D., p.1400, 358).

-

Trop malement : Il aime son Dieu d'amour fine Trop malement. (Mir. st Ign., 1366, 99). Li rois retint ceste cose en grant orgueil et grant presumption, et dist qu'il ne voloit nul mestre en France fors lui. Ceste cose se couva un petit avoecques aultres haynes que on y atisa, tant que li rois Jehans fu trop malement dur enfourmés sus le roy de Navare. (FROISS., Chron. L., IV, c.1375-1400, 176). Ensi que li François eurent passé Tournehen (...) il oïrent nouvelles de chiaus dou pays et furent segnefiiet que li Englès chevauçoient et estoient hors d'Arde. Si en furent trop malement joiant. (FROISS., Chron. R., VIII, c.1375-1400, 185). Rousselet, ou vas tu, par t'ame ? Tu vas trop malement grant pas. (Mir. st Alexis, 1382, 300). Chils avoit aultres brigans desous lui, et (...) fu trop malement apers et soubtieus a embler et esqieler villes et fortereces. (FROISS., Chron. D., p.1400, 858). Et par tels cas asamblerent chil pillart trop malement grant finance. (FROISS., Chron. D., p.1400, 858). Se vin est mauvais a taster, Il regibe trop mallement. (Tr. Men., c.1480-1500, 287). SAINCT MARTIN [au premier prestre payen]. (...) Veulx tu vengence sur moy prendre De tes dieux s'on les a deffaiz ? Saichez, s'ilz estoyent parfaiz, Que pas ne fussent desrompus ; Mais pour ce qu'ilz sont imparfaiz, Tu voy qu'ilz ont les corps rompus. Trop mallement vous ont repeux De bon salut en les servant, Ains vous ont du tout corrompus Tant que d'eulx chascun fut servant. (LA VIGNE, S.M., 1496, 448).