"Femelle du cerf, biche" : La biche, pour avoir de mort guerison, Vint courant a saint Gille, en requerant pardon. ([Tristan Nant. S., c.1350, 580]). Mais il n'est moutons ne brebis, Bische ne serf ne beste bise Qui y beüst en nulle guise ([MACH., F. am., c.1361, 189]). Or veult des pastés de chevreaulx, De cerf, de biche et de cengler ([DESCH., M.M., c.1385-1403, 126]). ...et porte la biche environ neuf mois come une vache, et [a] aucunne fois deux faons ([GAST. PHÉBUS, Livre chasse T., 1387-1389, 60]). Et tant chevaucha [Remondin] qu'il entra en la terre de Poictou, la ou il trouva grant foison de haultes forests non habitees, et en aucuns lieux, grant foison de sauvagine, comme cerfs, bisches, dains, chevreulx, porcs, et autres bestes sauvaiges, et en moult d'autres lieux belles plaines, belles praieries et belles rivieres. ([ARRAS, c.1392-1393, 76]). .VC. prisons paoureux com biches Prisdrent ([CHR. PIZ., M.F., III, 1400-1403, 234]). Et entretendiz qu'il disnoit vint a Damp Abbés un de ses braconniers qui dist avoir destourné un tresgrant cerf, acompaignié de X ou XIJ biches, pour veoir un bel deduit. ([LA SALE, J.S., 1456, 259]). Mon seigneur [Thibault d'Aucigny] n'est ne mon evesque, Soubz luy ne tiens s'il n'est en friche ; Foy ne luy doy n'ommaige avecque, Je ne suis son serf ne sa biche. Peu m'a d'une petite miche Et de froide eaue tout ung esté ; Large ou estroit, moult me fut chiche : Tel luy soit Dieu qu'il m'a esté ! ([VILLON, Test. R.H., 1461-1462, 24]). Mainctes bestes ay fait lasser, Quant je chassoye en Normandie ; Meinctes en pris en Picardie, Serz, sanglers, bisches, renars. ([Pass. Auv., 1477, 141]). Cerfz hault branchez, grosses biches et dains ([LA VIGNE, V.N., p.1495, 249]). |
