A. -

"Avantage remporté sur l'ennemi dans un combat, une bataille, une guerre, victoire" : Mais cuides tu, pour estre eschars, Pour garder tes vins et tes chars, Ton or, ton argent, tes jouiaus, Tes robes a dorés nouiaus, Tes destriers, tes courciers, tes selles, Aquerir les victoires belles ? Nennil ! N'i met mie t'estude, Car le sens aroies trop rude. (MACH., C. ami, 1357, 114). Or resgardons que nous ferons, Et comment nous la garderons ; Car de vous la victoire vient, Et pour ce doy et me couvient Par vostre bon conseil user. (MACH., P. Alex., p.1369, 100). C'est uns Angles deshonnourez, Faus, mauvais, traïtres, couez. Il est parjurs et s'est infames, Diffames d'ommes et de fames, Si ne le deves de riens croire. Il perdi honneur et victoire ; Et d'un chevalier desconfi, On en doit partout dire fi ; N'à li combatre ne se doit Nuls chevaliers, tant ait bon droit (MACH., P. Alex., p.1369, 251). ...si comme de medicine la fin est santé, de faire navie la fin est aler par eaue et en nageant, de chevalerie la fin est victoire, et richesces sont la fin de yconomie. (ORESME, E.A., c.1370, 104). ...je promis A Dieu, se de noz ennemis Pouoie la victoire acquerre, Que prier l'iroie (...) Au saint sepulcre (Mir. roy Thierry, c.1374, 326). A tes armes tantost aqueurs, Et les Romains garde et sequeurs, Et si grant bien leur en venra, Que la victoire leur sera. (Mir. Rob. Dyable, c.1375, 57). La victoire ne gist pas en grant multitude de peuple, mais en bon gouvernement. (ARRAS, c.1392-1393, 99). Et quant la nouvelle fu espandue par la ville, ilz orent si grant joye que ilz ne porent plus, et firent sonner leurs trompettes et leurs menestriers, et firent feux par la ville, signifiant joye et victoire, dont ceulx de dehors se donnoient grant merveille et le noncierent au roy qui en fu tous tres pensifz. (ARRAS, c.1392-1393, 152). Aiglentine, la pucelle, fu moult liee de la desconfiture des Sarrasins et aussi de la victoire et venue de son oncle. (ARRAS, c.1392-1393, 185). ...pour aller à l'eglise Nostre-Dame en maniere de procession pour regracier Dieu de la victoire obtenue, jeudi derrain passé, devant la ville de Verneul par le duc de Bedford, regent (FAUQ., II, 1421-1430, 141). ...où elle y demoura jusques à lendemain au soir premier jour d'aoust, qu'elle fut emportée dudit lieu de Paris au roy en son hostel des Montilz lés Tours, avec les verges de Moyse et Aaron et la croix de la Victoire, qui aussi fut envoiée par grace divine au bon roy Sainct-Charlemaigne pour obtenir victoire à l'encontre des infideles (ROYE, Chron. scand., II, 1460-1483, 134). Cestui donna conseil et election d'enclorre Romme de muraille soubz la constellacion du signe du Lion, qui est signe royal et de victoire. (SIMON DE PHARES, Astrol., c.1494-1498, f° 37 v°). Il predist la susdite merveilleuse victoire de Leonide, dont il fut moult estimé. (SIMON DE PHARES, Astrol., c.1494-1498, f° 47 r°). Cestui prenostica la victoire de Charles Martel qu'il eut contre les Ganthois et aussi celle qu'il eut en Gascongne, aucuns dient près de Tours, où il desconfit dix rois sarrasins (SIMON DE PHARES, Astrol., c.1494-1498, f° 104 r°). Or est il vray que pour l'empire Nous a envoyé en bataille, Ou avons d'estoc et de taille, Dieu mercy, obtenu victoire (Myst. st Laur. S.W., 1499, 172).

-

Avoir (la) victoire. "Remporter la victoire" : Mais pour ce ne se sont retrais Qu'il n'aient maintenu l'estour, Tant qu'il ont victoire et honnour. Mais il furent très bien batus, Et pluseurs à terre abatus. (MACH., P. Alex., p.1369, 153). Or querez un roy qui ce face, N'à qui Dieux doint si belle grace Qu'adès C. contre un se combat, Et s'a victoire ou qu'il s'embat. À dire est que si annemy Sont C. pour un encontre li. (MACH., P. Alex., p.1369, 218). Et Mars l'avançoit et levoit, Dont moult souvent s'aloit combatre, Qu'il en trouvoit C. contre quatre, Et s'avoit victoire et honnour, Si que, signeurs, se je l'onnour, Vous n'en devez avoir merveille. (MACH., P. Alex., p.1369, 274). ...se messire Edouars de Guerles, lequel fut occis par merveilleuse incidence à la bataille de Jullers ... fust demourez en vie, avecques ce que ses gens eurent la victoire de la bataille dont je vous parolle, il fust venus à son entente de ces chastiaulx, (FROISS., Chron. M., XIV, c.1375-1400, 143). Se ne fust Dieu et sa prudence (...), La victoire qu'avons eu Fust certes a noz ennemis (Mir. fille roy, c.1379, 80). Clovis se fist crestienner (...) pour une bataille que il avoit contre Alemans et Senes, dont il ot la victoire (Mir. Clov., c.1381, 195). Et sont venuz en la ville, ou ilz furent bien festoiez, car bien savoient la verité de la besoingne et la victoire que ilz avoient eue. (ARRAS, c.1392-1393, 163). Par Mahon, dist le soudant de Damas, moult sont ces crestiens dure gent et qui pou ressoingnent la mort. Or voient ilz et scevent bien que encontre le grant peuple que nous avons ilz ne pevent avoir victoire et si font semblant que ilz ne nous resoingnent ne que se nous feussions aussi pou de gens comme ilz sont. (ARRAS, c.1392-1393, 226). Qant ceste victore fu ensi avenue au roi Edouwar-d'Engleterre et que la mer fu delivree de ces esqut meurs, li rois et toutes ses gens demorerent la nuis Saint Jehan et a l'endemain jusques a .IX. heures su-la mer, et menant grant noise et grant joie des instrut mens que il avoient. (FROISS., Chron. D., p.1400, 409). ... li rois d'Engleterre ...escripsi au conte de Hainnau et a ces signeurs ... la maniere de l'estat et victore que il avoit eu sus mer a l'encontre des Normans. (FROISS., Chron. D., p.1400, 411). Longue appareil de guerre fait avoir briefve victoire. (CHR. PIZ., Paix W., 1412-1413, 135). ...au moïen de ses louables ellections, les chrestiens eurent victoire. (SIMON DE PHARES, Astrol., c.1494-1498, f° 109 v°).

.

Avoir (la) victoire de/encontre/à l'encontre de/sur/vers qqn : ...pense d'accourre Contre paiens et de secourre Aux crestiens, car la victoire Aront des paiens par toy (Mir. Rob. Dyable, c.1375, 57). Lors lui baillerent deux des chevaliers du pays qui le conduirent vers le lieu, mais ilz dirent bien tout coyement l'un a l'autre que ilz ne l'approucheroient pas de trop prez et qu'ilz ne pourroient croire que Gieffroy peust avoir victoire vers lui [le géant]. (ARRAS, c.1392-1393, 262). Dont Remond et Melusigne sceurent la nouvelle de leur filz Guyon qui estoit roy d'Armenie, et aussi des haultes victoires que ilz avoient eues sur les payens. (ARRAS, c.1392-1393, 145). Et après ce, la [la Pucelle] menèrent à la ville de Rouen, où elle fut emprissonnée l'espace de long temps et questionnée par les plus grands hommes et sages et grignours de tout leur party, pour savoir ses vittores qu'elle avoit euez sur eulx estoient faictez par enchantement, caraulx, ou aultrement. (CHART. J., Chron. Ch. VII, V., t.3, Fragm. hist., c.1460-1470, 206). Il est evident et notoire, Or, est vray, [et] c'est chose voire, Que sur eulx avez eu victoire Allencontre voz anemis (Myst. siège Orléans H., c.1480-1500, 474). ...en rendant graces a Dieu de la victoire qu'il avoit heue a l'encontre de ses ennemys et de ce qu'il estoit venu au dessus de son entreprise, en ce voyage de Naples. (LA VIGNE, V.N., p.1495, 270).

-

[De Dieu, d'une divinité, d'une chose...] Bailler/donner/octroyer (la) victoire à qqn (contre qqn) : Dieus qui est rois et qui est sires Des rois, des regnes, des empires, Regne, magnificence et gloire, Richesse, puissance et victoire Donna a ton pere jadis. (MACH., C. ami, 1357, 29). Et s'il avient que tu t'embates En tel lieu ou tu te combates Et que Dieus te donne victoire, Biaus amis, ne t'en donne gloire, Mais loe Dieu, car de li vient, Nom pas de toy. (MACH., C. ami, 1357, 112). La fu Jovis Mercurius, Et Jupiter y est venus, Bachus, Cerès, dame de blee, Estoient a ceste assemblee, Et Mars qui est dieus de bataille Qui aus hardis victoire baille, Jovis Preapus o sa perche Qui sa robe lieve et reverche - De ma main ma face couvri, Quant je le vi, mais j'entrouvri Mes dois pour la mieus aviser Et pour mieus celle part viser (MACH., F. am., c.1361, 202). Elle [l'épée] vaint et donne victoire, Honneur et honte, enfer et gloire. Et si signefie conqueste, Qui est chose belle et honneste. (MACH., P. Alex., p.1369, 15). ...j'ay fiance Que Dieu victoire nous donrra Et les paiens desconfira (Mir. roy Thierry, c.1374, 317). Celui Dieu qui fist ciel et terre (...) dessus touz voz ennemis Vous doint victoire. (Mir. ste Bauth., c.1376, 129). ...[dont] les pierres ont moult grant vertu, l'une que cil a qui elle sera donnee par amour, ne pourra mourir par cops d'armes, tant que il l'ait sur lui, l'autre qu'elle lui donrra victoire contre tous ses mal veullans, s'il a bonne querelle, soit en plaidoierie, ou en meslee. (ARRAS, c.1392-1393, 27). Je vous commande au vray Roy de gloire qui vous octroit paix ensemble et bonne vie et longue par admendement, et vous octroit bonne vertu et puissante victoire contre les ennemis de Dieu. (ARRAS, c.1392-1393, 123). Et rendy graces a Nostre Seigneur Jhesucrist de la victoire qu'il leur avoit donnee. (ARRAS, c.1392-1393, 140). Si tost que nous aurons envoyé, mon frere et moy, devers le roy d'Ausay, s'il ne veult faire ce que nous lui manderons, il se puet tenir tout seur de la bataille, et en donra Dieu la victoire a qui qu'il lui plaira. (ARRAS, c.1392-1393, 157). La roine d'Engleterre ... avoit ses varlés devant envoiiés pour oir nouvelles de son signour le roi et de ses enfans, et sçavoit bien que a celle heure la il se combatoient. Si estoit en orissons a Dieu que il lor vosist donner et envoiier victore. (FROISS., Chron. D., p.1400, 890). Les gens combatent et Dieu a ses amis donne la victoire. (LA SALE, J.S., 1456, 202).

-

La victoire agracie à qqn. "La victoire sourit à qqn" : Et li auqun disoient : "Puisque li rois d'Engleterre a eu celle premiere aventure de desconfire les Normans et les Genevois, et que les victores le conmencent a agratiier, il en avera encores des aultres." (FROISS., Chron. D., p.1400, 410).

-

Prince de victoire : Haa ! Bien viengnent les princes de victoire, par qui nous sommes resuscité du crueux servage des ennemis de Jhesucrist. (ARRAS, c.1392-1393, 117).

-

[Cont. métaph.] : Car Bontez, Biautez et Amour, Honte, Paour et Grant Douçour Te font par leur noble victoire Perdre scens, maniere et memoire. (MACH., D. verg., a.1340, 53). ...Si que depuis en sa garde a Mon cuer, mon sens et mon penser, Pour resister et pour tenser Aus fausses cogitations, Et oster les temptations Qui cuidoient avoir victoire A moy faire faussement croire. (MACH., J. R. Nav., 1349, 183).

B. -

P. ext. "Avantage, succès dans une épreuve quelconque (en partic. morale) emporté sur qqn ou sur qqc." : Mais d'Esperence me souvint ; Et vraiement, adont couvint, Se je voloie avoir victoire, Que je recourisse au memoire Que j'avoie escript en mon cuer, Et que je ne gettasse en puer Nuls de ses dous commandemens, Ne de ses bons ensengnemens. (MACH., R. Fort., c.1341, 124). DIEU. Mére, pour ce que li mauvais Esperiz n'ait sur lui victoire (...), Son pechié li pardoing et quitte. (Mir. pape, 1346, 383). Et pour ce que un home est dit perserverer par ce que il se tient contre aucune chose et resiste, et continence est en ce que elle seürmonte et a victoire (ORESME, E.A., c.1370, 389). Mais en celui qui est continent, raison a en la fin victoire. (ORESME, E.A.C., c.1370, 144). DEUXIESME POVRE. (...) Et pour ceste refeccion Leur ottroit la fruicion De sa grant gloire. TROISIESME POVRE. Voire, et de touz pechiez victoire. (Mir. st Alexis, 1382, 285).