"(Celui) qui est détenu dans un lieu où il est privé de sa liberté, qui est détenu en prison" : Ces jouvenciaux t'i conduiront, (...) Qui porteront au prisonnier De par moy viande a mengier (Mir. st Ign., 1366, 103). Sire, j'ay esté vraiement En Alixandre longuement Prisonniers ; mais je m'esbatoie Parmi la ville où je voloie. Si vous diray la vérité Dou païs et de la cité. (MACH., P. Alex., p.1369, 61). Mais en mil jour ne vous diroie Le gieu, la feste et la grant joie Que ceuls d'Alixandre menoient, Des prisonniers qui revenoient, Car l'un y avoit son voisin, L'autre son frere ou son cousin, Et l'autre son oncle ou son pere. (MACH., P. Alex., p.1369, 189). Les Atheniens avoient guerre contre les Lacedomoniens, si fu ordené de commun acort que chascun prisonnier d'une part ou d'autre seroit quicte pour certainne somme. (ORESME, E.A.C., c.1370, 303). Alez tantost a la royne Dire (...) qu'en son cuer joie demaine, Que ses filz prisonniers amaine Liez bien fort. (Mir. ste Bauth., c.1376, 142). ...fu fait venir Symon de Verrue, escuïer, de la parroisse de Marigny, à quatre lieues prez de Poitiers, prisonnier admené oudit Chastellet, et envoïé par ledit maistre Denis de Bausmes, maire de la juridicion de Saint-Magloire, esquelles prisons de Saint-Magloire il estoit detenu prisonnier pour cause d'unes heures de Nostre Dame par lui [prinses] et emblées, si comme ledit maire disoit (Reg. crim. Chât., I, 1389-1392, 2). Et, pour ce, fu commandé par ledit lieutenant, à la garde de la geole du Chastellet, que icellui prisonnier il enregistrast ou livre de la geole, et l'estat ouquel il estoit venu prisonnier, et l'enfermast tout seul en une prison (Reg. crim. Chât., I, 1389-1392, 203). Lors furent serchié tuit ly prisonnier ; et furent penduz aux fenestres et aux huys et tout environ le recept (ARRAS, c.1392-1393, 73). Ma damoiselle, dirent ly messaige, les deux damoisiaux de Luseignen se recommandent a vous et vous envoient ce roy, vostre ennemy, prisonnier, pour faire vostre voulenté. (ARRAS, c.1392-1393, 166). ...Anthoine dist au roy : Je vous rens, quittes et delivres, tous voz prisonniers que nous et noz gens avons, et voz tentes et voz paveillons (...). Et lors lui fist delivrer jusques a IIIJm prisonniers, tous de gens d'estat. (ARRAS, c.1392-1393, 168). Cedit jour, la Court a eslargi J. du Ru, prisonnier en la Conciergerie et nagueres geolier d'icelle (BAYE, I, 1400-1410, 156). En laquelle commocion aucuns prisonniers et autres furent tuez et mis à mort sans autre congnoissance de cause (FAUQ., I, 1417-1420, 131). Car le VII^e jour de fevrier enssievant, par traittiez et operacions de madicte dame la royne Elizabeth, ledit roy Charles fut pris et feru au chastel de Bude et puis mené prisonnier au chastel de Misgrave. (LA SALE, Salade, c.1442-1444, 188). J'ay autresfoys tenu les rencz, Dieu mercy, et gaigné le pris Contre cinq Angloys que je pris, Povres prisonniers desnuez, Si tost que je les eu ruez. (Fr. arch. B., c.1468-1480, 29). Or t'en va ! Tout t'est pardonné Pour la reverence de la feste De Pasques, ou coustume honneste Est es Juïfz que delivrer Je doiz pour eulx ung prisonier, Celluy que leur plait requerir. (Pass. Auv., 1477, 173). ...et en furent plusieurs penduz à leurs goutieres, par especial ceulx qui avoient rompu le Petit Chastellet et delivrez les prisonniers, entre lesquiex estoit l'evesque de Paris et ung moine, Hugues Aubrion. (SIMON DE PHARES, Astrol., c.1494-1498, f° 145 v°).

-

Constituer qqn prisonnier : ...pour lequel exploict ledit bedeau fut constitué prisonnier en la conciergerie du Palais royal, audit lieu de Paris. (ROYE, Chron. scand., I, 1460-1483, 9). ...que le roy Edouard dudit royaume fut acertené que ung sien frere, qui estoit duc de Clairence, avoit intencion de passer la mer et aler descendre en Flandres pour donner aide et secours à sa seur duchesse en Bourgongne, vesve dudit defunct le derrenier duc, fist icellui roy Edouard prendre et constituer prisonnier sondit frere et mettre prisonnier en la tour de Londres, où il fut depuis detenu prisonnier par certaine longue espace de temps, pendant lequel ledit roy Edouart assembla son conseil (ROYE, Chron. scand., II, 1460-1483, 64).

-

Detenir/tenir/retenir qqn prisonnier : ...Hennequin du Bos, bastars de Gonmegnies, si comme il dist, detenus personniés, ad present ès prisons du roy nostre sire à Saint-Quentin (Reg. crim. Chât., I, 1389-1392, 386). ...dit fu et deliberé que, pour le delit commis par icellui prisonnier en jurant icellui villain serement, il soit condempné, mis et tourné ou pilory, ès hales, puis heure de prime jusques à heure de nonne, et d'ilec ramenez prisonnier oudit Chastellet, et tenu prisonnier au pain et à l'eaue (Reg. crim. Chât., II, 1389-1392, 357). Beaulx seigneurs, dist la pucelle, (...) vous m'avez envoié, de vostre bonne grace et franchise, le roy d'Ausaiz, mon ennemy, dont plaise vous assavoir que je ne suiz mie celle qui vueille ne doive prendre pugnicion de lui ne lui retenir prisonnier ; mais il en appertient a vous d'en faire vostre bon plaisir, qui avez eu la peine et le peril de le conquester ; si vous doit demourer, car c'est raison. (ARRAS, c.1392-1393, 166). Or veulliez savoir que a moy longuement tenir prisonnier ne povez gueres conquester. (ARRAS, c.1392-1393, 167). Il entra ens et vint en la sale, ou il avoit une grant geole de fer, ou il avoit dedens bien C. hommes du pays que le geant tenoit prisonniers. (ARRAS, c.1392-1393, 266). ...comme pour aucuns cas desquelx feu Pierre des Essars (...) a esté naguères accusé, ait esté prins et détenu prisonnier (Ch. VI, D., t.1, 1413, 365). ...et le samedi derrenier jour de juing mil IIIIcLXX, environ entre deux et trois heures de matin, la royne acoucha ou chasteau d'Amboise d'un beau filz, qui ilec fut baptisé et nommé Charles par monseigneur l'arcevesque de Lyon, avecques le prince de Galles, filz de Henry jadiz roy d'Angleterre et prisonnier detenu par Edouard, roy dudit pays d'Angleterre. (ROYE, Chron. scand., I, 1460-1483, 241). Vous les tenez, c'est chose vraye, Prisonniers comme en une caige. (Myst. siège Orléans H., c.1480-1500, 179).

-

Prendre (qqn) prisonnier. "Faire des prisonniers" : Miex amasse en Tarse Avoir esté prisonnier pris Que ce qu'eust telle mort pris (Mir. fille roy Hongrie, c.1371, 22). Le roy se fery en l'ost, et y porta moult grant dommage, car il avoit commandé a sa gent, sur paine de la hart, que nul ne prensist prisonnier, mais meist tout a mort, quanqu'il en pourroit aconsuivre. (ARRAS, c.1392-1393, 105). ...prenostica la division que fist en Angleterre, en l'an [mille] IIIcIIIIxxXVIII et XIX, le duc de Lenclastre, qui par avant avoit esté bani après la jouxte à oultrance, faicte à Vinderose, au moïen de laquelle sedicion il suborna tout le peuple et tant fist qu'il fist trahyr et prandre prisonnier le bon roy Richard (SIMON DE PHARES, Astrol., c.1494-1498, f° 148 v°). Et ne fut prins prisonnier de noz gens que monsieur le bastard Mathieu de Bourbon pour homme de nom (LA VIGNE, V.N., p.1495, 288).

-

Au fém. : ...Agace La Françoise et Jehanne La Riquedonne, matrosnes jurées du roy nostre sire (...) ont veue et visitée Jehanne La Cordiere, prisonniere detenue en Chastellet, et tiennent et croyent fermement et en leurs consciences que icelle prisonniere est grosse d'enfant sentant de cinq mois ou environ. (Reg. crim. Chât., II, 1389-1392, 297). Entre les femmes prisonnieres Ou il ot de pluseurs manieres, Lui fu une noble pucelle Amenee excellemment belle, Qu'il en feist sa voulenté. (CHR. PIZ., Chem. estude P., 1402-1403, 191).

-

[Dans un cont. métaph.] : [A Fortune] Or me hez et m'as abatu De haut en bas Et de tes verges si batu En ta chartre ou m'as embatu Que je me rens dessous l'escu Veincus et mas. Si fais trop mal, se tu me bas, Quant je me ren et que pris m'as, Car prisonnier on ne doit pas, S'on l'a vaincu, Batre ne ferir en nul cas, Eins doit on voloir son respas. (MACH., R. Fort., c.1341, 45).