Dictionnaire du Moyen Français (1330-1500) - ATILF - CNRS & Université de Lorraine

Au propre : Pluto s'en va grant aleüre, Mais ne va trot ne ambleüre, Eins samble que ce soit la foudre ; Il fait entour lui si grant poudre Qu'elle vole jusqu'a la nue. (MACH., C. ami, 1357, 87). ...qui vertuz en lui assemble Sanz humilité, il ressamble A celui qui la pouldre amasse Au vent, et le vent la detasse Et la gaste (Mir. st Ign., 1366, 92). Nous voions que les corps mixtes sont resoluz en poudre et terre et en vapeurs et en teles choses qui sont de la nature des .IIII. elemens (ORESME, C.M., c.1377, 618). L'yver, les fanges y sont fort grandes, et l'esté la pouldre. (COMM., III, 1495-1498, 226). ...et une autre chose aussi me plest bien : que la chambre est si bien et honestement conraiee des balayes et nettoié des poucies - id est ordures - et pourretes - id est poudres -, car je panse qu'il n'y a poynt des puces ne des poils ne d'autre vermyn. (Man. lang. G., 1396, 57). Si n'y avoit ne quart ne tiers, N'une ne deux, ne plus ne mains Que mille en l'une de mes mains Des pierretes que pris avoie En la pouldre d'enmi la voie. (CHR. PIZ., Chem. estude P., 1402-1403, 25). Deux bericles, ou oeillez d'or, de cristal, assis sur I camelot cendré, que l'on met pour la pouldre devant les yeulx quant l'on chevauche (Comptes Lille L., t.2, 1420, 264). Et Mars aprèz, au vray compter, Qui trop est sec et forment chault, Les embrase par tant en hault, Dont descendent, pour la matière Estant pesant plus que légière, En forme de pouldre ou de cendre, Lesqueles certes au descendre Se meslent et font mixtion Au bas air en sa région (LA HAYE, P. peste, 1426, 27). ...Hasdrubal avec aucuns de ses gens vint pour les veoir, et apperceust qu'il y avoit escus vieulx et roulliez et chevaulx maigres, les armeures plainnes de pouldre, de sueur et de sang. (LA SALE, Salade, c.1442-1444, 44). Tien si du long ! tien si du lay ! Appelle ton dieu l'avollay, Affin qu'il te viengne secourre. Tien ! tien ! c'est pour ta peau escourre, Affin que la pouldre n'y prengne. (Myst. st Laur. S.W., 1499, 224).

[Réf. biblique] : ...poudre es et en poudre viendras (Pass. Semur D.M., c.1420 [1488], 19). [Réf. à Gen. 3, 19 : tu es poussière, et tu retourneras en poussière]

Retourner en poudre : Gens aveuglés d'onneur, seigneurissans verbaument sur lez povres, et vrays subgietz et serfz d'iniquités et de vices, pensés que de cil qui vous a donné naistre procede vostre seigneurie, et cil qui vous fait retourner en pouldre, et en vers pourir, la vous peult tollir. (CHART., L. Esp., c.1429-1430, 67).

[Dans une compar. pour exprimer l'idée de multitude] : ...et ce filz viveroit, et sa lignee il multiplieroit ainsi comme les estoilles du ciel et la gravelle de la mer ou la pouldre de la terre. (Ménagier Paris B.F., c.1392-1394, 61).

[Image de la fragilité et de l'instabilité] Poudre au vent : Saint Pol doncques qui avoit a enseignier toutes vertuz et par especial humilité qui est le fondement, et sans laquelle tout le monceau des vertuz n'est que ung trebuchement et poudre au vent, ne pouoit il et devoit en soy monstrer ceste humilité ? (GERS., P. Paul, a.1394, 503).

[La poussière dans la tactique de combat]

Donner la poudre au visage à l'ennemi "Placer son armée de telle façon que l'armée ennemie reçoive la poussière en face" : Le VIIIme est que, s'il ne les puelt prendre en pas ou en destroit de montaigne, d'yaue ou de boiz, ou qu'il ne les ait peu vaincre par nulles des choses dessusdictes, lesquelles il doit cerchier sur toutes choses, avant que disposer son ost a la battaille, s'il peut ; et s'il ne puelt, face tout son povoir de leur donner le solail, le vent et la pouldre au visaige en combattant, ainssy que dit est. (LA SALE, Salade, c.1442-1444, 243).

Envoyer la poudre à l'ennemi : Et pour ce vous dy que, se ces gens ne sont bien ordonnés et en lieu advantageux comme gens, choisissent champs et places les plus advantageux qu'ilz pevent pour combatre. Car on y gaigne le solleil, on y gaigne le vent pour envoier la pouldre droit à ses ennemys. (BUEIL, I, 1461-1466, 154).

Loc. Mettre la poudre en l'oeil à qqn. "Aveugler qqn" : Mais tu m'as mis le pouldre en l'oeul Au derrain, tant que ne voy goutte (Bien avisé Mal avisé B., c.1487-1490 [1396], 253).

"L'emporter sur qqn" : ...Car il fauldra qu'en guerre je me boute Et sy menray une si belle route Que je pourray a cop vanger mon dueul Et aux autres mectre la pouldre en l'eul. (MICHAULT, Doctr. temps prés. W., 1466, 14). Tout a trait, sans moy eschoffer, Je fay de ce fer ce que je veuil Et si ne crains deables d'enfer Qui m'en boute la pourre en l'oeil. (MOLINET, Myst. st Quentin C., c.1482, 237).

Changer la poudre à qqn. "Jouer des tours à qqn, duper qqn" : Par toy [Dieu] est ma mort engendrée. Tu joues de boiste encendrée ; Aux mariés la pouldre changes, Mais les clergiés ne fais estranges De tes biens ; par ta tricherie Est leur secte amée et chérie. (LE FÈVRE, Lament. Math. V.H., c.1380). [Cf. G. Hasenohr, M. fr. 14-15, 1984, 262]

[Dans une tournure impers.] Faire de la poudre : Et estoit pour ladite journée si grant soicheresse, que a pou que les gens d'armes ne estouffoient dedens leurs harnoiz, et si faisoit si grand pouldre que à moult grant paine povoient choisir lesdits gens de guerre l'un l'autre. (CHART. J., Chron. Ch. VII, V., t.1, c.1437-1464, 180).

Amasser poudre. "Ne rien récolter du tout" : Vecy ma houclete et mon crocq, Mon alenne et mon grant cousteau Voyre qui coppe bien et beau, [Qui] ne l'a pas, (il) amasse pouldre. (Moralité cincq pers. B., 1484, 71).

Confondre/cravanter qqn/qqc. en poudre. "Réduire qqn ou qqc. en poussière, anéantir qqn ou qqc." : Et encor vëoit Que d'aventure Une pierre sans main venoit Qui parmi les piez la feroit [la statue], Si qu'en pourre la craventoit Et en ordure. (MACH., R. Fort., c.1341, 37). Josephus nous dist et raconte Que pour le pechié(s) et la honte De ceulz de Sodome et Gomorre Dieus les vault tous confondre en pourre. Par souffre ardant les confondi, Et la terre environ fondi, Si que puis n'i pot habiter Homme ne fame ne heriter (MACH., Voir, 1364, 492).

Decliner en poudre. "Tomber en poussière" : Or sont ilz mors [les gens de bien], Dieu ait leurs ames ! Quant est des corps, ilz sont pourriz, Aient esté seigneurs ou dames, Souëf et tendrement nourriz De cresme, froumentee ou riz, Et les oz declinent en pouldre, Ausquelz ne chault d'esbat ne riz. Plaise au doulx Jhesus les assouldre ! (VILLON, Test. R.H., 1461-1462, 134).

Mettre qqc./qqn en poudre. "Détruire, anéantir, réduire qqn ou qqc. à néant" : Car les pierres dou ciel chëoient Pour tuer quanqu'elles ataingnoient, Les hommes, les bestes, les fames ; Et en pluseurs lieus a grans flames Cheï li tempès et la foudre Qui mainte ville mist en poudre ; N'au monde n'avoit si hardi Qui n'eüst cuer acouardi ; Car il sambloit que decliner Vosist li mondes et finer. (MACH., J. R. Nav., 1349, 147). Maintes fois laist aler la foudre Qui tout destruit et met en poudre, Ou la mort, ou le vent qui vente, Qui tout honnist et tout cravente (MACH., C. ami, 1357, 67). ...Quant a de moy, Je diz c'on les doit tous briefment Martirizer tresgriefvement Et les desmembrer aussiment (...) Et puis, sus une enclume dure, Les faire, par cops de marteaulx, Tous desrompre, hos et veineaulx, Tant que tous mis seront en pouldre Et em piece, ainsi que la fouldre, Du ciel chesant, l'em pourroit faire (Myst. st Adr. P., c.1450-1485, 142). Qui fist jadis les Ethiopiens Mettre en pouldre par les Ciclopiens, Sans leur laisser qui vaulsist deux navetz, Fors seul[e]ment le peché des maulvais ? (Cene dieux, c.1492, 119).

Porter poudre au/contre le vent. "Faire une chose vaine, inutile, perdre sa peine" : Et Saint Gregoire dit que qui sanz humilité assemble les autres vertus, il fait aussi comme se il portast pouldre contre le vent, c'est a dire qu'il pert sa paine. (FRÈRE ROBERT, Chastel perill. B., c.1368, 321). ...qui vertuz sanz elle assemble, Il fait con celui qui au vent Porte pouldre (Mir. st J. Paulu, c.1372, 103). Et pour ce dit un sage que cely qui sanz humilité veult assambler vertus, il fait aussi que cely qui porte au vent la pouldre, aussi que s'il voulsist dire que humilité comprent en ly toutes les autres vertus ou que nulle vertu ne peut estre sans ly. (EVR. CONTY, Eschez amour. mor. G.-T.R., c.1400, 734).

Revider à poudre. "Réduire en poussière (?)" : Se c'eust venu a me rescoure, Je t'eusse rewidé a poure (Mandel. T., c.1450-1475, 184).

P. anal. "Sciure" : [Le loup et l'âne scient une pièce de bois, l'âne au-dessus, le loup en-dessous] Auquel dist le loup : "Je ne sçay que tu dis, mais, se tu fais plus cheoir ceste pouldre en mes yeulx, je te jure que les tiens esracheray." (COLART MANS., Dial. créat. R., 1482, 247).

Poudre et ramille. "Menu bois tombé à terre ?" : Dou bois sec, cheu et acosté, ou bois du Parc ; neant, que il n'a pas esté vendus. De la poure et ramille des saux de la chauciée de Pons ; neant, que la vente est faillie. (Comté Champ. Brie L., t.3, 1347-1348, 428). [Cf. Bevans, The old french vocabulary of Champagne, 76]

P. métaph. [Image des désirs terrestres] : Si dois gecter hors toutes ordures de pechié, la poudre d'avarice, les araines d'ire et d'envie, la boe, la fiente de luxure, pour recevoir cest hoste duquel chante l'Esglise (GERS., Pent., p.1389, 73).

"Cendre"

"Cendre (d'un corps brûlé vif, ou d'un corps incinéré)" : ...pour ce que nous voulons Que soit tost celle murdriére arse, Et en pouldre sa char esparse (Mir. femme, 1368, 217). ...aprés, fut trait par XXX josvenceaulx a arch ainglois et puys trahineis ; aprés fut pendus et puys ars, et la pouldre ventee. (JEAN D'OUTREM., Myr. histors G., a.1400, 62).

[À propos de l'homme après sa mort] "Terre, cendre" : Ilz sont tous mors ; va leur sepulcre ouvrir : Pouldre y verras ; tous nous convient pourrir (DESCH., Oeuvres Q., t.6, c.1370-1407, 123). ...car en un moment je seroye condempne pour ma faulce arquemie et convertie en pouldre, mais, par la bonte [l. bonté] de Cellui qui tout seul est bon, en la forge de Charite [l. Charité], il vous plaise, ma dame, a proceder envers ma fragilite [l. fragilité] par le conseil de vostre gracieuse dextre chambriere, Amoreuse Pitie [l. Pitié]appellee. (MÉZIÈRES, Songe vieil pèl. C., t.2, c.1386-1389, 505).

Ardoir qqn/qqc. en poudre. "Réduire qqn ou qqc. en cendres" : Mais les galiotes trouva, Et là telement se prouva Qu'il les ardi toutes en poudre, Si que li vens la terre en poudre ; Et tous ceuls qui dedens estoient Furent mort, s'il ne s'en fuioient. (MACH., P. Alex., p.1369, 120). ...le roy Selodus leur faisoit fort requerir et leur faisoit monstrer comment ilz ne se povoient tenir, et que, se il les prenoit par force, que ilz n'y auroient ja rancon, fors d'estre tous ars en pouldre, dont la cité fu en grant balance de rendre. (ARRAS, c.1392-1393, 181).

Ardoir en poudre. "Se consumer en cendre" : Dittes qu'on me viegne secourre, Car vraiement j'ars tous en pourre (FROISS., Joli buiss. F., 1373, 154).

Poudre (et) cendre : Je parleray a Nostre Signeur jassoit ce que je soie poure et cendre. (Internele consol. P., 1447, 91).

Annihiler qqc. en poudre, en cendre : Seigneurs, la cité est brulee. On n'y voit vivant creature Qui ne soit toute anichilee En pourre, en cendre et en ordure. (MOLINET, Myst. st Quentin C., c.1482, 35).

Bruler qqn en cendres et en poudre. "Brûler qqn sur le bûcher" : ...il [ung herese] fut jugié au feu et delivré a la justice seculiere. Fut ramené a Lille et droit la brulé en cendres et en poudre, par la grace de Nostre Seigneur qui plus ne lui voult souffrir repaire, j'espoire, aveuques ses povres brebiottes crestiennes, desqueles il desire (...) non estre deceues et perdues par telz faulx gabuseurs, messagiers du dyable. (CHASTELL., Chron. IV, D., c.1461-1472, 227).

Devenir cendre et poudre : Vous nous voiez [nous, les pendus] cy attachez, cinq, six : Quant de la chair que trop avons nourrie, El est pieça devoree et pourrie, Et nous, les os, devenons cendre et pouldre. De nostre mal personne ne s'en rie, Mais priez Dieu que tous nous vueille absouldre. (VILLON, Poèmes variés R.H., c.1456-1463, 66).

"Poussière (résultant d'une incinération)" : Pres ceste eglise a une grant eguille De fin porphire, et dessus une pomme Appropriee par maniere subtille Ou dedens est, ainsi qu'on dit a Romme, D'un empereur ou de Seneque en somme Entierement toute la pouldre et cendre (LA VIGNE, V.N., p.1495, 232).

B. -

"Substance finement broyée et pilée"

[Utilisée en cuisine] : Puis escorchiez les amandes, et les broyez et alayez d'eaue tiede, coulez, et mectez boulir avec pouldre de gingembre et saffran, et dreciez par escuelles, et en chascune escuelle une piece de poisson frit. (Ménagier Paris B.F., c.1392-1394, 204). ...puis mectez en ung plat et de la pouldre de succre dessus. (Ménagier Paris B.F., c.1392-1394, 256). Dont, entre les aultres, y est le polliot le plus bel que oncques je vis (...) Et les gens du païs l'appellent pollibastro [Nom donné par les habitants à une espèce particulière de pouliot]; et en mettent les communes gens de la contree en leurs viandes et es coffres de leurs linges, et en font sechier et pouldre pour mettre en leurs viandes en lieu d'espices. (LA SALE, Salade, c.1442-1444, 73).

Poudre de claret. "Poudre servant à préparer un vin épicé" : Item 2 once de poure de claireiz (Metz Comptes merciers S., 1461, 82).

Poudre (de cuisine). "Poudre d'épices à la composition variable" : ...Poivre long, fueille de lorier, Pouldre pour la sausse lier (DESCH., M.M., c.1385-1403, 17). Item, mectez les entre deux plats sur charbons et mectez ung petit de sel, du frommage et de la pouldre. (Ménagier Paris B.F., c.1392-1394, 230). Item, apres ce, aucuns les mectent en pasté avec grant foison de ongnons, et tronçons de harenc ou d'anguille, et pouldre. (Ménagier Paris B.F., c.1392-1394, 230). Item une once de poure de cuisine (Metz Comptes merciers S., 1461, 80). Et quant on verra qu'il [le haricot de mouton] qu'il sera presque cuit, que on mecte du boullon de beuf, et du verjust, et de la pouldre dedans. (Recueil Riom L., c.1466, 78).

Poudre de duc. "Poudre composée de sucre blanc et de cannelle, destinée à être mêlée au vin formant la base de l'hypocras" : Pouldre de duc pour l'ypocras Te couvient, et maint lopin cras, Sucre blanc pour les tartelettes, Pommes, poires, neffles, noisettes. (DESCH., M.M., c.1385-1403, 48). Poires cuites, fromage gras, Pouldre de duc et ypocras Prenons parfois par medecine. (RÉGN., F.A., 1432-c.1465, 213). Madame, qui les eust toutes oyes, respondit : "Il souffit de prendre de sa berbis la laynne, et pour ce je m'areste aux toctees a la poudre de duc, a l'ypocras et autres vins estranges et delicieux qui nous doivent bien souffire, Mais vraiement nous entendons a gaignier tous ces pardons ou la plus grant partie, car ne sçavons se y pourrions recouvrer ne retourner en autre temps." (LA SALE, J.S., 1456, 254). "Oïl," dist Madame, "pour la doubte de ces bruynes nous avons desgeuné de toctees a l'ypocras et a la pouldre de duc." (LA SALE, J.S., 1456, 291).

Poudre fine. "Mélange d'épices, en poudre" : ...pouldre fine, demye livre, pouldre de canelle, demye livre pour blanc mengier (Ménagier Paris B.F., c.1392-1394, 190). Puiz frisiez vostre grain en bon sain doulx, et ayez moyeulx de oeufz et pouldre fine batue ensemble, et coulez par l'estamine, puiz filez vous oeufz dedens le pot a vostre boullon et a petit fil, et remuez fort a la culier, et que le pot soit arriere du feu. (Ménagier Paris B.F., c.1392-1394, 218). Pouldre fine. Prenez gingembre blanc 1o. 3, canelle triee 3o, giroffle et graine de chascun demy quart d'once, et de succre en pierre 3o, et faites pouldre. (Ménagier Paris B.F., c.1392-1394, 270). ...et puis prennés de belle poudre fine et en y mectés par rayson (CHIQUART, Cuis. S., 1420, 164).

Chaude poudre. "Poudre composée de diverses épices fortes" : Item demey once de chaude poulre Item 2 trésé de jalne poulre (Metz Comptes merciers S., 1461, 80).

[Utilisée en parfumerie]

"Fard (amidon pulvérisé)" : Vous en verriés une quinzaine En ung tas ensemble y aller [en pèlerinage], Dont plusieurs ont la gorge plaine De pouldre qu'elles font voler. (MAXIMIEN, Avocat dames Paris M.R., c.1485-1490, 19).

Poudre de Chypre. "Poudre parfumée composée de racine d'iris, de civette et de musc" : À ung marchant qui a vendu une chesne que le roy a donnée à Hellène, du savon muscat et plusieurs autres boettes de pouldre de Chippre, quatre escus (Roi René vie L., 1476, 374).

Poudre de violette : ...troys ampouletes de pouldre de violette (Comptes roi René A., t.2, 1479, 374).

[Utilisée comme médicament ou comme poison] : ...vielle vesselle pour faire II grans flacons dargent pour porter eaue rose et autres choses pour Monseigneur, VIII autres petis flacons dargent avec les chaennes pour mettre triacle, et pour faire un hanap dargent doré à couvercle, où Monseigneur prent sa poudre (Compte Navarre I.P., 1367-1371, 197). Et est composé de diverses choses appartenans a purgation si comme scamonee, dyagridi, turbich et aultres pluseurs choses qui sont fort laxatives, et aucunefois est composé de poudre de [sené, de] agarich et de aultres choses qui sont plus gracieuses et purgent plus coyement. (MÉZIÈRES, Vertu sacr. mar. W., c.1384-1389, 267). Et aussi le foye du loup, seichié et fait pouldre, est bon au foye de l'omme, toutesfoiz, je ne l'aferme mie, car je ne vueil mettre en mon livre chose qui ne soit droite verité. (GAST. PHÉBUS, Livre chasse T., 1387-1389, 99). ...lesquelz, après ce qu'ilz orent parlé ensamble, appointerent qu'ilz cueilleroyent très-grant quantité de certaines herbes que ledit hermite de Roussillon moustra à lui qui parle, et quant ilz en auroyent grant quantité, ilz vendroient à Paris, et feroyent de la poudre pour empoisonner le roy et mons. de Touraine (Reg. crim. Chât., I, 1389-1392, 316). Puiz s'ensuit la forme planière, Et la recepte derrenière, D'un cordial électuaire, Pour lequel composer et faire Pren de fait, en prest ou [en] don, La pouldre de dyarodon (LA HAYE, P. peste, 1426, 157). Aussi pren aprèz, et ne muses, De pouldres, qui sont précieuses, De dyanthos et de pliris, Electuaires de hault prix (LA HAYE, P. peste, 1426, 157). Et prenés ung bendel qui comprenge tout le ventre et soit le drapel de couton et y mettés pouldre de mastic et de encens (GORDON, Prat., c.1450-1500, VII, 15). Or regarde le tuyau dont il voult souffler ladicte pouldre par dessus et dedans le mal (C.N.N., c.1456-1467, 35). A Gaspart Grille, appoticaire, d'Aix (...), tant pour drogues, pouldres, une peau de mouton et autres choses prinses de lui, pour mondit seigneur (Comptes roi René A., t.3, 1477, 24).

Poudre d'oribus. "Remède sans effet" : Tu prosperes sans nulz abus En ce bas paÿs flandrinois, En zucre, en pouldre d'oribus sarrasinois (MOLINET, Faictz Dictz D., 1467-1506, 795). [Rapprocher du nom de personnage de Maistre Pierre Doribus, pharmacien fantaisiste (Dorib., p.1480) ?]

[Autres usages] : Et qui la pourre de luy [d'aimant] met en IIII angles de la mayzon sus charbons vif, ly habitans s'enfuiront de paour, sy que larons peuent, par chesti pierre, embler en une maizon che qu'il y a. (MANDEVILLE, Lap. M., c.1350-1390, 184). Et se vous estes en pays ou il ait repaire de loups, je vous enseigneray maistre Jehan, vostre maistre d'ostel, ou voz bergiers et gens de les tuer sans coup ferir par la recepte qui s'ensuit : Recepte de pouldre pour tuer loups et regnars. (Ménagier Paris B.F., c.1392-1394, 131). Item , se le vin sent la sente, il doit prendre 1o ["une once"] de seurmontain en pouldre et autant en graine de paradiz en pouldre et mectre chascune desdictes pouldres en ung sachet, et le pertuisiez d'une greffe, et puis pendez tous les deux sachez dedens la queue a cordellectes et estouppez bien le bondonnail. (Ménagier Paris B.F., c.1392-1394, 134).

[En alchimie] : Je n'y querroie autre metal voire ce faisant par distillacion, par sublimacion et par calcinations, affin que finablement et par grant travail je peusse par doulce conclusion parvenir a la pierre du philosophe, c'est a la pouldre qui est appellee appelle[e] "Elixir". (MÉZIÈRES, Songe vieil pèl. C., t.1, c.1386-1389, 193). [Il s'agit de l'élixir sous forme de poudre de projection (Cf. Th. Miguet, L'Or Vivant de l'alchimie médiévale, Sénéfiance 12, 1983, 297, 306.)]

Poudre d'allumettes. "Mélange pour allumer le feu" : Aprés fut trouvé son fusil Tout plein de pouldre d'alumetes, Plus ardante que n'est brezil, Dont il frotoit ses alumetes. (HAUTEV., Invent. biens B., c.1441-1447, 65).

C. -

"Mélange explosif dont on charge les armes à feu"

Poudre (à/de canon) : Pour pouldre à canon qui par lordenance des gens du conseil de Monseigneur fu delivrée au cappitaine de Bernay (Compte Navarre I.P., 1367-1371, 218). ...[ils] ont esté achater arbalestres à Montpellier pour Gieffroy Teste-Noire et ses compaignons, et chascun an IIJc de poudre de canon, dont ledit Merigot avoit sa part. (Reg. crim. Chât., II, 1389-1392, 179). ...vous vous mandons, commandons et expressement enjoingnons par ces presentes et a chascun de vous en commectant se mestier est, que toutes les pouldres a canon, avec salpietre, soulfres et autres matieres dont l'en a acoustumé a faire les dictes pouldres, estans en nostre dit cloz, vous nous envoiez (Clos galées Rouen M.-C., t.2, 1414, 209). ...pour icellui Collart estre alé par l'ordonnance de mondit seigneur et de son Conseil en la ville de Cambray pour enprunter des canons à ladicte ville et pour savoir s'il en y avoit nulz à vendre, et d'illec estre alé à Bohaing où il arresta de par mondit seigneur deux wenglaires jettans pierres, vint petits canons jettans plommees, 400 livres de pouldre de canon et 5000 fers à viretons d'arballestres (Comptes Etat bourg. M.F., t.1, 1420, 323). Ainsi quant on voit pareillment que, quant l'instrume[n]t du canon est chargié et on met le fer chault on pertuis, que il alume la pouldre dedans, et fault qu'il y ait ouverture. Car il fault au feu plus grande place que ilz ne fault a la pouldre, et, en faison l'ouverture, il fait tel son comme on oye. Et de tant que plus fort seroit chergié le canon, de tant feroit il plus grant son. Et polroit bien estre si fort chargié par devant et de si fort pouldre que l'instrument romperoit et ne pourroit attendre que la pierre s'en alast. (FUSORIS, Traité cosmogr. G., 1432, 28). Il nous fault tous passer a monstre, Assavoir moult se al encontre De lui pourroient resister Trestous les diables d'infer, Faittes la pourre de canons De ces sorcieres a grant mons, Prenez flesches et ars turquois, Et faictes chascun ung pavois D'un brelencq, nulz n'y contredie (MARCADÉ, Myst. Pass. Arras R., a.1440, 240). ...lequel feu sentoit à souffre et pouldre de canon (Doc. Poitou G., t.10, 1459, 154). Et, pour ce qu'il sembla aux dessusdiz qu'elle ne s'estoit pas bien deschargée de toute la pouldre qui, mise et boutée, avoit esté dedens la chambre d'icelle bombarde, fut ordonné par les dessusdiz que encores seroit chargée de nouveau (ROYE, Chron. scand., II, 1460-1483, 81). Et, ce jour aussi, par cas de fortune, fut mis et bouté le feu dedens la pouldre à canon qui estoit à la porte du Temple, qui en emporta le comble de ladicte porte et fist descharger huit pieces d'artillerie estans en ladicte porte, qui à ladicte heure estoient toutes chargées (ROYE, Chron. scand., I, 1460-1483, 100). Deux onces de pouldre a canon, Cela fait enfler les perucques. (Dorib., p.1480, 249). ...mais si bon conseil et si bonne diligence fu faicte que tout y passa, tant l'artillerie, pouldres, boulles de fer, de plomb que toutes choses servans a la dicte artillerie (LA VIGNE, V.N., p.1495, 278). Et à chascune fois portoit ung sac plain de poudre à canon, laquelle il espandit et semit sur ledit pont de claies, et d'icelle feist une trainnée jusques à laditte breche, en quoy faisant il se mist en très grant dangier ; mais neantmointz paracheva son entreprinse ainsi qu'il luy avoit esté enchargé. (LE CLERC, Interp. Roye, c.1502, 291).

Trait à/de poudre. "Projectile lancé au moyen de poudre" : ...sy tos qu'ilz seront rengiés en belle plaine, les ungs contre les aultres, sans traict a pourre, mais a force de corps (...) commenceront les escarmuches (MOLINET, Faictz Dictz D., 1467-1506, 906). Et pour rompre la visée du traict à poudre (...) l'on fit ung hault taudis de tonneaux plains de terre et de pierres, et de haultz aiz, qui traversoient tout ledit marchié. (LA MARCHE, Mém., II, c.1470, 42). ...et les Gantois marcherent moult fierement et vindrent de tel couraige que, pour doubte du traict à poudre, ilz ne laisserent qu'ilz ne veinssent livrer l'assault audit boulovart, main à main (LA MARCHE, Mém., II, c.1470, 299).

Mettre le feu en la poudre : Si je n'eusse esté si hastif De mettre le feu en la pouldre J'eusse destruit et mis en fouldre Tout quanque avoit de damoiselles. (Fr. arch. B., c.1468-1480, 35).

DMF 2020 - MAJ 2020

Pierre Cromer

Fermer la fenêtre