A. -

"Absorbé dans ses pensées" : Si vi que dessus [l'arbre] s'esbatoit Uns gentils espriviers ramages, Et se vi bien que ses plumages Ne tenoit nul affaitement, Fors que de li tant seulement, Combien qu'il fust moult agensis. Et je qui estoie pensis Vi aussi que d'un oiselet Qu'il avoit pris tout nouvelet Qu'un petit s'en estoit peüs. (MACH., D. Aler., a.1349, 258).

-

Estre pensif à qqn/à qqc. "Avoir l'esprit occupé par qqn ou qqc." : ...je vous vueil Demander, pour ce que vous voy Moult pensis et ne scé a quoy, (...) Avez vous point une parole Oye (...) Que Salomon le sage dit ? (Mir. ste Bauth., c.1376, 98). Je suis aussi com cils qui est ravis, Qui n'a vertu, scens ne entendement, Car je ne sui à nulle riens pensis, Jour ne demi, temps, heure ne moment, Fors seulement à m'amour Et sans partir en ce penser demour. Soit contre moy, soit pour moy, tout oubli Fors li qu'aim miex cent mille fois que mi. (MACH., Bal., 1377, 551). Ne je ne suis onques ne nuit ne jour Que je ne soie adès à li pensis ; Car mes cuers est de li et de s'amour Par sa bonté si durement espris, Qu'elle me fait souvent, com vrais amis, Teindre, palir, fremir et tressuer Et en plaingnant sa douceur regreter. (MACH., L. dames, 1377, 96). ...Que je ne sui onques ne temps ne heure Que je n'aie penser ou souvenir De sa biauté, comment que je demeure Long de sa fine doucour ; Dont il avient souvent que pour s'amour Je sui à li si durement pensis Que je ne sçay se je sui mors ou vis. Car je pers tout le veoir et l'oïr Et le parler, quant en pensant saveure Sa tres fine douçour que tant desir À reveoir (MACH., L. dames, 1377, 149). Voirs est qu'à vous sui durement pensis, Belle et bonne, quant vous m'estes lonteinne, Et qu'en pensant souvent, comme homs ravis, Remir vos biens ; mais cis pensers m'ameinne Joieuse vie et me fait mettre en peinne Vers tous, à fin qu'en bien croisse et habunde M'amour premiers et ma dame seconde. (MACH., L. dames, 1377, 157).

.

Ne pouvoir estre pensif ailleurs : Ne mes loiaus cuers aillours Ne porroit estre pensis, Pour ce que c'est mes retours Et mes humeins paradis. Et s'il vuet autre deport, Je di que fois en li dort Et qu'il est d'Amours partis (MACH., Les lays, 1377, 341).

B. -

"Absorbé dans ses pensées, préoccupé, soucieux" : Et elle me fait desperer, Et s'est a tous de dous acueil Fors a moy qui pour li me dueil, J'eus tel doleur, a dire voir, Que nuls n'en porroit concevoir La moitié toute ne demie, Non pas la centisme partie ; Car tant fui en mon mal pensis Que je fui en doleur transis, Si que je ne sos ou j'estoie, Ne bien ne mal je ne sentoie. (MACH., D. verg., a.1340, 18). Et li enquis Pourquoy son cuer estoit einsi pensis. Finablement tant parlay et tant fis Qu'elle me dist tout ce que je li quis (MACH., J. R. Beh., c.1340, 115). Bien s'en est alée le pas Nostre abbesse et pensive en cuer. Certes bien est jettée en puer Sa bonne vie. (Mir. abbeesse, 1340, 84). Einsi laissai ma dame chiere, Et m'en parti a simple chiere, Tristes, pensis et souspirans, Merancolieus, desirans De venir en aucun destour Ou finer peüsse mon plour, Tant qu'a moy fusse revenus. (MACH., R. Fort., c.1341, 29). Car doubte ay, dont je me marvoy, Que ses gentis cuers envers moy Ne soit irez. Dont je sui trop mal atournez, Tristes, pensis, desconfortez, Quant tous mes biens as destournez, Ne say pourquoy. (MACH., R. Fort., c.1341, 45). Lasse ! je voy la mon mari. Je croy pour moy est moult marri, Car je le voy pensis et morne. (Mir. Theod., 1357, 92). Si deving merancolieus, Tristes, pensis et plain d'anoi, S'au pis assez c'onques mais n'oi ; Quar vraiement j'estoie en doubte De perdre m'esperance toute. Et s'estoie flewes assés Et de maladie lassés, Ne nulz ces meschiés ne savoit, Qu'aveuc moy personne n'avoit A qui je m'osaisse complaindre. Si prins a palir et a taindre Et mes cuers trop fort a fremir, Si que j'en perdi le dormir Et le mangier, car ne manjoie Se petit non ne ne dormoie. (MACH., Voir, 1364, 86). Sachiez pour ma fille sui touz Pensis et melencolieux (Mir. st J. Paulu, c.1372, 104). ...Estre vuet seuls, mournes, tristes, pensis ; Ne puet veoir qu'on joue ne qu'on rie, Contre lui pense, et si le prent au pis. (MACH., L. dames, 1377, 67). Comment puet estre vrais amis Amans tristez et desconfis, Merencolieus et pensis, Qui dist que demeure toudis En doleur et en rage ! À son mal est si ententis Qu'il entroublie le cler vis, Par qui il est en ce point mis (MACH., Les lays, 1377, 454). Si [la dame] dist a son varlet : Arreste et attendons ce chevalier, car je croy qu'il a oublié quelque chose a la fontaine, ou nous dire partie de sa voulenté dont il n'estoit mie pour l'eure advisié, car nous l'avons veu fort pensif. (ARRAS, c.1392-1393, 8). Or dit l'ystoire que tant porta le cheval Remondin, ainsi pensif et plein d'ennuy et de meschief qui lui estoit advenu, qu'il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre ; ne Remondin ne voit ne oit ne entent. (ARRAS, c.1392-1393, 24). Tristes, mornes, mas et pensifs (CHR. PIZ., M.F., II, 1400-1403, 297). La fu appresté a loisir Le soupper ; si furent assis, Joyeux et liez et non pensis. (CHR. PIZ., Dit rose F.E., 1402, 94). SATHAN. Ibi loquatur judici. Juge, tu es cy tout pensif ; Que fais tu ? Te souvient il plus De ce que l'empereur laissus Te dit, il a desja longtemps, Que tous ceulx qui ne sont creans En ses dieux fussent par toy prins Et em prison estroicte mis, Sans leur donner aucung confort ? (Myst. st Adr. P., c.1450-1485, 111). ...pour rapaisier les pensifz coeurs des dames sur ce que j'ay dit (LA SALE, Sale D., 1451, 129). ...et quant il fut approuchiez de Madame tout pensiz ly dist : "Hélas, ma dame, est ce a bon essiant, ou pour moy essayer, que si feible response m'avez faite..." (LA SALE, J.S., 1456, 273). ...sans les povoir plus adviser ne regarder, triste et pensif retourna en sa maison, et seulet se rendit en sa chambre (C.N.N., c.1456-1467, 555). Je voy qu'i sont tres grosse armee Et se sont mis en trois parties, Si requierent avoir meslee Et batailler a quelque pris. Noz gens sont matez et pensis, Que de ce y ne se doubtoyent (Myst. siège Orléans H., c.1480-1500, 651). Et puis luy demanda où il avoit laissé sondit maistre, et ledit Voyaul lui respondit qu'il l'avoit laissé à Meun sur Yevre bien troublé et pensif. (LE CLERC, Interp. Roye, c.1502, 148). Et quant le duc de Bourgoigne le vit, il luy demanda où estoit le conte de Dampmartin ; et ledit Voyau lui respondit qu'il l'avoit laissé à Saint-Fergeau deliberé de s'en aller à son adventure là où Dieu le conseilleroit, et qu'il estoit tant pensif et courroucé que plus ne povoit. (LE CLERC, Interp. Roye, c.1502, 153).

Rem. FROISS., Méliad. L., 1373-1388, gloss. (pensieu).

-

Pensif de qqc. : Mais toute voie Einsi venus d'aventure y estoie, Pleins et pensis des maus qu'Amours m'envoie. (MACH., J. R. Beh., c.1340, 114).

-

Pensif que. "Préoccupé que" : Je suis terriblement pensif Que je ne voy ici personne. (Copp. lard., a.1488, 158).

-

Empl. subst. : ...des joyeux et des pensifs (CHR. PIZ., M.F., II, 1400-1403, 70).