A. -

"Paraître, apparaître, se voir" : Maintiens doit paroir en maniere, Tant au corps comme a bonne chiere, Et doit estre la chiere lie Le plus qu'on puet adès onnie. (MACH., D. Aler., a.1349, 332). Assis a ligne et a compas (Je les mesuray pas a pas) : Caurriers, figuiers et chastingniers, Amendeliers et frans meuriers Qui moult bel la haie paroient, Pour ce que trés bien y paroient. (MACH., D. Aler., a.1349, 393). Po s'en fault que telle prunelle De ce coustel cy ne vous baille Que sur vous en parroit la taille Se viviez jusque a cent ans (Mir. parr., 1356, 13). Daniel en mi eaus se dresse Et dit : "La verité sarez ! L'un long de l'autre separez." Et tantost on les separa. Grant honneur a ce cop ara, S'il fait que la verité pere Par la vertu de Dieu le pere. (MACH., C. ami, 1357, 13). C'est Mesdis qui mon sens changier Vuelt et tous biens de moy chacier Et moy si mortelment playier Que jamais n'iert qu'à moy ne pere. Et si n'en ose l'ueil drecier, Pités ne Loyautés groucier ; Mais Franchise se va mucier : S'en muir de grief mort et amere. (MACH., Les lays, 1377, 371). Et, par dehors, encore pert Plus belle (CHR. PIZ., M.F., I, 1400-1403, 90). ...et la [Scipion l'Africain] se habita et fist une maison dont ancores y parent partie des murs. (LA SALE, Sale D., 1451, 255). ...le jour commence a paroir (C.N.N., c.1456-1467, 124).

-

[D'une partie du corps] : Plus n'en vueil dire ne plaidier, Mais tuit ont les sollers bescuz Et a chascun d'eaus pert li cuz. Mais se li signeur se voloient Ordener, tous les vestiroient De ce qu'il portent seur leur corps. (MACH., C. ami, 1357, 131). Li avoient mis [au cadavre du roi assassiné] unes chausses Rouges, reses, viez et usées ; Et s'estoient toutes troées ; Et uns viez solers emboez Qui tous IJ. estoient troez, Si que l'un des piez li paroit Telement qu'à tous apparoit ; Et un viez chaperon de pers Qui estoit tous mengiez de vers, Ort et vil, et puant, et sale Avoit, mors gisans en la sale. (MACH., P. Alex., p.1369, 272).

-

Empl. impers. : Mais le fer ardant de la flesche Qui le cuer toudis art et seche, Saches certeinnement qu'il art Et bruïst par si soutil art Qu'il n'i pert tache ne arsure, Trace, plaie, ne blesseüre, Et einsi se keuve et engendre Com li charbons dessous la cendre. (MACH., R. Fort., c.1341, 69). Li quars qui en milieu estoit Angles de Dieu le pere estoit, Qu'envoié avoit et tramis Pour reconforter ses amis. N'il ne paroit coulour ne trace En la fournaise n'en la place Dou feu, car il estoit estains Qui si mervilleus estoit ains. Quant le miracle et la merveille Vit li rois, forment s'esmerveille (MACH., C. ami, 1357, 23). S'en sui repris et blasmez durement. Mais je ne say mon ouevre contrefaire, Eins moustre ce que mes cuers scet et sent ; Et les meschiés dont j'ay plus d'une paire, Voire de cent, si pert à mon viaire Qu'ay l'esperit, où ma vie demeure, Triste, dolent, qui larmes de sanc pleure. (MACH., Bal., 1377, 557). ...qu'il ne vient pas de feste. Moult bien y pert a ses escus ! (CHR. PIZ., M.F., II, 1400-1403, 308).

B. -

"Être clair, manifeste, évident" : ...se tenoit le roy de Chippre a moult grant paine a cheval, car sachiez qu'il estoit bleciez de coup mortel, et ne feust que pour le venin dont le dart estoit entechié, et en pou de temps y paru, car il print mort de cellui coup. (ARRAS, c.1392-1393, 106).

-

Empl. impers. : Pour ce que Dieus et Nature la belle, Quant il formerent Celle que j'aim, si fort se deliterent En la trés grant biauté qu'il li donnerent Que loyauté a mettre y oublierent. Et bien y pert ; Que je say bien et voy tout en apert Que ma dame, qui tant a corps apert, Que mes cuers crient, aimme, obeïst et sert, A fait ami Nouvellement, sans cause, autre que mi. (MACH., J. R. Beh., c.1340, 83). En toy estoit m'esperance Toute et ma fiance, Ma joie, ma soustenance. Lassette ! or perdu les ay. Bien pert a ma contenance Et a ma loquence, Car maniere ne puissance N'ay, tant me dueil et esmay. (MACH., L. plour, 1349, 289). Or parra se direz Mençonge ou voir. (Mir. st Sev., 1362, 202). PREMIER SERGENT. (...) Je le vueil batre sur le flanc Premiérement. DEUXIESME SERGENT. Et je sur cestui, tellement Qu'il y parra. (Mir. st Val., c.1367, 161). Fortune dort pour nous [les Sarrasins] quant a present, et a ja fait grant temps, mais elle veille pour les crestiens ; il y pert bien a nous quant a ore, et aussi bien a il paru a nostre cousin le soudant qui a esté mort et desconfit, il et toute sa gent, en ceste ysle. (ARRAS, c.1392-1393, 131). Se il ne prant advisemant, Il souffrira si grief tormant Qu'il y parra. (Myst. st Sébast. M., c.1450-1500, 255).

-

Or y parra. "On va bien voir à l'expérience" : Je n'en puis mais ; or y parra : Voit si conme il pourra aler. (Mir. enf. diable, c.1339, 10). ...Mais humblement vueil endurer Quoy qu'il me face. Mais il n'a pas si grant pooir De moy faire doleur avoir, Com j'ay bon cuer dou recevoir. Or y parra : Se pour ce que j'ay povre espoir De ma douce dame vëoir Et qu'Amours m'a en nonchaloir, Qu'il me fera ? M'ocira il ? Il ne porra, Car ma loiauté m'aidera. (MACH., R. Fort., c.1341, 51). "Fi, Mauvaise gent, mors y serez, Si que ja n'en eschaperez ; Ne ja pour lancier, ne pour traire, Ne porez à garison traire." Et li roys dist : "Or y parra Qui au jour de hui bien le fera. Certes li plus acouardis Doit estre ci preus et hardis, Car il sont anemi de Dieu ; Ne leur lairons place ne lieu, Einsois tous les desconfirons..." (MACH., P. Alex., p.1369, 75).

-

Paroir que : Et la dame, que Dieus honneure, De sa blanchette main polie Le poil de son chief aplanie Et li demande dont il vient, Que rendre raison l'en couvient. Li lions, qui tant la conjoit Que bien pert que moult s'en esjoit, Car de bien et de joie a tant Que plus ne puet, la dame entent, Ce me fu vis, a sa maniere (MACH., D. Lyon, 1342, 178). Il pert bien qu'il est saint preudons, Quant encor vit. (Mir. st J. Cris., c.1344, 281). Et que tous ceaus qui te pourchacent Ne demandent, quierent ne chacent Que par nulle guise on te face Bonté, courtoisie ne grace, Fors justice tant seulement. C'est grant honneur, certeinnement, Et si pert bien que tu te sens De corps et de cuer innocens. Ce te doit moult reconforter Et aidier tes maus a porter. (MACH., C. ami, 1357, 65). ...les Grieux Troyens embatent ; Jusques aux murs de leur cité, Par force et par neccessité, Les font fuyr, et bien y pert Que Hector n'y est ! (CHR. PIZ., M.F., III, 1400-1403, 100).

V. aussi paraistre