Dictionnaire du Moyen Français (1330-1500) - ATILF - CNRS & Université de Lorraine

[D'un corps céleste, en partic. du soleil] "Brillant, luisant, resplendissant" : L'estoile, quant luist nete et clere... (ACART, Prise am. H., 1332, 24). Li clers solaus, la belle lune, Et des estoiles la commune, Li XIJ. signe et les planettes, Qui sont cleres, luisans et nettes, Ordenerent un parlement, Fait de commun assentement. (MACH., P. Alex., p.1369, 1). Quant Nostres Sires fist le monde, Où tous biens naist, croist et abonde, Il fist premiers le firmament, La terre et quanqu'il y apent ; Le biau soleil et les planettes, Les estoiles cleres et nettes, Et la lune, pour alumer Par nuit l'air, la terre et la mer, Le jour, la nuit et la semainne, L'omme, la femme, à po de peinne (MACH., P. Alex., p.1369, 190). ...apparu eclipse de soleil tel que le soleil, qui une heure paravant luisoit moult bel, net et cler, souffri tel defaut de clarté ou bas monde que l'en ne voioit ne que à l'eure de X heures de nuit (BAYE, I, 1400-1410, 159).

"Propre, sans souillure"

[D'une chose] : Vezci un coffre bel et net, Maire, que vous fas apporter Pour ce corps en terre porter Honnestement. (Mir. femme, 1368, 196). Il est une aultre maniere d'enter : que l'en prent un net bourgon, que l'en met avecques miel, ou aultre chose, ou lieu dont l'autre bourgon est levé (Rustican H., 1373-1374, 80). ...de nette gencive (LE FÈVRE, Respit Mort H., 1376-1380, 129). La a de povres maisonnettes, Mais moult sont jolies et nettes (CHR. PIZ., M.F., I, 1400-1403, 124). Et quant serez en vostre pourpoint lassiez et vos chausses bien nectes et bien tendues et voz solers bien nez, lors vous pignez (LA SALE, J.S., 1456, 44). Si fist sa bonne femme l'ostel apprester, tendre, parer, nectoyer et orner au mieulx qu'il fut possible. Bref, tout estoit bien net et plaisant (C.N.N., c.1456-1467, 462). [De souliers] ...fais nés que pepin (MOLINET, Myst. st Quentin C., c.1482, 227).

Garder qqc. net : Mais pour le garder [mon escript] net et miex Le vueil plier ; miex l'en tenray. (Mir. st Alexis, 1382, 351).

Mal net. "Malpropre" : Il [un cheval] est velus comme uns louviaux, Et s'a les .IV. piez nouviaus, Espavins, courbes et moletes, Et s'a les jambes trop mal nettes, Car nuls nettoier ne li puet, Pour ce que souffrir ne le vuet. (MACH., Compl., 1340-1377, 263).

[Du corps, de la peau] "Propre" : Sy la fist despouller et laver son corps (...). Et lors lui demoura la chair plus blanche que nesge et nette comme perle. Et quant la royne eut ainsi fait laver et nettoier la pucelle... (Percef. III, R., t.2, c.1450 [c.1340], 366).

"Propre, sain" : Le quatriesme jour regarde la peau et avise si elle est nette ou non (PREVOST, Cir. Guill. Salicet, 1492, I, 3). Et la cause que l'un escape c'est que son corps est net, et n'a pas le corps preparé ne remply de matiere disposee a recepvoir celle infection (LE FORESTIER, Rég. épid. pest., 1495. In : Chrestom. R., 279).

[Du temps qu'il fait, de l'air, du ciel...] "Pur, clair, serein" : Et li jours fu attemprez par mesure, Biaus, clers, luisans, nès et purs, sans froidure. La rousée par dessus la verdure Resplendissoit Si clerement que tout m'esbloïssoit, Quant mes regars celle part guenchissoit, Pour le soleil qui dessus reluisoit. (MACH., J. R. Beh., c.1340, 58). Si que ces tempestes cesserent, Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus (MACH., J. R. Nav., 1349, 148). La matinee ert clere et nette. (FROISS., Espin. amour. F., c.1369, 156). ...s'estoit li temps nés et clers (MACH., P. Alex., p.1369, 196). Item, il [le ciel] est excellenment merveilleux en qualité et biauté, car il est tres parfectement pur et net et cler et plain de lumiere (ORESME, C.M., c.1377, 280). Or avint que celle tourmente cessa assez tost et devint la mer calme et paisible et le temps cler et net. (Percef. III, R., t.2, c.1450 [c.1340], 129). ...le jour apparut bel, neth et joieulx (Comte Artois S., c.1453-1467, 19). Tout à coup cessa la tempeste Et le temps, qui si fort tonnoit, Fut lors purgé et bien tost net (Vie st Mathurin M.R., 1489, 381).

[D'un liquide, de l'eau] "Limpide, pur" : Si me mis outre la haiette Sus la fonteinne clere et nette Ou mon vis lavay et mes yeus ; Et puis je m'assis ; car li lieus Ou einsi m'estoie arrivez Me sambloit estre moult privez. (MACH., R. Fort., c.1341, 31). Si beusse bien un cliquet Avant de vin, mais qu'il fust net, Fin, cler et bon. (Mir. prev., 1352, 235). ...bons vins clers et netz (SAINT-GILLE, Comment. A.Y. L., 1362-1365, 309). ...sang pur et net (SAINT-GILLE, Comment. A.Y. L., 1362-1365, 309). De toutes herbes à racine Qui puelent porter medecine Trueve on là à très grant planté, Que Sarrasin y ont planté. Moult y a de belles fonteinnes Qui sont nettes, cleres et sainnes. Là croist le sucre et la kanelle, Et mainte espice bonne et belle ; Mais il n'i a point de riviere. (MACH., P. Alex., p.1369, 211). Aprés li vueill aprendre de mettre l'iaue fresche deux foiz le jour, une a matin et [autre] au vespre ou vaissel ou les chienz bevront, qui soit clere et nete, de fontaine ou de ruissel courrant. (GAST. PHÉBUS, Livre chasse T., 1387-1389, 140). SAINCT MARTIN. Or vous fault il soubdaynement, Pour en Dieu mieulx vous atizer Et faire son commandement, En ce lieu cy vous baptiser. Ainsi vous pourrez diviser Le mal de la chose parfaicte. Messieurs, je vous veulx adviser C'on m'aporte un petit d'eau necte. (LA VIGNE, S.M., 1496, 384).

[Des larmes] "Pur" : Il ploura larmez tres ameres, De cuer contrit, nettes et cleres (LE FÈVRE, Respit Mort H., 1376-1380, 132).

[D'un écrit] "Propre, sans rature"

Empl. subst. masc. Mettre au net. "Écrire sous une forme définitive et propre" : ...pluseurs des officiers de recepte de mondit seigneur se sont obligiez des deniers de leurs receptes de l'annee commençant en janvier IIIIc et XIX, comme il puet apparoir par ung fueillet de papier ataché aux lettres des gens desdiz comptes, certiffié par ledit Jehan Fraignot, comme pour avoir doublé et mis au net en son papier sept fuilles de papier où sont escriptes les valeurs des chastelleries de Verdun (Comptes Etat bourg. M.F., t.2, 1420, 832). Item lesditz greffiers mectront et rédigeront au net en ung papier appart tous les procès des crimineulx (Vieux cout. Poitou F., c.1451-1454, 263). ...pendant lequel temps les comptes dudit Huguet, qui vint audit lieu de Paris furent grossés et mis au nect (Aff. Jacques Coeur M., 1453-1457, 121). À Me Jehan Longuejoue, conseiller et advocat du Roy nostre sire oudit Chastelet, pour la devise de certain advertissement par luy fait pour ladicte ville contre Jehan Marcel, contenant vingt huit feuillets de papier, touchant le second incident, 76 s. p., et à son clerc pour l'avoir mis au net, 19 s. p. (Comptes Paris M., t.2, 1457-1458, 88). Lesquelz interrogatoires et confessions furent mis au net et envoiez devers le roy. (BUEIL, I, 1461-1466, 352). En ce present volume sont redigées par escript les cronicques de feu maistre Jehan Molinet (...), recoeullies, escriptes et mises au net de la main Augustin, filz dudit feu Molinet (MOLINET, Chron. D.J., t.1, 1474-1506, 1).

[D'une pers.] "Propre, soigné, élégant" : Moult estoit Blanchandine belle, courtoise et nette (Tristan Nant. S., c.1350, 145). ...elle ne l'avoit oncques mais jusques ad present osé admener (...) comme jusques ad ce que icellui enfant feust assez grant, et qu'il sceust aler et parler, et feust nect, pour soy contenir et maintenir honnestement entre ses paraulx petiz enfans. (Reg. crim. Chât., II, 1389-1392, 121). Preux et hardi il est et plain de grant courage, Gracïeux, net et gent (Flor. Octav. L., t.2, c.1400, 527). ...il est beau filz et net (VILLON, Test. R.H., 1461-1462, 93).

"Pur" : ...il est nait et tres semblable à ange (Expos. songes B., 1396, 60).

[D'un lépreux] "Sans tache, guéri" : Nis le conte de Malepel, Qui estoit droit pourri mesel, A elle gari tout a plain Et rendu tout net et tout sain (Mir. emper. Romme, 1369, 298).

[D'un animal] "Propre" : Uns siens voisins li envoia Une tres bele haguenee, Bien alant et bien ensellee, Et un trop gentil esprivier, Bien affaitié pour le gibier, Et si ot un petit chiennet Qu'eins ne vi si bel ne si net. (MACH., F. am., c.1361, 184). Asne (...), soyes net et non polut de ta fiente (COLART MANS., Dial. créat. R., 1482, 260).

Se tenir net : Mais souvent a li [le lion] m'esbanoy Et y preng mon esbatement Sans doubte, aussi hardiement, Com se fust un petit chiennet. Et sachiez que si se tient net Qu'onques beste ne vi plus nette. Ne say qui ce li amonette ; Mais je l'en voy plus volentiers. (MACH., D. Lyon, 1342, 227).

[Du faucon, p. opp. à ort dedans] Net dedans. "Dont les déjections ne sont pas mêlées de glaires et de mucosités" : Et dois tous jours prendre garde se les plumes que il getera seront point ordez et gleteusez et se l'ordure sera point gaune. Et se tu le[s] treuves ordes, si met painne, tant par char lavee comme de plumez, de le faire net dedens. (HENRI FERR., Modus et Ratio, Livre deduis T., c.1354-1377, 183). Et, quant le verrez en grant fain, Bien net dedans, seür et sain... (LA BUIGNE, Rom. deduis B., 1359-1377, 354).

"Sans défaut"

[Du corps, d'une partie du corps] : Net, odorant, Lonc et traitif, de taille bien sëant Avoit le nés au viaire afferant ; Car il n'estoit trop petit, ne trop grant. (MACH., J. R. Beh., c.1340, 70). Lors prist doucement a sousrire Et de sa blanche main polie, Poteleuse, nette et onnie, En signe d'eüreus amant Me mist un trop biau diamant En mon doy, et prist l'anelet D'Esperence, tel comme il est. (MACH., R. Fort., c.1341, 149).

[D'un aliment] : Vezcy viande bonne et nette, Dont mengier vous convient (Mir. fille roy Hongrie, c.1371, 42). Ung grant pleisir certes aré Si je puis avoir le prophete A disner. Je m'y assayeré, Mes il fault premier que tramecte Chasser pour avoir viande necte. (Pass. Auv., 1477, 139).

"Intact, qui ne porte aucune marque d'usure" : Esprouver veulx ma dague neufve, Neufve et entiere, sayne et necte. (LA VIGNE, S.M., 1496, 182).

[D'un territoire] "Intact" : ...tout lui demeuroit franc et net, parmy ce que il jura la paix faite à Troyes (CHASTELL., Chron. K., t.1, c.1456-1471, 308).

Mettre qqc. au net. "Mettre qqc. en ordre" : ...et eult le dit Guillaume plusieurs et divers ennemis, et envoya au roy Henry, comme a son souvrain seigneur, requerir "qu' il luy aydast" contre ses ennemis, ce que le roy Henry fit, et luy mist "sa" duchié tout au net, et tellement que oncques puis on ne luy osa demander riens, et luy obeyrent tous ses subgetz. (JUV. URS., T. crest., c.1446, 75). Qui vouldroit au long racompter La legende de Triboullet, Il fauldroit bien la hault monter Pour haultement la mettre au net. (Vig. Trib., c.1480, 232).

"Sans rien qui dépasse, sans inégalité" : Verray je point que une fois police Soit gouvernee par l'ordre de Justice Et c'on soubstienne em bon droit Povre Peuple, Sans avoir plus faveur au fort qu'au foible, Netz, tout uny pesé a la balence ? (Pouvre peuple H., c.1450-1492, 196).

Net de corps. "Sain" : ...onques ne remit ["resta"] sain et sauf, net de corps et de membres, droit allant, bien estant à cheval, buvant, mangeant et faisant bonnes chières comme oncques (CHASTELL., Chron. K., t.4, c.1456-1471, 458).

"Pur (sans rien d'autre que ce que le subst. désigne)"

[D'une chose concrète] : Et le fin or ou aultre metal, de tant qu'il est plus obeyssant et menable au martel, de tant est il plus fin et plus pur et plus net. (FILLASTRE, Traité Conseil H., c.1472-1473, 190). À Alain Legrant, mulletier, pour deux potz de beurre qu'il a baillez, au karesme derrenier, pesans XXX l. beurre net, à raison de deux gros la livre (Comptes roi René A., t.3, 1479, 309).

[P. ell. de laine] : ...lequel Huguet lui monstra lesdictes laynes qu'il avoit fait déserpillier et mectre au grenier dudit hostel et avoient esté triées et estoit la grosse appert et la necte et meilleur estoit d'autre. Et dit qu'il y avoit plus grant monceau beaucopt de la bonne que de la mauvaise et dit qu'il avoit ainsi faicte séparer par le conseil d'un courratier de laynes (Aff. Jacques Coeur M., 1453-1457, 511).

[D'un reliquat de compte] "Dont on a déduit tout élément marginal, toute charge"

De net. "Sans charge" : Et quant à la somme de 507 escus et quart restant de nect ledit Quercin m'a dit et affermé, en la présence des dessusdiz, qu'il avoit fait toute diligence possible de cueillir et amasser argent de toutes pars pour fournir à ladicte somme qu'il devoit de reste et qu'il n'avoit pu finer ne recouvrer jusques à présent que ladicte somme de 833 escus (Aff. Jacques Coeur M., 1453-1457, 53).

Rem. Venir de net : Lettres Louis XI, V.M., t.10, 1483, 466.

[Appliqué à un subst. de valeur négative] "Qui est pleinement et seulement ce que dit le subst." : Vierge, or te requier, Et martire Dieu, sainte Angnès, Puis qu'il te tolt com felon nès Ton jardin, qu'a Dieu en demandes Avoir droit (Mir. prev., 1352, 241). Boescez, Sages homs et de grant proescez, Qui la nette povreté prise Et grant richesce asséz desprise, En ses dis bien me reconforte. (LE FÈVRE, Respit Mort H., 1376-1380, 13).

[Idée de vacuité]

[D'une pers.] "Dénudé" : Je suis aussi net que une paille. Il ne m'ont laissé pot ne peelle, Mais ont tout prins et cru et cuit. (Pouvre peuple H., c.1450-1492, 199).

[Du ventre] "Vide, sans pesanteur" : PREMIER POVRE. (...) Ce qu'er soir n'oy, mon ami chier, Que souper me fit descouchier Si matinet. DEUXIESME POVRE. Tu en as le ventre plus net Et la fourcelle et l'estomac. (Mir. Pierre Changeur, c.1378, 231).

Net de. "Vide de" : ...une bande petite de quelzques hommes d'armes desrompus, venans au long de ladite grève qu'ilz veoient toute nette de gens, vindrent assaillir le roy et ce varlet de chambre. (COMM., III, 1495-1498, 187).

"Dépourvu de" : Et m'en retournay en ce point, D'angoisse plain, de soucy point (...), D'argent net, de pouvreté plain (Abuzé D., c.1450-1470, 93). Sire, nous n'avons rien pour eulx, Nous sommes tous nés de monnoye. (MOLINET, Myst. st Quentin C., c.1482, 341).

"Exempt de, débarrassé de" : Pour ces trois choses est dit paradis saint, car il est net de toute ordure et sanz nulle inquinacion... (Mir. march. larr., c.1349, 91). ...leur benoit corps glorifié sentiront tant agile, mouvant, sain et legier, nonobstant la solideté et espesseur du corps et membres, que partout où il leur plaira pourront passer et entrer, sans ouverture faire, dont quant à plaisir leur vendra par maniere de soulas pourront eulx transporter en cestui monde, qui adont sera mondifié et la terre toute consommée par feu, si que le dit la Sainte Escripture, et fait net de toute ordure, plus cler et transparant que cristal, et fait bel et dellitable merveilleusement, si iront du ciel ou monde à leur plaisir, sans separer de leur gloire, ne de riens l'amendrir, ne la vision de Dieu. (CHR. PIZ., P.V.H., 1416-1418, 49). Le matin, que maistre Hues eust bien veu tout son fait trouva son corps sain et net de doleur de teste, de fievres et de tous autres maulx (LA SALE, J.S., 1456, 241). ...net de galles et de suros (Devin. R., c.1470, 348).

Faire le verre net. "Le vider complètement, en boire tout le contenu" : Vous verrés tous les archiers treyre A bonnes fleches contre som corps, Et, si j'en puis estre recors, Je tyreray du goubellet Et feray bien le verre net. (Myst. st Sébast. M., c.1450-1500, 151).

Faire place nette. "Vider, ne rien laisser" : Tout partout ou fut demourant Pour choppiner fut esprouvé. Tout partout ou estoit trouvé, De sa personne fort honneste Qui faisoit tousjours place nette Pour humer pinte d'une alaine, Il buvoit quarte toute pleine. (Vig. Trib., c.1480, 229).

Laisser place nette. "Laisser un lieu libre, épargner un lieu" : La Mort happe tous aux garestz Prestres, paisans, seigneurs et roys, En mer, terre, fleves et boys, En rues, en chateaux, en citez, Desers et lieux inhabités, Et [ne] se pourra nul sauver. En chault esté ne froit yver, Cours de lune ou aultre planette Ne scauroient lesser place nette En quatre ans que Attropos n'occise. (Cene dieux, c.1492, 133).

Mettre au net. "Vider (ici piller)" : ...prirent [la ville] par puissance et entrèrent dedens, la pillèrent toute et la misrent au net (CHASTELL., Chron. K., t.3, c.1456-1471, 351).

Rem. JEAN BOUTILLIER, Somme rural, 1393-1396 (éd. 1486), ds GDC X, 200c ("débarrasser de tout ce qui charge").

Mettre à net de. "Vider, débarrasser de" : Je veulx que soit tout mis a net Le paix ["pays"] de ses faulx crestïens. (Myst. st Sébast. M., c.1450-1500, 68).

B. -

Au fig.

[D'une chose abstr.]

"Clair" : ...par conclusions nectes. (Cene dieux, c.1492, 111).

"Honorable, irréprochable" : ...la gieste Doon fut la plus nette et la plus noble (JEAN D'OUTREM., Myr. histors G., a.1400, 14). L'estat est net Que d'un beau bergier en pasture ["que celui d'un beau berger en train de garder son troupeau"] (Moralité cincq pers. B., 1484, 41).

[D'une pers., de son coeur, de sa pensée, de sa vie, de son attitude...] "Sans défaut, sans tache, pur, innocent" : Message de Dieu purs et nès, Vous soiez li tresbien venuz. (Mir. enf. diable, c.1339, 35). ...dames, chevaliers et pucelles, Et d'autre gent grant compaingnie, Moult joieuse et moult envoisie Qui dansoient joliement ; N'il n'avoient la instrument, Ne menestrels, fors chansonnettes Deduisans, courtoises et nettes. Quant je les vi, moult m'esjoy, Et plus, quant je les entroï. Lors alai tantost celle part. (MACH., R. Fort., c.1341, 124). [Bonne Esperance] Bonne, gentil, franche, amiable, Loial, noble, honneste, crëable, Large de joie et de confort, Abandonnée en reconfort, A bien faire et raison encline, Tant par est nette, pure et fine En fais et en meurs, que son ouevre Bonne appert partout ou elle ouevre. (MACH., R. Fort., c.1341, 140). La blanche espée signefie Purté de cuer et nette vie ; Car cils qui meinne vie pure, Sans mal, sans pechié, sans ordure, Ara l'ame polie et blanche Devant Dieu, plus que noif sus branche (MACH., P. Alex., p.1369, 13). Mais par bon sens ou science profonde (...), Se puet chascun maintenir net et monde Et en tous lieux saigement gouverner. (DESCH., Oeuvres Q., t.1, c.1370-1407, 242). S'a diffamé maint grans personnes, Nettes, loyaulx, feaulx et bonnes (BOUVET, Appar. Meun A., 1398, 12). ...et n'est pas merveilles que, aux consaulx qui doivent estre netz, chascun conseille a la plaisance de son seigneur ou pour soy meismes (LA SALE, Sale D., 1451, 35). Ha ! vous me cognoissez encores mal, et ne savez combien net et entier mon cueur veult estre et demourer ! (C.N.N., c.1456-1467, 444). ...[vous] avez maintenant necte pensée, courage chaste et honeste (C.N.N., c.1456-1467, 562). ...qu'ilz soient gens de honeste vye et de bonne conscience, de courage feable et net. (FILLASTRE, Traité Conseil H., c.1472-1473, 181). Las, mon cuer nect Est ja tout prest - a morir si ce m'est le mieulx ! (Pass. Auv., 1477, 257).

Rem. CHASTELL., Chron. K., t.5, c.1456-1471, 112.

(Dame) nette et pure : Car loyal, secrée, De bonne renommée, Sans faus tour, Franche et esmerée, Nette, pure, affinée, La millour De toutes et la flour, Sans mal, sans deshonnour, Estes apellée. (MACH., Ch. bal., 1377, 592). Mais ce n'est pas droiture Qu'einsi pour loyauté Soie à desconfiture, Car j'ai sans fausseté Ma dame nette et pure Servi et honnouré. (MACH., Ch. bal., 1377, 597). Dame de meintieng joli, Plaisant, nette et pure, Souvent me fait dire : "aymi" Li maus que j'endure Pour vous servir loyaument. (MACH., Ch. bal., 1377, 610). Dame plaisant, nette et pure, Delitable à regarder, Vo gracieuse figure Et vo doulz viaire cler Desir tant à remirer Que tous mes scens s'en desvoie (MACH., L. dames, 1377, 41). Adont le fruit cueil D'espoir, se vrais estre vueil Vers vous, dame nette et pure. (MACH., L. dames, 1377, 185). Et ce me fait bleceüre Grief et dure Et me tolt envoiseüre ; Mais je ferai mon pouoir Que ma dame nette et pure Soit seüre Que loyaument, sans laidure, L'aim et sers sans decevoir. (MACH., Lays, 1377, 333).

Estre net (de coeur / de pensee...) : J'ay, passét a plus de .X. ans, Oy dire que mesdisans Sont necessaires en amours Et que leurs jangles et leurs mours Font estre meinte bonne dame Nette de corps, de cuer et d'ame Et garder bonne renommée En fait, en dit et en pensée, Et les amans mettre à mesure, Quant desirs trop les desmesure. (MACH., Compl., 1340-1377, 267). Après, Honnestez doucement Se sëoit moult honnestement, Qui parée par grant noblesse Estoit d'un mantel de simplesse. Mais nette estoit, sans nul reprouche, De cuer, de corps, de main, de bouche. (MACH., J. R. Nav., 1349, 179). Mais s'un petit t'i vues esbatre, Joue vint gros ou vint et quatre A dames et a pucelettes, De cuer et de pensee nettes. Et se tu gaaingnes leur argent, Donne le tantost a leur gent, Et le tien aussi, sans plus dire. Et se tu pers, n'en fai que rire. (MACH., C. ami, 1357, 138).

Pur et net. "Parfait" : Filz de Dieu est, en verité, En humanité pure et necte ! (Pass. Auv., 1477, 132).

Tenir qqn à net. "Considérer qqn comme innocent, le disculper" : ...et il le dèsencoulpa et le tint à net (CHASTELL., Chron. K., t.1, c.1456-1471, 344).

Empl. subst. "Celui qui est pur, exempt de péché" : Ces deux promesses fait Jhesu Crist ; l'une aux nes de cuer, l'autre aux paisibles. Et quelle purté fut plus grande a autruy que en ycelluy qui tout estoit getté en l'ardent fournaise de vive amour ? (GERS., P. Paul, a.1394, 513).

[D'un animal] "Incapable de nuire" : Mais souvent a li [le lion] m'esbanoy Et y preng mon esbatement Sans doubte, aussi hardiement, Com se fust un petit chiennet. Et sachiez que si se tient net Qu'onques beste ne vi plus nette. (MACH., D. Lyon, 1342, 227).

Net de. "Exempt de, pur de, innocent de" : Cils n'est pas de pechiet trop nais (JEAN DE LE MOTE, Voie d'enfer P., 1340, 133). Et vraiement bien dire puis Que d'umblesse est fonteinne et puis ; Qu'onques turtre ne turterelle, Aingnaus, coulons, ne coulombelle, Damoiselle, ne pucelette Ne pot estre d'orgueil plus nette, Ne plus pleinne d'umilité, Acompaingnie de pité, En tous cas et en tous endrois, De li. (MACH., R. Fort., c.1341, 8). Et s'il a chevalier ou monde Ferme, loyal, net, pur et monde De mal, je vous vueil accepter Pour tel, sans nul autre excepter. N'onques en vous nul mal ne vi, Fors cuer franc, d'onneur assevi. (MACH., P. Alex., p.1369, 243). Amis, la vierge debonnaire Te doint tele penance emprandre Qu'a Dieu puisses ton ame rendre De tous maux nette. (Mir. Rob. Dyable, c.1375, 47). ...mais de tout ce qu'il avoit confessé, l'evesque de Poitiers estoit pur et net, et tous autres qui en ladite gehine avoient esté accusez n'y avoient nulle coulpe (Reg. crim. Chât., I, 1389-1392, 539). Si n'estoient pas tous les chiefs Les plus nets de plusieurs pechiez (CHR. PIZ., M.F., II, 1400-1403, 54). Et combien que ma conscience soit nette de ceste malaventure... (Percef. III, R., t.2, c.1450 [c.1340], 34). ...sans traÿson ne faulx rapport, ce dequoy nous vous tenons net et pur. (Percef. IV, R., c.1450 [c.1340], 57).

II. -

[Empl. adv. ; employé en loc. adv.]

A. -

Adv.

"Sur le coup, instantanément" : Mais lui (...) donna tel cop au roy Lucidés qu'il l'emporta net hors de la selle (Percef. III, R., t.2, c.1450 [c.1340], 332).

Rem. Proche de l'empl. adj. dans guérir net (un oeil), "guérir (en sorte que l'oeil redevient net, sans impureté, sain)" : "Si vous me voulez garir et delivrer de ce mal sans la perte de mon oeil, je vous donneray bon vin", dit le chevalier. Le marché fut fait, et [le médecin] entreprint garir net cest oeil (C.N.N., c.1456-1467, 503).

"Entièrement, complètement"

Plus net. "Plus entièrement, plus parfaitement" : Ilz sont (...) Treize portans chappeaulx rouges Qui tiennent l'estat, sans mensonges, Plus curieux que roys du monde, Plus net servy (BOUVET, Appar. Meun A., 1398, 39).

Si net que... "Si complètement que" : ...car sy net estoit le noble sang destruit que... (Percef. IV, R., c.1450 [c.1340], 955).

B. -

Loc. adv. Tout à net/Tout au net. "Complètement" : Ne peut malade a li venir Qu'il ne garisse tout a net, Quelque maladie qu'il ait, Sanz herbes mettre ne racines (Mir. st Val., c.1367, 131). Les chienz le faudront tout a net (...). Et, si les chienz le faillent tout a net et le veneur ne eulx n'i peuent mettre autre conseill... (GAST. PHÉBUS, Livre chasse T., 1387-1389, 203). ...ledit messire Jaques de Harecourt, à main armée, entra en aucunes des villes dudit messire Emond et les pilla toutes au net, (...). Et tost après ledit messire Emond de Bomber, en rendant le pareil, courut les villes dudit messire Jaques. (MONSTRELET, Chron. D.-A., t.4, c.1425-1440, 42). Lesquelz François se assamblèrent avec pluiseurs de leurs gens sur les marches de Santhers et d'Amiennois, et pillèrent en pluiseurs lieux les pays audit duc, et de ceulx qui avoient tenu son parti. Et meismement destroussoient tout au net ceulx qu'ilz povoient attaindre de ceste partie, tant nobles comme aultres. (MONSTRELET, Chron. D.-A., t.5, c.1444-1453, 199).

Rem. Doc. 1395 (Abbeville, abatre tout au net les maisons des malfaiteurs) ds GDC X, 200c.

III. -

[De marchands de vin] Aller au net. "Faire la visite des celliers"

Rem. Doc. 1458 (Lille, on alloit au net dans les celiers la nuit de la Toussaint) et 1495 (Lille, en allant au net) ds GD V, 490b.

DMF 2020 - Synthèse

Robert Martin

Fermer la fenêtre