[Conj. de coordination nég.]

A. -

[Pour coordonner une proposition à une proposition nég.] "Ni" : ...il n'a paÿs Ou monde tant que tierre dure, Ne tant que mers a encloture, Ne tant que li elyment vont, U crestÿen ne payen sont, C'on ne parlast dou gentil conte (JEAN DE LE MOTE, Regr. Guill. S., 1339, 29). ...nulz ne savoit dire De voir ou vous estiez, sire, Ni en quel lieu [ni personne ne savait dire en quel lieu]. (Mir. prev., 1352, 267). N'avoient vouloir de mesprendre Vers le pays, ni faire grief, Ains y pensoient estre brief (CHR. PIZ., M.F., III, 1400-1403, 31). Alez vous en, coquarde fole, Et de cecy plus ne parlez, Ne jamaiz ne le revelez A homme du monde vivant (Myst. st Adr. P., c.1450-1485, 52). Et commencerons à vostre bysayeul, pere de vostre ayeul, archeduc d'Austrice, sans en ce parler ne comprendre Empereurs, Roys ou aultres grans princes entre deux, ayans regné, du nom de ceste seigneurie, et dont estes yssu (LA MARCHE, Mém., I, c.1470, 26). ...et fut grand adventure que de tous poinctz lesditz Florentins ne furent detruictz, car ilz avoyent esté longtemps sans guerre ny ne congnoissoyent leur peril. (COMM., II, 1489-1491, 272).

-

Ne ... ne pas / ne point : Ceste gent, dont ie vous parle, il ne courtillent ni ne labourent point en terre (MANDEVILLE, Voy. L., p.1360, 263). Condilomates n'ont point de pié ne ne se sont pas en forme ne en maniere d'une figue mais ont une tuberosité dispersé sans pié et aulcuneffois flue d'elles une humidité subtile (PREVOST, Cir. Guill. Salicet, 1492, I, 45).

B. -

[Pour coordonner un terme à un autre dans une proposition nég.] "Ni" : Une autre espere encor revi Ou n'avoit feu ne fumee (GUILL. DIGULL., Pèler. âme S., c.1355-1358, 121). ...les eunuches, ou chatrez, ou malleficiez, ressemblent aux fames, car ilz ne sont pas pelez ou chauves ne barbus (SAINT-GILLE, Comment. A.Y. L., 1362-1365, 180). Ne portoit perches ne bastons, Ainçois aloit a atastons, Querant les voies et les sentes (MACH., Voir, 1364, 626). Dame de la gloire celestre, Vierge en qui toute grace habonde, Mére, telle c'onques seconde Ne fu devant toy ni après, Rose, lis de biauté, cyprès Souuef flairant par bonnes euvres, Tes yex de doulceur vers moy euvres Et en ta pitié me regardes Et de mort vilaine me gardes. (Mir. Oton, c.1370, 380). Aviron ne perches n'aront, Mais aval l'iaue s'en yront La ou Diex les vouldra mener (Mir. ste Bauth., c.1376, 157). ...toutevoies n'a il aucun pover ne office de juge, de absoudre ou de condempner le prisonnier. (Songe verg. S., t.1, 1378, 83). L'autre point, qu'honnestement cuevre Son corps, ses jambes et ses piez, Et se ses habis estoit viez, Qu'il ne soit ors ne descousus, Taichiez, soilliez ne desrompus (DESCH., M.M., c.1385-1403, 139). Et illec les puet on bien fouir et prendre, mais que il soit en plain païs mais non pas en roches ni en costes. (GAST. PHÉBUS, Livre chasse T., 1387-1389, 100). Et en tous les habiz et aornements de toutes les gens dessus nommés, n'a nulle differance de façon ni d'aultre usage que tel ne le puisse porter l'un comme l'autre, excepté les differances des faisseaulx dessus nommez. (Voy. Jérus., c.1395, 44). ...sanz ce que ledit preneur ne ses ayans cause, durant le dit temps, en puisse ne doye prendre aucun prouffit ou émolument (Chartes Ste-Chapelle Vincennes B., t.2, 1397, 548). Pharaon ne fut mie humilié par lions ne par hours, mais mostches et roagnes le gastirent et son orgueil abaissirent. (Élucidaire V, K., p.1400, 309). Et donna li papes par pluisseurs fois a diner en son palais, liquels, pour le temps dont je parole, n'estoit pas si biaus ni si raemplis de cambres et d'edefisces conme il est pour le present (FROISS., Chron. D., p.1400, 241). ...quand un noble homme venoit en eage compétent de porter armes, jamais ne cessoit, non doutant péril de corps, peines, ni travaux que advenir luy pust, qu'il n'allast enquérant les hauts faits d'armes et les beaux voyages d'outre-mer et autre part (Faits Lalaing K., c.1470, 2).

-

Ne... ne... : Or veulg que vous jurés (...) Que jamais en nul jour (...) Vous n'aiderés les .IIII. qu'avés enjennouis En l'encontre de moy ne en fais ne en dis (Renaut Mont. B.N. V., c.1350-1400, 211). Gettez sur li sanz contredit, Afin que le feu tost esprengne, Si que de lui riens ne remaingne Ni char ny os. (Mir. femme, 1368, 217). Mes il ne avoient ne sacrefices ne prestres. (ORESME, Pol. Arist. M., c.1372-1374, 304). Mais je n'en puis ne gieu ne ris attraire, Einsois me fait pis qu'elle ne soloit (MACH., L. dames, 1377, 55). ...ne arque ni table ne riens que liens fusse ne povoit se tenir en son lieu, ains alloye per la nef a través de la gent tant se tourmentoyt la nef, et chescune foix nous penssions qu'elle versse par l'un bort ou pour l'autre. (CAUMONT, Voy. N., p.1420, 58). Aussi est bon certainement Quérir un tel hébergement Où n'ait prèz noyers, ne séues, Figuiers, jusquiame, cicues, N'autres choses portans encombre Par leur oudeur ne par leur ombre (LA HAYE, P. peste, 1426, 79). ...et le tiendra si fort qu'il ne pourra tirer n'avant n'arrière (BUEIL, II, 1461-1466, 52). Le medecin ny froit ni chault Ne me faict, pour toute substance, Fors Jhesucrist qui est la hault, En qui j'ay mys mon esperance. (LA VIGNE, S.M., 1496, 564).

.

[Aussi en phrase positive, les deux ne servant de contexte nég. à l'autre] : ...ensi estoit celle tresseinte eawe ne trop froide ne trop chaude, mes bien tieve (HENRI LANC., Seyntz medicines A., 1354, 202). Vous portastes, digne Vierge, princesse, Jhesus regnant qui n'a ne fin ne cesse. (VILLON, Test. R.H., 1461-1462, 80).

.

Ne plus ne moins : Suis je donc devenu ane ? Je en porte bien les ensenhes : Je ay la cue et les aurelhes, Ne plus ni meyns, come ung ase ! (Fol. Mari A., a.1470, 510).

-

[Dans une proposition comportant sans] : Mais li feus qui tout art et robe N'empira le corps ne la robe Des Juïs qui furent emmi L'ardant feu et de Dieu ami, Nes un seul cheveu de leur teste, Eins demenoient joie et feste Sans sentir le chaut ni l'odour Dou feu ne de sa grant ardour. (MACH., C. ami, 1357, 22). ...riens ne l'ordoit [la fontaine], Ains couroit moult rade et moult vive, Sans buse ne tuiel ne tive. (FROISS., Pris. am. F., 1372-1373, 85). ...Sans boire ne citre ne vin. (ALECIS, Passe temps P.P., 1480, 208).

-

Ne ... ne pas : ...quar ceruze ne amidon ne sont pas triacles aux medecines stupefactives, car elles ne rompent pas suffisamment leur malice (SAINT-GILLE, Comment. A.Y. L., 1362-1365, 184).

-

Ne mie... ne : Et sicom eawe de baigne doit estre tieve, ne mye trop chaud ne trope froide, ensi estoit celle tresseinte eawe ne trop froide ne trop chaude, mes bien tieve (HENRI LANC., Seyntz medicines A., 1354, 202).

C. -

[Pour coordonner une proposition à une autre ou bien un terme à un autre dans un environnement qui comporte un aspect nég. (parfois très ténu)] "Et ; ou"

-

[Dans le champ d'une principale nég.] : Sy ne troeve paz l'istorien que de toutte la journee il trouvast chevalier ny escuier qui le sceuist deschevauchier ou abatre son cheval non paz son eschine ployer (Comte Artois S., c.1453-1467, 20).

-

[Dans un environnement interrogatif] : Qui il peut estre, ne dont vient, Se je puis, bientost le saray (Mir. Rob. Dyable, c.1375, 63). Je te demende que vauldroie[n]t Esbatemens, dances ne jeux, Se n'estoient amours, se m'ayt Dieux ! Tout ne vauldroit pas une chique (Lord. Tart Ab. L., a.1465, 171). Mehault, point n'y prens si près garde, Cuidés vous qu'entre nous conars Qui ne sommes point papelartz Ayons de confesser mestier Ne d'aler souvent au monstier ? (C. Riffl., c.1480-1520, 58).

-

[Dans un environnement hypothétique] : ..s'il veult dire que sa terre doit cavage ne tregut, il le vourat dementir et combattre (JEAN D'OUTREM., Myr. histors G., a.1400, 24). Et dessoubz [le pont] est ung gouffre et fleuve de souffre, plain de couleuvres, de serpens et de dyables lesquelz, se ilz voient que l'ame passant trebuche ne choppe tant soit pou, ilz la aggrafent et tirent pour plungier en ce gouffre. (Déclar. Hyst. S., a.1449, 192). Et vous arés, qui qu'en gronne ne honne, Trente [deux] mocz [semble désigner une pièce de monnaie] tousjours pour une engronne. (MOLINET, Faictz Dictz D., 1467-1506, 735). Si je vous trouve, Roge Gorge ni maistre Verdier, Je vous aray ! (Pipée R., c.1470-1480, 184). Sur ce, je veulx faire comparaison des maulx et douleurs qu'il a faict souffrir à plusieurs à ceulx qu'il a souffertz avant mourir, pour ce que j'ay esperance qu'ilz l'auront mené en paradis et que ce aura esté partye de son purgatoire : et s'ilz n'ont esté si grandz ni si longz comme ceulx-là qu'il a faict souffrir à plusieurs, aussi avoit autre et plus grant office en ce monde que ilz n'avoyent. (COMM., II, 1489-1491, 313).

-

[Dans un environnement comparatif (et comportant donc du plus et du moins)] : ...ilz regardent plus a la personne qui leur est presentee pour faire justice, civille ou criminelle, qu'ilz ne font a la verite de la cause ne a la vertu de justice. (MÉZIÈRES, Songe vieil pèl. C., t.1, c.1386-1389, 472). ...les hommes plus en faisoient, plus en monstroient, plus s'attalentoient et s'affamissoient d'en faire plus et plus ; ne ne se pouvoient saouler de luy faire honneur. (CHASTELL., Chron. K., t.5, c.1456-1471, 246).

-

[Dans un environnement qui comporte une vague idée nég. (comme l'idée de doute, même l'ombre d'un doute, de difficulté, si ténue soit-elle, d'obligation, de désir, de regret, de honte...)] : Ja estoient les corages des pucelles ravies aussi comme apaisiez et amolis, mes les parens d'icelles en vilz vestimens et o larmes et grieves querimonies concitoient et esmovoient les cités d'environ, ne ne se contenoient paz a l'ostel, mes se assambloient les legas de tout le paÿs au roy de Sabine, qui estoit appelés Tytus Tacius, qui mout estoit de grant non en celles regions (BERS., I, 1, c.1354-1359, 10.1, 16). A grant peinne [le renard] veult vuidier un pays ne prendre la champaingne (GAST. PHÉBUS, Livre chasse T., 1387-1389, 99). Et sur ce est a noter que a vous appartient bien a faire savoir par ladicte dame Agnes, beguine, le conte de voz moutons, brebiz et aigneaulx, et les faire reviseter et enquerir de leur acroissement et descroissement, ne comment ne par qui elles sont gouvernees (Ménagier Paris B.F., c.1392-1394, 131). Croy, et n'en doubte point, que il congnoist les choses advenir presentialement, lez choses temporellez eternelement, lez choses muables invariablement, et les contingentes necessairement ; ne la variableté dez choses ne varie sa science, ne sa science ne force leur contingence. (CHART., L. Esp., c.1429-1430, 161). Et meismes quy cuideroit estre contrit de ses pechiez et ne fust que seulement attrit, combien qu'il fust indigne et encores en pechié, mais toutesfois pour tant que il fait ce quy est en soy, ne pas ne le recepveroit indignement (Traité S. Sacr. B., c.1450-1500, 174). ...car il avoit honte de retourner en Castille ny Portugal avecques ceste defaulte et de n'avoir riens fait deçà (COMM., II, 1489-1491, 146). J'ay de ce faire moult grande volenté, S'il plaist a Dieu, mon benoist Createur Et de tous poincts je suis entalenté D'estre a vous tous treshumble serviteur Ne ne prandray voz ditz a contre cueur Në a nul mal vostre correction (LA VIGNE, S.M., 1496, 373).