A. -

[Dans le temps]

1.

"Heure du milieu du jour" : Item, confessa que, environ ledit temps, il print et embla ès halles de Paris, prez de la Tonnelerie, un tabart double, environ VJ heures après midy (Reg. crim. Chât., I, 1389-1392, 249). Et dit que quant ladite charreste fu et ot esté deschargiée, et lesdiz biens mis en la chambre de ladite fille, en la rue de Saint-Marcel, il sonna une heure après misdi (Reg. crim. Chât., I, 1389-1392, 348). Et tant de ce parlerent ensemble qu'ilz accorderent aler jouer sur unes basses estables estans derriere le Louvre près de Saint-Thomas, sur lesqueles ilz jouerent puiz environ VIIJ heures de matin jusques à IIIJ heures après midi, sanz boire et manger. (Reg. crim. Chât., II, 1389-1392, 478). ...la premiere partie asaudroit dou matin jusques a prime, la seconde de prime jusques a midi, la tierce de miedi jusques a vespres (FROISS., Chron. D., p.1400, 661). Helas ! et quel devocion Peut avoir celly qui se dort Jusque a mydi ? (Myst. st Sébast. M., c.1450-1500, 8). Et quant une heure aprés midi fut sonnee, le roy et la royne, ainsin que dit est, furent montez en leurs hours, lors il envoya dire aux parties qu'ilz venissent. (LA SALE, J.S., 1456, 122). ...lesdits prieur et frères dudit hostel Dieu et leurs subcesseurs seront tenus désormays, pour le temps advenir, dire et célébrer par chacun an à tousjours maiz à perpétuité, le jour du Saint Sacrement et par chacun des huict jours des octaves d'icelle feste, vespres, complies, matines, heures canonialles, c'est a scavoir prime, tierce, medi, nonne et messe par chacun desdicts huict jours, le tout à note (Cartul. Hôtel-Dieu Cout. L., 1468, 314). Le lendemain qui fut le mercredy Troisiesme jour du dit moys, il s'en vint Dedens Chaulmont, ou environ midy Luy et les siens repaistre luy convint. (LA VIGNE, V.N., p.1495, 158).

-

À plein midi/à heure de plein midi. "À midi sonnant" : Quel merveille ! car quant le Solail de justice souffry le grant eclipce et le solail materiel, la lune et toutes les estoilles (...) furent a ombre et perdirent leur coulour a plain midi (MÉZIÈRES, Vertu sacr. mar. W., c.1384-1389, 168). ...car messire Pierre de Hacquembac, lors maistre de l'artillerie, enmena les bombardes devant les portes de Dinant à heure de plain midi (LA MARCHE, Mém., III, c.1470, 44).

.

À/en plein midi. "En plein jour" : La verras tu manieres mille De servir le prince des sos Dedens les sales et par la ville En plain midy et a falos. (MARTIN LE FRANC, Champion dames D., t.1, 1440-1442, 161). Ceulx de Douay, qui en ce temps là estoient encores ung petit orguilleux, les pressèrent de partir à plain midy, voulsissent ou non : qui fut une grant follye pour eulx, et mal leur en print. (COMM., II, 1489-1491, 187). ...et, quant ilz eurent prins la mesure, ledit conte envoya querir ledit bastard Vigier, lequel estoit prevost du Thour en Champaigne, et luy demanda son oppinion comment il porroient sortir. à quoy il fist responce que ce seroit en plain mydi s'il vouloit. (LE CLERC, Interp. Roye, c.1502, 168).

-

Haut midi. "Heure avancée de la matinée" : En celle rihote furent il jusques à hault miedi. (FROISS., Chron. L., V, c.1375-1400, 155).

-

Heure de midi : Toutes fois il arrivèrent au port Saint Andrieu en Galisse, et entrèrent en le ville ensi que à heure de miedi. (FROISS., Chron. R., VIII, c.1375-1400, 47). ...ainsi comme à heure de midi, que sondit maistre estoit alez en la ville, il monta en la chambre de sondit maistre, et en un coffre qu'il trouva ouvert, mal print en icellui VJ frans en or (Reg. crim. Chât., I, 1389-1392, 403). ...l'esclipse faicte le jour de la Passion de Nostre Saulveur et Redempteur Jhesu Crist à l'eure de midi n'estoit pas naturelle (SIMON DE PHARES, Astrol., c.1494-1498, f° 79 r°). Et icelluy grant maistre venu en laditte place, environ l'eure de mydi, trouva joignant de l'entrée desdittes lisses, du costé dextre, ledit Boffille de Juge, deffendeur, armé de toutes pieces, une dague pendant à sa saincture, et tenant une hache d'armes entre ses mains (LE CLERC, Interp. Roye, c.1502, 357).

2.

P. méton. "Office qui se dit après tierce, vers 12 heures"

-

Dire midi. "Psalmodier la leçon de sexte (heure de l'office qui se dit après tierce, vers 12 heures)" : SUER MARIE. (...) Ma dame, s'il vous plaist, sachiés Voustre portehors, si dirons Midy (Mir. abbeesse, 1340, 67). ...ça, disons bas tierce et midy, C'est bon a faire. (Mir. st Alexis, 1382, 354).

3.

Après midi. "Partie de la journée de midi jusqu'au soir" : ...car ledit cas est venu et a esté puiz VIIJ ou VIJ heures à matin jusques à une ou IJ heures après midi (BAYE, I, 1400-1410, 216). Entre VIIJ et IX heures après midi, commença ung grant effray à Paris (FAUQ., I, 1417-1420, 135). ADAM. Helas, sire, je suis tout nu. Cy tost que nous t'avons oÿ, Devant une heure aprés midi, De peur m'a prise une frisom (Pass. Semur D.M., c.1420 [1488], 17). Laquelle execucion fut ledit jour faicte à l'eschaffault ordinaire desdictes hales, à l'eure de trois heures après midi qu'il ot ilec le col couppé, et puis fut enseveli et mis en biere et delivré aux Cordeliers de Paris pour estre inhumé en ladicte eglise (ROYE, Chron. scand., II, 1460-1483, 56). Cestui prenostica sur une eclipse du Soleil qui fut à deux heures après midi (SIMON DE PHARES, Astrol., c.1494-1498, f° 111 r°). ...jugea sur la signifficacion de la conjunction de Saturne et de Mars, qui fut le XXVIIe may, heure de 5 heures après mydi, l'an mil IIcXXVI. (SIMON DE PHARES, Astrol., c.1494-1498, f° 119 r°). Maistre Jaques Rolhand, habitué en l'eglise Nostre Dame de Paris, jugea, comme aucuns dient, de la famine qui fut l'an mil IIIIcIIIIxxI, sur la revolucion de l'an, qui fut le XVe mars à V heures, XXVIII minutes après midi, Capricorne ascendant XXVIII degrés. (SIMON DE PHARES, Astrol., c.1494-1498, f° 161 v°).

B. -

[Dans l'espace]

1.

[Point cardinal] "Sud" : Et quant ce vint qu'il s'en vola, Je resgarday qu'il s'en ala Tout volant devers oriant ; Mais il aloit plus costiant Le midi que septentrion. Lors visay a m'entention Que le lendemain revenroie Et que par la le gaiteroie. (MACH., D. Aler., a.1349, 261). Lors en mon estant me dressay, Se vi, ou mes yeus adressay, Un oisel de proie volant, L'air devers midi acolant, Si haut vers les nues fichiez Qu'il y sambloit estre atachiez. (MACH., D. Aler., a.1349, 395). Les vens de midy grefvent l'oye, font les yeulx calligineux, griefvent le chief, font les hommes perecheux, dissolvent les humeurs (SAINT-GILLE, A.Y., 1362-1365, 66). Et la plus grant dimension ou distance est communement appellee la longitude ou le lonc de la chose, et semblablement la terre habitable est plus estendue au double et plus en alant d'orient en occident que elle n'est en alant de midi vers septentrion. (ORESME, C.M., c.1377, 326). Ilz leur lairont bien l'eritaige, Mais clergie ne vassellaige En Orient n'en Occident Ne viennent pas en succedent, En Midi n'en Septentrion Des peres par succession Aux enfans, aux cousins germains Ne aux autres amis prouchains, Fors seulement la renommée, Pour prandre exemple a la lignée De les ressembler en clergie Ou en fait de chevalerie (DESCH., M.M., c.1385-1403, 258). De l'autre part devers midi Une autre chaire ot (CHR. PIZ., Chem. estude P., 1402-1403, 102). Le 16e chappitre pour congnoistre les 4 parties du monde, c'est assavoir orient, occident, midi et septentrion. (FUSORIS, Astrolabe P., c.1407-1412, 119). Ceste partie de Indie est enclose de la mer qui est devers le midi (LA SALE, J.S., 1456, 213). Pour lequel vent, qui forment nuit, Doit l'en clorre, de jour et nuit, Tous les huiz et toutes fenestres Devers Medi, selon les Maistres, Et ouvrir à bon escient Devers le North et Orient (LA HAYE, P. peste, 1426, 78). ...lui rapporterent aussi que l'ombre verse vers septentrion en yver et en esté devers midi par six mois, et que ungne foiz en l'an ne se peut veoir les 7 estoilles que l'on dit le Chariot. (SIMON DE PHARES, Astrol., c.1494-1498, f° 58 v°). ...si advint que le VIIIe des ydes de avril fut veu ou ciel, entre orient et midi, un grand trabs ardent en l'air (SIMON DE PHARES, Astrol., c.1494-1498, f° 109 r°). ...mais je n'ay point trouvé l'acteur d'icelle, fors qu'elle est faicte au midi de Metz en Lorraine, lequel il vendit pour aller audit voyage. (SIMON DE PHARES, Astrol., c.1494-1498, f° 109 v°).

2.

ASTR.

-

Cercle de midi. V. cercle

-

Ligne de midi. V. ligne

3.

Midi de + nom de lieu. "Méridien de (ce lieu)" : ...il fut expert astrologien et fist unes tables au midi de Paris. (SIMON DE PHARES, Astrol., c.1494-1498, f° 80 r°). Cestui fist unes tables sur le midi de Lion pour les directions. (SIMON DE PHARES, Astrol., c.1494-1498, f° 162 r°).