A. -

[Avec un verbe de mouvement] "Rapidement, vite"

-

[À propos d'une personne] : Liéve toy sus isnellement, Et oy de Dieu le mandement. (Mir. st Guill., c.1347, 20). Li vieillart reponnu s'estoient Ou vergier, et la la gaitoient Que seule la peüssent prendre. Quant seule fu, sans plus attendre, Ynellement, les saus menus, En sont a Susanne venus Et dirent : "Li vergiers est clos, N'il n'a creature en cest clos Qui nous puist vëoir n'encuser, Si ne dois mie refuser..." (MACH., C. ami, 1357, 6). Li rois fist un commandement Qu'on l'alast querre inellement, Et on l'ala tantost querir Pour demander et enquerir S'il saroit sorre la demande Que li rois enquiert et demande. (MACH., C. ami, 1357, 27). Ou fossé dessendy et se corde laissa ; Et puis isnellement en contremont rampa (Hugues Capet L., c.1358, 68). Li roys fist un commandement, Qu'on amenast isnellement En sa presence le vallet, Qui po savoit et po valet, De dire outrage et villenie Au conte de Triple en Surie, Qui fils dou roy de Chypre estoit (MACH., P. Alex., p.1369, 258). Seigneurs anges, plus n'atendez: De cy touz deux jus descendez Isnellement. (Mir. Berthe, c.1373, 189). Et se aucun opposoit au contraire, en mettant que un ange meust le ciel ou soi meisme selon tout son povoir le plus tost et le plus isnelment que il onques pourroit, donques convendroit il que il meust soudainement et en moment indivisible ; et c'est impossible, si comme il est dit devant. (ORESME, C.M., c.1377, 300). A sire Lipage briefment T'en vas dire qu'isnellement Viengne a nous deux ici parler. (Mir. st Alexis, 1382, 293). Lors passent crestiens le pont moult ysnellement, et lors commenca fiere la bataille, et y ot moult de mors et de navrez, et reculent ly Sarrasin, et perdent place grandement. (ARRAS, c.1392-1393, 102). Car ceulz de la cité envoient esraument Ung message d'Escale tost et ignellement. (Cip. Vignevaux W., p.1400, 54). La vint li roys isnellement Et courtoisement les arresne. (CHR. PIZ., M.F., II, 1400-1403, 300). ...tant ala par mer, (...) C'a la rive est venus a sa devisïon, Et puis isnellement monta sur le sablon. (Huon Bordeaux B., c.1400-1450, 84). Et a ce cry il picqua bon cheval des esperons et s'en ala sus les Esclavons si isnelement que Prusus ne les Siriens ne le peurent sieuvir de prime face (LEFÈVRE (R.), Hist. Jason P., c.1460, 148).

-

[À propos d'un animal] : Lors fui hors d'esmay et d'effroy, Se montay seur mon palefroy Grisart qui portoit l'ambleüre Moult souëf et de sa nature. S'alay aus chans isnellement Chevauchier par esbatement, Pour moy jouer et soulacier Et la douceur a moy lacier Qui vient de pais et de deduit, Ou cuers volentiers se deduit (MACH., J. R. Nav., 1349, 154). Dont li espriviers ses elettes Choisi par entre les fueillettes. Lors vola si appertement Que sans avis, inellement, Dedens la prise se bouta. (MACH., D. Aler., a.1349, 274). Si lui sembloit que ainsi que son cheval l'avoit presque ou meilleu dudit pont transporté, qu'il veoit, par grant fureuseté, tost et isnellement, bruyant comme tempeste, contre lui venir ung grant thoreau, hideux et orrible et si espoventable comme enragé et tout noir comme meure (RENÉ D'ANJOU, Cuer am. espris W., 1457, 44).

-

[À propos d'une chose] : Et que les choses pesantes et les legieres ne aient pas inclinacion a estre meues touzjours sanz fin, l'en puet de ce prendre arguement par signe, car la terre, quant elle descent, tant plus descent et elle est meue plus isnellement (ORESME, C.M., c.1377, 142). G.. Quant un vaisel plain d'yaue est isnelement tourné en circuite puis desus puis desouz, l'eaue demeure ou vaisel sans espandre et sanz cheoir pour la force du mouvement. (ORESME, C.M., c.1377, 302). Car aussi comme nous voions en autres corps que le plus grant est meu plus isnelement que le petit de leur propre mouvement, samblablement est il es corps circulaires, car celui qui descript plus grant cecle ou porcion de plus grant cecle en equal temps est meu plus isnelement. (ORESME, C.M., c.1377, 446). Et semblablement, se la terre est meue si tres isnelement en tournant de occident en orient, posé que l'en gectast une pierre tout droit en haut, elle ne cherroit pas ou lieu dont elle parti mes bien loing vers occident (ORESME, C.M., c.1377, 520). Ainsi mettent les enfans par esbatement une escuele o de l'eaue en un cercle de tonneau et puis revirent et tournent ce cercle isnelement sans ce que l'eaue cheie. (ORESME, C.M., c.1377, 546). Helas ! mais elle [la mort] est trop isnelle, Elle vient sy ysnellement, On ne voit heure ne moment Quant de creature s'appresse. (COUDRETTE, Mélus. R., c.1401-1402, 331). Experience toutesfois et raison nous aprent et monstre clerement qu'il convient que ce feu soit le quart element, premierement par ce que nous veons le feu ardant qui est cy entre nous en matiere terrestre mouvoir lassus en hault tres radement et tres isnelment et sans arrester en l'air (EVR. CONTY, Harm. sphères H.P.-H., c.1400, 5). Et de ce s'ensuit il evidanment que le son agu est et se depend de plus druz mouvemens et plus druz repettez et plus ysnelment que le grave ne fait. (EVR. CONTY, Harm. sphères H.P.-H., c.1400, 44). ...La vie fuyt isnellement (ALECIS, Passe temps P.P., 1480, 150).

B. -

[Avec d'autres verbes] "Sans perdre de temps, sur le champ" : Quant on ot rusé longuement, Uns chevaliers isnelement Hucha le vin et les espices. Bien croy que ce fu ses offices, Car en l'eure, sans delaier, Y coururent li escuier. (MACH., R. Fort., c.1341, 147). Adonc commanda l'empereur isnellement que on quesist Orchaz tant que il feust trouvé, et que on l'amenast devant lui. (Bérinus, II, c.1350-1370, 18). Tout ce verras isnellement Parfait, se Daniel ne ment. (MACH., C. ami, 1357, 33). Li roys les mercia forment, Puis fist crier isnellement, Que le landemain partiroit, Mais ne dist pas quel part iroit, Pour ce que se li anemy Heüssent là aucun amy, Il lor peüst faire savoir L'armée, pour lui decevoir. (MACH., P. Alex., p.1369, 59). De devant moy, plus ne tardez, L'ostez, alez, et si l'ardez Isnellement. (Mir. fille roy Hongrie, c.1371, 16). Lors commanda le roy tost et isnellement Que on se mecte au logis tost et incontinent. (Galien D.B., c.1400-1500, 45). PAULIN. Sire emperiere, isnelement Leur rendez selon leur merites. (Cycle myst. prem. mart. R., c.1430-1440, 136).