A. -

"Renommée"

1.

[À propos d'une pers.] "Renommée qu'acquiert une personne par ses qualités ou ses actions, célébrité, prestige" : ...Et t'alaita diligenment De son lait, c'est de ses richesses, De ses honneurs, de ses noblesses, Et te fu norrisse et maistresse, Favorable admenisteresse De la gloire, t'environna De tous les biens ou raison a, C'est des biens qui sont de son droit. (MACH., R. Fort., c.1341, 96). Et se Tristans ou Lancelos Furent vaillans, bien dire l'os Que leur vaillance et leur prouesse Leur fu gloire, honneur et richesse ; N'il n'est homs qui peüst acquerre Tels biens, sans avoir peinne en terre. (MACH., J. R. Nav., 1349, 238). Einsi est il de pluseurs dames Qui mettent les corps et les ames Et quanqu'elles ont en leurs amis, Et quant tant chascune y a mis Qu'il sont en vaillance parfait, Apparent par ouevre et par fait, Elles n'en ont autre salaire Fors un petit de gloire au faire. Il ont le grain ; elles ont la paille ; Car l'onneur ont, comment qu'il aille. (MACH., J. R. Nav., 1349, 239). Mais loange ne vueil ne gloire De ceste geste ou ceste hystoire, Qu'on scet bien que pas nez n'estoie Eins la fondation de Troie, Mais ci l'ay mot a mot escript, Si com veü l'ay en escript. (MACH., F. am., c.1361, 214). Car tel mentëeur ment pour ce que il se delicte en mentir, et un autre ment pour ce que il appete gloire, et l'autre ment pour ce que il appete gaing. (ORESME, E.A., c.1370, 268). ...pour jouer en la presence de leurs peres, meres et amys, affin d'en rapporter gloire, renomée et loange. (C.N.N., c.1456-1467, 555). ...la loange et honneur de l'un ne peut estre sans la gloire de l'autre, neant plus que le deshonneur de l'un ne peut estre sans la honte de tous deux. [Dans un couple] (C.N.N., c.1456-1467, 562). ...et quant Venus et Mercure estoient conjoinctz, lors est la gloire des hommes licterés et nuysance aux vielz gens. (SIMON DE PHARES, Astrol., c.1494-1498, f° 79 r°).

-

[P. personnif.] : ...riens ne prisent le dangier De Fortune, ne son changier, Eins mettent l'omme a seürté En chemin de Bonneürté. Bonneürté est, ce me samble, Ce qui donne ces sis ensamble : Gloire, Delit et Reverence, Puissance, Honneur et Souffissance. (MACH., R. Fort., c.1341, 102).

-

Gloire mondaine

.

"Renommée, célébrité" : Alors il respondit qu'il estoit ung chevalier des parties de Allemaignes, et que la estoit il venus pour veoir les choses merveilleuses de ce monde, comme son estat le requeroit, pour acquerir honneur et mondaine gloire. (LA SALE, Salade, c.1442-1444, 91).

.

[Avec une valeur nég., p. oppos. à gloire eternelle] : Et pour ce, dame royne, que nous estions enyvrez de la gloire mondaine et des haultes seigneuries, nous emprensismes l'office qui, selon la reigle de nostre maistre Jhesus, a nous n'estoit pas bien afferable. (MÉZIÈRES, Songe vieil pèl. C., t.2, c.1386-1389, 300).

-

Faire qqc. à la gloire de qqn. "Faire qqc. pour célébrer qqn, faire la louange de qqn" : Et pour ce, au commencement de ceste hystoire, je, cognoicent que je ne soye pas digne de lui requerir, supplie a sa haulte dignité que ceste histoire je puise achever a sa gloire et louenges, et au plaisir de mon tres hault, puissant et redoubté seigneur, Jehan, filz de roy de France, duc de Berry et d'Ouvergne, conte de Poictou et d'Ouvergne (ARRAS, c.1392-1393, 1).

-

Gloire de qqc. "Fait de pouvoir se glorifier de qqc." : Hanibal, qui tant rabaissa la gloire dez Rommains que leur povoir, qui le monde seigneurisoit, fut restraint et serré dedens leurs seulles muraillez, aprés sa fortune muee en infelicité, porta tousjours en son anel le venin, pour remede final de ses doubtes a besoing, et au destroit du peril de sa vie donna au venin le nom de sa mort, pour tollir aux glaives des Romains la gloire de l'occision de si hault duc. (CHART., Q. inv., 1422, 19). Car onques pour gloire d'amour de roy ne d'autre, ne d'onneur qu'il eust, un seul semblant d'orgueil ne fut en luy. (LA SALE, J.S., 1456, 187).

-

[Sentence] Avarice engendre haine et largesse donne et rend gloire : Si que la merencolioie Tous seuls en ma chambre et pensoie Sont mortes par l'iniquité D'avarice qui en maint regne Com dame souvereinne regne, Com maistresse, comme royne, - Qu'avarice engendre haïne, Et largesse donne et rent gloire, Vraiement, c'est parole voire, Qu'on le scet et voit clerement Par vray et juste experiment (MACH., J. R. Nav., 1349, 139).

.

[Rappel du lat. Sic transit gloria mundi] Ainsi transist la gloire du monde/du siecle passe la gloire : Ainsi transist, c'est chose voire, Du monde la joye et la gloire (CHR. PIZ., M.F., II, 1400-1403, 186). La vie humainne est tost finie Et l'aultre si est infinie, Et du ciecle passe la gloire (GARIN, Compl., 1460, 133).

.

Toute chair est foin et cherra toute sa gloire comme fleur de foin : ...toute char est foing et cherra toute sa glore comme fleur de foing. (Internele consol. P., 1447, 23).

-

En grande gloire. "Triomphalement" : A grant honeur, fu couronné Alixandre et en si grant gloire Qu'onques homs (...) Ne fu en tel triumphe mis En siege (CHR. PIZ., M.F., IV, 1400-1403, 64).

-

Acquerir/conquerir gloire : Et quant je sui si tres bien fortunez Que puis acquerre Gloire en la fin et bon memoire en terre... (MACH., Compl., 1340-1377, 261). Et se Dieus li donne victoire, Il acquerra honneur et gloire ; Car ceuls d'Athennes franchira Et le servage acquitera. (MACH., J. R. Nav., 1349, 231). Car quant uns haus princes conquiert Par l'espée, gloire en acquiert, Honneur et profit tout ensamble, Et bon memoire, ce me samble. (MACH., P. Alex., p.1369, 15). ...li vaillant honme travellent lors corps en armes pour conquerir la glore et renonmee de che monde (FROISS., Chron. D., p.1400, 37).

-

En partic.

.

"Position politique éminente" : Et puis que Dieu ne t'a donné force de corps ne usaige d'armes, sers a la chose publique de ce que tu pués, car autant exaulça la gloire des Rommains et renforça leurs couraiges a vertu la plume et la langue des orateurs comme les glaives des combatans. (CHART., Q. inv., 1422, 65). Hanibal, qui tant rabaissa la gloire dez Rommains que leur povoir, qui le monde seigneurisoit, fut restraint et serré dedens leurs seulles muraillez, aprés sa fortune muee en infelicité, porta tousjours en son anel le venin, pour remede final de ses doubtes a besoing, et au destroit du peril de sa vie donna au venin le nom de sa mort, pour tollir aux glaives des Romains la gloire de l'occision de si hault duc. (CHART., Q. inv., 1422, 19).

.

"Prestige militaire" : Se tu m'entens bien, il sommet Ton corps, ton honneur, ta puissance, Ta gloire, ta magnificence, Ton roiaume, ta dignité Et toute ta felicité A mort et a destruction, Pour ce qu'as fait oblation Aus ydoles et sacrefice... (MACH., C. ami, 1357, 32). Elle [l'épée] vaint et donne victoire, Honneur et honte, enfer et gloire. (MACH., P. Alex., p.1369, 15). ...Et s'avoit la chose ordonnée Au taillant de sa bonne espée. Si doist tous seuls avoir la gloire De ceste tres noble victoire. (MACH., P. Alex., p.1369, 90). Cartage la batailleresse, qui avoit dompté les elephans a batailler et qui jadis fut tant redoutable aux Rommains, ou a elle tourné sa grant gloire sinon en la cendre du feu dont elle fut arse et embrasee ? (CHART., Q. inv., 1422, 3). Puis doncques que les grans conquereurs en la grant gloire de leur victoire ont esté avillez et amendriz par acueil de voluptez, quelle sceurté peuent avoir ceulx qui soubz les dangiers de tresperverse fortune s'endurcissent a delicieuse vie et corruption de leurs meurs ? (CHART., Q. inv., 1422, 15).

.

Au plur. "Succès" : ...et mesmes veoit à l'oeil maintenant qu'aveuques les gloires jà obtenues et passées tant maintes, encor tout frescement retournoit glorieux vainqueur d'Utrecht et espoanteur des Allemans. (CHASTELL., Chron. K., t.3, c.1456-1471, 3). ...tant avoit reçu d'honneurs et de gloires desoubs ses èles, et maintenant se veoit à tel désespoir (CHASTELL., Chron. K., t.3, c.1456-1471, 269).

-

(Avoir) gloire de + inf. : Et lors li conta la besongne, Et aussi chascuns li tesmongne, Com gens qui avoient grant gloire D'avoir si très noble victoire. (MACH., P. Alex., p.1369, 171). ...a bon seigneur est moult grant gloire D'avoir bons subgiez et qui l'aiment (CHR. PIZ., M.F., I, 1400-1403, 141).

-

Perdre sa gloire : Quant il se vit en si haut point, Orgueil, qui ne scet faire a point, En son cuer se mist et bouta Et telement le debouta Qu'il perdi sa gloire et son regne, N'orgueil n'i tint regle ne regne. De tous hommes fu deboutez Pour l'orgueil ou il fu boutez, Et parmi champs, parmi boscages Fu mis o les bestes sauvages. (MACH., C. ami, 1357, 30).

-

Prendre gloire en qqn. "Devoir la gloire à qqn" : ...ung roy d'Angleterre, roy de droite ligne, coroné jadis roy de France en Paris, possesseur du sceptre angloix par xl ans, ayans fil, vray hoir, et ly mesmes venu de pere en qui Engleterre prend plus gloire... (CHASTELL., Temple Boc. B., 1463-1464, 93).

-

Recevoir gloire : ...A Bonne Amour Par maintes fois fis devote clamour Qu'elle mon cuer asseïst a l'onnour De celle en qui il feroit son sejour, Et que ce fust Si que loange et gloire en receüst... (MACH., J. R. Beh., c.1340, 67).

-

Rendre gloire à. "Célébrer, exalter" : ...N'i ait celui qui ne s'aplique Pour aourer l'idole d'or. Et se vous commandons encor Que chascuns a terre s'estende Et honneur et gloire li rende. S'il y a si fol ne si fole Qui einsi n'aoure l'idole, Nous commandons que sans atendre Il soit bruïs et ars en cendre Et gettez en l'ardant fournoise. (MACH., C. ami, 1357, 19).

-

Se donner gloire de qqc. "S'octroyer l'honneur de qqc." : Et s'il avient que tu t'embates En tel lieu ou tu te combates Et que Dieus te donne victoire, Biaus amis, ne t'en donne gloire, Mais loe Dieu, car de li vient, Nom pas de toy. (MACH., C. ami, 1357, 112). Ne homme ne s'en doit donner gloire, Fors à Dieu qui fait la victoire. (MACH., P. Alex., p.1369, 63).

-

Tirer gloire de qqc. : ...tu te reposes en attente de sa grace et mercy par pacience et te disposes a tirer gloire de ton obpropre en vertu et despection de fortune (CHASTELL., Temple Boc. B., 1463-1464, 169).

-

Tollir gloire à (une communauté) : La noble cité d'Alixandre, (...) Toute est mise à destruction, N'onques si grant occision Ne fu dès le temps de Pompée, Quant Cesar, à sa bonne espée, Li tolli joie, honneur et gloire (MACH., P. Alex., p.1369, 117).

2.

[À propos d'une chose concr. ou abstr.]

a)

"Splendeur" : Quant a la clef que je porte du tres riche et gracieus tresor qui est en coffre ou toute joie, toute grace et toute douceur sont, n'aiés doubte qu'elle sera tresbien gardee, se Dieu plaist et je puis ; et la vous porterai le plus briément que je porrai, pour veoir les graces, les gloires et les richesses de cest amoureus tresor. (MACH., Voir, 1364, 770). En cel estat, sans moi mouvoir, Fui un grant tamps le nuit, pour voir, Tenant le cief sus l'orillier Pour mieuls entendre et orillier Les douls oiselés que j'ooie, Car endormir ne me pooie : Tant estoie plains de leur glore Que mie oel ne pooient clore. (FROISS., Pris. am. F., 1372-1373, 116).

-

[À propos d'une action] À grande gloire. "Avec faste, triomphalement" : Le mardi le roy entra en la ville à grant gloire et à grant triumphe. (FROISS., Chron. M., XII, c.1375-1400, 168). Adont monta il a ceval et fist monter la roine et leur fil le prince, les barons et les chevaliers ; et cevauchierent a grant glore deviers Calais et entrerent dedens la ville a grant fuisson de menestrandies (FROISS., Chron. D., p.1400, 851).

b)

"Rayonnement" : Là vuet il mettre corps et mise, Tout en l'onneur de sainte Eglise, à la gloire et protection De la foy, car s'entention N'est que de la toudis accroistre, Entre les mondains et en cloistre. (MACH., P. Alex., p.1369, 219).

c)

[Sens affaibli] Faire moult de gloire. "Faire beaucoup de bien" : Il fauldroit rompre sa malice [Par] cynamome à ce propice, Ou par eaue de mastic boire, Qui au gisier fait moult de gloire. (LA HAYE, P. peste, 1426, 125).

B. -

[Avec une valeur nég.]

1.

"Fierté" : Se tu veulz honneur recouvrer, Tu ne [te] dois pas esprouver A la misere des chatis, Mais doit tes cuers estre ententis A sousmettre et donter la force De ton anemi s'il t'esforce ; Car nobles cuers ne se doit prendre A ce qui ne se puet deffendre, Mais s'um vaillant homme conquiert, Honneur et loenge en acquiert, Et en son cuer en ha grant gloire Quant il ha si noble victoire. (MACH., Voir, 1364, 476).

2.

"Orgueil, vanité" : ...il sont si raempli de glore, pour tant que il vous ont ruet jus, que il ne font point de gait (FROISS., Chron. D., p.1400, 815).

-

Se donner gloire parmi le ventre. "S'enfler de sa propre louange" : A le ouyr parler, il avoit fait autant ou plus de vaillance et de faits d'armes que firent oncques Hercules, Jason, Hector ou Achiles, ainsi que ce glorieux fol se vantoit. Et tant se donna de gloire parmy le ventre qu'il donna a congnoistre a tous les assistens que son pere, qui, le temps passé, avoit esté cent mille fois plus hardy que le filz (...) n'eust ausé regarder en face ceuls que le dit filz disoit avoir deffaiz, combattus et vaincus. (TARDIF, Apologues R., c.1493-1498, 75).

-

Au plur. "Manifestations de la vanité" : Et disoient que les libéralités et honneurs que le duc avoit monstrées à ceste ambassade angloise, ce n'estoient que gloires et beubans monstrés devant eux, causés pour se faire grandir (CHASTELL., Chron. K., t.4, c.1456-1471, 392).

3.

Vaine gloire. "Vaine opinion de soi-même, orgueil, vanité" : Argue .avarice et despiz Vaine gloire, orgueil et envie (Mir. st Guill., c.1347, 48). O tout homme, ou maint vaine gloire, Mire toy, mire en ceste istoire, Vois se Fortune la perverse, En peu d'eure, de moult hault verse ! (CHR. PIZ., M.F., IV, 1400-1403, 68). C'est doncques grant honte, o ame devote, dire que tu ne puisses ou vueilles faire autant pour l'amour de ton Dieu, pere et sauveur, comme les autres font pour la tres fraile chose qui soit amour de vaine gloire. Nomme moy ung commandement de Dieu, ton amy, plus fort a faire comme par exemple vivre chastement : je ose dire que pour amour de argent ou de vaine gloire s'acomplira. (GERS., Concept., 1401, 413). Mais a vray dire, comme je apparceu, c'estoit fole et dampnable prodigalité, ou fole largesse et crueuse pitié, venant de desir de vaine gloire. (GERS., Noël, p.1404, 308). Vaine glore est trés mauvaise pestilence et trés grant vanité, car elle ratrait de vraie glore et despouille de grace celeste. (Internele consol. P., 1447, 187). Et le semblable soit il des pouvres qui vous requerront aumosne, se vous pouez (...) et se de ce faire pour la honte des gens vous laissiez, vous pechiés mortellement, tout ainsi que faisiez par vaine gloire et vanité du monde. (LA SALE, J.S., 1456, 41). Pour quoy disoit : "Afin que la grandeur des revelations divines ne me eslievent par orgueil, Dieu m'a donné l'angele de Sathanas mon adversaire, qui me collafise", c'est a dire me donne buffes de vaine glore. Item afin que la glore eternele soit donnee en l'aultre vie. (Somme abr., c.1477-1481, 178).

C. -

RELIG.

-

"Béatitude céleste des élus de Dieu" : Car si melodieusement Chantoient qu'il m'estoit avis Qu'en gloire estoie touz raviz (Mir. ev. N.D., c.1348, 85). Il ot jadis un roy en France (...) Et fu messires sains Loÿs, Qui ne fu prenans ne loÿs, Mais vesqui adès justement Et en son secret saintement, Dont par justification Avec saintification Fu il si bien justifiés Qu'en gloire en est saintefiez. (MACH., D. Aler., a.1349, 311). Elle [Marie] est sur touz en gloire assise et eslevée (Mir. march. larr., c.1349, 91). Et puis assés tost elle rendi son esperit : lequel, je croy fermement, li saint angele de paradys ravirent et emportèrent à grant joie en le glore des cieulz. (FROISS., Chron. L., VII, c.1375-1400, 182). Et cy se taist Jehan d'Arras de la noble histoire de Lusegnen. Dieux doint aux trespassez sa gloire, Et aux vivans force et victoire, Que ilz la puissent conquerir. Cy vueil l'ystoire fenir. Deo gractias. (ARRAS, c.1392-1393, 312). Et quant je seray montee en gloire en la presence de Dieu - ce sera a son bon plaisir, je en ai vraye certaineté - certes ! lors il me souvendra de toy, mon enfant (GERS., Déf., 1400, 229). La fin, la gloire et la felicité de creature humaine est congnoistre Dieu (GERS., Trin., 1402, 152). Ainsi est lame [l. l'ame] qui par contemplacion en ce pelerinage vient iusques a penser, a mediter et a veoir en esperit la grant gloire du vray Salomon en sa maison de paradis (CIB., p.1451, 190).

.

Gloire eternelle/pardurable/sempiternelle : ...largesse bien employé vous soit recommandee, car elle porte en soy telles vertus : et premiers, elle coronne l'ame de gloire pardurable (LA SALE, J.S., 1456, 75). Item afin que la glore eternele soit donnee en l'aultre vie. (Somme abr., c.1477-1481, 178). De Martin, le bon catholique, Emportons l'ame magnifficque En la gloire sempiternelle, Laquelle de joye eternelle Sera comme nous paciffique. Sa vie fut si auctentique Que nous disons ce doulx cantique Maintenant a mode nouvelle. (LA VIGNE, S.M., 1496, 573).

.

Gloire de/en paradis : ...la chose plus prouffitable Qui nous soit et plus honnorable, C'est la gloire de paradis Que desirer devons touzdis (Mir. abbeesse, 1340, 61). Tout aussi qui vuet recevoir Le saint sacrement et avoir, Lui et son cuer doit ordonner, Et sa maniere, à pardonner Toutes rancunes, tous meffais, Qu'on li a pourchacié et fais. Li saint le faisoient jadis, Pour ce ont il gloire en paradis. (MACH., P. Alex., p.1369, 241). Dont vous devez savoir que tous ceulx qui en ceste besoingne mourront, seront sauvez et auront la gloire de paradis. (ARRAS, c.1392-1393, 108).

-

[De Dieu] Appeler/mener/mettre qqn en (sa) gloire. "Élever qqn à la béatitude céleste" : ...serai sien jusqu'a la fin ; Et, aprés ma mort, de cuer fin La servira mes esperis ; - Or doint Dieus qu'il ne soit peris - Pour Li tant prier qu'Il appelle Son ame en gloire Toute Belle. Amen. Explicit le livre du Voir Dit. (MACH., Voir, 1364, 788). J'ay oy dire que li angles, Li saint, les saintes, les archangles, De vois delie, seinne et clere, Loent en chantant Dieu le pere, Pour ce qu'en gloire les a mis Com justes et parfais amis, Et pour ç'aussi que de sa grace Le voient adès face a face. (MACH., Prol., c.1377, 10). Six mois il [Jésus] preschera la sus Et puis a la croix mort prendré. A celle heure ad nous viendré, Et nous manra tous en sa gloire. (Pass. Auv., 1477, 114).

-

[Déterminant un subst. ; à propos de Dieu ou de Marie] De gloire. "De majesté, glorieux" : Et s'il plaisoit au roy de gloire Que pour sa cause devion, Je scei bien nous ne pourrion Morir plus glorïeusement (Tomb. Chartr. W., c.1337-1339, 76). E ! mére au tresdoulx roy de gloire, (...) Secourez hui ceste chetive (Mir. abbeesse, 1340, 85). Je m'en alay (...) Deprier la dame de gloire Qu'elle en pitié me regardast (Mir. abbeesse, 1340, 96). ...entra en son oratoire Pour le souverain Dieu de gloire Aourer, loër et prier (MACH., C. ami, 1357, 37). Je vous commande au vray Roy de gloire qui vous octroit paix ensemble et bonne vie et longue par admendement, et vous octroit bonne vertu et puissante victoire contre les ennemis de Dieu. Et a ce mot clouy les yeulx et s'en ala si doulcement qu'il leur sembla qu'il feust endormis. (ARRAS, c.1392-1393, 123). Tu, roy de gloire, vueilles ouyr noz justes prieres (CHR. PIZ., Paix W., 1412-1413, 59). Je suis le roy de gloyre, qui souffrir passion, Vient mes amys gecter de la dampnation. (Pass. Autun Biard F., 1470-1471, 138). Mais s'il plaist au doulx Roy de gloire, Tantost recouvrerez santé. (LA VIGNE, Munyer T., 1496, 223).

-

"Splendeur, perfection de Dieu ; splendeur, éclat des manifestations divines" : Et quant la sainte Escripture nomme la destre de Dieu, c'est en autre significacion en denotant la vertu ou la gloire divine. (ORESME, C.M., c.1377, 312). Puet on penser chose plus digne Ne faire plus gracieus signe Com d'essaucier Dieu et sa gloire, Loer, servir, amer et croire (MACH., Prol., c.1377, 9). Je suys celuy par lequel ma maistresse, Male Voulenté, osta la belle paix de paradis au bel ange Lucifer, et le feist tresbucher de si hault si bas en horrible confusion. Pourquoy ? Pour ce qu'il volt oster la gloire a Dieu, et monter aussi hault comme il estoit (GERS., Noël, p.1404, 304). Supersticion oste la gloire de Dieu comme se le dyable fust plus puissant, ou plus saige, ou plus amant. (GERS., Noël, p.1404, 308). Pense la magnificence de Dieu en gloire a la quelle compagnie tu es appele. (CIB., p.1451, 189). ...et les refections qui sont en la viande des anges en la coniunction auecques Dieu ou est toute suauite et refection, a veoir lordre [l. l'ordre] des sains et leurs vestemens de gloire tant en corps que en ame. (CIB., p.1451, 190).

.

Faire qqc. à la gloire de Dieu. "Faire qqc. pour célébrer, exalter Dieu" : Et fist faire processions, Veus, promesses, oblations, A la gloire de Dieu toudis Et de la court de paradis. (MACH., P. Alex., p.1369, 122). En toutes choses commencier on doit appeller le createur des creatures, qui est maistre de toutes les choses faictes et a faire, qui doivent tendre a perfection de bien et les autres pervenir selon les vices des creatures. Et pour ce, au commencement de ceste hystoire, je, cognoicent que je ne soye pas digne de lui requerir, supplie a sa haulte dignité que ceste histoire je puise achever a sa gloire et louenges, et au plaisir de mon tres hault, puissant et redoubté seigneur, Jehan, filz de roy de France, duc de Berry et d'Ouvergne (ARRAS, c.1392-1393, 1).

-

"Splendeur, perfection du monde créé" : Se tu ne congnois la dignite de la condicion humaine tu ne peulx sauoir comme Dieu a mis soubz tes piez toute gloire mondaine et les creatures qui sont soubz toy. Or quant tu penseras bien quel degre tu tiens entre les creatures et comme toutes ces choses materielles sont faictes a ton usaige et que generalment toute creature est faicte pour toy et comme apres les anges tu es la plus digne creature (CIB., p.1451, 197).

-

Gloire à Dieu. "Hommages rendus à Dieu" : Nous devons a Dieu gloire, grans et petis, sans excepcion, en recongnoissant [s]a souveraine puissance en tant qu'il nous a faiz et creez (GERS., Noël, p.1404, 293).