A. -

DR. [Idée de véracité]

1.

Garantir qqc.

-

"Répondre de l'origine de (qqc.)" : L'an de grace mil trois cens quatre vins et neuf, le mercredi premier jour de septembre, par devant mons. le prevost, lui estant en jugement sur les carreaux, fu attaint et fait venir Adenet le Bryois, detenu prisonnier ou Chastellet de Paris, à la requeste de Geffroy de Meaux, sellier, jusques ad ce que ycellui Adenet ait garanti audit Geffroy un certain frain à mule qu'il dit par lui lui avoir esté vendu, et lequel frain les gens et officiers de mons. le conte de Dampmartin dient leur avoir esté emblé en l'estable dudit mons. le conte à Paris. (Reg. crim. Chât., I, 1389-1392, 9).

-

Garantir (une terre, un fief, ...) à qqn. "Faire jouir qqn d'une chose à laquelle il a droit ou l'acquitter et indemniser en cas d'éviction" : Promettanz les diz vendeurs, par leurs foiz et par leurs seremenz sur ce donnez corporelment, que contre ceste presente vendue ou aucune des choses dessus dites par reson de decevance, par aucun droit, quel que il soit, commun ou especial, ne autrement, ne vendront ne venir feront par euls ne par autres en aucune maniere ou temps a venir, ançois les soixante soulz par. de crois de cenz ou rente dessus venduz frans et quittes de toutes obligations et empeschemenz aus diz acheteurs, a leurs hoirs et a touz autres qui d'euls auront cause garantiront et defendront conjointtement et principalment, chascun pour le tout, a leurs propres cous, contre touz, en jugement et hors, toutes foiz que mestiers sera, dorenavant perpetuelment (Chartes Abb. St-Magl. T.F., t.3, 1331, 54). Avecques ce ledit Gautier sera tenuz et promist a garantir, delivrer, deffendre et desdommagier a ses couz les diz relegieuz et prevost envers Jehanne de Baigniex, fame separee dudit Gautier (Chartes Abb. St-Magl. T.F., t.3, 1340, 96). Ce fu prononcé contre Hugues de Vaulx, que Hugues de Vaulx, son pere, vendi un estant au conte de Clermont et lui promist garendir, et ce estoit de l'eritage sa femme ; ledit Hugues et sa femme furent mors ; le petit Hugues, son filz, le demanda au conte. Le conte proposa qu'il estoit hoirs de son pere, qui l'avoit promis à garentir, et en avoit obligacion sur ses hoirs ; si en devoit entrer en garendise ; ledit Hugues disant que non. Dit fu par arrest qu'il estoit tenu à garentir ce que le pere avoit promis à garentir, pourquoy il se devoit departir de demander ledit estant ; mais s'il eust esté trouvé que ledit Hugues ne feust pas hoirs dudit son pere, il eust bien cause de demander ledit estant, car la vendue feust nulle. (Cout. bourg. glosé P.M., c.1380-1400, 132). Comme aujourd'hui Monseigneur Jehan de Bethencourt, chevallier, seigneur du dit lieu et de Grainville, se soit obligié en la compaignie de Monseigneur Regnault de Bethencourt son frere et semblablement chevallier, envers Baudouin Eude, escuier et bourgoiz de la dicte ville de Dieppe, de garantir au dict Baudouin la terre, fieu et seigneurie de Gourrel, vendue par iceului Monseigneur Regnault au dit Baudouin par quarante livres tournois de rente a heritage par chacun an pour toutes rentes, et icelle terre en doit cinquante six (Canarien,, Pièces justificatives C., 1421, 473). ...et de ce s'est constitué plege et caucion avec ledit Faudin Guichard Motot, bourgois de Joigny, à present estant à Paris, lequel ledit Faudin a promis garandir et desdommagier (FAUQ., II, 1421-1430, 48). Et ledit frere Evrard l'a promis garantir et desdommagier. (FAUQ., II, 1421-1430, 94). ...promettans en parole de filz de roy et soubz l'obligacion et ypotheque de tous noz biens presens et a venir non aler jamais a l'encontre de ceste dicte vente, cession, transport et delaissement ne en ce lui donner empeschement ou destourbier aucun, ainz lui garentir et defendre toutes les choses dessusdictes envers et contre touz a noz propres coustz et despens. (ODART MORCHESNE, Formulaire G.L., a.1427, 431).

-

Empl. abs. "Se porter garant" : Dame, dame, en plege vous met, Et si vous convent et promet Jamais en pechié n'entreray. Entrez y, je garandiray. Desores voeul chastement vivre. (Renart contref. R.L., t.2, 1328-1342, 107).

2.

Garantir qqn

-

"Tenir qqn quitte (d'une somme d'argent), le défendre contre une demande (de versement)" : Ce mesme jour, la Court promist garantir maistre Estienne des Portes, conseillier du Roy, de la somme de deux cens livres parisis, par lui receue du receveur d'Amiens par la main de maistre Hue de Morueil, conseillier du Roy, pour convertir ou paiement des gaiges de la Court, de laquelle somme ledit des Portes avoit promis à garantir ledit de Morueil, si comme il disoit. (FAUQ., I, 1417-1420, 241). ...de laquelle somme de IXc salus d'or ledit de Mailly a quitté et quitte et a promis de aquittier et garandir lesdis de Dicy, de Douzonville, moy et tous autres envers tous ceulz qu'il appartendra. (FAUQ., II, 1421-1430, 281).

-

Garantir qqn de qqc. "Répondre de qqn au sujet de qqc. ; témoigner en faveur de qqn au sujet de qqc." : Si aucun s'applege contre autre sur aucunes choses meubles, lesquielles il die qu'il lui ait forfaictes par larrecin, et l'autre die que de celle chose il monstrera bien qui l'en garantira, si doit il se contrappleger en tirant à garant ou garans : et si le garant lui fault, il chet du tout en tout de son contrapplegement. (Cout. instit. Anjou Maine B.-B., t.2, 1437, 361).

B. -

[Idée de protection, de sécurité]

1.

Garantir qqn. "Protéger qqn" : Quant le miracle et la merveille Vit li rois, forment s'esmerveille Si dist hautement en oye : "Misaël, et vous, Azarie, Il n'est plus de dieus vraiement Que le vostre qui telement Vous a garenti et sauvé. Venez, car vous estes sauvé." (MACH., C. ami, 1357, 24). Et ne fut onques prinche qui soy posist de che servaige affrankier ne qui mettre remeide ou contresteir y posist, ja soiche que, tant par plait de Sainte Englieze comme par leur poissanche, ilh s'en aient aulcunne fois volut osteir et leur sourseans warandier. (HEMRICOURT, Patron Temp. B., c.1360-1399, 60). Mais par la doulceur nostre dame, Que j'ay requis de cuer et d'ame, Sauvée sui et garentie. (Mir. femme, 1368, 219). Il fist ses gens retraire au mieulz qu'il peut, et les deffendoit en retraiant et garandissoit au mieulz qu'il pooit. (FROISS., Chron. L., II, c.1375-1400, 112). Atant estes vous venu le soudant, atout grant route de Sarrasins, armé, sur un grant destrier, et tint ung dart envenimé. Quant il voit le roy qui ainsi malmenoit sa gent, si lui gecte le dart par grant air et le fiert ou senestre costé telement que il le perce de part en part. Le jaserent qu'il ot vestu ne le pot oncques garantir. Le roy senty grant angoisse, et trait le dart hors de son costé, et le cuida getter au soudant. (ARRAS, c.1392-1393, 105). ...je dy que par droit vous [Geoffroy] ne nous devez vouloir nul mal, nous qui sommes hommes et vrais subgiez et obeissans de nostre droit seigneur naturel Remond de Lusegnen, car, se aucun nous vouloit molester ou injurier, si nous devriez vous garantir. (ARRAS, c.1392-1393, 211). Gieffroy le fiert [l'amiral de Cordes] par telle vertu, a ce que l'espee fu dure et pesans et qu'il y mist toute sa force, que l'espee lui coula jusques en la cervelle, que oncques le bacinet ne l'en pot garantir, et l'abat a terre mort jus du destrier. (ARRAS, c.1392-1393, 235). Pour garantir les dames, monstrez votre hardiesse, Faictes vous detrancher pour honneste prouesse (LA MARCHE, Mém., II, c.1470, 146).

-

Garantir et sauver : Et encores, ce m'est advis, va la besongne bien, quant pour ma mort pouez tous estre garanti ou sauvez. (Bérinus, I, c.1350-1370, 223). ...sy vous prye, vray peres Jhesu Crist, que vous, par vostre sainte debonnaireté, les vueilliez garantir et sauver et a moy pardonner mes pechiez, car bien voy que je suy a ma fin. (Bérinus, I, c.1350-1370, 232). Pour Dieu, mon chier enfant, demourez cy et si pensez de vous garantir et sauver. (Bérinus, II, c.1350-1370, 2).

-

En partic. [Suivi d'une sub. complét. en que] : ...or ne te puet nulz garantir que ta teste ne soit fichiee laissus en un arbre avecques grant plenté d'autres qu'il en y a. (Bérinus, I, c.1350-1370, 285). ...s'il ne fust guenchis adon, Nulle chose nel garentist Que le chief ne lui pourfendist (CHR. PIZ., M.F., III, 1400-1403, 105). Vous voyez bien que le roy d'Angleterre ne vous peult garentir que le roy de France, vostre souverain seigneur et le myen, ne vous envoye querir toutes foys que bon luy semblera. (TRING., c.1477-1483, 292).

-

Empl. pronom. "Se protéger, se mettre en sécurité" : Ilz font bien longues fuytes [les boucs] quant on les chasce et vont bien tost et se vont garentir es hautes roches, einsi que font les cerfs aux yaues. (GAST. PHÉBUS, Livre chasse T., 1387-1389, 71). ...la se garentirent Comme gent mate et esperdue. (CHR. PIZ., M.F., II, 1400-1403, 241). Chil quatre martinet jetterent grosses pieres et si souvent (...) que les gens d'armes qui dedens estoient et chil qui les conduisoient, ne se peurent garandir. (FROISS., Chron. D., p.1400, 670). ...mains estoit partant que li peuple ne tuwast ou navrast en l'engliese cheaz Datin qui dedens s'estoient werandis. (STAVELOT, Chron. B., a.1447, 305). [Un chevrot fuyant derrière sa mère]Voyant ce le chevalier, il se mist en chasse de randon comme pour grosse beste, et la chievre et son faon au fuir pour eulx garantir. (Percef. IV, R., c.1450 [c.1340], 928).

.

Se garantir de qqn./se garantir contre qqn. "Se protéger de qqn" : Puis que Desirs me veut dou tout grever, Je ne me puis contre lui garentir, Einsois m'estuet morir et desperer, Puis que Desirs me vuet dou tout grever ; Car il m'esprent et si m'art, sans cesser, Si que ne sçay que puisse devenir. (MACH., L. dames, 1377, 83). ...puis alla en Inde et subjuga tout jusques au mont de Melade, où plusieurs monterent pour eulx garantir de lui, qui là ne pot monter pour ung terre mote qui fut lors (SIMON DE PHARES, Astrol., c.1494-1498, f° 26 v°).

.

Se garantir de qqc. : ...là a une place que quant les gens vont pardessus pour eulx garantir de la pluie, ilz cheent du hault en bas en un sac là où ilz sont tous emplumez et très bien brouilliez. (Comptes Lille L., t.1, 1382-1482, 269). Pris estoient [les Anglais] comme en une nasse, Si n'eussent trouvé cest accort ; Mes il ont eu temps et espasse Qu'i se sont garantiz de mort. (Myst. siège Orléans H., c.1480-1500, 634).

-

Garantir qqn de qqn./Garantir qqn contre qqn. "Protéger qqn contre qqn" : Jo sai que tieng a tort la terre al roi Pepin, Et si ne le puis mie contre lui garantir (Garin Lorr. M., c.1330-1400, 486). Je vous ay en convent mez cors vous aidera, Et encontre tous homez on vous garandira (Hugues Capet L., c.1358, 222). Orvoy, dist l'escuier, je vous dy que vous venez veoir la fleur de toute noblesce et de toute courtoisie, qui de loingtain pays est cy venu combatre pour vostre honneur garder, vostre pays et voz gens. Ce sont les deux enfans de Lusegnen qui vous sont venus secourre et garandir du roy d'Ausay et de sa puissance et adventurer leur honneur et leur vie pour vous. (ARRAS, c.1392-1393, 162). ... vous avez bon garant et tres vaillant prince et bachelereux, qui bien vous garantira contre eulx [les Sarrasins]. (ARRAS, c.1392-1393, 122). Lequel conte de Savoie ne le voult point garantir contre ledit duc de Bourbon son grant oncle (MONSTRELET, Chron. D.-A., t.2, c.1425-1440, 3).

-

Garantir qqn de qqc. "Préserver qqn de qqc., défendre qqn contre qqc." : ...en sa maladie vit en avision les dyables qui le vouloient emporter, et Nostre Dame l'en garenti (Mir. Pierre Changeur, c.1378, 230). Et de fait nous lisons comment Noé obeÿ tres prestement a Dieu, comme il appert ou .IXe. chapitre de Genesis. Et pour ce fu il garenti du deluge. (LEGRAND, Bonnes meurs B., 1410, 314). De gentilz hommes qui garentissent leurs sergens de ventes et de péages des bestes de leur noureture qui sont nouries en la chastellerie, de leur blé et de leur vin qui craissent en la chastellerie. Chascun vaasseur puet avoir un sergent, pour quoy il soit son prévost, et le sergent receve ses coustumes, et les garentissent de ost et de chevauchée. (Cout. instit. Anjou Maine B.-B., t.1, 1385, 254-255). Mais messire Jaquelin Trousseau et messire Ja. de Montmor, chevaliers, à l'ayde et intercession d'aucuns de leur congnoissance, par leur bon rapport, furent garantiz dudit peril et commocion à tres grant difficulté. (FAUQ., I, 1417-1420, 151). ...par fortune, ainsi qu'il [le roi] yssoit hors du chasteau d'icellui lieu, cheÿ sur lui, dessur l'une de ses manches, une grosse pierre de fes, dont et de quoy il fut en moult grant danger de sa personne, duquel danger [par] Dieu et la benoiste Vierge Marie, à la grace de laquelle il est moult fort enclin, en fut garendi et gecté hors. (ROYE, Chron. scand., I, 1460-1483, 300). Et tant y a que quant vous luy feriez reffuz, et il se courrossoit contre vous, ja vostre cité ne vous garantiroit de sa puissance. (Jehan de Paris W., 1494-1495, 38).

-

En partic. Garantir qqn de (la) mort/garantir qqn de mourir : ...Ramembrer, Ymaginer En dous plaisir Sa dame vëoir, oïr, Son gentil port Le recort Dou bien qui sort De son parler Et de son dous regarder, Dont l'entrouvrir Puet garir Et garentir Amant de mort. (MACH., R. Fort., c.1341, 17). ...elle [Nostre dame] garanti de mort un marchant, qui lonc temps l'avoit servie de chapiaux, d'un larron qui l'espioit (Mir. march. larr., c.1349, 94). Tu vois comment Susenne fu De mort garentie et de fu Seulement pour sa loyauté, Qui fu prise pour sa biauté. (MACH., C. ami, 1357, 56). Mahon, vueillez me garantir De mort villaine ! (Mir. st Panth., 1364, 318). Qui est l'omme de cuer si dur, si ingrat et si pervers que se le roy, qui icy est, offroit monseigneur le Daulphin, son propre enfant, a mort pour le garentir de mourir, et pour le sauver et honnourer, qui moult n'amast le roy ? (GERS., Noël, p.1404, 294). ...suposé que Pillate ne vault oncques condempner nostredit vray sauveur Jhesucrist, mais pour ce qu'il ne fist son devoir a le garandir de mort. (LA SALE, Salade, c.1442-1444, 64). ...sy fery le Saine ung sy mervelleux et tant grant cop sur son healme que oncques le cercle d'or ne la coiffe d'achier ne le pot garantir de mort, que tout ne fust pourfendu jusques es dens. (Gérard de Nevers L., c.1451-1464, 60). Elle n'a garde [de mourir], si vous luy faictes ce que je vous diray, dit le medicin ; mais, si vous tardez gueres, tout l'or du monde ne la garantira pas de la mort. (C.N.N., c.1456-1467, 136).

2.

Garantir qqc. "Préserver, protéger qqc." : Pourquoy iceulx donneurs promistrent et s'obligèrent ledit don garantir délivrer et deffendre, oster et mectre hors de tous empeschemens et encombrences (Cartul. Hôtel-Dieu Cout. L., 1417, 236). Se nous disons donques que, aussi justement sont lez possessions de la chose publique tenues et obligees, pour le bien comun et la chose publique garantir et sauver (Songe verg. S., t.1, 1378, 44). Pierart le Coryer (...) aucuns des meubles le dit Henry Grandedamme dit le Grant Henri, qui, si que dit est, avoit fait piet fuitich, avoit soustoitiet pour a lui varandir et sauver et arrierer de payer chiaus a cuy il estoit redevalles. (Arch. Nord, 1405, B 11516, f° 4, IGLF). Le pareil cas advint pres la cité de Tours au lieu de saint Martin le Bel, par les merites du glorieux saint Martin qui voult garantir sa bonne cité. (CHART., L. Esp., c.1429-1430, 145). ...et pour garentir et deffendre ton ame, si nul vouloit prandre, et devant luy la presenter ; ainsi je te veil garenter : soys certaine, Vierge Marie, tu auras pardurable vie (Trespassement N.D. G., 1484, 512).

-

Garantir la vie : Dont se commença Aigres a courroucier, quant il perçut la mauvaistié de l'empereur et mist paine quanques il pot pour sa vie garantir. (Bérinus, I, c.1350-1370, 372). On apelle reüses quant un cerf fuit et refuit sus soy et estorses aussi, pour ce qu'il estort et garentist sa vie en faisant ses subtiletez. (GAST. PHÉBUS, Livre chasse T., 1387-1389, 63). Or a Fortune bien au bas Mis Cirus, qu'elle ot en mains pas Sauvé et garenti la vie ! (CHR. PIZ., M.F., II, 1400-1403, 207). Leur consule, par quelque tour, Pourchaça paix, pour garentir Sa vie (CHR. PIZ., M.F., III, 1400-1403, 272). Quant Garin le viellart a oÿ ce plaidier, Ung peu s'est aviséz et prist a soustillier Qu'il vora ceste chose faire et ottroyer, Tant qu'il a fait a Garin ces choses anonchier Pour garandir sa vie. (Enfances Garin de Monglane K., p.1400, 81). Mais haultement reclame Dieu et la Vierge Marie quilz luy vuellent garentir la vie. (BAGNYON, Hist. Charlem. K., c.1465-1470, 52). Plusieurs Gantois estoient mussez soubz les lictz et ès chambres, planchiers et celliers, chascun qui mieulx mieulx, pour garantir sa vie (LA MARCHE, Mém., II, c.1470, 244).

-

Garantir qqc. de qqc. : Ains que le vosisse donner Au messagier qui l'atendoit Et qui apriés les mains tendoit, Pour mieuls garantir de le plueve Je l'encloï en toille noeve, Bien ciree et bien aournee. (FROISS., Pris. am. F., 1372-1373, 103).

3.

DR. FÉOD. [En cas de démembrement d'un fief, à la suite d'une vente ou d'une succession]

-

Garantir qqc. (en hommage). "S'obliger d'acquitter, envers le seigneur suzerain, de la foi et hommage pour la portion de fief cédée (en vente ou succession)" : ...car don de mariaige est repuctacion de suctession, et [celui qui a les deux pars] doit garantir icelluy tiers, ou quant les deux pars se departent par suctessions que l'aisné a les deux pars et le puisné le tiers, semblablement se peut icelluy tiers garantir. Et autant est il de celui qui tient le tiers à luy venu par suctession, qui en peut avancez le tiers et garantir et donner en mariaige à tenir en paraige. (Cout. instit. Anjou Maine B.-B., t.2, 1437, 542). La coustume du pais est telle que tout homme peut bien donner vendre ou allienner la tierce partie de sa terre tenue de son chief seigneur à foy et hommaige, et en la vendant, donnant ou alienant y retenir foy et hommaige, justice fonciere et autre devoir feodal : ne le souverain ne le peut empescher. Et en ce cas l'omme de foy fait de son dommaine son fié ; et garantira icelle tierce partie à son hommaige ; et aura les ventes, prouffilz et rachaz mesmement quant le cas se y ouffrera. (Cout. instit. Anjou Maine B.-B., t.2, 1437, 543).

-

Garantir en parage. "S'obliger de détenir un fief entre frères et soeurs en indivis" : Et si les puisnez ont en leur partie fié entéring, l'ainsné de puisnez fera la foy d'icelui fié entier, et garantira aux autres puisnez en parage. (Cout. instit. Anjou Maine B.-B., t.1, 1385-1411, 184). En parage, si c'est fié entéring, l'ainsné frère ne garentira pas en parage, ainz fera la foy et le rachat vers le seigneur, pour quoy il soit en aage. (Cout. instit. Anjou Maine B.-B., t.1, 1385, 201).

-

[D'un vassal] Garantir qqn. "Donner garantie au seigneur du droit d'hommage qu'il a sur une portion de fief vendue" : Si le souverain avoit receu telz hommaiges par despié de fief de telz acquereurs sans ce qu'ilz eussent tiré à garant leur vendeur, ce ne peut estre ou prejudice de celu vendeur qu'il n'en ait de rechief l'obeissance, sommacion faicte audit seigneur souverain de lui en rendre l'obeissance, en l'informant qu'il tient advenament pour le garantir, si le souverain ne veult prouver le desavenant. (Cout. instit. Anjou Maine B.-B., t.4, 1464, 192).