Empl. intrans.

A. -

[D'une chose] "S'agiter d'un mouvement (gén. léger) de va-et-vient, trembler, frémir" : En ceste gent dont je vous conte Demouroient Paours et Honte ; Car einsi com la fueille en tramble Contre le vent fremist et tramble, Leur trambloit li corps et les james En la presence de leurs dames, Voire, dès le piet jusqu'en chief, Tant avoient il de meschief... (MACH., D. Lyon, 1342, 196). U coer fu plains de hardement, Bruiant se part pour avenir, Toute la pree fet fremir (Dame Lycorne G., c.1349-1350, 157). ...et Mauchastres, sanz plus atachier, se departi et point son cheval de tel ravine que toute la mer en fist fremir. (Bérinus, I, c.1350-1370, 235). Item, touz corps qui resonent tremblent et fremissent, si comme il appert des campanes et des instrumens de musique, et ou ciel ne peut estre tel tremblement qui n'est pas mouvement simple, car le ciel est meu tant seulement de mouvement purement circulaire. (ORESME, C.M., c.1377, 476). ...un vent fraiz gentement alens qu'ainsi faisoit la marine fremir. (RENÉ D'ANJOU, Cuer am. espris W., 1457, 103).

-

[D'un liquide, de l'eau] "Commencer à bouillir" : ...et atant mist ledit voult de cire en icelle paile, avec ladite eaue, fremir bien et longuement (Reg. crim. Chât., II, 1389-1392, 329).

-

[De la terre qui tremble] : ...si fremy La terre et soubz leur piez trembla (CHR. PIZ., M.F., III, 1400-1403, 209).

B. -

[D'une pers.] (Se) fremir. "Trembler, s'agiter" : Si commanda li rois que on laissast l'assallir et que cescuns se alast logier (...) Qui adonc veist gens fremir et appeller li uns l'autre et querre pièce de terre pou mieulz logier les assallans, retraire les navrés, (...) les mors ratrainer et rassambler, veoir y peuist grant triboulement. (FROISS., Chron. L., II, c.1375-1400, 126). Les nouvelles furent tantost trop long sceues comment les Anglois, Gascons et pillartz avoient pris et conquis la bonne ville de Montferrant en Auvergne. Tous ceulx qui en oyent parler et à qui il en touchoit, s'en esmerveilloient et s'en doubtoient, et fremissoient les voysins pays (FROISS., Chron. M., XIV, c.1375-1400, 218). Je doy bien trembler et fremir (...) Quant je pense a la grant orreur Que j'ay eu en vision (Mir. Pierre Changeur, c.1378, 250). Par foy, dist-elle [Mélusine], je croy que cilz jeunes homs dort sur son cheval, ou il est sours et muet. Mais je croy que je le feray ja parler, se il oncques parla nul jour. Lors le prent par la main et le tyre fort et ferme en disant : Sire vassaulx, dormez vous ? Et Remondin [fremist] tout ainsi comme uns homs qui s'esveille en seursault, et met main a l'espee, comme cil qui cuidoit que les gens du conte lui venissent courir sus. (ARRAS, c.1392-1393, 24). Adont peuist on veoir gens fremir et esbahir, et celle bataille rengie desconfire a peu de fait, car casquns se pena de rentrer dedens la ville a sauveté. (FROISS., Chron. D., p.1400, 690). LE FOL. Qu'elle[la dame] te fera gemir Et fremir Avant qu'ayes l'acointance ! (Jeu quatre pers. L., a.1465, 183).

-

[Devant une chose redoutable] : Se fremissoient toutes gens devant yaus, et rançonnoient villes et pays à non ardoir et à vivres. (FROISS., Chron. R., VIII, c.1375-1400, 152).

-

Fremir contre qqc. "Se débattre contre qqc. (parce qu'on a peur)" : Et dit [Aristote] que nulz ne doit fremir Contre la mort, ne la cremir. (LE FÈVRE, Respit Mort H., 1376-1380, 9). ...quant Nature, toute foible et abatue par melencolie et par douleur, se print a fremir et hericer contre la terrible freour de la mort, comme celle qui ne peult souffrir ne veoyr la violente destruction de son ouvrage, mais tousjours rapareille et soustient en estre de son povoir ce que fortune, maladie ou l'elementaire contrarieté y deffait, pour nous faire durer nostre droit perioude. (CHART., L. Esp., c.1429-1430, 22).

-

[P. méton., du corps, de la chair..., p. métaph. du sang, du coeur... (surtout sous l'effet d'une forte émotion)] : Car par ton vueil Nature en moy s'en esbahist Et mes sens s'en esvanuïst, Dont li cuers me tramble et fremist. De ce me dueil. (MACH., R. Fort., c.1341, 46). Seigneurs, tout le corps me fremist Et tremble pour ceste aventure (Mir. ev. arced., c.1341, 140). Quant j'eus la bonne piece esté, Comment que ce fust en esté, Mes corps trambloit et fremissoit. Mais moult forment m'abelissoit Et abelist, quant m'en souvient. (MACH., D. Aler., a.1349, 270). Mais c'estoit chose mervilleuse Et avec ce trés perilleuse, Dont ses corps fremist et trambla. Adont son conseil assambla Si leur conta tout cest affaire Pour savoir qu'on en porroit faire. La ot il a ceste assamblée Mainte parole devisée. (MACH., D. Aler., a.1349, 314). Ce sont souvenirs et pensées, Plaisirs et joies tost passées ; Si a des cogitations Qui dedens les ententions Font maintes fois les cuers fremir En la partie de cremir. (MACH., D. Aler., a.1349, 332). Mais se cheüs en un marés Fust Balthasar jusqu'au braier, Ne se peüst tant esmaier Com de la main qu'il a veü. Car puis n'a mengié ne beü, Eins li fremissent tuit li membre Toutes les fois qu'il se remembre De la main, et li corps li tramble Plus que ne fait la fueille en tramble. (MACH., C. ami, 1357, 26). ...Je n'os onques si grant frisson, Si grant paour ne si grant doubte, Car la char me fremissoit toute ; Et la cause je ne savoie, Fors tant que veoir la devoie [ma dame]. (MACH., Voir, 1364, 200). Mais quant je vin a mon hostel, Assaut en ma vie n'os tel, Car Honte me vint assaillir, Dont je cuidai bien sans faillir Qu'elle me deüst estrangler : Onques mais ourse ne sangler Ne beste, tant fust foursenee, Ne vi venir si aïree, Car quant elle vint contre mi, Par Dieu, tout le sang m'i fremi... (MACH., Voir, 1364, 218). Car pour la paour des sauvages Bestes me fremist li courages Et tremble tout. (Mir. st J. Paulu, c.1372, 108). La grant ardeur de mon plaisant desir Ne m'entrelaist force, pouoir ne joie ; Par grans soupirs me fait teindre et palir La grant ardeur de mon plaisant desir. Et si me fait le cuer si fort fremir Que tous li corps m'en tramble ; einsi me loie. La grant ardeur de mon plaisant desir Ne m'entrelaist force, pouoir ne joie. (MACH., L. dames, 1377, 103). Et quant il [Saintré] oÿ parler de dame par amours, comme cellui qui onques ne l'avoit pensé, les yeulx larmoiant, le cuer fremist et le viz palist, si qu'il ne sceust un seul mot parler. (LA SALE, J.S., 1456, 7). ...en lysant, le sang luy monte et le cueur luy fremist [À propos d'une lettre de rupture] (C.N.N., c.1456-1467, 180).

-

Fremir des dents. "Grincer (des dents)" : Et, ce disant, il [le lion] commença a batre la terre de sa queue et fremir des dents. (COLART MANS., Dial. créat. R., 1482, 119).

-

Fremir de qqc. (de douleur, d'une émotion...) : ...Car sans faillir Teindre, trambler, muer et tressaillir, Pleindre, plourer, souspirer et gemir, Et en paour de desespoir fremir Me couvendra ; N'a mon las cuer jamais bien ne vendra, N'a nul confort n'a joie n'ateindra, Jusques atant que la mort me prendra... (MACH., J. R. Beh., c.1340, 64). ...Et m'enfermai dedens ma chambre Com cilz qui n'avoit cuer ne manbre Qui ne fremist de droite joie Pour le grant desir que j'avoie De vëoir ce riche present. (MACH., Voir, 1364, 174). ...C'est bien raison que je vous die Sa fin et sa piteuse mort, Dont j'ay souvent si grant remort, Que toutes fois qu'il m'en remembre, Je n'ay ne sanc, ne cuer, ne membre Qui ne fremisse de doulour, Et qu'il ne pere à ma coulour... (MACH., P. Alex., p.1369, 246). Li rois, qui tous fremissoit d'aïr et de mautalent, ne respondi point adonc, mès chevauça un petit plus avant. (FROISS., Chron. L., III, c.1375-1400, 180). Li connestables de France, qui estoit d'autre part l'aige, jète ses ieux et voit ces gens d'armes (...) comment il aprochoient Commines. Adont li commencha li sans tous à fremir de grant hideur que il ot, car il sentoit grant fuisson de Flamens par delà l'aige tous esragiés. (FROISS., Chron. R., XI, c.1375-1400, 16). Belle, et comment que bien affiere Qu'à moy soit fiere Vo douce chiere, Qui tant m'est chiere, N'est drois, quant elle ha sans demi M'amour entiere, Sans parsonniere, Qu'à mort me fiere, Car ja de paour en fremi. (MACH., Les lays, 1377, 286). Li rois de France, qui tous fremissoit d'air et de merancolie, ne respondi point adont, mais cevauça encores un petit plus avant. (FROISS., Chron. D., p.1400, 732).

-

Fremir qqc. : ...le temps de cestui mon présent vivre droit-cy et à ceste heure peut donner beaucoup de diverses ymaginations aux cler voians et faire doubter et frémir diverses et sauvages conséquences en temps advenir. (CHASTELL., Chron. K., t.3, c.1456-1471, 362).

V. aussi fourmier