A. -

"Visage"

1.

Au propre : Amours m'assault (...) Pour mon clerc qui de cy s'en va, Car sodainement monstré m'a (...) Son biau parler, sa doulce face. (Mir. abbeesse, 1340, 66). Puis une dame trés parfaite De quanqu'a vray amant couvient, Qui pour Dangier desdire vient, Lors son contredit tout efface Et tel cop li donne en la face Que devant li chiet estendus, Ne plus ne puet estre entendus, Car on ne le vuet plus oïr. Adont l'en couvient il fuïr. (MACH., D. Aler., a.1349, 323). La face avoit trop gracieuse, Plaisant, gaie, simple et doucette, Mais elle estoit un po palette, Pour ce que il avoit veillié Toute la nuit et travillié (MACH., F. am., c.1361, 183). A descouvert vous vueil offrir Ma face et a vous touz ensemble. Sui j'Osanne ? que vous en semble ? (Mir. roy Thierry, c.1374, 337). Et aussi comme il [Empedocles] ne povoit rendre rayson de tout, semblablement ces ici ne peuent dire que tous corps soient fais de corps qui sont de parties semblables, car une face ou visage n'est pas fait de faces ou visages ne une autre chose qui est selon nature de certaine figure. (ORESME, C.M., c.1377, 620). ...et appelle le Saint Esperit, comme en se complaignant et huchant a basse chierre, a face esplouree, a lermes et gemissemens (GERS., Pent., p.1389, 74). Encores dit le dit Gervaise que autres fantasies s'apperent de nuit, en guise de femmes a face ridee, basses et en petite estature, et font les besoingnes des hostelz liberalment, et nul mal ne faisoient. (ARRAS, c.1392-1393, 3). ...et [Mélusine] estoit affublee de blans cuevrechiez a la guise du viel temps. En cel estat que je vous ay recordé, jura Cersuelle a monseigneur qu'il la vit. Et plus, il dit qu'elle s'en ala asseoir sur le banc au feu, l'une heure le viaire devers le lit et le doz au feu, si que ilz povoient tout a plain veoir sa face, et bien leur sembloit qu'elle avoit esté moult belle, et l'autre heure retournoit le visaige devers le feu, et gueres de temps ne se tenoit en un moment. (ARRAS, c.1392-1393, 309). LA SECONDE DAME. Tant [Griseldis] est constant que m'en merveil, Car veü l'ay de foiz pluseurs Devant le marquis et ailleurs, Et qu'il sa face remiroit, Qu'onques elle ne se muoit (...) Ains moustre tousjours lye chiere Et en devant et en derriere, Sanz aucun signe de doleur (Gris., 1395, 58). ...a ce tres dur departir tenir ne se peurent que l'eaue de leurs doulans cuers ne descendist par leurs yeulz aval leurs faces (LA SALE, J.S., 1456, 134). ...larmes a tant saillirent de ses yeulx et descendirent au long de sa belle et clere face jusques bien bas sur sa robe. (C.N.N., c.1456-1467, 164). C'est bien face de penitance ; Doulce barbe et grans cheveulx En chief piteulx Signe sont de grant astinance. (Pass. Auv., 1477, 107). ...car, selon les diverses parties du ciel, sont changées les faces des hommes, les coulleurs et les diversitez des courages. (SIMON DE PHARES, Astrol., c.1494-1498, f° 1 v°). ...et, par aucun art, devant les simples gens faisoit apparoir que aucunes radiacions et sintilles des estoilles bailloient reverberacion à sa face, et, pour ceste merveille, lui fut, après sa mort, eslevé sepulcre merveilleux (SIMON DE PHARES, Astrol., c.1494-1498, f° 15 v°). ...assez tost après, fut le monstre qui avoit corps de cheval et face humaine, qui respondoit de toutes questions (SIMON DE PHARES, Astrol., c.1494-1498, f° 31 v°).

-

À lie face. "Le visage joyeux, avec joie" : ...il respondi incontinent au messagier a lie face en disant... (Percef. III, R., t.1, c.1450 [c.1340], 170).

-

[Point de vue anatomique] : Lentigines ce sont infections du cuir de la face le plus et aulcuneffois du cuir de tout le corps (GORDON, Prat., c.1450-1500, III, 24). ...et se la male complexion est humide, l'orine est espece et la egestion est humide et le poulz mol sans soif et la face subrubiconde et ainsi des aultres (GORDON, Prat., c.1450-1500, VI, 1). Les particules de la face sont le front, les sourcilz, les yeulx, les nazilles, les oreilles, les tamples, les joes, les os, les mandibules avec les dens. (PANIS, Guidon, 1478, tr.I, doct.2, chap.2). Le second [inconvénient] est corruption de couleur de la face a cause des humidités aquatiques samblables a l'orine, meslees avec le sanc, qui ont acoustumees de estre consumees par le veillier, montent au cerveau et a la face avec le sanc et font la face enflé et cendreux. (Rég. santé corps C., 1480, 8).

-

[Sur une monnaie] "Effigie" : ...ung des deniers dont Jesuschrist fust vendu et est d'argent, d'ung costé est la face ou ymage de Cesar et d'aultre costé est comme une houppe ; dont nous furent donnés des impressions benistes faictes le grant vendredi. (BARBATRE, Voy. T.-C. P., 1480, 158).

-

Prov. : .. "...le fol apperçoit trop bien la petite buschete en la face de son voisin, mais il ne se donne de garde du grant tref quy [lui] pend a l'ueil..." (CHR. PIZ., Cité dames C., c.1404-1407, 891).

-

Demi face. "La moitié du visage" : Mais ou est le preux Charlemaigne ? Semblablement, [où est] le roy scotiste Qui demy face ot, ce dit on, Vermaille comme une emastiste Depuis le front jusqu'au menton (VILLON, Test. R.H., 1461-1462, 46).

-

[En parlant d'un mort] De pleine face. "À visage découvert" : Mais lo que ce saint corps levons Et le portons de plaine face En l'eglise saint Boniface (Mir. st Alexis, 1382, 368).

-

[Loc. non encore figée] En face

.

En face de qqn. "Sous les yeux de qqn, au vu de qqn" : Puis, lesdis compaignons despoullèrent les mors en face de leurs ennemis (MOLINET, Chron. D.J., t.1, 1474-1506, 64).

.

Voir qqn en face : Quant triste suis, ma grant douleur s'efface Incontinant que le puis voir en face (LA VIGNE, S.M., 1496, 142).

.

En face presente : Or escoutez, seigneurs et dames : Je vous dy en face presente Que l'evesque a vous me presente Conme curé que je doy estre De ceste eglise. (Mir. parr., 1356, 21).

.

En pleine face. "À visage découvert" : Mais ostons les bacins des chiefs : Ilz en seront mains empeschiez Et miex veuz en plaine face. (Mir. ste Bauth., c.1376, 141).

.

En pleine face de qqn. "Devant qqn" : ...dites qu'il [le pape] s'avance De cy venir, que sanz doubtance De sainte eglise en plaine face Vueil que les espousailles face De ma fille et du seneschal (Mir. Rob. Dyable, c.1375, 70).

-

À face hardie. "Effrontément" : ...toutesfoys, a face hardie, Cest homme [Jésus] cy faict ses effors Et d'ung grand fouet, par maistrye, Nous a tous du temple mis hors. (MICHEL, Myst. Pass. J., 1486, 74).

-

De face rigoureuse. "Avec sévérité" : Pour quoy iceulx, (...) lui dirent de face rigoreuse : "Quelle maniere est cecy que tu nous faiz et monstre ? comme se nous ne te congnoissions ! Sachez pour certain que nous avons delivré le pays de ton ruffien qui te menoit, et que nous quatre arons publicquement et l'un apres l'autre ta charnelle compaignie." (RASSE BRUNH., Flor. Elvide B.N. C., a.1456, 18).

-

Face à face. "Les visages tournés l'un vers l'autre, vis-à-vis" : M'aparissant devant luy face a face (LA VIGNE, S.M., 1496, 208).

.

Voir qqn face à face : Li roys son conseil appella, Et les sages qui furent là, Et dist : "Signeurs, nous sommes ci En assez bon point, Dieu merci, Qui nous a fait si belle grace, Que veü avons face à face Nos annemis et desconfis ; Chascuns de vous en est tous fis..." (MACH., P. Alex., p.1369, 80). Tantost de son lieu se depart, Et si s'en ala ceste part Où li gentils roys se seoit, Car face à face le veoit. Un petit de lui s'eslongna, Et devant lui s'agenouilla... (MACH., P. Alex., p.1369, 243).

-

[Attitude d'humiliation et d'adoration] La face à terre : ...les archevesques de Mayence et de Trèves amenèrent le roy qui, durant laditte letanie, se prosterna devant l'autel, les bras en croix et la face en terre. (MOLINET, Chron. D.J., t.1, 1474-1506, 507).

-

[À propos de saint Pierre sur la croix] La face tournee vers le ciel : Mez moy, qui doy aler au ciel Et m'ame rendre a saint Michiel, Doy mourir en crois bestournee, La face vers le ciel tournee, En hault les piez, en bas les mains. (Mart. st Pierre st Paul R., c.1430-1440, 148).

-

Abaisser sa face. "Baisser la tête (en signe de pénitence)" : Il fault que j'abaisse ma face, Puis que voy [l. je voy] mon bon seigneur [Jésus], Celluy que les pechés esface. (Pass. Auv., 1477, 152).

-

Choir sur sa face. "Tomber sur le ventre" : ...par tres grant paour je suis choit adans et sur ma face (Songe verg. S., t.2, 1378, 262).

-

Couché en la face. "Couché visage à terre, couché sur le ventre" : ...je vous advertis que quant l'enffant fut couchié en la face et que les dames cuiderent entendre a la mere qui ja avoit rendu l'ame, elles ne se donnerent de garde quant ou millieu de la chambre qui estoit bien fermee elles veirent ung homme (Percef. IV, R., c.1450 [c.1340], 194).

-

Incliner sa face. "Se soumettre" : S'en paix veulz ta vie finir, Quelque chiere que femme face, Il te fault encliner sa face. (DESCH., M.M., c.1385-1403, 61).

-

Lever sa/la face : Quant le Tors entendy Lyonnel, il leva la face que courroux lui faisoit tenir clinee en bas (Percef. IV, R., c.1450 [c.1340], 189). Helas, que farey je, moy, lasse, Palharde, infame, pecharresse ? Coment puis mes yeulx ne ma face Lever es cieulx, n'avoir lïesse ? Je deusse morir de destresse, Veu les grans pechés ou je suis. (Pass. Auv., 1477, 138).

.

[D'un animal, avec une nuance d'orgueil] : Mais si tost qu'ilz furent en destre, Ly chevaulx Daire a chiere lie, Qui avoit la jument saillie La nuit en celle meisme place, Commença a lever la face Et a hannir a moult hault ton Devant tous (DESCH., M.M., c.1385-1403, 15).

-

Lever la face à qqn. "Présenter un visage avenant à quelqu'un" : LA FILLE. Seray je bien si malheureuse ? Ouy, brief, il fault que le face. SATHAN. Sans estre merencolïeuse A tous convient lever la face. (Myst. jeune fille L., c.1413-1445 [c.1530], 23).

-

Musser sa face. "Se voiler la face" : ...quant ce veismes entre nous trois seurs, Raison, Droicture et Justice, muçames noz faces de honte de veoir si deconvenable extimacion et tant aveuglee decognoiscence en court que on dit autentique (CHR. PIZ., Trois vertus W.H., c.1405, 80).

-

Oster sa face de qqn. "Se détourner de qqn, ne plus rechercher la compagnie de qqn" : Oste donc de femme ta face, Qui est couteuze et si t'estrange En regart de la femme estrange, Car, par le resgart de la femme, Ont maint perdu et corps et ame En l'ardent couvoitent amour. (DESCH., M.M., c.1385-1403, 198).

-

Remettre qqc. en face à qqn. "Remettre qqc. devant les yeux de qqn, rappeler qqc à qqn" : Sur quoy le roy, qui bel langagier estoit et de subtil sens, se recouvra de belles paroles, luy remettant en face tousjours comme il estoit tenu à luy et non à autre, et que pour tant ne le pourroit jamais assez honnorer (CHASTELL., Chron. K., t.4, c.1456-1471, 149).

-

Retourner la face derriere soi. "Se retourner" : Et ne faisoient a chescun mot qu'ilz disoient ou c'on les interrogoit sinon retourner la face derrier eulx, tremblans et tressaillans incessanment (MAMEROT, Traité Neuf Preues S., c.1461-1472, 19).

-

Tenir la face droite. "Tenir le visage de façon à voir celui à qui on parle" : Et soit la porteure de ton corps, dist il, telle que tu tiengnes la face droite, non mie contre le ciel ne baissiée contre terre, mes tes yeulx en regardant ceulx à qui tu parles, ne tors tes levres, ne trop ne les bee, ne clingne d'un ceil ou des deux n'estincelle de regart, n'enseurcille du front, ne rechingne des dens (CHR. PIZ., Paix W., 1412-1413, 168).

-

Tourner sa face. "Se retourner, se détourner (pour ne pas voir)" : Comment, a la requeste de la marquise, le marquis, larmoiant et tornant sa face de pitié, commanda qu'on lui [Griseldis] laissast une chemise (Gris., 1395, 84).

-

Tourner face à qqn. "Abandonner qqn, tourner le dos à qqn" : ...eux tous alors, maltraités et mal mennés de long temps, luy commencèrent à tourner face aussi (CHASTELL., Chron. K., t.5, c.1456-1471, 126).

-

Trouver face de bois. "Ne pas trouver la personne qui avait promis de venir, découvrir qu'on a été trompé" : Iceulx Bourgoignons (...) se tirèrent en la cité, en laquelle cuidèrent entrer sans cop ferir, car le paintre et le Grisart et leurs coadjuteurs esperoyent d'avoir illec ung de leurs adherens, qui leur avoit promis d'ouvrir la porte au tumulte de l'effroy. Mais, quant vient aux lances bassier, ilz trouvèrent face de boix et celui qui ceste promesse leur avoit fait, oncques puis ne fut veu en la ville n'en la cité. (MOLINET, Chron. D.J., t.2, 1474-1506, 343).

-

Venir (par) devant la face de qqn. "Se présenter devant qqn" : Je vous avis que bien faciez Et que le contraire effaciez. S'il vient par devant vostre face, Afin que point ne se parface, En avisant seur quatre choses Qui ne sont mie si encloses Qu'on ne les puist assez vëoir, Qui un po s'en vuet pourvëoir : Se jugement avez a rendre, Premierement devez entendre De savoir quels est li meffais Et a qui il a esté fais. (MACH., J. R. Nav., 1349, 255). ...lez Sarrasins, aprés trés bonne chiere faite, vindrent devant la face du souldan seant en son imperialle majesté, auquel ilz requirent d'avoir selon leur droit et coustume Crestien pour le berser (Fille comte Pontieu B., c.1465-1468, 103).

-

Voir (un ennemi) face à face. "Se trouver vis-à-vis (d'un ennemi)" : Quant on joingt à son ennemy, on le voit face à face, qui est grant hardement de l'attendre. (BUEIL, II, 1461-1466, 113). Il leissa croistre sa barbe, disant que jamais ne seroit faite n'aroit veu les Suisses face à face (MOLINET, Chron. D.J., t.1, 1474-1506, 143).

-

Voir qqn en la face. "Voir qqn devant soi" : Quant les vieillars vit en la face : "Faulx juges," dist lors Daniel, "Pour quoy la fille d'Israel, Semence de Canaan née, Avez vous a tort condempnée ?" (DESCH., M.M., c.1385-1403, 147).

-

P. méton. [Désigne la pers. elle-même] : Mieulx aymasse dure bataille Main a main, que je ne crains face Ne pour demourer en la place. (Pac. Job M., c.1448-1478, 265).

.

Malgré ma face. "Malgré moi, pour mon dépit" : Veez les la ! Hee, maulgré ma face, Ce ne sont que quines et six [aux dés]. Toutesfoiz, certes, contens suis, Puis que la robe ay une foix ! (Pass. Auv., 1477, 203).

.

Jurer la face de qqn : Balinguant a juré Mahommet et sa face (Galien D.B., c.1400-1500, 139).

.

[Dans une formule de serment] : Biaus amis, foy que doy ta faiche ["à ta personne"], Il n'est merveille, qu'el [Vénus] ne faiche, Car elle ha poissanche en tous lieus Sur les hommes et sur les dieus. (Echecs amour. K., c.1370-1380, 180).

.

Prov. Face de prince esjouit le coeur. "La personne, la présence du prince réjouit les coeurs" : ...Son peuple juste, honnorable, vetuste, Jone et robuste attendoit son ancrage : Face de prince esjoÿst le corage. (MOLINET, Faictz Dictz D., 1467-1506, 379).

2.

P. métaph. [Dans le langage religieux]

a)

La face de Dieu/de Jesus Christ

-

Devant la face de Dieu : ...les clameurs des oppresséz inhumainement traitiéz demandent vengance devant la face de Dieu (MOLINET, Chron. D.J., t.1, 1474-1506, 225). "Vous deux comme faulx et traictres je vous appelle devant la face de Jhesu Crist, pour respondre de la grande traïson que vous avez faicte contre nostre souverain, le roy Richard". (SIMON DE PHARES, Astrol., c.1494-1498, f° 150 r°).

.

P. anal. [Avec une nuance de majesté, à propos d'un personnage important] : Ilz se jettèrent à genoulx devant la face du roy, tous chargiéz de lermes (MOLINET, Chron. D.J., t.1, 1474-1506, 599).

.

En la face des dieux. "Aux yeux des dieux" : VENUS. Il n'est chose si villaine Ne [ de ] deshonneur si plaine En la face souveraine Des dieux qu'est humaine vie. (Cene dieux, c.1492, 133).

-

Voir la face de Dieu : Et ne sont pas pour ce loing de Dieu, car Il est partout comme dit est, ne la gloire des bons n'est par ce en rien diminuee ; et pour ce, des anges qui gardent ceulz qui ont vraie humilité, nostre Seingneur disoit : Angeli eorum in celis vident semper faciem Patris mei, qui in celis est - leurs angelz voient touzjours la face de Dieu le Pere. (ORESME, C.M., c.1377, 294).

-

Fuir de la face de Dieu. "Refuser de vivre selon la loi de Dieu" : ...et ainsy tu fuys de la face de Dieu quy telement se veult de nous approuchier tant par assumption de nostre humanité comme par la communion de son precieux corps (Traité S. Sacr. B., c.1450-1500, 146).

-

Voir Dieu face à face : La est son corps de touz anges servis, La face a face voit elle son chier fils (Mir. ev. arced., c.1341, 145). J'ay oÿ dire que li angles, Li saint, les saintes, les archangles, De vois delie, seinne et clere, Loent en chantant Dieu le pere, Pour ce qu'en gloire les a mis Com justes et parfais amis, Et pour ç'aussi que de sa grace Le voient adès face a face. Or ne puelent li saint chanter, Qu'il n'ait musique en leur chanter : Donc est Musique en paradis. (MACH., Prol., c.1377, 10). Ainsy se doint Dieu a nous veoir icy par grace, comme en umbraige et en miroir, et en paradis face a face par gloire ! (GERS., Trin., 1402, 172). Dieu le forma de sa main dextre, Si monte tout au plus hault estre Du chastel voire et le tresperse, Et tout le plus hault sommet perse, Meismes le ciel va trespersant, Et si hault s'en va, en passant, Qu'il maine cellui qui le passe Si hault qu'il voit Dieu face a face. (CHR. PIZ., M.F., I, 1400-1403, 119). Item les benois le recoipvent [le Saint-Esprit] pour fruir et en user par fruition de veoir Dieu face a face. (Somme abr., c.1477-1481, 121). Jamais, nul jour, tant que je vive, Ne le croiray, quoy qu'on m'en face. Se je ne le voy [Jésus ressuscité] face a face, Je me tiendray au contredit. (Myst. Pass. Troyes B., a.1482, 861).

-

Voir Dieu en (la) face : Ja Dieu ne verront en la face. (Liber Fort. G., 1346, 188). Touz jours mais en joye serez, Et serez tuit empli de grace, Et si verroiz Dieu en la face, Plus grans merites avrez que anges. (Jour Jug. R., c.1380-1400, 256). Octroye moy que te voye en face, Et que je face Oeuvres qui te soyent apparans. (Myst. st Laur. S.W., 1499, 236).

b)

Face d'un attribut de Dieu /d'un élément religieux

-

À la face de qqc. "En présence de qqc. ; compte tenu de qqc." : Je n'ay point de santé en ma char a la face de ton yre : il n'y a point de paix en mes os a la face de mes pechés. (CHR. PIZ., Psaumes allég. R., 1409, 95).

-

En face de jugement (de Dieu). "Par devant le juge, pour être jugé" : ...il [Satan, le Monde, la Chair] vindrent devant Nostre Seigneur, le Pere tout puissant, en fache de jugement. (HENRI FERR., Modus et Ratio, Songe pest. T., c.1354-1377, 15). [Autres ex. p.16, 60, 61]

-

En partic. [À propos d'une institution religieuse personnifiée] En face de sainte Eglise. "En présence de l'Église" : ...sa mère s'en estoit allée en Engleterre, où elle s'estoit mariée à très haut et très puissant prince Honffroy (...), lequel elle avoit espousé en face de saincte Eglise (LEFÈVRE ST-RÉMY, Chron. M., t.2, c.1462-1468, 92).

.

Enmi la face de l'Eglise : Or est en ce cas larrenesse, Or est desloial pecheresse D'avoir ainsi menti sa foy A son espoux, de fausser loy En my la face de l'Eglise Qu'elle avoit a son Dieu promise : Les armes fait prandre et le non A ce bastart de son baron Qui d'un autre est fil, et non digne De porter en fraudant la ligne Du pere a l'enfant putatif. (DESCH., M.M., c.1385-1403, 349).

3.

HÉRALD. [Représentation d'une tête d'animal] : Faches visages testes de poissons d'oiseaulx et de telle semblables choses se doiuent senefier selon les corps dont ilz despendent. (Best. hérald. H.E., c.1435-1450, 512).

Rem. Il ne s'agit pas d'un terme d'hérald. au sens strict, à ne pas confondre avec fasce.

B. -

P. anal. "Surface"

1.

"Partie d'une chose, d'un édifice (qui se présente au regard), face" : ...la face où est la mestre entrée [d'une maison], la face qui siet en Bourtibout et la face qui siet et est en la rue du Franc Moreir. (PHIL. VI VALOIS, Doc. paris. V., t.2, 1342, 134-135). Il netoia les sains lieux, et la face du temple, dont il croioit que victoire li feust venue, il para et embelli de coronnes d'or (FOUL., Policrat. B., I, 1372, 106). Mais encore appert que les estoilles ne sont pas meues en rouelant ou en tumbant, car toute chose qui tournie ou qui rouele, il convient par neccessité que elle tourne ce desus desouz ou ce devant derriere. Or est il ainsi que ce que l'en appelle la face de la lune appert touzjours en une maniere. (ORESME, C.M., c.1377, 450). Ou milieu de ceste grant face, Qui a tous plaist de prime face, A un grant portail merveilleux (CHR. PIZ., M.F., I, 1400-1403, 61).

2.

"Une des portions de plans délimitant un solide, chacun des côtés (d'un objet)" : Et semblablement, un corps est dit regulier qui a faces ou superfices semblables et equales et angles aussi. (ORESME, C.M., c.1377, 640). ...deux gros dyamans enchassez en deux anneaulx à faces losenges, l'un esmaillié de blanc et l'autre de rouge cler (Comptes Lille L., t.1, 1432-1433, 326).

-

GÉOM. "Côté" : Ung triangle equilatere ayant 8 pour chascune face, assavoir moult de quant est l'ayre d'icellui triangle. (NIC. CHUQUET, Géométrie H., 1484, 118).

-

[Dans un cont. allég.] : Et se nostre diamant de simple coulour a .IIIJ. fiches [l. faches] et .IIIJ. quarres et agu a la pointe, comme cy dessoubz [il] se declarera - c'est l'ame raisonnable - regarde bien honnestement le Fin Rubin son Creatour et son Espoux (MÉZIÈRES, Vertu sacr. mar. W., c.1384-1389, 71). Pour quoy nous devons savoir, sy come il est demoustré en geometrie, que nulle corporele figure ne peut remplir lieu corporelment a ceste entencion, se ce ne sont figures regulieres qui ont angles et costes et faces de tous poins samblables et equaulx (EVR. CONTY, Eschez amour. mor. G.-T.R., c.1400, 611).

-

ASTR.

.

[P. oppos. à dos] Face (de l'astrolabe). "Partie antérieure (qui contient les tables et l'araignée)" : C'est assavoir que le instrument appelé "astralabe" est ront en sa figure plate et figuré a chascun des costés de divers tres, cercles, et figures. Et l'une parcelle ou il a une roe qui se tourne est appellé "visage" ou "face". Et l'autre part est dicte le "dos". (PÈLER. PRUSSE, Astrolabe L.F., 1362, 34). En l'astralabe sont diverses choses. Premierement l'anel que on appelle l'armille (...) Apres a la face de l'astralabe (FUSORIS, Astrolabe P., c.1407-1412, 110).

3.

"Chacune des subdivisions du cercle zodiacal correspondant à dix degrés ; chaque signe du zodiaque en contient trois, dont chacune est dominée par une des sept planètes ; décan" : En le premiere fache du Thoriel est esleves le fourme d'un homme dardelant et uns hons nus ; en le seconde fache s'eslieve uns homs nus qui a une clef en le main ; en le tierche fache si s'eslieve uns homs qui a en se main un serpent et une saiette. (Compil. sc. étoiles C., a.1324, 67). Chascune signe est divisé en 3 parties egalz, desquelles chascune partie est divisee en 10 degrés et est apelee face (ALCHABIZ, Introductoire, c.1350-1364, I, 11, ms. Oxford, St John's College 164, f° 122 v°). C'est assavoir comme en la triplicité des signes de feu c'est à dire quant signes sont qui sont de la nature du feu, chaulx et secz, faisant le discours par toutes leurs faces, desquelles sont XXXVI, monstra par une experience que en la seconde face du signe de Aries montoit en la VIIIe spere la semblance d'une femme vestue de rouge, en la seconde du Lion monte la forme d'un homme couronné, tendant les mains vers hault, comme demandant aide au ciel, et en la tierce face du Sagitaire monte la forme d'un homme de coulleur d'or (SIMON DE PHARES, Astrol., c.1494-1498, f° 13 r°). Fist autres plusieurs notables livres, tables et traictiez et, entre les autres, en fist ung "qui dictus est Liber secretorum stellarum", ouquel est contenue la division des faces, selon l'ordre des signes. (SIMON DE PHARES, Astrol., c.1494-1498, f° 116 v°).

Rem. Cf. A. Le Boeuffle, Astr., 1987, 111-113, s.v. decanus et 134, s.v. facies ; J.-P. Boudet, Le Rec. des plus célèbres astrologues de Simon de Phares (Thèse), t. 3, 1990, 653.

C. -

Au fig.

1.

"Aspect, apparence extérieure ou façon d'être, caractère"

a)

[À propos d'une pers.] : Et selon ce met Platon en sa policie que le chevalier doit avoir .II. faces : une begnine as citoiens et l'autre cruelle et terrible as estranges, mesmement as adversaires. (ORESME, Pol. Arist. M., c.1372-1374, 247). Mais Neptunus leur monstra face laide... (Rapp., c.1480, 57).

-

[À propos de la Fortune] Face double. "Caractère instable (tantôt favorable, tantôt défavorable)" : Elle [Fortune] t'a laissié Ton sens qu'elle n'a point blecié, Et ce qu'aimmes plus et desires, C'est la vie dont tu yes sires. Après, s'elle a sa face double, Qui en fait et en dit se double, Tourné vers toy a meins dou quart Et fait de travers un regart, T'en faut il einsi dementer, Pleindre, plourer et tourmenter ? (MACH., R. Fort., c.1341, 99).

-

Faire à qqn face de qqn. "Donner à qqn l'apparence de qqn" : [Une allégorie]...se deult et pleure que elle est enlaidie et (...) que l'en ly a faite face de fole femme pescherresce contre raison (FOUL., Policrat. B., I, 1372, 115).

-

Mettre qqc. devant sa face. "Penser à qqc., se rappeler qqc." : Helas, mettés devant vo face Le grant prouffit et la grant grace De ceste humiliation Et treshaulte operacion De Jhesus, roy celestien (Myst. st Adr. P., c.1450-1485, 51).

-

Se mettre devant sa face. "Se regarder en face ; faire son examen de conscience" : Et pour ce se tu veulx bien a la verite toy congnoistre met toy deuant ta face, enquier sans ce que tu te soyes fauorisable que cest de toy tant en condicion naturelle que en meurs. (CIB., p.1451, 197).

b)

[À propos d'une chose] "Aspect" : Si doit l'en regarder la face du ciel et l'air, quant on plante les vignes. (Rustican H., 1373-1374, 77). Il fault prendre, en bonne manière, De bedelle plaisant et clère, Grains de cresson, blanche storace, Et du saffren de bonne face (LA HAYE, P. peste, 1426, 144). Car il n'est si dure ne tant violente introdution que trait de temps ne ramaine a semblance de nature, ne si grant erreur a qui impression de parabolle continuele ne donne face de verité. (CHART., L. Esp., c.1429-1430, 115). Et nous tous qui la estions avironnez, regardans la difformee face du viz, du corps, des bras, des mains, des piez que icellui homme avoit. (LA SALE, Salade, c.1442-1444, 149). Prince, pensez quë avant desjuner Voz biberons ont forment face palle Mais puis aprés on se doit pourmener, Cuidant s'(oy) haulser maintesfois on ravale. (Rapp., c.1480, 57).

-

Face à face de qqc. "Vis à vis de qqc, en face de qqc." : Lesquelz, tous là venus en une plaine assez près d'un aulnoy face à face de la cité, furent bien l'espace de trois ou quatre heures en ordonnance pour adviser et composer les lieux de leurs logis et pour deviser et bailler à chascun sa place, ainsi comme à chascun capitaine appartient. (MONSTRELET, Chron. D.-A., t.2, c.1425-1440, 272).

2.

Loc. adv.

a)

De/en premiere face./De prime face/prime face. "De prime abord, à première vue, d'abord, tout d'abord" : "...Et vechi en premiere face Mon souhet ; mettés le en escript". (FROISS., Joli buiss. F., 1373, 221). Et ce appert par raison, car le mouvement du soleil et des estoilles est tres merveilleusement isnel ; toutevoies, pour ce que il est si loing de nous, il n'est pas appercevable par sens dehors, c'est a savoir par nostre voiement precisement sanz l'aide de la vertu memorative que se recorde que le soleil ou l'estoille fu veue en un lieu et puis est veue en autre ou en autre resgart, car qui les resgarde de prime face, il samble que elles ne se mouvent. (ORESME, C.M., c.1377, 476). Et apres ce que la dicte confession fut leue audit Breton, lui fut demandé par les diz baillis se il estoit ainsi come contenu est en la dicte confession ; lequel, de premiere face, respondi que non [par la suite, il confirme sa déposition] (Doc. 1391. In : M. Bubenicek, Entre rébellion et obéissance, 2013, 592). ...pour venir en ladicte ville de Bruxelles, laquelle de prime face ne lui fut point ouverte (MONSTRELET, Chron. D.-A., t.4, c.1425-1440, 7). Dont prime face est nécessaire, Comme ensuyvant est récité, Eviter superfluité, Tant en boire comme en mengier. (LA HAYE, P. peste, 1426, 89). ...attendu ce que dit est et que ledit de La Roche ne cuidoit ne avoit entencion de blecier ledit Thevenin et qu'il fut esmeu de prime face et de chaudecolle (Doc. Poitou G., t.9, 1449, 151). ...pour le présent n'ay peu adverer ne savoir au vray si ledit du Bois leur devoit ou non, combien que de prime face semble apparoir par lesdiz papiers qu'il ne devoit riens (Aff. Jacques Coeur M., 1453-1457, 48). Madame, qui pas bien ne l'entendit de prime face, lui demanda qu'il disoit, lors ly redist si hault que le seigneur de Saintré l'entendit (LA SALE, J.S., 1456, 274). ...Jehan requist que avecques elle il peust soupper, affin de eulx mieulx ensemble deviser : ce qu'elle ne luy voult de prime face accorder (C.N.N., c.1456-1467, 389). Et cependant se reduisirent à lui plusieurs villes et places tenues et ocupées par ledit de Bourgongne, comme Montdidier, Peronne, Abbeville, Monstereul sur la mer, et autres places estans près de Arras ; mais lesdiz d'Arras ne vouldrent point obeÿr de prime face et se fortifierent fort en ladicte ville de gens de guerre, vivres et artillerie (ROYE, Chron. scand., II, 1460-1483, 44). À bailler recreance on doit avoir regart de la bailler à celui qui de prime face a le meilleur et plus apparent droit en la proprieté de la chose. (Cout. instit. Anjou Maine B.-B., t.4, 1464, 302). Et par ainsi apert que entre les docteurs de medecine n'est pas si grande contraversie qu'il semble de premiere face. (Rég. santé corps C., 1480, 24). ...mais, pour ce que par cy devant n'avez acoustumé ainsi nous escripre, pourroit sembler de prime face que icelles lettres soient faictes à autres fins (Lettres Ch. VIII, P., t.1, 1485, 59).

-

"D'entrée, en premier lieu" : ...nous avons fait lire de premiere face, a aulte voix, vostre dit mandement par l'un de noz clers et aux diz assistans donné a entendre ; apres laquelle lecture, par vertu d'icelluy vostre mandement, nous avons requis aux dis lieutenant, gens et officiers dudit d'Arlay en son absence que... (Doc. 1391. In : M. Bubenicek, Entre rébellion et obéissance, 2013, 601).

-

"A priori" : ...ceste dame que onques puis qu'elle fut vesve a mary ne se voult acompaignier. Me semble de prime face que ensuir vouloit les anciennes vesves de jadiz (LA SALE, J.S., 1456, 3).

b)

À/en pleine face. "Publiquement, ouvertement" : Dame debonnaire et piteuse, Deliberez en pleine face Ce qu'il vous plaira que je face S'i pourvoirray sans reffuser (GRÉBAN, Pass. J., c.1450, 37). ...j'ay esté en lieu et place Ou il a dit en pleine face, ou le peuple estoit aduné, Qu'avant ce qu'Abraham fust né, Il estoit engendré au monde. (GRÉBAN, Pass. J., c.1450, 274). Par quoy je dy que chaudement Il les vous convient poursuivoir, Et vous dy que, de plaine face, Vous leur devez fort courre sus Et les poursuivre a chaulde chasse ; De differer ce seroit abuz. (Myst. siège Orléans Ha., c.1480-1500, 129). Amy Jehan, faictes bon devoir De publier a plaine face Que chacun penitence face (MICHEL, Myst. Pass. J., 1486, 27).

REM. Cf. J. Renson, Les Dénom. du visage en fr. et dans les autres lang. rom. t.1, 1962, 227-271