"Sorcellerie, magie, sortilège" : Huy venisme à nos mal estrime Chi oÿr ses enchantement : à milhier perd(e)rons et à cens D(e) arme par ses sermonerie. ([Sept péchés C., c.1300-1350 [p.1478], 245]). Or fu Roulant armez tresbien et seurement, L'archevesque de Rains lui fist l'echantement. ([Gir. Vienne D.B., c.1350-1400, 187]). Mais de Circé l'enchantement Ne de Piquus le hardement Ne de Caneüs le chanter Ne porroient si enchanter Le vent, le froit et les Compagnes Qui sont au bois et aus champagnes, Qu'il vous menassent la seür Sens avoir aucun maleür. ([MACH., Voir, 1364, 618]). Mais ne fu pas à l'assamblée, Qui pour bien estoit assamblée, Circé, la male enchanteresse, Qui d'enchantemens est deesse... ([MACH., P. Alex., p.1369, 2]). "Je ne voel pas que il nous soit reprochié, ou tamps à venir, que en si haut fait d'armes que nous sommes et tant de vaillans hommes, chevaliers et escuiers, asamblés, que nous ouvrons par encantement ne que nous aions par tel art nos ennemis." ([FROISS., Chron. R., X, c.1375-1400, 178]). "Il nous a fait guerre et nous prist ou castiel de l'Oef par encantement, car il nous sambloit, à nous qui estions ou castiel de l'Uef, que la mers estoit si haute que elle nous pooit acouvrir." ([FROISS., Chron. R., IX, c.1375-1400, 153]). ...et, ainssi, nigromancia est faitte par aucun enchantement, et en tel enchantement ilz y mettent sanc et, adonques, il samble que aucuns mors soient rexucités et respondent aux choses que l'en leur demande, et dy l'en que lez Anemis se delitent et aiment souverainement sanc. ([Songe verg. S., t.1, 1378, 365]). ...et, plus fort, il samble que l'en puist user d'aucuns enchantemens sur lez creatures humaines, car lez enchantemens lezquelx se font par lez dyvines paroles n'ont mie moyns de vertu es creatures humaines que ez serpens ([Songe verg. S., t.1, 1378, 393]). En touz ces tourmens rien n'aconte, Par enchantement les surmonte Et mes paroles tient a foles. ([Mir. st Lor., 1380, 181]). Enfans, dist Melusigne, veez cy deux anneaulx que je vous donne, dont les pierres ont une mesme vertu. Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous, vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. ([ARRAS, c.1392-1393, 84]). ...et aussy les aultres dangiers de la vaynne du vent, du pont et des dragons ne sont que enchantemens pour destruire ceulx qui ont ledit terme passé. ([LA SALE, Salade, c.1442-1444, 99]). Item les nigromanciens, qui par leurs enchantemens font ressusciter les mors et parlent avec eulz pour scavoir ce qu'ilz veullent demander. ([Somme abr., c.1477-1481, 105]). Car c'est ung truant de maulvais estre Qui ne sert que d'enchantemant ([OUDIN, St Genis M.S., c.1490, 56]). ...et fut lui qui premier inventa le degré et qualité de l'elebore en ses deux espesses, au moïen de quoy il fist subitement desenfler les filles du roy Proctis, qui, par enchentement ou autrement, avoient esté malefficiées. ([SIMON DE PHARES, Astrol., c.1494-1498, f° 24 v°]). ...Jhesucrist, Lequel, ainsi qu'il est escript, Fut engendré sans payne amere Et, par le vueil du Sainct Esprit, Tousjours fut pucelle sa mere. Par compere ne par commere Ne par aulcun enchantement Ne fut faict ce divin mistere, Ains fut acomply sainctement. ([LA VIGNE, S.M., 1496, 296]). |
