C. - | DRAP. "Drap fin de qualité supérieure gén. rouge, mais aussi d'autres couleurs éclatantes" : Baillif, nous vous prions (...) que vous nous envoiez dues esquallates blanches goutées de vermoil, une esqualatte vermoille, et une autre paonace qui se traie aussi comme sur morey, c'est à dire qu'elle ait colour de droite violete. ([Hist. industr. drapière Flandre E.P., t.3, 1335, 291]). ...une escarlatte vermeille de Broixelles à faire audit seigneur un seurcot et une cote hardie fourrée de menuvair, 2 autres seurcos fourrés de cendal blanc, un fons de cuve doublé d'autre drap, et chaperons doubles et sengles ([Comptes argent. rois Fr. D.-A., I, 1352, 82]). ...2 fines escarlates, l'une rosée et l'autre sanguigne, à faire 2 paire de robes de cinq garnemens chascune, fourrées de menuvair, pour le corps de ladicte dame ([Comptes argent. rois Fr. D.-A., I, 1352, 288]). Car mult en ai jeo coveitee a flerer et en plus grant delite en les riches choses qe en autres, come en ces escarlettes les queles j'ai coveitee le drap pur le flerour plus qe pur autre chose ([HENRI LANC., Seyntz medicines A., 1354, 47]). Mais la douce, courtoise et franche Vesti ot une cote blanche D'une escarlate riche et belle Qui fu, ce croi, faite a Brus[s]elle ([MACH., Voir, 1364, 214]). ...II escallates entieres, lune morée brune et lautre sanguine brune ([Compte Navarre I.P., 1367-1371, 176]). Et se vestoit de sanguines et d'escarlattes, et se fourroit de menu vairs, ensi que faisoit li dus de Braibant ou li contes de Hainnau. ([FROISS., Chron. R., X, c.1375-1400, 243]). Car apres sa mort, combien qu'il ne fu pas drappier on treuva tant de vermeilles escarlates qui pouoient souffire pour vestir XX cardinaulx ou trente papes ([MÉZIÈRES, Songe vieil pèl. C., t.1, c.1386-1389, 577]). ...XJ aulnes d'escarlate rozée clère, achattées de li ledit XIXe jour de mars, et baillées audit Guillaume Climence, pour faire deux grans manteaulx à pignier, et chapperons doubles pour le Roy nostredit seigneur ([Comptes argent. rois Fr. D.-A., II, 1387, 123]). Pour tant a la beauté et digne clarté des choses espirituelles, qui resplendissoyent continuellement en son ame et en son esperit, effacoit toute la beauté et clarté de ce monde plus que escarlatte vermeille ou le soleil les estoiles ([GERS., P. Paul, a.1394, 514]). LA PREMIERE DAME. Nostre chiere dame honnouree, Que toutes devons honnourer, Desvestir vous fault et parer De ceste escarlate vermeille, Car vostre beauté nonpareille Serra mieux en ce noble habit Qu'elle ne feroit en petit ; Et bien certes vous appartient, Car ceste honneur ne vous avient Fors pour le bien qui est en vous. ([Gris., 1395, 39]). ...li rois d'Engleterre (...) tint court solempnele en l'abeie des Dames de Poisci et scist a table en draps vremauls d'escarlate fourés d'ermine ([FROISS., Chron. D., p.1400, 700]). ...la sont les fins draps tissus, Escarlates... ([CHR. PIZ., M.F., I, 1400-1403, 138]). ...quatre aulnes d'escarlate vermeille de Monstiervillers dont l'on a fait une robe à mi jambe à grans manches closes, fourree de martres ([Comptes Etat bourg. M.F., t.1, 1419, 78]). Aussi les Nobles et puissans, Et autres à ce suffisans, Doivent lors porter vestéure D'escarlate, ou de soye pure, Pour leurs vies mieulx préserver, Et faire tousdiz conserver Les linceulx, où ilz sont gisans, O choses aromatisans ([LA HAYE, P. peste, 1426, 139]). ...porter drapz d'escarlate en temps de pestillence est proffitable, car l'escarlate sent bon pour la nature des matières de sa tainture. ([LA HAYE, P. peste, 1426, 199]). ...ledit Lorin autrefois fu bouté hors de Paris, à l'instance de deux hommes, pour ce que leur refusa et ne leur avoit voulu donner deux robes d'escarlate ([FAUQ., III, 1431-1435, 119]). Item, une aultre houppelle d'esclatre vermeille, fourrée d'une vieille penne de martres ([FAUQ., III, Pièces diverses, 1438, LXXXI]). ...et aussi quiconque est nouveau venu secretaire il doit escriptoire fournye et garnye ou encrier ou comptouer, et a l'en n'en veu donner de beaulx, et des generaulx des finances nouvellement creez une escarlate ([JUV. URS., Nescio, 1445, 450]). Vendu à Pierre Gastellier, cousturier, demourant à Tours, deux aulnes de satin violet figuré, au pris de 2 escuz quart, valent 4 escus demi. Item, cedit jour a esté vendu à Loys Fresneau, pelletier, (...) une robe courte d'escarlate violete fourrée de coustez de martres, sans get, le pris de dix escus. ([Aff. Jacques Coeur M., 1453-1457, 41]). "...Et par ma foy se ainsin vous plaisoit je vous en seroye a tousjours bien atenue, et oultre ce je vous donroye un bon mantel de la plus fine escallacte que l'en pourra finer." ([LA SALE, J.S., 1456, 242]). ...a l'endroit du derriere fist mectre une piece de bonne escarlate, a maniere de tasseau ([C.N.N., c.1456-1467, 321]). ...pourquoy furent decapitez audit lieu de Hedin jusques au nombre de XVIII, entre lesquelz y estoit ung nommé maistre Oudart de Bussy, procureur general de ladicte ville d'Arras et de la conté d'Artois, auquel fut le col coppé dedens ung chapperon d'escarlate fourré de letisse, et ladicte teste avecques ledit chaperon mise et boutée au bout d'un chevron, auquel fut fort cloué ledit chaperon afin qu'il ne feust emblé ensemble ladicte teste. ([ROYE, Chron. scand., II, 1460-1483, 47]). Les testes auront plus vermeilles Que fin cendal ny escarlate. ([LA VIGNE, S.M., 1496, 271]). |
