A. -

"Sans pitié, avec rigueur, cruellement, avec dureté" : S'il vous tiennent en une tour Trois jours ou .IIII. durement, Vous seriés mors certainement (MACH., Voir, 1364, 612). ...icellui prisonnier est alez par plusieurs fois devers elle, eue compaignie charnelle à elle qui parle, et tant que sondit feu mary lui dist qu'il s'estoit aperceu que ledit prisonnier frequentoit avec elle, et, ou contempt de ce, bati et feri de coups orbes moult durement ladite deposant. (Reg. crim. Chât., I, 1389-1392, 270). ...en ferant, sanz plus mot dire, sur lui d'espées et d'autres bastons, le despouillerent (...) et, lui estant ainsi nu, le navrerent moult durement et tellement, qu'ilz le navrerent sur la main et lui firent plusieurs playes, tant sur la teste comme aillieurs, et tant qu'il ne s'en puet aidier et ne puet chanter messe. (Reg. crim. Chât., II, 1389-1392, 223). Durement vous a assailly La male fortune a ce tour. (Gris., 1395, 84). ...il les traicteroit plus durement que oncques son pere n'avoit fait (CHR. PIZ., Paix W., 1412-1413, 126). Ce jour, la Court a fait defense, sur peine de IJc livres, à Thomas Compere, Anglois, qu'il ne mefface ne mesdie à damoiselle Jehanne des Moulins, sa femme, et qu'il ne la traicte durement, ne autrement que mary doit traictier sa femme. (FAUQ., II, 1421-1430, 283). ...le seigneur de Loissellench, qui ne cuidoit pas mains que bien tost le porter par terre ou le fouler (...) ou trop durement le reculer (LA SALE, J.S., 1456, 164). Item, a celle [mon ancienne maîtresse] que j'ay dit Qui si durement m'a chassé Que je suis de joye interdit Et de tout plaisir dechassé, Je lesse mon cueur enchassé, Palle, piteux, mort et transy. Elle m'a ce mal pourchassé, Mais Dieu luy en face mercy ! (VILLON, Lais R.H., c.1456-1457, 15). ...doubtant que la dame ou la brigade estoit ne joyst de celuy que tant avoit traicté durement, escripvit unes lettres de sa main a son serviteur [Une femme regrette d'avoir refusé l'hospitalité à un chevalier, qui s'est rendu chez une autre femme] (C.N.N., c.1456-1467, 479). ...dist au roy que c'estoit chose piteuse et qu'il leur devoit octroïer et que jamais gens ne furent si durement traictéz. (COMM., III, 1495-1498, 59). Lesquels, jusques au nombre de bien IIII mil hommes, saillirent sur les gens dudit grant maistre ; mais tous lesdits Bourguignons furent durement rechassez dedans la ville, à leur grant honte, perte et confusion ; de quoy le commun print si grant despit contre eulx, qu'ils leur volurent courir sus. (LE CLERC, Interp. Roye, c.1502, 377).

-

Se porter durement envers qqn. "Maltraiter qqn" : A viz m'est que le marquis fist Trop mal d'espouser Griseldis (...) Car moult durement s'est porté Envers elle jusques a ci, Qui ses deux enfans lui toli Et maintenant la vuelt laissier (Gris., 1395, 79).

-

"Sévèrement" : Après ce Durtez durement Respont et moult crueusement Le honteus amant despita... (MACH., D. verg., a.1340, 41). ...la dame Que je repren moult durement et blame... (MACH., J. R. Beh., c.1340, 126). Mais, tres chier oncle, de moy si tost marier après la mort de mon pere, je ne monstreroye pas que j'en eusse gaires de douleur de sa mort. Et me semble que je me mefferoye trop et en seroye blasmee moult durement en derriere ; et tel me monstre belle chiere qui en tendroit moins compte de moy. (ARRAS, c.1392-1393, 189).

-

"Sans pitié, avec force, avec puissance" : Li roys seoit sus son destrier, Et tenoit le piet en l'estrier, Fort et ferme et seürement. Là se combat si durement D'une hache bien enferrée Que riens à ses cops n'a durée. (MACH., P. Alex., p.1369, 94).

B. -

"Péniblement" : A demain est [la journee] continuee, Dont il me poise durement. (Myst. Adv. N.D. R., c.1360-1365, 61). Durement vif et humblement l'endure. (MACH., L. dames, 1377, 78). Elle vint a confesse, et de grant paour mouru un peu aprés, et perfina sa penitance en purgatoire moult durement. (GERS., Pent., p.1389, 77). Et la lune luisoit clere. Et ly chevaulx Remondin le portoit tout a son plaisir, ou il vouloit aler, car il n'avoit adviz en lui de la forte desplaisance que il avoit, ne que se il dormisist. Et tant chevaucha qu'il s'approucha durement de la fontaine. Et pour lors avoit sur la fontaine trois dames en esbat, dont entre elles en avoit une qui estoit la plus seignourie, et leur dame estoit. (ARRAS, c.1392-1393, 23). ...puisque Paris qui est le chief seuffre si durement (...) le demourant n'est pas sain (JUV. URS., Loquar, 1440, 359). ...et entra dedans la ville, où il trouva le sire de Rocqueton et ses gens qui combatoient bien durement et avoient bien à besongner ; car dedans Escallon avoit beaucoup de vaillans gens (BUEIL, II, 1461-1466, 130). Si en cuisoit la mort durement et la maniere du faire au marissal et au seigneur de Rocefort (CHASTELL., Chron. IV, D., c.1461-1472, 109). Je fus illec durement tourmenté (LA VIGNE, S.M., 1496, 357).

-

"Gravement" : Cils nobles rois dont je vous conte, Toutes les fois qu'en sa nef monte Et il vient dedens la mer haute, Il le couvient estre sans faute Malade si tres durement Et si tres perilleusement, Qu'en la mer ja ne dormira, Ne buvera, ne mengera, Jusques à tant qu'il voise à terre : Là puet il sa garison querre (MACH., P. Alex., p.1369, 51). Là furent blecié durement Pastez, li Baveux et leur gent (MACH., P. Alex., p.1369, 153). Hé ! dame de vaillance, Vostre douce sanlance M'a pris sans deffiance, Mais au penre sans lance M'a navré durement. (MACH., Ch. bal., 1377, 581). Si devez doncques bien garder entre vous, dames, que vous ne passez nulz des poins de vostre ordre, car durement pecheriez (CHR. PIZ., Trois vertus W.H., c.1405, 167). Et alors le conte dist : "Je ne quiers question a toy, et tu mens." Et Lancelot ariere : "Tu mens, aussi fais." Et aveuc le mot, le conte tyra son braquemart et fery Lancelot, et le navra durement. (CHASTELL., Chron. IV, D., c.1461-1472, 84).

-

"Négativement, défavorablement" : "Espoir est li contes enfourmés sour nous durement." (FROISS., Chron. R., XI, c.1375-1400, 84).

C. -

P. ext. [Valeur intensive] "Fortement, intensément, particulièrement, beaucoup, très"

1.

[Contexte nég.] : Juré t'ay, et jur, Qu'a tous besoins me trouveras Preste, quant mestier en aras, Biaus amis, et tu ne m'en crois, Dont tes maus durement acrois. (MACH., R. Fort., c.1341, 115). Quant Daires oy la nouvelle Et vit que ceint d'une cordelle Furent li prince de Caldee, Il cheï en moult grief pensee Et fu courreciés durement, Car Daniel amoit forment... (MACH., C. ami, 1357, 39). Li roys s'en coursa durement, Et jura moult grant sairement Qu'il n'avoit homme en son païs, Tant fust grans, osés ne hardis, Ne frere, n'autre, tant l'amast, S'il le coursoit, qu'il ne coursast. (MACH., P. Alex., p.1369, 260). Quant le roy Richard (...) sceut la mort de messire Symon Burlé, son chevalier et l'un de ses maistres, qui toujours l'avoit nourry et introduit, si en fut durement courrouciez (FROISS., Chron. M., XIV, c.1375-1400, 42). La royne d'Angleterre en fut durement dolente et en ploura bien et assez (FROISS., Chron. M., XIV, c.1375-1400, 42). ...Alemans sont durement convoiteux (FROISS., Chron. M., XIV, c.1375-1400, 155). ...cellui Gieffroy est chevalier de hault et puissant affaire, et si est terriblement crueulx. Il fait trop durement a doubter. (ARRAS, c.1392-1393, 207). Si me convoitoit durement, Et par dons et par bel langage Moult requeroit mon pucellage. (CHR. PIZ., Chem. estude P., 1402-1403, 24). ...il met tout a haste la main a son oeil, soy plaignant durement, disant qu'il estoit homme deffait et en dangier de perdre ung bon oeil qu'il avoit. (C.N.N., c.1456-1467, 35).

2.

[Contexte positif ou neutre] : Et elle aussi me jura et plevi Moult durement Qu'a tous jours mais m'ameroit loiaument, Sans moy guerpir et sans departement. (MACH., J. R. Beh., c.1340, 82). Si respondi, que plus n'i arresta, Et durement envers moy s'escusa De son penser a quoy elle musa. Et li enquis Pourquoy son cuer estoit einsi pensis. (MACH., J. R. Beh., c.1340, 115). ...li amant ont congié demandé. Mais on leur a baudement refusé, Car Courtoisie, Franchise, Honneur, et Largesse s'amie, Li gentils rois qui pas ne s'i oublie, Et chascuns d'eaus moult durement les prie De demourer. Et il estoit près heure de souper. (MACH., J. R. Beh., c.1340, 133). Mais trop durement liés estoie De ce que nulle creature Ne savoit riens de m'aventure. (MACH., R. Fort., c.1341, 112). Au lez dela le Rosne le duc Roulant s'en va, Pour belle Aude veoir que durement ama. (Gir. Vienne D.B., c.1350-1400, 157). ...ly dis messires Waltier del Pas prist la filhe do dit monssaingnor Waltier le Vilain en mariage, qui estoit riche durement, car ses peires n'avoit plus d'enfans, et portoit keferteleit, teilement que messires Renars de Berghes (HEMRICOURT, Miroir Hesb. B.B., 1353-1398, 441). ...qui fut durement ryches et morit sains hoirs legitime ; mais ilh out pluseurs enfans natureis, marles et femelles, qui ont des hoirs à planteit. (HEMRICOURT, Miroir Hesb. B.B., 1353-1398, 367). ...et furent bin noble de sanc et durement poissans (HEMRICOURT, Miroir Hesb. B.B., 1353-1398, 365). Quant ly soudans le vit, s'en ot grant mautalent ; Et ly no furent liet et joiant durement. (God. Bouillon R., t.2, c.1356, 331). Mais Monmiral est forte et bien abertesquie, Et haute durement et bien edefiie, Et c'est de petit tour, si a ville jollie (Hugues Capet L., c.1358, 224). Moult durement me resjoÿ. (MACH., F. am., c.1361, 150). En ce conte Raoul d'Eu et de Ghines et connestable de France avoit un chevalier durement able, gay, frice, plaisant, joli et legier. (FROISS., Chron. L., IV, c.1375-1400, 123). En ce temps et en celle saison avoit li rois de France dalés lui un chevalier que durement amoit, car il avoit esté avoecques lui nouris d'enfance. (FROISS., Chron. L., IV, c.1375-1400, 129). ...la rivière de Garone (...) estoit durement basse et li saison belle et sèche. (FROISS., Chron. L., IV, c.1375-1400, 161). ...Espaigne (...) est durement grande (FROISS., Chron. M., XIV, c.1375-1400, 9). ...l'archevesque de Cantorbie (...) estoit vaillant homme et saige durement (FROISS., Chron. M., XIV, c.1375-1400, 44). ...ung escuier gascon (...) appert homme d'armes durement. (FROISS., Chron. M., XIV, c.1375-1400, 197). ...une riviere (...) qui est durement grande quant il pluet ou les neges fondent ens es montaignes. (FROISS., Chron. M., XIV, c.1375-1400, 198). Adont s'estourmirent et leverent pluseurs hommes hors de leurs lis, qui oyrent le hustin, et de premier s'esmerveillerent durement que ce povoit estre, car jamais ilz n'eussent pensé, ne ymaginé que ce fussent Anglois que à ceste heure les fuissent venus resveillier (FROISS., Chron. M., XIV, c.1375-1400, 216). Et tant chevaucha Remondin qu'il vint a une ancienne abbaye, grande et grosse durement, qui estoit appellee Malezès, et avoit par my l'abbaye cent moynes sans les convers. (ARRAS, c.1392-1393, 76). En ceste peine et en ce peril fu Gieffroy tant que la survint le nouvel chevalier qui avecques lui avoit esté en Yrlande, lequel l'avoit bien veu partir de la bataille après le soudant. Si l'avoit suivy a IJc. bacinez, car il l'amoit moult durement. (ARRAS, c.1392-1393, 232). Quant Gieffroy entent ceste parole, si commence moult durement fort a penser sur ce fait, et fu grant temps sans respondre. (ARRAS, c.1392-1393, 296). ...Saint Lo le Coustentin, une grose ville, qui pour lors estoit durement rice et pourveue de draperie. (FROISS., Chron. D., p.1400, 686).