A. [Idée de violence] "Fortement, rudement, violemment" : Erec si duremant le fiert Que li escuz del col li vole Et si li brise la chanole (Er 3010). Et cil ra Erec anvaï, Si l'a si duremant feru Sor la pane de son escu Qu'au retraire est li branz brisiez (Er 3807). Et cil qui le gué dut desfandre L'autre premieremant requiert Et si tres duremant le fiert Que sa lance a estros peçoie. (La 848). Et li chevaliers me feri Si duremant que del cheval Parmi la crope, contreval, Me mist a la terre tot plat (Yv 537). Li vaslez vers Clygés s'esleisse, Et cil vers lui sa lance beise* [l. beisse], Sel vet si duremant requerre Que de rechief le porte a terre. (Cl 2895). Et li Greu serré et rangié Ne se sont pas d'aus estrangié, Car duremant broichent et poignent. (Cl 3539). Or se conbat Messire Gauvains duremant. (Pe 4379). Sel sache et tire et si l'estraint Si duremant que cil se plaint, Qu'il li sanble que tote fors Li traie la cuisse del cors. (La 808). Et cele plore andemantier Queque cil la prie et semont, Que cele .i. mot ne li respont, La dameisele, ainz plore fort ; Mout duremant ses poinz detort. (Pe 758).

B. [Idée de degré, d'intensité] "Beaucoup, vivement, intensément" : Mes Cligés duremant aproche, Et de ce li rest bien cheü Que sanz tormant a vant eü, S'a pris a joie et a deport Devant Costantinoble port. (Cl 5050). Qant il ne pot la biche prandre, Yvonet comande a descendre, Que ses chevax mout duremant clochoit (Pe 5629). Por la clarté qu'eles [= les escarboucles] gitoient, Tuit cil qui el palés estoient Si tres duremant s'esbaïrent Que de piece gote ne virent (Er 6785). Et quant li vavasors l'entant, Si s'an mervoille duremant (La 2084). Mes il n'en est mie certeins, N'onques n'en ot plet ne covant, Si se demante duremant. (Cl 5042). Li rois respont qu'il li estuet Sofrir, s'amander ne le puet ; Mes mout l'an poise duremant. (La 63). Mes ele la cuide veraie Et tant duremant s'an esmaie Qu'a po la parole n'an pert (La 4164). Lors fu duremant esperduz Meleaganz et forssené (La 6334). Certes c'est la chose dont gié Seroie duremant iriez S'il estoit morz ou anpiriez. (La 6367). Mes del lyon, que venir voient Avoec lui, duremant s'esfroient (Yv 3782).