"Période qui suit le souper, le repas du soir" : ...me delivra lors Peu d'Advis, nostre hostellier, par maniere d'amyable recreation pour l'aprés souppee ung beau bourdon fort et ferré (SAINT-GELAIS, Séj. honn. D., c.1490-1495, 163).
 

"Espace de temps qui suit le souper" : Quant vint apriessoupper, les nappes osta on [ou est-ce apries soupper ?] (Flor. Rome W., c.1330-1400, 157).
 

Empl. trans. Assouper un pain. "Tremper dans qqc. de liquide (?)" : Et assis a la grande table, Fust-il bourgois ou connestable, Il est villain. Or de ses mains Honnist honnestes choses mains, En sa bouche grant pain asouppe, En faisant vin, brouet et souppe, Et en sa gorge l'englentist. (RIVIÈRE, Nef folz D., 1497, 736).
 

A. -

"Tranche de pain trempée dans le vin ou dans un autre liquide (en partic. du bouillon)" : Il n'avoit pas tous ses aviaus, Car souvent mangoit des naviaus, Des feves et dou pain de soile, D'un haran, d'une soupe a l'oile, Par deffaut de bonne viande. (MACH., C. ami, 1357, 104). Et quant leur souvenoit de fain, Pourveü estoient de pain, Dont en l'aige faisoient soupes (FROISS., Pris. am. F., 1372-1373, 85). ...laquelle qui parle leur bailla du fromaige et du pain et du vin, et fist ledit prisonnier fondre ledit fromaige, et firent des souppes dedens, lesqueles ledit prisonnier menga à la pointe de son coustel (Reg. crim. Chât., I, 1389-1392, 559). Or apourte donc en ta main, Le trainchet pour trainchier nous souppez. Nous y mectro[n]s de grosses louppes, Car tantost trampee seront. (Pass. Semur D.M., c.1420 [1488], 73). Happe ceste laine, Et prens une souppe en ce plat, On t'y fait beau brouet. (P. Jouh. D.R., a.1488, 35). Ha sanglant gibet que il poyse Il a assés mangié de souppes (OUDIN, St Genis M.S., c.1490, 89).

Rem. GRÉBAN, Pass. J., c.1450, gloss. ; MOLINET, Faictz Dictz D., 1467-1506, gloss. ...

-

Soupe de pain : ...et y peut on mectre des souppes de pain levé ou autre, que ja ne se tournera, puis que le lait est ainsi gouverné comme dit est (Ménagier Paris B.F., c.1392-1394, 224). La tierce [utilité] est qu'il accomplist la digestion des viandes mal digerees et clot l'orifice de l'estomac. Le quart est que les choses trop digerees, la soupe leur reduit a bon moyen, et tout ce est veritable de la soupe de pain faicte en vin quant le pain est roti sur les charbons ou desceiché. (Rég. santé corps C., 1480, 103).

-

Soupe en lait/en vin. "Tranche de pain trempée dans le lait/dans le vin" : ...si ne bu puis hui matin Ne mengeay c'une soupe en vin Tant seulement. (Mir. femme roy Port., c.1342, 157). Et le lendemain, par matin, se leva Gieffroy et ses freres, et ouyrent la messe. Et après, prist Gieffroy une souppe en vin... (ARRAS, c.1392-1393, 299). ...je mangeue soupe en laict (RÉGN., F.A., 1432-c.1465, 223). ...apprez ce qu'ilz eurent pris le souppe en vin, ilz monterent et se mirent a chemin (Comte Artois S., c.1453-1467, 140). ...Pour une soupe en vin prenre (Jourd. Blaye alex. M., a.1455, 622). En ce texte sont mises quatre utilités que fait la souppe en vin. La premiere est que elle mondifie les dens a cause que le pain adhere aux dens plus long temps que le vin seul sans pain, et ainsi les immundices et limosités adherantes aux dens en sont mieulx consumees et purifiees. La seconde : qu'elle aguise la veue et prohibe les fumees caligineuses adscendre aulx cerveau qui offusquent les esperiz visibles a cause que la soupe en vin digere les humidités estant en l'estomac. (Rég. santé corps C., 1480, 103).

Rem. FROISS., Méliad. L., 1373-1388, gloss.

-

Soupe grasse. "Tranche de pain trempée dans un bouillon dans lequel a cuit du boeuf" : Auchuns en mengeant, quant leurs escueilles veullent vuidier, degoutent leurs grasses souppes sur la nappe... (DAUDIN, De la erudition H., c.1360-1380, 253).

.

[Comme expr. d'une valeur minimale] "Peu ou rien du tout" : ...il te doit souvenir que se le dit serviteur n'estoit bien en ta grace, le dit seigneur ne lui donroit pas le remanant d'une souppe grasse. (MÉZIÈRES, Songe vieil pèl. C., t.2, c.1386-1389, 353).

B. -

Loc. fig.

-

Soupe grasse. "Pofit, bonne chance"

Rem. MARTIN LE FRANC, Estrif D., 1447-1448, 226/23.

.

Faire une grasse soupe. "Tirer du profit" : Et toutesfoiz le dit mahommet, s'il cognoistra par ses facteurs que en l'eauue grasse du venant a son seigneur il ne pourra faire une grasse souppe, tost se delivra de lui, ou par adventure le baildra a gouverner a ung autre petit mahommet (MÉZIÈRES, Songe vieil pèl. C., t.1, c.1386-1389, 574).

-

Faire soupe d'autel pain. "Rendre la pareille" : Après ce fait Devers Amours Loiauté se retrait, Et dist einsi, que riens n'eüst meffait, Se d'autel pain li eüst soupe fait. "N'il n'est raisons Pour ce, s'il est vrais, loiaus et preudons, Qu'il soit de ceuls qui batent les buissons Dont li autre prennent les oisillons..." (MACH., J. R. Beh., c.1340, 125). Je luy feray d'autel pain souppe (DESCH., Oeuvres R., t.8, c.1370-1407, 176). Mais aux maris en est la coulpe, Et s'elles leur faisoient souppe D'autel pain, cause y averoient, Mais a nul fuer ne le feroient (DESCH., M.M., c.1385-1403, 291).

.

Faire d'autel pain soupe./Servir soupe de tel pain. "Agir de la même façon, rendre la pareille" : De tel pain souppe fault servir, A trompeur trompeur et demi (CH. D'ORLÉANS, Rond. C., 1443-1460, 383).

Rem. DESCH., Oeuvres R., t.8, c.1370-1407, 176.

-

Mouiller sa soupe en qqc. "Avoir part à qqc., y être intéressé" : Et toutesfoiz le dit officier licencie ne reputera pas les dictes reigles comme estouppe. Quel merveille ! car souvent il y moillera sa souppe. (MÉZIÈRES, Songe vieil pèl. C., t.2, c.1386-1389, 327). Item, il a legèrement passé et seellé lettres de dons excessifz sans y faire quelque résistence. Et les particularités seront trouvées par les comptes de Michel du Sabulon, de Alixandre Boursier et de plusieurs autres, qui ne se sont point faings de y mouller leurs soupes. (Doc. 1412. In : MONSTRELET, Chron. D.-A., t.2 c.1425-1440, 324).

Rem. DI STEF., 808c.

-

Plus ivre qu'une soupe. "Trempé de vin jusqu'aux os" : Se sont tres mauvaise mardaille. Ilz sont plus ivres qu'une soupe. (Myst. st Clément Metz D., p.1439, 406).

C. -

P. méton. "Bouillon ou potage" : Malars de riviere a la dodine, tanches aux souppes et bourrees a la chaude saulse, pastelz de chappons de haulte gresse a la souppe de la gresse et du percil. (Ménagier Paris B.F., c.1392-1394, 175). ...Fourmentee, venoison, rost de poissons, froide sauge, anguilles reversees, gelees de poisson, pastez de chapon a la soupe courte (Ménagier Paris B.F., c.1392-1394, 176). Au boucher: demy mouton pour faire la souppe aux compaignons et ung quartier de lart pour larder (Ménagier Paris B.F., c.1392-1394, 185). Doncques lui serviront ses escuiers et varlés de moult bon viande : c'est à savoir, à la primiere course, de soupe des naveux, s'il soit en estee ; et s'il soit en yver, des chous de porree ou de poais avecque la larde, ou de puree. (Man. lang. G., 1396, 51).

-

[Pour les chiens] : ...quar chien qui est nourri de gresse et de soupes depuis qu'il a mué ses denz, s'il n'a touz jours soupes ou lecherie, voulentiers est de mauvaise garde (GAST. PHÉBUS, Livre chasse T., 1387-1389, 112). Aux chiens qui viennent des boiz et de la chasse fait l'en devant leur maistre, et luy mesmes leur fait, lictiere blanche devant son feu, l'en leur oint de saing doulx leurs piez au feu, l'en leur fait souppes et sont aisiez par pitié de leur travail. (Ménagier Paris B.F., c.1392-1394, 103).

-

Loc. fig. Estre mené en la soupe. "Boire le bouillon (?)" : Se je devoie estre menés En la suppe, se vous battrai ge. (Myst. st Clément Metz D., p.1439, 406).
 

"Repas du soir" : ...pour la souppée de neuf chevaulx (Comptes Lille L., t.1, 1439-1440, 375). Aprés y est couché de journee en journee, de disnee en disnee et de soupee en soupee ou ledict seigneur fut logé luy et son train, soit en ville ou en villaige, en chasteau ou en maison de plaisance (LA VIGNE, V.N., p.1495, 129).
 

"Repas du soir" : Seez vous un po, s'il vous plaist, Tandis conme iray aprester Et les liz et vostre souper (Mir. emp. Julien, 1351, 182). ...lesdites pieces il a apportées à Paris, en son hostel, mercredi derrenierement passé au soir, et icelles moustra à ladite Jehennete, avec lesdiz IIIJ frans, ainsi comme ilz estoient ensamble au souper en sadite chambre (Reg. crim. Chât., I, 1389-1392, 212). Si prist li rois d'Engleterre congiet a la bonne dame, et puis s'en departi ; et vint ce soir, au souper et a la giste, a Haspre. (FROISS., Chron. D., p.1400, 312). "Biau signeur, faites bonne chiere ! Li rois d'Engleterre, nostres sires, vous voelt avoir a nuit au souper." ... Vous le verés ce soir seoir au souper, et vous fera a tous bonne chiere (FROISS., Chron. D., p.1400, 872). Une fois au souper assis Estoit ce prince moult pensis. (CHR. PIZ., Chem. estude P., 1402-1403, 251). ...le bon compaignon, mary de ladicte gouge, fut son amy tresprivé et familier ; et tant que pou de disners, de souppers, de bancquetz, de baings, d'estuves, et aultres telz passetemps, en son hostel et ailleurs, ne feissent jamais sans sa compaignie. (C.N.N., c.1456-1467, 23). ...il luy dist qu'elle appoinctast son disner et soupper tout ensemble, avant qu'elle se partist (C.N.N., c.1456-1467, 527).

-

[Comme cérémonie mondaine] : Li dis rois d'Engleterre donna au roy de France en son chastiel de Calais un moult grant souper et bien ordonné (FROISS., Chron. L., VI, c.1375-1400, 54). ... il tint estat de prince, car tous les jours par ses menestrés, il fisoit sonner et corner devant son hostel ses disners et ses souppers (FROISS., Chron. R., X, c.1375-1400, 240). Et fut le soupper moult nobles, et moult noblement appareillié. Et après soupper, quant il fut temps, chascun s'en ala reposer jusques au lendemain a matin. (ARRAS, c.1392-1393, 191). ...messire Jehan de Hainnau, ...lor donna deus disners et deus soupers moult solempnes, sus chienq jours que il furent la. Et tous les jours, il estoient de disner et de souper ou avoech le conte, ou la contesse sa fenme, ou messire Jehan de Hainnau. (FROISS., Chron. D., p.1400, 249). Et quant le soupper, le banquet, les dansses et les veux furent tous faiz (...) Saintré, comme Madame avoit ordonné, s'en ala au preau (LA SALE, J.S., 1456, 84). ...et fut ledit souper moult honorable, plantureux et servy de tout ce qu'il estoit possible de trouver, avecques chantres divers et plusieurs instrumens melodieux, farces, mommeries et autres honnestes joieusetez. (ROYE, Chron. scand., II, 1460-1483, 67). Aussi soupperent les ditz princes et seigneurs en la dicte salle ou souppoit le roy, et estoyent en deux tables les seigneurs au soupper tant de France que de Ytalie. Et aprés soupper, le roy print le serment des ditz pays, puis s'en alla coucher en son logis. (LA VIGNE, V.N., p.1495, 267).

-

Le souper des dieux : Au souper des dieux sont entrees, Escriptes et enregistrees Les provisions impetrees Par raison contre vie humaine, Voz gloutonnies et voz ventrees Et façons tresmal acoustrees Ont esté veues et remonstrees En la cene des dieux desraine. (Cene dieux, c.1492, 133).

-

Heure (de souper). "L'heure de ce repas" : Et il estoit près heure de souper. Et a ce mot on prist l'iaue a corner Par le chastel, et forment a tromper ; Si se leverent, Et deus et deus en la sale en alerent ; Après leurs mains courtoisement laverent (MACH., J. R. Beh., c.1340, 133). Mais bas me dist : "Celle par[t] tir, Doulz amis, que vëoir vous puisse ; Faites qu'en ce vergier vous truisse Aprés souper pour nous deduire, Quant li solaus laira le luire." (MACH., Voir, 1364, 328). Au soir revint en son palais, Droit à heure de souper, mais Il avoit moult grant compaignie De chevaliers et de maisnie : Le prince et ses freres estoient Avec li, qui le compaingnoient. (MACH., P. Alex., p.1369, 266). Quant ce vint apriès souper, sus l'eure de mienuit, et que on eut ordené leur ghet, ... messires Gallehaus dist... (FROISS., Chron. L., V, c.1375-1400, 204). Ce fu un dimence à heure de relevée qu'il vint là : si i eut entre celle heure et le souper grans danses et grans caroles (FROISS., Chron. L., VI, c.1375-1400, 95). Par ma teste, ains qu'il soit souper Sera fait, sire, cen que dites. (Mart. st Pierre st Paul R., c.1430-1440, 144). Ce propos sans plus avant le deduire se passa, et fut heure de souper ; et ne se reatelerent a deviser tant qu'ilz furent au lict couchez. (C.N.N., c.1456-1467, 176).
 

I. -

Empl. intrans. "Prendre le repas du soir" : La table mettez, je vous pri. Souper vueil et puis sanz detri Aler couchier. (Mir. Theod., 1357, 95). Quant il orent souppé, il s'allerent couchier (Hugues Capet Lab., c.1358, 165). Et souppèrent celle nuit... à Fonsomme, à deux lieuwes de Saint Quentin... il quidoient, au disner, soupper à Saint Quentin. Enssi va des aventures (FROISS., Chron. R., IX, c.1375-1400, 251). Ore je vueil (...) Qu'alez souper et vous esbatre Jusqu'a la nuit. (Mir. Clov., c.1381, 240). ...lui et autres compaignons dont il ne scet les noms, fors d'un nommé Castille, souperent ensemble à l'enseigne de l'Escrevisse, à la porte Baudet ; et quant ilz orent soupé, dirent li uns aus autres qu'ilz s'en alassent coucher au lieu que l'en dit le port au Fain de Paris (Reg. crim. Chât., I, 1389-1392, 11). ...ilz arriverent environ heure de vespres, et si tart ariverent, que quant ilz orent deschargié icelle charrete et ilz vouldrent sousper, ilz convient qu'ilz soupassent à la chandelle (Reg. crim. Chât., I, 1389-1392, 345). Et incontinent retourna icelli Breton, et dist à lui qui parle qu'ilz souppassent, sanz autre chose lui dire, soupperent ensamble avec leur hostesse, et, en souppant, demanda il qui parle audit Breton se il vendroit avec lui le landemain matin (Reg. crim. Chât., I, 1389-1392, 532). Et lors appresta le roy son erre, et entra en mer a belle compaignie, et tant erra qu'il arriva la nuit de devant la sourveille Saint Jehan ou chastel de l'Espervier, et fist tendre un bel paveillon devant, et souppa tout a son aise, et puis se ala couchier, et dormy jusqu'au lendemain... (ARRAS, c.1392-1393, 302). Quant ilz orent souppé, et ilz orent lavé, et que graces furent dictes, ly sires de layens print Remondin par la main et l'enmena asse oir sur une couche pour deviser entre eulx, tant comme les derreniers soupperent. (ARRAS, c.1392-1393, 53). ...lieve matin et couche tart, disne et souppe aprés les autres (CHR. PIZ., Trois vertus W.H., c.1405, 208). ...car sa condition estoit à present d'emploier la nuit à veiller et po faire, et le jour à dormir, disnoit à IIJ ou IIIJ heures après midi et soupoit à minuit, et aloit coucher au point du jour (BAYE, II, 1411-1417, 232). Couvrons les tables par maniere Que nos seigneurs puissent soupper (MARCADÉ, Myst. Pass. Arras R., a.1440, 47). Comment Loissellench souppa avec la royne. (LA SALE, J.S., 1456, 169). Voulez vous venir Souper avec moy, maistre Pierre ? (Path. D., c.1456-1469, 182). Et, fut l'assiete dudit souper en la Galerie Dorée, reservé madicte dame de Nerbonne, qui estoit fort grosse, qui, pour son aise avoir, avecques sondit mary et jusques au nombre de huit souperent en une chambre basse dudit hostel ou logis de Jehan de Roye, secretaire de monsr le duc de Bourbon et garde dudit hostel de Bourbon. (ROYE, Chron. scand., II, 1460-1483, 67). Maintenant il me fault gesir Incontinent que j'ay souppé. (B. veoir, p.1480, 14). Et aprés disner alla au sermon que fist le dict seigneur Pynelle, puis oyt les Vespres, souppa au dit Saint Jehan et coucha en son logis. (LA VIGNE, V.N., p.1495, 260).

-

[À propos du dernier repas qu'a pris le Christ avec ses apôtres] : Le tresdoux fruit de vie quil nous vient visiter, Quant il nous voult des mains du diable acquictier, Par sa mort precieuse qu'il souffrit mout amere, Appella ses apostres, puis sil leur dist : "Mes freres, Par desir de soupper avec vous sopperé ; Creéz, devant ma mort jamés n'y mangeré." (Pass. Semur D.M., c.1420 [1488], 121).

-

Donner à souper à qqn : Ces ambassadeurs Anglois passerent à Ville-Arpent, et leur fist le connestable de Castille, messire Olivier de Clayequin, très bonne compaingnie et leur donna ung soir à soupper, (FROISS., Chron. M., XIV, c.1375-1400, 104). Et fu li rois de Navare moult honnerés de li et de ses gens , et li dona che soir à soupper moult hautement (FROISS., Chron. R., IX, c.1375-1400, 125). Et donna Anthoine aux dames et aux bourgois et aux gentilz hommes de la ville qui avoient esté avecques lui, a soupper, et le lendemain a disner. (ARRAS, c.1392-1393, 194).

-

Souper de qqc. : L'OSTE. Frére, vostre lit est tout prest. Menez le couchier, belle fille. Je m'en vois un po en la ville. Guillot, quant elle revenra, Souppez de ce qu'il y ara Tout a vostre aise. (Mir. Theod., 1357, 97). Le plus des foiz monseigneur se disne et souppe de bescuit et de la belle fontaine (C.N.N., c.1456-1467, 110).

II. -

Empl. trans.

A. -

Souper + obj. interne : Et que pourrons nous soupper ? (C.N.N., c.1456-1467, 581).

B. -

Souper qqn. "Donner à souper à qqn"

Rem. Mabrien V., 1462, gloss.

-

[Cont. métaph.] : ...souvent me souppe Ire De temps perdu (CHAST., Temps perdu D., a.1450, 20).

-

Estre mal soupé. "Faire un mauvais repas, être mal nourri" : Item, le roy et tous les siens, en signe de triumphe et victoire, coucha au dit camp de bataille, et jaçoit ce que les povres gens d'armes eussent tout [le] jour besongné virillement et vertueusement comme dit est, et eussent defendu et servi leur maistre loyaulment en tel danger ou ilz s'estoient trouvez, si furent ilz mal souppez, mal traictez et mal logez. (LA VIGNE, V.N., p.1495, 290).

-

Loc. fig. Estre soupé. "Être joué" : Va t'en coucher, tu es soppé. (Sots triumph., c.1475, 48).
 

"Repas" : [Lion refuse que les convives du duc paient pour le repas qu'ils viennent de se faire offrir] Quant li oste l'antant, tout le sang li fremie ; A sa femme s'an vint, en l'oreille li crie : "Per foid, dist il, pau fault que du sens n'arabie : G'isterait de mon sans, plain sus de derverie ! - Pour quoy ? s'ai dit sa femme qui fuit toute esbaihie. - Per foid, s'ai dit li oste, c'est droit que je m'aruie Quant nous avons tout mis en cest souperie, Plux que vaillant n'avons ne toute nous lignie..." (Lion Bourges K.P.F., c.1350, 179).

Rem. De vita Christi (ms du XVe s., la ceyne et souperie corporelle) ds GD VII, 515b.

-

["Sorte de droit"]

REM. Doc. Tours, 1358 (pour l'imposicion de la souperie : .XII. livres) et 1363 (de Jehan Leureux, fermier de l'imposicion de la souperie et selles) ds GD VII, 515b.
 

Empl. trans. "Mettre en soupe, en tranches" : En retournant trouvay dessous un feste ["hêtre"] En un hault lieu Marion et Robin Sus un ruisseau buvans a un bassin ; Mie de pain avoient toute preste Pour souppoier ; une chançon honneste Chanterent lors d'amoureus cuer et fin. (DESCH., Oeuvres Q., t.2, c.1370-1407, 212).