I. -

[Suffixe -age d'action]

A. -

"Déplacement où l'on parcourt un chemin plus ou moins long pour aller dans une autre contrée, déplacement par terre ou par mer, voyage" : Parfaire m'en vois le voiage Que j'ay empris. (Mir. mère pape, c.1355, 382). Dous amis loyaus, y me faut Demain partir sans nul deffaut Pour aler faire mon voiage. Vous devez un pelerinage En quelque lieu seur la marine. Se vous depri par amour fine Que vous me vueilliés convoier, Mais qu'il ne vous doie annuier, Car j'aim tant vostre compaignie Que dure m'iert la departie. (MACH., F. am., c.1361, 241). Aprés ce je me acheminai Et tout droit prins mon chemin hai, Pour bien mon voiage assevir Et aussi pour ma dame vir. Si montai sur ma haguenee, Qui estoit grosse et grasse et lee, Et m'en alai tout bellement, Quar bien en avoie aisement. (MACH., Voir, 1364, 188). ...nous [sommes] venus en ce voyaige, si comme le seneschal de Bourdiaux nous a mandé (FROISS., Chron. M., XIV, c.1375-1400, 101). ...ce conte [de] Guerles ...sievoit joustes, tournois, festes, reviaulx et longs voyaiges à grant renommée et à grant frait. (FROISS., Chron. M., XIV, c.1375-1400, 144). Item, posé que ce peust estre fait en pluseurs jours par honme ou par oyseau, celui qui feroit tel circuite ou voiage en alant devant soy vers orient avroit un jour et une nuit artificielz plus que celui qui ne partiroit de son païs. (ORESME, C.M., c.1377, 576). Et se taist l'ystoire quant a present de la feste, et commence a parler de Melusigne, comment elle se gouverna entretant comme Remondin fu en ce voyage. (ARRAS, c.1392-1393, 66). Monseigneur, je suiz moult joyeuse de ce que vous avez si bien besoingnié et si honnourablement en vostre voyage. (ARRAS, c.1392-1393, 78). Et leur commencierent a enquerre de leur voyage, et des usaiges et manieres des pays ou ilz avoient esté ; et ceulx leur en dirent la verité. (ARRAS, c.1392-1393, 81). ...li voiages est lons de chi en Gascongne, et si avons le vent contraire pour nous (FROISS., Chron. D., p.1400, 675). ...ce vous poroit grandement couster de vos honmes, et vous en avés bien a faire, avant que vous soiiés au cor de vostre voiage ; et averés des rencontres et des batailles assés, avant que vous soiiés venus devant Calais, ou vous tendés a venir (FROISS., Chron. D., p.1400, 694). Si fist une nef avoyer Et garnir de quanqu'est mestier A lonc voyage (CHR. PIZ., M.F., I, 1400-1403, 34). ...lesquelz ambassadeurs avoient intencion de partir lendemain pour aler audit lieu de Meleun, mais leur voiage fu retardé (FAUQ., I, 1417-1420, 133). ...la despense et mise que le Roy avoit à faire et soubstenir ou voiage qu'il entendoit à faire à Pontoise en intencion de convenir et traictier avec les Anglois. (FAUQ., I, 1417-1420, 298). Ce jour, la Court a tauxé à maistre Bertrand Fons trois frans et demi pour chascun jour qu'il a vaqué en certain voiage par lui nagaires fait à Amiens (FAUQ., II, 1421-1430, 127). ...si vous vien tres humblement supplier que vostre bon plaisir soit moy donner congié tel que le XV^e jour du mois de juillet, Messeigneurs mes freres et mes amis qui cy sont (...) puissons a l'aide de Dieu, de Nostre Dame et de monseigneur Saint Michel l'Ange, partir et commencier mon voaige. (LA SALE, J.S., 1456, 94). En ce son premier voyage vaca le bon marchant l'espace de cinq ans (C.N.N., c.1456-1467, 126). ...jaçoit ce qu'il predist audit roy Richard tout ce qu'il lui advint ou devoit advenir audit voïage, nul ne l'en peut destourner de sa voulenté (SIMON DE PHARES, Astrol., c.1494-1498, f° 144 v°). ABBÉ. (...) Sçavoir debvez qu'incontinant Que fustes en vostre voyage, Tel mal fut si soubdain prenant Vostre novice et telle rage De fievres que cueur et courage Luy faillit, gisant la tout quoy. (LA VIGNE, S.M., 1496, 380). Desquelles lettres, que porta audit grant maistre ung nommé François du Maz, la teneur s'ensuit : "Mons. le grant maistre, j'ay receu les lettres que par le sire du Bochage m'avez escriptes. Tenez vous seur que je ne voys en ce voiage de Liege par contraincte nulle, et que je n'alay oncques de si bon cueur en voyage comme je faitz en cestuy cy..." (LE CLERC, Interp. Roye, c.1502, 216).

-

Voyage de mer : Et eurent bon vent et biau voiage de mer, car li temps estoit mout biaux, sicom ou mois de mai (FROISS., Chron. R., XI, c.1375-1400, 198).

-

En voyage : Belle nef grande et bien garnie Fist tost apprester, et fournie De tout ce qui estoit besoing Par mer en voyage assez loing (CHR. PIZ., M.F., III, 1400-1403, 30).

-

Aller en (ce) voyage : ...ou cas qu'il iroit en ce voyaige, il aroit, aux coustaiges d'Angleterre, Vc lances hommes d'armes et XVc archiers ; (FROISS., Chron. M., XIV, c.1375-1400, 46). ...il se parti de la ville de Chartres, en laquele il avoit esté querir sa vie le temps de trois sepmaines ou environ, pour aler en voyage et pelerinaige à Nostre-Dame du Puy en Anjou, auquel lieu il s'estoit voué par devocion (Reg. crim. Chât., II, 1389-1392, 4). ...et ont entreprins d'aller en voiage pour ce qu'ilz ne pouent pas bien faire a leur guise en leurs mesons. (Quinze joies mar. R., c.1390-1410, 67). Et lui demanda tantost Anthoine, pour le bien qu'il avoit ouy retraire de lui, se il lui plairoit a aler avec lui et avec Regnault, son frere, en voyage, la ou ilz avoient intencion d'aler, et il en seroit bien guerredonnez. (ARRAS, c.1392-1393, 149). ...tout ainsi comme l'omme prudent qui aler doit en voiage se pourvoit de longue main de tout ce que besoing lui est (CHR. PIZ., P.V.H., 1416-1418, 44).

.

Entreprendre/emprendre/faire un/le voyage : Ce fu malgré ma mere que ce vouage empris (Flor. Octav. L., t.1, c.1356, 354). ...et quant ilz auroient fait leur voyage parmi le païs, ilz devoient retourner en Chartain, et s'entredevoient trouver à la porte de Chartres, à un grant hostel, à une grant porte près d'un bordel, et y avoit deux tavernes devant. (Reg. crim. Chât., I, 1389-1392, 437). Et ala Remond visiter les hermitaiges, mais il ne fu que jusques au Ve, car la roche estoit si haulte qu'il n'y entreprist pas le voyage. (ARRAS, c.1392-1393, 272). Pour ce temps estoit messires Jehans de Hainnau en la droite flour de sa jonece, et de si grant volenté que nuls chevaliers pooit estre. Et pour ce entreprist il le dit voiage si liement, et ne resongnoit painne ne peril qui li peuist avenir. (FROISS., Chron. D., p.1400, 71). Et sus mains de quatre mois orent il fait tout ce voiage. (FROISS., Chron. D., p.1400, 100). Encores fu la avisé et regardé, ... liquel passeroient la mer et venroient en Hainnau deviers le conte ... li evesques de Lincole i fu nonmés et li esleus d'Asquesufort, ... mestre Robert Weston, ... mesires Renauls de Gobehem et mesires Richars de Stanfort. Chil quatre emprisent le voiage a faire. (FROISS., Chron. D., p.1400, 234). Toutesvoyes, quoy qu'il me coste, J'entreprendray cestuy vouaige Pour accomplir vostre messaige (Myst. st Adr. P., c.1450-1485, 29). ...et mourut de peste ou de fievre aguë, ou voyage que fist Paris en Sitharée, quant il print Helene (SIMON DE PHARES, Astrol., c.1494-1498, f° 30 v°). De Bourbon, et par Jehan de Malleret, lieutenant de la compagnie du gouverneur de Limosin, lequel gouverneur n'y estoit pas pource que le roy l'avoit retenu avec luy pour l'acompaignier ou voyage de Dijon, lequel voyaige le roy fit en cedit temps. (LE CLERC, Interp. Roye, c.1502, 391).

.

[Au propre ou p. métaph.] Faire bon voyage : Hé ! Dieu, comme il fera en la fin bon voyage ! (Flor. Octav. L., t.1, c.1356, 58). Et firent les patrons leur recommandacion a Dieu, selon leur coustume, que Dieux leur laissast faire bon voyage, et puis s'empaingnent en la mer, et le vent se fiert es voiles, si s'en vont si roiddement qu'en pou d'eure ou en perdy la veue. (ARRAS, c.1392-1393, 88).

-

Maudire le voyage. "Regretter d'avoir entrepris un voyage" : ... Et se sur eulx povons ataindre, Il en maudiront le voyage. (Myst. siège Orléans H., c.1480-1500, 535).

-

Se mettre à voyage. "Se mettre en route" : Dame, il est temps que nous nos metons a voiage, car ceuls que je pense amener avoecques nous en Engleterre, sont tout prest (FROISS., Chron. D., p.1400, 70).

-

Prendre (le) voyage. "Se mettre en route" : Mais s'il vous y plaist a prendre le voyage, moy et ces deux nobles chevaliers, vous y conduirons et vous aiderons a nostre povoir. (ARRAS, c.1392-1393, 150). ... nous avons pris le voyage Tout contre nostre volenté (Myst. siège Orléans H., c.1480-1500, 372). ... de bref prandrez voyage Vers eux, ainsi que l'entendez. (Myst. siège Orléans H., c.1480-1500, 588).

-

(Re)prendre son voyage vers. "Se diriger vers" : Deviers Escoche va et y prent son voiage (Jourd. Blaye alex. M., a.1455, 309). Car Saudoinez a pris viers Paris son voiage. (Jourd. Blaye alex. M., a.1455, 486). A ! Jourdain, cor repreng viers Gadrez ton voiage ! (Jourd. Blaye alex. M., a.1455, 553).

-

Loc. fig. Payer une partie du voyage. V. partie "S'exposer à des représailles"

-

P. méton. "Itinéraire, chemin parcouru" : ...pour tant que il avoient entendu que ... la ville de Monstruel seoit ou voiage des Englois, il se bouterent dedens. (FROISS., Chron. D., p.1400, 744). Et pour tant que li François savoient bien que li voiages des Englois se tailloit et ordonnoit a passer par la, la ditte ville estoit pourveue de bonnes gens d'armes. (FROISS., Chron. D., p.1400, 324).

Rem. HENRI FERR., Modus et Ratio, Livre deduis T., c.1354-1377, gloss. (veage).

.

"Possibilité de faire du chemin, d'avancer, passage" : Adont eurent pluiseur chevalier et escuier voiage et passage, et retournèrent en Flandres à l'Escluse ou là où arriver pooient, tout affamé et riens montés, sans armeures (FROISS., Chron. R., XI, c.1375-1400, 278).

.

Faire du voyage. "Faire du chemin, avancer" : E ! Dieux, par ce bois vois et vien Et cuide aux champs touz jours venir, Mais c'est nient : n'y puis avenir ; Ainçois con plus fais de voiage, Plus truis ceste forest sauvage (Mir. Berthe, c.1373, 187).

B. -

En partic.

1.

[Dans une visée professionnelle] "Transport effectué par un voiturier" : ...elles aloient querir de l'argent, pour ce que ladite Margot devoit et encore doit, il qui parle, son salere dudit voïage, duquel il n'ot depuis denier, et aussi en devoit-elle audit charrestier. (Reg. crim. Chât., I, 1389-1392, 348).

-

"Allée et venue, va-et-vient" : ...à Robin de Merle, pour avoir prins en l'Ostel de ladicte ville 600 de carreaulx et iceulx menés à l'astellier des paveurs, qui besougnoient en la place de Greve, où il y a fait 10 voyages, à 8 d. p. la voye, valent 6 s. 8 d. p. (Comptes Paris M., t.2, 1458-1460, 192).

-

"Course (du messager)" : PREMIER CHEVALIER [au messager] Vieng avant, vieng, Trop Jolÿet ! Mon seigneur a de toy besoing, Car il te vuelt envoier loing En un voyage (Gris., 1395, 76). ...pour son voyage de porter lettres closes de par mes dis seigneurs du Conseil à monsr le mareschal de Bourgoingne (Ecorch. Ch. VII, T., 1444-1445, 49).

-

"Tournée du marchand" : LE MARCHANT. (...) Puis que je ne fais plus rïen, A mon hostel fault retourner ; Car sus les champs trop sejourner N'est pas le proffit d'ung marchant. Au voyage ay eu prouffit grant, Dont remercye le Createur. (Myst. jeune fille L., c.1413-1445 [c.1530], 58).

2.

[Dans une visée militaire] "Expédition militaire" : Si ymagina et jetta son avis, pour son nom exaucier et pour emploiier ces gens de Compagnes qui estoient issu hors de France, que il feroit un voiage sus le roy de Grenade (FROISS., Chron. L., VI, c.1375-1400, 193). ...ilz estoient petittement en la grasce d'aulcuns barrons d'Angleterre et aussi de toutte la communaulté du pays pour le voyaige qu'ilz avoient fait en Flandres, et estoit dit que onques Anglois ne firent en nul pays si honteulx voyaige. (FROISS., Chron. M., XIV, c.1375-1400, 35). ...li dus de Bourgongne avoit grant imaginacion de faire... un voiage poissant et estoffé de gens d'armes et de Genevois en Engletière (FROISS., Chron. R., XI, c.1375-1400, 181). Puis refist lui rois un viage En France, ovesqe son baronage (...) Dont je voil dire l'estille (HÉRAUT CHANDOS, Vie Prince Noir T., c.1385, 90). ...comme le roy nostre sire aloit en Flandres ou second veage, lui et autres compaignons bretons, dont il ne scet les noms, se assemblerent ensemble pour aler oudit veage (Reg. crim. Chât., I, 1389-1392, 12). ...et leur promist à venir par-dechà pour adviser le fait du roy, que on disoit qu'il metoit sur grant nombre de gens d'armes pour aler en Engleterre ou ailleurs, et devoit adviser tout à son pooir, et savoir, s'il pooit, quel voïaige le roy vouloit faire, et où il vouloit emploïer et envoïer ou mener ses gens d'armes, ou [en] Engleterre, ou en Espaignie (Reg. crim. Chât., I, 1389-1392, 387). ...il est povre varlet servant les seigneurs chevaliers et escuïers du royaume, avecques lesquelz il a fuy, frequenté et demouré puis XX ans ença, esté aussi ès voyages de Flandres, d'Alemaigne, de Languedoc et ailleurs là où l'en a esté ès guerres (Reg. crim. Chât., II, 1389-1392, 457). Et lors prent le gentil homme la parole et leur compte, tout de chief en chief, comment Uriien et Guyon, son frere, s'estoient party de Lusignen et toute l'adventure de leur voyage et leur noble conqueste... (ARRAS, c.1392-1393, 148). Vous chevaucerés et tout vostre hoost jusques ens es portes de Paris, et ja ne trouverés qui vous empece ne contredie vostre cemin. Et par le voiage que vous ferés ensi parmi le roiaulme de France, se levera li sieges de devant Agillon ; car toutes gens d'armes, ou que il soient, seront mandé pour venir a l'encontre de vous et vous combatre. Et li dus de Normendie et li grant baron de France, qui seent devant Agillon, ne seront pas oubliié ne mis derriere que il ne soient remandé (FROISS., Chron. D., p.1400, 675). En Cartage ont mandé messages, Disant qu'ont entrepris voyages, Dont foyson armeures leur faillent (CHR. PIZ., M.F., III, 1400-1403, 250). ...messire Pierre de Navarre (...) estoit trespassé, comme l'en dit, à Nevers au retour du voiage de Bourges où a esté le Roy, et ouquel voiage ont esté mors pluseurs grans seigneurs et autres (BAYE, II, 1411-1417, 80). ...et disoit-on à Paris communement que le Roy, ou voiage qu'il entendoit à faire, avoit intencion de pourveoir et secourir à sa ville et cité de Rouen, devant laquelle les Anglois estoient (FAUQ., I, 1417-1420, 192). ...le duc de Bourgongne préparoit ses besongnes à toute diligence, pour furnir ycelui voiage de Calais. (MONSTRELET, Chron. D.-A., t.5, c.1444-1453, 234). Sy delibera de mettre les Rommains au dessoubz ou de morir sus le champ en ce voyage. (Percef. III, R., t.1, c.1450 [c.1340], 28). ...icellui Roy de France faisoit ce voiage, sur intencion, comme il estoit commune renommée, de subjuguier et mettre en son obéissance la ville et cité de Metz en Loraine (ESCOUCHY, Chron. B., t.1, c.1453-14, 26). Et quant tous furent a genoulz, le roy dist a Saintré : "Saintré, je vous baille de ce veaige la conduite et la charge de ma baniere qui represente mon corps..." (LA SALE, J.S., 1456, 201). ...comme il s'en alloit ou voyage que l'en faisoit par nostre ordonnance ès Espaignes, avec et en la compaignie de ses autres compaignons et archers estans soubz la charge et bende de nostre amé et feal conseiller et chambellan le sire du Fou (Doc. Poitou G., t.12, 1476, 69). ...en rendant graces a Dieu de la victoire qu'il avoit heue a l'encontre de ses ennemys et de ce qu'il estoit venu au dessus de son entreprise, en ce voyage de Naples. (LA VIGNE, V.N., p.1495, 270).

-

Voyage d'armes : ...et quant l'un d'eulz aloit dehors pour ses affaires ou pour emprinse ou voiage d'armes (...) l'un ou l'autre gardoit la place (LA SALE, J.S., 1456, 143).

-

En partic. (Saint) voyage (d'outre-mer). "Croisade" : [Le roi de Chypre demande le concours des Vénitiens pour la croisade] Toute la cause de sa voie Leur dist, et les requist de gent, Ou de navie ou d'argent, Pour le saint voiaige assevir ; Car enuis s'en porroit chevir, Se il li refusient aye, Especiaument de navie, Pour ce que moult de gent faudra Passer, quant la saison vendra (MACH., P. Alex., p.1369, 48). N'autre chose n'i va querir Fors au Saint Pere requerir Qu'il ottrie un commun passage, Car faire vuet le saint voiage. Là vuet il mettre corps et mise, Tout en l'onneur de sainte Eglise, À la gloire et protection De la foy (MACH., P. Alex., p.1369, 219). Adont li prelat en leurs prelacions et signouries commenchièrent à prechier ce voiage par manière de croiserie, dont li peuples d'Engletère, qui creoient assés legièrement, i eurent trop grant foi (FROISS., Chron. R., XI, c.1375-1400, 88). En ce temps, vint il en devotion au roi Phelippe d'aler en Avignon veoir le pape Benedich qui resgnoit pour ce temps, et de parler a lui, et par son consel entreprendre le voiage d'outre mer et conquerre la Sainte Terre (FROISS., Chron. D., p.1400, 240). ...ce roi Robert s'escripsoit rois de Cecille et de Naples et de Jherusalem, dus de Puille et de Calabre et contes de Prouvence. Si pensoit a recouvrer son hiretage de la Sainte Terre par la poissance dou roi de France et des Crestiiens, puisque li voiages de la vermelle Crois seroit empris. (FROISS., Chron. D., p.1400, 240). Sur le tiers article, touchant la voulenté que mondit seigneur dit avoir de s'employer au véage de Turquie, quand le roy a veu les lettres que ledit seigneur luy a rescrites, dattées du lieu de Sainct-Glaude, faisant mencion dudit voyage, il a esté fort esmerveillé qui a meu ledit seigneur si soudainement à prendre cette nouvelle imagination (CHART. J., Chron. Ch. VII, V., t.3, c.1437-1464, 62). [Maistre Jehan de Clugny, ambassadeur du duc de Bourgogne, au roi de France :] ...il [le dauphin] vous signifia son allee par devers mondit seigneur le duc pour deux causes : l'une pour savoir son intention touchant le voyaige de Turquie (CHASTELL., Chron. IV, D., c.1461-1472, 39). [Maistre Jehan de Clugny, ambassadeur du duc de Bourgogne, aux députés du roi de France :] ...et luy avons offert [au roi] de par mondit seigneur le duc que, se son plaisir est que mondit seigneur [le dauphin] s'employe a la deffence de la foy et entreprengne le saint voyage de Turquie en le faisant accompaignier ainsy que a filz de telle maison dont il est yssu appertient, que mondit seigneur le duc sera bien content et tresjoyeux le servir et accompaignier (CHASTELL., Chron. IV, D., c.1461-1472, 44). ...pour le fait du saint voiage alencontre des Turcqz (CHASTELL., Chron. IV, D., c.1461-1472, 251). Cestui dist bien au roy Loys VIIIe de ce nom, comme il lui adviendroit de ses voyages d'oultre mer (SIMON DE PHARES, Astrol., c.1494-1498, f° 119 v°). Cestui, selon aucuns, prenostica au roy saint Loys de son voyage de oultre mer. (SIMON DE PHARES, Astrol., c.1494-1498, f° 126 v°).

.

Voyage de la croisee : Cestui monstra bien ou voyage de la croisée qui fut en son temps, que valloit astrologie en ses subtilles pourvoyances et predicions (SIMON DE PHARES, Astrol., c.1494-1498, f° 109 v°). ...où il met de choses moult singulieres, advenues de son temps oudit voyage de la croisée (SIMON DE PHARES, Astrol., c.1494-1498, f° 109 v°).

3.

[Dans une visée dévote] "Pèlerinage" : ...moun viage (...) cestui pelrinage... (Prières saints R., t.2, 1300-1400, 18). Cy commance le Iteneraire de la Peregrinacion et du Voyaige que fist un vaillant preudomme de l'ordre des freres Mineurs (...), qui par le commant du Pape ala oultre mer pour prescher aux mescreans la foy de Dieu. (JEAN LE LONG, Voy. Odoric A.M., 1351, 1). Je n'ay terme fors qu'assez brief D'un voiage que j'ay promis A saint Jaques pour mes amis. (Mir. parr., 1356, 14). Et avoit iceluy fait son pellerinage Droit en Jherusalem, ce tres noble vouage (Flor. Octav. L., t.1, c.1356, 207). Si devoie un pelerinage A .II. lieues pres du manoir Ou ma dame devoit manoir. Si m'avisai que jë iroie Et que mon veu adcompliroie Et qu'en l'ombre de ce voiage Je verroie le doulz visage, Le doulz oueil et le cointe atour (MACH., Voir, 1364, 180). LA DAME PELERINE. Ha ! saint Clement, ouquel voiage Me suis mise et ay empris l'erre... (Mir. emper. Romme, 1369, 286). ...il li prist devotion d'aler ou voiage de Saint Jaqueme en Galise, et i ala et prist un aultre cemin au retour que il n'euist alé. (FROISS., Chron. D., p.1400, 628). En ce temps estoit nouvellement revenus dou voiage dou Saint Sepulcre et dou mont de Signai et de Sainte Kateline, chils gentils chevaliers, messires Robers de Namur (FROISS., Chron. D., p.1400, 809). ...ou par voiage Ou par aumosnes (Prières saints R., t.2, 1400-1500, 447). Le jour ensuivant, le seigneur de Loissellench et tous les autres de sa compaignie furent prendre congi, du roy (...) pour eulz partir l'andemain pour faire leur voiaige a Saint Jaques. (LA SALE, J.S., 1456, 171). ...Madame, qui onques puis ne cessa de faire voaiges, faire aumosnes, dire messes (LA SALE, J.S., 1456, 206). ...pour y aller plus devotement et rendre a Dieu et a monseigneur saint Anthoine leur voyage plus agreable, ilz conclurent (...) que tout le voyage ilz ne coucheroient pas avec elles (C.N.N., c.1456-1467, 201). ...le conte de Charolois, qui avoit esté durement maladde a Mons, (...) avoit voué a Nostre Dame de Lience que, si tost que porroit aller a cheval, il corporelement lui yroit porter son offrande (...). Toutevoiez, cessans toutes difficultéz, le duc en leissoit convenir a son filz, lequel, non visant que a son voyage, mist point de dangier, mes, demorant en son pourpos, se mist en chemin a tout son estat, sans plus et sans mains, que avoit apris tous les jours (CHASTELL., Chron. IV, D., c.1461-1472, 217). ...audit lieu de Cevret, qui est assis en païs fort et fertil et en lieu de grant passaige, affluent plusieurs tant marchans que autres, lesquelx y viennent partie par devocion et voyage en l'onneur de saint Lyenne et de saint Clouaud qui illec sont reclamez, et les autres pour vendre leurs denrées [Saint Lienne, disciple et collaborateur de saint Hilaire, était honoré particulièrement dans le Poitou. Sa fête se célébrait le 1^er février. Quant à saint Clouaud, autre forme du nom de saint Cloud, il se fête le 7 septembre (note de l'éd.)] (Doc. Poitou G., t.11, 1473, 363).

-

Le (saint) voiage (d'outre-mer). "Le pèlerinage en Terre sainte" : Je croy qu'oy avez assez Qu'il n'a Crestien en tout le monde, Puis qu'il passe la mer parfonde, Pour faire le très saint voiage Qu'au soudan ne paie trevage : Car de V. florins de Florence Rachete son chief sans dobtance. (MACH., P. Alex., p.1369, 174). ...Et avec ce il pourchassera Tant par devers nostre Saint Pere, Que, s'il est ainsi qu'il appere, Qu'aucuns ait permise la voie Au Saint Sepulchre, il li ottroie Qu'il face son pelerinage À la columpne et son voiage, Et qu'il soit quittes et absos, Soit grans, petis, sages ou fos, Se li soudans empeschement Y metoit, et non autrement. (MACH., P. Alex., p.1369, 175). ...c'est m'entencion D'aler faire le saint voiage D'oultre mer a terre ou a nage (Mir. emper. Romme, 1369, 248). Or mandons les deux chevaliers qui sont venus du saint voyage d'oultre mer, et leur enquerrons plus avant de cest affaire. (ARRAS, c.1392-1393, 81). ...j'ay acommiz et faiz me suis de bon et vray cuer expousé de fere et enteriner le dit saint voyatge et passatge d'outremer visiter le saint Sepulcre Nostre Seigneur (CAUMONT, Voy. N., p.1420, 11). Et, quant ledit Poncet de Riviere se vit ainsi desappoincté de sadicte charge, il s'en ala oultre mer ou saint voyage de Jherusalem, et de là à Saincte-Katherine du Mont de Synay. (ROYE, Chron. scand., I, 1460-1483, 144).

-

P. méton. "Lieu de pèlerinage" : SAINCT MARTIN. Y a il poinct de place eslite Icy prés et aulcun voyage Ou quelque devost sainct habite ? Par manyere d'eremÿage, Aller veulx en pellerinage Par bonne contemplacion (LA VIGNE, S.M., 1496, 425).

C. -

P. métaph.

1.

[Pour désigner la vie sur terre] : Contre la mort l'omme se doit preparer en deulx manieres, asscavoir en soy accoustumant et pourveant a son voiage (DAUDIN, De la erudition H., c.1360-1380, 349). ...et de tant que tu es plus vieil, c'est mieulz pour toy, car de tant es tu plus pres d'aler au terme de ton voiage et vers ton Dieu, qui par sa saincte misericorde, se tu es pacient, te remettra en force et joennece de sa gloire (CHR. PIZ., Trois vertus W.H., c.1405, 223). Le createur ne puet estre congneut de la creature plainement en ceste pelerination et en cest voiage, ne aussi au pays du royaume des cieulz (Somme abr., c.1477-1481, 133). Toutevoies Dieu puet estre comprins et congneut par foy aucunement en ce voiage. (Somme abr., c.1477-1481, 133). DIEU. [à Jésus] ...pour tout humain lignaige Avez terminé le voyaige Dont avez esté voyageur (Myst. Pass. Troyes B., a.1482, 1068).

Rem. CHASTELL., ROBERTET, MONTFERRANT, Douze dames rhétor. C., 1462-1463, gloss.

2.

[Pour désigner la mort] : C'est ung voyage sans retour, Dieu doint qu'il ne nous soit mauvais. (RÉGN., F.A., 1432-c.1465, 130).

II. -

[Sens collectif ou instrumental du suffixe -age] "Galerie de mine" : Et pour ce que audit puis de Ysmant n'avoit point d'air ne vent, a esté fait ung voiage suivant le train de la mine traversant jusques audit puis de maistre Claux, par lequel voiage le vent entre dudit puis de maistre Claux dedens ledit puis hault de Ysmant et par conséquant dedens le petit puis bas dudit Ysmant et autres lieux et parties de ladicte montaigne de la Giraudière. (Aff. Jacques Coeur M., 1453-1457, 274). ...il fault parachever et continuer le voiage qui est encommencié en la montaigne de Brucieu pour venir en la montaigne de Coustie, que aucuns appellent la montaigne de Chastillon et illec faire des puis pour venir au fons de la dicte montaigne et illec besongner, ouvrer et tirer mine. (Aff. Jacques Coeur M., 1453-1457, 315). ...ledit gouverneur (...) saura comment les diz maistres de montaigne mectent en besongne les ouvriers de martel, en quelles chambres, comment ilz besongnent et quelle mine ilz tirent, et aussi comment ilz conduisent et ordonnent les piardes des maneuvres, s'ilz tirent bien hors de la dicte montaigne la mine, terriers, eaues et autres choses, et aussi comment ilz ordonnent les charpentiers, apoyeurs de montaigne, s'ilz retiennent et cintrent bien et deuement les voiages, puiz et chambres des dictes mines (Aff. Jacques Coeur M., 1453-1457, 347). ...ledit gouverneur fera incontinent et sans délay vuider les eaues qui sont à l'entrée dudit voiage, et par les charpentiers de ladicte montaigne fera adouber et redressier l'entrée dudit voiage, et aussi redressier tous les cintres dudit voiage afin que les maistres niveleurs et ouvriers ordonnez pour ledit voiage soient mis en besongne ainsi qu'il a esté ordonné et avisé (Aff. Jacques Coeur M., 1453-1457, 350).