I. -

Adj.

A. -

[Domaine quantitatif, domaine du mesurable] "Inférieur à la moyenne"

1.

[En dimension (longueur, hauteur, surface, volume..)] "Qui a peu d'étendue, peu de volume" : A Dieu plaise que ce soit cil Que je voy la en lieu essil Devant son petit habitage ! (Mir. parr., 1356, 40). Mais il responnoient que ces premiers corps sont petis athomes et sont elemens et moevent un l'autre. (ORESME, C.M., c.1377, 604). ...il estoit logé en un petit villaige par-deçà Tours (Reg. crim. Chât., I, 1389-1392, 91). ...dedens un grand coffre qui estoit ouvert, il print un petit coffret qui dedens estoit, et en icellui petit coffre, qui samblablement estoit ouvert, il print plusieurs verges, anneaux et cuilliers d'argent rompues (Reg. crim. Chât., II, 1389-1392, 262). ...à occasion de povres et petis fiefs ou arriere fiefs que tenoient en pluseurs païs (BAYE, I, 1400-1410, 333). A ce propos Jhesucrist dit En l'ewangille ou n'a mesdit, Que plus tost un chamel chargié Yroit, sans estre deschargié, Par mi l'estroit et petit huis De l'eguille, qui a pertuis Bien petit, que un riche n'iroit En paradis (CHR. PIZ., Chem. estude P., 1402-1403, 197). ...tu n'avoies pas un petit oreillier a reposer ton navré digne chief. (CHR. PIZ., Trois vertus W.H., c.1405, 222). Item, ung petit reliquiaire longuet d'or, où a ung os d'un doy, comme semble, et y fault une perle et une esmeraude. (FAUQ., II, 1421-1430, 117). À quoy valent les margarites Qui sont unes pierres petites, Nommées perles en vulgaire (LA HAYE, P. peste, 1426, 118). ...les yeulx moult petis et enffossez, desquelz le blanc estoit comme tenné (LA SALE, Salade, c.1442-1444, 149). ...[le coffre] semble bien petit pour y mectre voz robes bien a l'aise, sans les froisser (C.N.N., c.1456-1467, 184). ...ilz se pourroient entrerencontrer au petit bois (C.N.N., c.1456-1467, 355). ...la pucelle sacqa ung petit cousteau qu'elle avoit pendu a sa cincture (C.N.N., c.1456-1467, 553). ...en l'eveschié de Wigornien, près de une ville nommée Wichi, jouxte une petite montaigne où la riviere court au pié très doulce (SIMON DE PHARES, Astrol., c.1494-1498, f° 90 r°).

-

Petit drap. "Chemise" : ...quand vint au matin, qu'elle eut blanchy ces chemises, couvrechefs et petiz draps (...) elle fut [appellée] de sa maistresse (C.N.N., c.1456-1467, 397).

-

Petite jambe. "Mollet" : Soubs le genoil sont ordonnes les os de la petite gembe (PREVOST, Cir. Guill. Salicet, 1492, IV, 5).

-

Petit ventre. "Bas ventre (parties naturelles)" : ...[il] luy fist monstre de la peau ou les coillons se logent, lesquelx il avoit par industrie fait monter en hault vers le petit ventre (C.N.N., c.1456-1467, 94).

Rem. H. Lewicka, Les Comp., 1968, 104.

-

Faire la petite bouche. "Faire la fine bouche" : ...quand il [mon mari] besoigne une foiz en ung moys, c'est au mieulx venir. Il ne fault ja que j'en face la petite bouche ; creez que je prendroye bien mieulx. (C.N.N., c.1456-1467, 247).

.

V. bouche

-

Petit Chastelet. "Prison de Paris où l'on garde les prisonniers après leur jugement, p. oppos. au Grand Chastelet, où l'on juge en première instance les affaires civiles et criminelles" : Ce jour, le conte d'Armignac fust mis prisonnier ou Petit Chastellet de Paris. (FAUQ., I, 1417-1420, 130).

-

[Par rapport à un lieu du même nom, de dimensions supérieures] : Aurelles, autrement dit Ambroyse, filz de Constantinus, frere du roy de la Petite Bretaigne et roy de la Grant Bretaigne, alias de l'isle de Albion, fut en ce temps moult aprecié du peuple pour sa science d'astrologie. (SIMON DE PHARES, Astrol., c.1494-1498, f° 94 r°).

-

En partic. [À propos de la taille] : Et pour ce que ledit cheval estoit trop petit et feible, vendi ou eschanga sondit cheval (Reg. crim. Chât., I, 1389-1392, 285). Et ledit Colin Besnon, compoingnon dudit Pierre est petit homme maigre, aagé de L à LX ans (Reg. crim. Chât., I, 1389-1392, 463). Si me semble bon [que] (...) me baillassez en la conduicte de mon oncle le bastard, chacun monté sur ung petit cheval. (C.N.N., c.1456-1467, 171). Quant aincy je veulx müer meurs, Puis que Dieu m'a donné respit, Si de corps suis ung peu petit, Augmenter me fault en virtus. (Pass. Auv., 1477, 117).

2.

[En intensité] "Qui a peu d'intensité" : ...mais les vieillars ont petite chaleur naturelle, pour ce on il a mestier de petit nourrissement, car la chaleur naturelle est destainte de grant multitude de nourrissement (SAINT-GILLE, A.Y., 1362-1365, 56). Il mist pié a terre, et puis hurta ung petit coup au guichet. (C.N.N., c.1456-1467, 209).

3.

[En valeur (chiffrée ou chiffrable)] "Qui est peu élevé" : Et pour ce, convient il que les delectacions soient bien mesurees et moderees, et que elles soient petites et en petit nombre, et que il n'y ait chose contraire a raison. (ORESME, E.A., c.1370, 229). ...jà soit ce qu'il eust pour lors avec lui à Paris petit nombre de gens d'armes. (FAUQ., I, 1417-1420, 158). ...esdiz pays de Flandres esquelz ladicte monnoye royal a tres petit cours (Comptes Etat bourg. M.F., t.1, 1420, 307). ...attendu les charges desdis presidens et conseilliers, et la faulte du paiement de leurs gaiges qui sont petis. (FAUQ., II, 1421-1430, 194). Puis gentilz hommes, tant long vestu que court, De logis furent tenuz assez de court Parmy la ville ; raison fut pour ce qu'elle Est de grandeur petite, et telle quelle (LA VIGNE, V.N., p.1495, 146).

-

[D'une monnaie] "De moindre valeur" : ...quatre ans avoit ou environ, en l'ostel Jehan de Varisy, son oncle, demourant à Nancy en Lorraine il mal print et embla, en un des coffres de sondit oncle, IIIJxx frans en petiz florins. (Reg. crim. Chât., II, 1389-1392, 460). ...Demyz-Gros et Quars de Gros appellez Petiz-Blancs (Ordonn. rois Fr. V.B., t.11, 1420, 108).

-

Une petite lieue. "À peine une lieue" : ...ilz sont nez de la ville de Houdan, à une petite lieue dudit lieu de Heudouville et de Villers-Adam (Reg. crim. Chât., I, 1389-1392, 285).

.

Aucuns petits jours. "À peine quelques jours" : ...et s'en vint à Thérouanne, et de là à Calais, où il séjourna par aucuns petits jours, et de là passa outre et s'en alla en Angleterre (CHASTELL., Chron. K., t.1, c.1456-1471, 206).

-

Petit vers. "Vers de peu de syllabes ou de pieds" : Pour tant j'ay mis la chose en rime Et en petiz vers fleurissans, À celle fin que les lisans Puissent avoir quelque plaisance En lisant, pour la consonance Et mesure du plaisant mètre (LA HAYE, P. peste, 1426, 163).

4.

[En durée] "Qui a peu de durée" : Et posé que infortunes li venissent, si ne pourroit il pas de legier estre mué ou osté de sa felicité, se il ne par estoient tresgrans et pluseurs, et se par ce il perdoit sa felicité, il ne reseroit pas beneuré en petit temps (ORESME, E.A., c.1370, 136). Et lui qui si grant seigneur estoit et si puissant, et à qui naturelment, ou cas qu'il eust falu gouverneur à ce royaume, apartenoit le gouvernement, en si petit moment a finé ses jours moult horriblement et honteusement. (BAYE, I, 1400-1410, 207). ...vivre en cestui monde un petit espace de temps a ton aise (CHR. PIZ., Trois vertus W.H., c.1405, 20). ...après qu'il eut aucun petit temps devisé avec elle et finé ses ammonestemens (...) luy pria mercy (C.N.N., c.1456-1467, 515). Il est bien à noter que le ciel le favorisoit grandement, car celui n'eut point de second pour ce que en petit temps il reduisit tout le monde en une monarchie. (SIMON DE PHARES, Astrol., c.1494-1498, f° 72 r°).

-

[En âge] "Jeune" : Est ce a vous (...) Que la doulce vierge Marie A hui pour norrir apporté Un petit enfant nouviau né ? (Mir. abbeesse, 1340, 99). Nous sommes les dolentes méres Qui avons (...) norriz ces petiz enfans Que mettre voulez a martire. (Mir. st Sev., 1362, 198). Et pour ce, Constantin l'Emperiere ne se voulut baingnier en sanc de petis enfans pour guerir de sa maladie, et si li estoit conseillié par ses medicins. (ORESME, E.A.C., c.1370, 503). ...sondit pere le admena bien petit enffent demourer en la ville de Harfleu, en laquelle il aprint mestier de mareschal (Reg. crim. Chât., I, 1389-1392, 56). ...il estoit mariez, en la ville de Jargueau, à une jeune femme nommée Denise, laquelle avoit un petit filz de lui (Reg. crim. Chât., I, 1389-1392, 93). Venredi, XJe jour de juing, feste de saint Barnabé, vindrent en procession à l'eglise de Paris les povres laboureurs et habitans, femmes et petis enfans de Villejuifve (FAUQ., II, 1421-1430, 279). ...avoit esté sa femme ce jour aux estuves, et son petit filz avecques elle. (C.N.N., c.1456-1467, 412). ...les jeunes et petiz enfans, après qu'ilz avoient solennizé aucune feste accoustumée (...) se vindrent rendre en grand nombre en ung lieu (C.N.N., c.1456-1467, 555). Ung poste vint a moult grant diligence Luy bailler lettres qui narroient en soubstance Que ce jour la, sans nul loingtain remort, Le petit duc de Millan estoit mort. (LA VIGNE, V.N., p.1495, 191).

-

Petit aage. "Bas âge, jeune âge" : Les enfans aussi de petit eage sans la voulenté et consentement de leurs parens ne peuent vouer religion ou aultre chose (Sacr. mar., c.1477-1481, 52).

.

V. âge

B. -

[Domaine qualitatif]

1.

"De peu d'importance, médiocre"

a)

[D'une chose concr.] "Médiocre, de moindre qualité" : Sire, qu'avez vous empensé De vous en si petit lieu mettre ? Se de vostre serf faites maistre, S'iert grant folour. (Mir. femme roy Port., c.1342, 168). Car aucuns vendangent avant que les roisins soient meurs ; et pour ce ilz font petit vin, et soubtil, et malade vin, et qui point ne puet durer. (Rustican H., 1373-1374, 94). [Autres ex. p.60 et p.96] Le buvraige est par trop petit : Il ne plaist point a bons gourmetz. (GRÉBAN, Pass. J., c.1450, 152). Mais vous faictes tout autrement, Car vin petit mistes premier Et voicy si bon au dernier Qu'il n'est point de meilleur boisson. (GRÉBAN, Pass. J., c.1450, 153).

-

"Qui a une valeur moindre, qui est un produit dérivé"

.

Petit lait. "Sérosité qui se sépare du lait lorsqu'on prépare le fromage" : ...car adonc il [le lait] lave les boyaulx et mundifie par sa partie humide, c'est assavoir par le petit-lait, car il repugne au venin de la partie butireuse et fait les membres humides (Rég. santé corps C., 1480, 19). Ici sont mises quatre proprietés du petit-laict ou du moyen. La premiere est que le petit-laict est incisif et subtiliatif. La seconde est qu'il est lavatif et abstersif. La tierce est qu'il est penetratif, et ceste yci s'ensuit de la premere. La quarte est qu'il est mandicatif et purgatif. Et trois de ses proprietés narre Avicenne au second canon au chapitre du laict, disant que l'eaue du laict ou du petit-laict est subtiliatif, lavatif, et solutif, et n'a pas mordication, mais Rasis au IIIe livre d'Almasor dit que le petit-laict evacue la colere rouge et degette les pustules du corps et du visaige. (Rég. santé corps C., 1480, 83).

b)

[D'une chose abstr.] "De peu d'importance, médiocre" : ...afin quil pouist mieulx soustenir son estat, lequel estoit petit pour lors (Compte Navarre I.P., 1367-1371, 132). Et se il advient a un homme aucunes petites fortunes ou de prosperité ou, au contraire, de adversité, il est tout cler que telles petites fortunes, soient bonnes ou males, ne font pas incliner la vie d'un bon homme en mal ou en misere. (ORESME, E.A., c.1370, 134). Et ainsi en passant par toutes les accions des vertus morales, il appert que les choses qui sont vers teles accions sont petites et sont indignes de estre actribuees as dieux. (ORESME, E.A., c.1370, 527). ...[il] requist que de ce il fust tenu pour execusé, veu la petite valeur de la chose. (Reg. crim. Chât., I, 1389-1392, 394). Fortune par sa violence Le mist en sy petit degré, Et toutes foiz il print en gré. (Vie st Eust. 2 P., c.1400-1450, 208). ...Adam des Vignes et Jaques de Buymont (...) ne paieront chascun, attendue leur petite faculté, que VJ libvres parisis (BAYE, II, 1411-1417, 34). ...par le fait de gens de petit estat et de petite condition demourans pour lors à Paris (BAYE, II, 1411-1417, 139). ...ilz ne donnent pas grant esperance sur petit fondement et sur pou d'achoison (CHR. PIZ., Paix W., 1412-1413, 74). ...lesquelz traictiez ou accords ont sorti petit effect par le fait d'aucuns qui sont en la compaignie de monsegneur le Dauphin (FAUQ., I, 1417-1420, 290). ...ung pou luy desplaisoit la folie du premier venu, qui trop fort a son gré se boutoit en chose de petite value. (C.N.N., c.1456-1467, 229). ...demain le vous bailleray, vous suppliant que mon petit service, partant de bon vouloir et entier, ne soit pas reffusé. [Un galant annonce à une femme qu'il lui remettra une lettre d'amour] (C.N.N., c.1456-1467, 257). Si ne fust une [seule] chose qui me donne ung petit et legier empeschement a mectre a execucion ce dont la dilacion aigrement me poise, je seroie le plus et mieulx fortuné de ce monde. (C.N.N., c.1456-1467, 574).

-

[Par litote] Pas petit : ...pluseurs gens de bien desiroient et pourchassoient sa grace (...) qui n'estoit pas ung plaisir petit au pere et a la mere d'elle. (C.N.N., c.1456-1467, 31). ...elle pourroit estre cause de sa mort, qui n'est pas ung petit peché (C.N.N., c.1456-1467, 33). ...par pluseurs ans exercea ledit office, qui ne luy estoit pas petit labeur, mais martire intollerable (C.N.N., c.1456-1467, 422).

-

[Dans une formule de modestie] "Faible" : ...comme bien seroit requis à vostre très sacrée Majesté, de supporter et supplier mon petit entendement (SIMON DE PHARES, Astrol., c.1494-1498, f° 8 r°).

-

(Estre) de petit parler. "Parler peu" : La IIIe [signe] : taciturnitet, car melancoliques sont de petit parler a cause de leur froideur comme la chaleur fait les gens grans parleurs. (Rég. santé corps C., 1480, 146).

c)

[D'une pers.] "De condition modeste, humble" : Non pas aussi a petit ou bas roy, mais au plus grant, et qui est seigneur de touz... (Mir. ev. arced., c.1341, 104). ...et dient que appartient a ami qui est bon et excellent que il pourvoie soufisanment a ses petits amis qui en ont mestier. (ORESME, E.A., c.1370, 450). ...de moy, petite meschine Et si basse, avez fait royne Telle et si grant conme de France. (Mir. ste Bauth., c.1376, 96). ...je dois faire honneur, et vous m'alez honorant. Je suys vostre cusin et petit familiaire. (JEAN D'OUTREM., Myr. histors G., a.1400, 224). Que prince se doie fiable Monstrer, privé et agreable A ses gens et grans et petis, Dit Tulle (CHR. PIZ., Chem. estude P., 1402-1403, 253). ...les povres et petis compaignons de sa court, le bon roy qui estoit piteux, et en toutes choses circonspect et cler voyant, cuides tu que il les oubliast ? (CHR. PIZ., Paix W., 1412-1413, 155). Donné luy soit d'honneur le vray collier Par Robertet son petit escollier. (ROBERTET, Oeuvres Z., c.1450-1500, 176). Cy gist et dort en ce sollier Qu'Amours occist de son raillon, Ung povre petit escollier Qui fut nommé Françoys Villon. (VILLON, Test. R.H., 1461-1462, 142).

-

Le petit peuple. V. peuple

-

[Avec valeur affective] : Mais aussy n'est il pas licite Que moy, vostre mere petite, Ne doiez ung petit oÿr Et en aucuns cas obeÿr, Ou au moins passer ma requeste ? (Myst. Pass. Troyes B., a.1482, 580).

-

Empl. subst. Faire la petite. "Faire l'humble, la douce" : A suivre l'eglise ? Comment ? Sy estoit ma personne duite Pour estre des premiers devant A luy bailler de l'eau beniste ; Puis, s'elle faisoit la petite Ou qu'elle me gectast doux yeux, J'estoie lors de joye subite Transsi et ravi jusqu'au cieux. (Amant cord. M., 1490, 25).

2.

[D'une chose] "Qui ne tire pas à conséquence" : Et donques, aussi comme celui qui est yvre d'un peu de vin est pis disposé selon le corps que un autre qui n'est pas tel, semblablement celuy qui est vaincu d'une petite temptacion, il est pis disposé selon l'ame quant a ce que celuy qui n'est pas de si petit vaincu. (ORESME, E.A.C., c.1370, 392). ...ne se courrouce de legier ne de petis mesfais (CHR. PIZ., Paix W., 1412-1413, 104). Vous m'avez de vostre grace baillé la joyssance de vostre beau et gracieux corps tout entierement, et d'un petit baiser vous me faictes le refus ! (C.N.N., c.1456-1467, 317). ...il la demanda a ses parens et amys ; lesquelx, après aucunes petites difficultez qui gueres ne durerent, luy donnerent et accorderent. (C.N.N., c.1456-1467, 558). Pour ce je te dy maintenant Que, car elle m'a bien amé, Mains pechés luy ay pardonné [.] A peu d'amour, petit pardon. (Pass. Auv., 1477, 154).

-

[D'une maladie] "Bénin" : Tu as beauté corporelle mais une petite maladie tost la te ostera. (GERS., Concept., 1401, 417). ...puis luy survint quelque petite maladie, tellement qu'il convint envoyer querir des medecins par tous quartiers, car son bon medecin, comme dit a esté, estoit trespassé. Toutesfois, devant que les medecins fussent venus, il se commença a guerir, ainsi qu'il fut la grace a Dieu, et ne fut amalaisé que trois ou quatre jours (LA VIGNE, V.N., p.1495, 323).

3.

[D'une chose] "Mauvais, défectueux" : ...elle avoit esté tout le temps de sa vie femme de petite renommée, et d'avoir esté en plain bordeau comme femme publique (Reg. crim. Chât., I, 1389-1392, 268). ...veu l'estat et personne dudit prisonnier, qui est homme de petit estat et gouvernement (Reg. crim. Chât., II, 1389-1392, 371). ...on vouloit delivrer de prison ledit d'Armaignac et autres prisonniers (...) qui avoient esté consentans et coulpables des guerres et divisions et du petit gouvernement qui avoient esté en ce royaume (FAUQ., I, 1417-1420, 136). ...le darrenier de septembre MCCCC et XIIII ont esté faictes autres lettres et en semblable sustance qui, par petite garde, ont esté perdues et adirees es mains dudit messire Jehan ou de ses gens sanz avoir sortir effet, lesquelles, se par avanture estoient trouvees, mondit seigneur veult estre et demorer de nulle valeur (Comptes Etat bourg. M.F., t.1, 1419, 126). ...il est homme de petite conduite et gouvernement ou fait de sa despence, il s'est fort endebté, et a vendu sur lui à Emery Bertin, de Fontenay, et à autres certaine grant rente, et doubtant que, se la dicte rente couroit sur lui, sa terre de l'Oblouynière fust vendue à vil pris (Doc. Poitou G., t.10, 1457, 33).

-

Estre en petit point. "Être en mauvaise situation" : ...pour ce que les choses de ce royaume estoient en petit point, et que le refuge de ce royaume en justice estoit en et de ceste Court (BAYE, I, 1400-1410, 246).

Rem. point.

II. -

Adv. "Peu"

A. -

[Adv. de quantité ou d'intensité] "Peu" : Tropt petit vault lour acointance (DUPIN, Mélanc. L., c.1324-1340, 185). Et lor vault lor sens moult petit ["très peu"] (Tomb. Chartr. Trois contes S., c.1337-1339, 104). Dame, a toy loer petit vail (Mir. pape, 1346, 395). Et quant Raymon le voit, petit lui agrea (Tristan Nant. S., c.1350, 683). ...Pour mes meffaiz purgier par paine Temporel et petit durable (Mir. prev., 1352, 270). Se j'avoie estet petit liés En devant, encores le fui Cent fois plus ["je fus peu réjoui cent fois plus encore"], et en grant anui. (FROISS., Espin. amour. F., c.1369, 88). Melyador qui ne le doubte, Dieu merci ! petit ne granment, S'est appareilliés erranment Pour jouster audit chevalier (FROISS., Méliad. L., t.1, 1373-1388, 103). Avis m'est a sa contenance Qu'il est homme de penitance ; petit se prise. (Vie st Fiacre B.C.P., c.1380-1400, 21). ...et tous les siens moy doubte petit (JEAN D'OUTREM., Myr. histors G., a.1400, 200). Foible ennemi en grant desconfiture, Victorien et pou debilité, Provision verbal, qui petit dure, Dont nulles riens n'en est executé (BAYE, II, 1411-1417, 220). ...Pensant petit a son bon eur (ALECIS, Faintes monde P.P., c.1460, 77). Il ne peult trouver appetit, Mais amaigrist et dort petit. (ALECIS, Passe temps P.P., 1480, 237).

-

Pas / non petit. "Pas peu" : Et pour ce n'est pas tel prodige petit meilleur que celui qui est illiberal. (ORESME, E.A., c.1370, 237). Et pour ce, il ne differe pas petit quant a honesté, dire ou oïr volentiers en telz giex laides paroles ou courtoises. (ORESME, E.A., c.1370, 271). Nous tenrons close la maison Tant que no dame qui au lit Gist dehetie et non petit ["et pas peu [dehetie]"], Mais de la fievre moult grevée, Sera en santé relevée. (FROISS., Méliad. L., t.1, 1373-1388, 23).

-

Trop petit. "Très peu" : Et u milieu du chambel ara une oche qui sera mise contre un petit pel, plat u bout, qui sera fichié u renel du chambel contre l'orguel, et ne doit le bout d'ichelui petit pel que trop petit passer l'orguel. (HENRI FERR., Modus et Ratio, Livre deduis T., c.1354-1377, 282).

-

Ne ... petit que. "Ne ... guère que" : Princes, trop va nature en defaillant ; Il n'est petit fors que chetive gent, Et la terre est de povre revenue (DESCH., Oeuvres Q., t.3, c.1370-1407, 110). Puis ne targa petit Que messires Camelz s'en vint Chevaucant (FROISS., Méliad. L., t.1, 1373-1388, 20).

-

Se petit non. "Si peu que ce soit" : Le roy, qui vist le jaians grant et fort, si le redoubta trop mallement pour ce qu'il n'avoit ne raison ne sens ne entendement en luy se petit non. (Chev. papegau H., c.1400-1500, 87). Si te convient mettre peine a amasser tresor afin qu'a ton besoing tu t'en puisses aidier. C'est le meilleur ami et le plus seur moyen que avoir puisses. Qui sera ce qui te desobeira, mais que tu ayes largement que donner ? Poson que n'en donnasses se petit non : si seroyes tu voulentiers servie en esperance et en attendant d'en avoir plus, puis que renom seroit de ta richece. (CHR. PIZ., Trois vertus W.H., c.1405, 13). ...la dame fist mectre a la table ung tres beau fromage gras, et ung plat bien fourny de tartes, de pommes, et de fromage, avecques la belle piece de beurre frez, dont on ne rapporta si petit non. (C.N.N., c.1456-1467, 488).

-

Petit à petit / petit et petit. "Peu à peu, un peu à la fois" : Mes loing petit et petit Va on bien (GUILL. DIGULL., Pèler. vie hum. S., c.1330-1331, 411). [Prov. H., 198 [P137]] Et quant tu l'aras veillié deus nuis ou trois, si li mue sa char et li donne petit a petit de char de poule chaude a mengier (HENRI FERR., Modus et Ratio, Livre deduis T., c.1354-1377, 181). Et tous jour[s] sus jour l'abeche petit et petit devant les gens (HENRI FERR., Modus et Ratio, Livre deduis T., c.1354-1377, 223). Seneque dit que quant l'en veult amistiés deffaire, l'en les doit deposer et oster petit a petit et tout souëf, aussi comme l'en doit mectre jus un voirre ou un pot de terre (ORESME, E.A.C., c.1370, 463). ...il procedera petit et petit (FOUL., Policrat. B., VII, 1372, 434). Petit a petit mengue le pinçon l'asne. Petit a petit vat on bien loing. (E. LEGRIS, Anc. prov. fr., p.1400. In : Bibl. Éc. Chartes 60, 1899, 391). Couchiez vous et vous repousez Sur ce lit cy, se vous poez, Vo maladie cessera Tout petit a petit. (MARCADÉ, Myst. Pass. Arras R., a.1440, 63). ...petit a petit son troublé cueur se remist a nature (C.N.N., c.1456-1467, 30). ...et de fait, petit à petit, fit le roy approchier gens d'armes sur les frontières de Bourgongne (CHASTELL., Chron. K., t.3, c.1456-1471, 226).

.

De petit en petit. "Peu à peu" : ...touts alerent de petit en petit plaider à Mons. (Doc. 1338. In : J. Viard, Bibl. Éc. Chartes 82, 1921, 328).

.

Petit et souvent. "Un peu à la fois, par faibles quantités et souvent" : ...et suz jour l'abeche petit et souvent devant les gens. (HENRI FERR., Modus et Ratio, Livre deduis T., c.1354-1377, 223).

-

Il (s')en faut petit que. "Il s'en faut de peu que" : Il en falut petit que de son sens n'issy [var. Bien petit sen faillit que]. (Vie st Eust. 1 P., c.1350-1400, 159).

.

À (bien) petit de / que : ...A bien petit que je n'enraige Car ilz font trop le papelart (Pac. Job M., c.1448-1478, 245). Quant le roy Avenir entent Que son filz a Jhesucrist tent, A petit qu'il ne forsenna. (DU PRIER, Roy Adv. M., 1455, 7). Vous nous mectez touz en la voye A petit de desesperer. (DU PRIER, Roy Adv. M., 1455, 44).

-

Empl. subst. "Peu de chose" : Suffise toy de petit (MESCHIN., Lun. princes M.-G., c.1461-1465, 82).

.

De / pour si petit. "Pour si peu" : ...il est pis disposé selon l'ame quant a ce que celuy qui n'est pas de si petit vaincu. (ORESME, E.A.C., c.1370, 392). Ce nous seroit trop grant esclande De l'occire pour si petit (GRÉBAN, Pass. J., c.1450, 276). Vous plaignez-vous pour si petit ? (Gens nouv. T., c.1461-1500, 336).

.

Trop petit. "Très peu de chose" : Car elle est si foible et si tendre Que de trop petit elle engendre Painne et dolour. (FROISS., Espin. amour. F., c.1369, 104).

-

Empl. subst. "Peu de gens" : Petit s'en sauverent (FROISS., Chron. L., V, c.1375-1400, 15). [G.-G. Nicholson, R. Ling. rom. 5, 1929, 3]

B. -

Loc. adv. Un petit / aucun petit. "Un peu, quelque peu"

1.

Un petit

-

[Portant sur un adj.] : Tel a le dos ung petit tort Qui ne s'en apperceut jamais. (ALECIS, Faintes monde P.P., c.1460, 100).

-

[Portant sur un adv. ou un compl. adverbial] : ...il se mist un petit derriere ledit varlet, et icellui feri d'un coustel qu'il portoit parmi le corps, par le costé, duquel coup il chei, et illec moru. (Reg. crim. Chât., I, 1389-1392, 111). Ouquel jour de mercredi, au matin, un petit avant prime, lui qui parle et un nommé Le Roussellet, demourant à Laon (...) se partirent de ladite ville de Vaily (Reg. crim. Chât., I, 1389-1392, 155). ...pour ycelle escuelle fondre ledit orfevre pour son salaire ot VIIJ s. par., laquele ainsi fondue en lingot pesoit un petit moins de deux mars d'argent (Reg. crim. Chât., II, 1389-1392, 450). Quant se vint ung petit devant le jour, le Chevalier du Papegau s'en est tourné en son lit (Chev. papegau H., c.1400-1500, 43). ...ung petit ensus des tourbieres auprés de la riviere avoit une plaine haulte et bien assise (Percef. IV, R., c.1450 [c.1340], 853). Et en ceste matiere je te prie de resister ung petit longuement (CRAP., Cur Deus, De arrha B.H., c.1450-1460, 220). ...quand il eut fait, il se tire ung petit arriere de luy, disant ses oroisons et paternostres. (C.N.N., c.1456-1467, 298). Tu le faiz [le trou] ung petit trop bas. (Pass. Auv., 1477, 194). LE PERE. Ung petit trop tu es cedicïeulx Et, a mon vueil, oultre malicïeux, Dont tu pourras en avoir vitupere. (LA VIGNE, S.M., 1496, 144).

-

[Portant sur un verbe] : LA DAME. Si je le tenoie un petit, Mon seigneur, je le beseroie Et mille foiz, se je pooie (Mir. enf. diable, c.1339, 20). De sez .ij. enfanchons veul .j. petit parler. (Vie st Eust. 1 P., c.1350-1400, 146). Or voulons maintenant un petit considerer quelz impossibles des corps naturelz il convient ensuir a l'opinion de ceulz qui dient que lignes sont faites de poins indivisibles. (ORESME, C.M., c.1377, 590). ...tantost qu'il plovoit ung petit, l'eawe aloit par la cité, sy que les gens nagoient par la cité a nacelles (JEAN D'OUTREM., Myr. histors G., a.1400, 64). La un petit se reposera, se besoin en a (CHR. PIZ., Trois vertus W.H., c.1405, 50). Et, s'aucun prenoit appétit À mengier poisson un petit, Il le doit prendre et recevoir En tant qu'il peut, à dire voir, De bonnes eaues et mondes (LA HAYE, P. peste, 1426, 93). Prenons quelque place retraitte, Et y allons prendre deduyt Ung petit. (Myst. Viel test. R., t.2, c.1450, 302). Reposer me vueil ung petit, Car je suis las de me combatre. (Myst. Viel test. R., t.4, c.1450, 27). ...ce que si affermement disiez que vous n'aviez pas esté vers nous nous a fait ung petit doubter. (C.N.N., c.1456-1467, 205). ...par ma foy, il fault necessairement que j'entre ung petit dedans [l'église] (C.N.N., c.1456-1467, 218). Mes seigneurs, certes tresfort crains Que la croix ne puisse porter, Et pour tant nous fault appointer Qu'il se repose ung petit. (Pass. Auv., 1477, 192). Ung petit mon fait taiseray Ey parleray du fait du monde. (Prisonn. desconf. C., c.1488-1489, 8). LE PERE. Le partement me fait ung petit mal, Mais touteffois, Mahommet vous convoye ! (LA VIGNE, S.M., 1496, 194). Savoure un petit se brevage (Gent. moun. T., c.1500, 379). Bien, bien. Lison, mettez la table, Que Monsieur desjeune un petit. (Gent. Naudet T., c.1500, 274).

-

Trop ... d'un petit. "Un petit peu trop" : Certes il a bien preschié, dame. Mais il est trop long d'un petit : Il fust miex pris par appetit S'il fust plus court. (Mir. abbeesse, 1340, 63).

-

Pour un petit. "Pour un peu" : Si ce n'estoit pour un petit, Je n'y retournerois, par bieu, ja. (Bad. loue T., c.1500, 60).

-

Un bien petit. "Un petit peu" : Se le mestier avoye hanté Ung bien petit, j'en feraye rage. (Myst. Incarn. Nat. L., t.2, c.1454-1474, 158). Mes enfans, je vous larrey tous Ung bien petit, car j'ay affaire. (Pass. Auv., 1477, 157). Actens, ung bien petit actens ! (LA VIGNE, Munyer T., 1496, 239). SAINCT MARTIN. Veillez vous ung bien petit taire, S'il vous plaist, de cela, ma mere (LA VIGNE, S.M., 1496, 291).

-

Un seul petit. "Un petit peu" : Mais espoir repayst les chetifz, Doncq esperence la prudente, La, ung seul petit les esjoye (Myst. Pass. Troyes B., a.1482, 540). Escoutez moy ung seul petit (Trespassement N.D. G., 1484, 516).

2.

Aucun petit. "Un peu, quelque peu" : ...[ils] picquerent fort tant qu'ilz eurent eloigné la place. Quand ilz se trouverent aucun petit eloignez, ce bon chevalier (...) rompit son legier pas (C.N.N., c.1456-1467, 547).

C. -

[En empl. de subst. masc.]

1.

Petit de. "Peu de"

-

[De + subst. nombrable] : Et qui n'a point d'argent, il a petit d'amis. (Tristan Nant. S., c.1350, 655). De gens d'armes petit avez (Mir. Oton, c.1370, 323). Mors sont Françoys, ilz ont trop petit de gens (JEAN D'OUTREM., Myr. histors G., a.1400, 145).

-

[De + subst. "massif"] : Moult est donc le ciel grant et large Et cest monde a petit de marge Qui tant nous semble grant et lei. (Tomb. Chartr. Trois contes S., c.1337-1339, 102). ...raison a petit de puissance (DESCH., Oeuvres Q., t.1, c.1370-1407, 148). ...il ne leur estoit pas advis que bon feust que l'en procedast à la condempnacion dudit prisonnier, pour si petit de larrecin qu'il avoit cogneu avoir fait (Reg. crim. Chât., I, 1389-1392, 207). ...Se par mon petit de savoir Ay voullu par trop requerir, Excusez moy (LANNOY, WERCHIN, Ball. P., 1404, 367). ...Selon mon petit de scïence (GRÉBAN, Pass. J., c.1450, 184). La Dieu mercy, petit de temps après, monseigneur revint en sa maison, ou il fut doulcement receu (C.N.N., c.1456-1467, 47).

-

À petit de. "En peu de, avec peu de" : ...Mais soit a petit de habondance, Car trop habonder est nuysance (COURCY, Chem. vaill. D., 1406, 17). LE SECOND. Vien ça, portier ! A petit de langaige Je t'avertis qu'il plaist a l'empereur, Pour ce qu'il a rabaissé sa fureur Et que la paix est maintenant criee, Qu'incontinant ce chevalier d'onneur Hors la prison ait la main desliee. (LA VIGNE, S.M., 1496, 254).

-

En petit de (temps). "En peu de" : En petit de temps Diex labeure (Mir. femme roy Port., c.1342, 162). En petit d'eure fut allé une lieuee (Tristan Nant. S., c.1350, 627). ...lesdictes gens d'armes avoient fait grant chemin en moult petit de temps. (BAYE, II, 1411-1417, 266). Certes cellui emprent grant desserte, qui en petit de temps sert la royne du ciel et lonneure. (MIÉLOT, Mir. N.D. W., 1456, 49). Puis, ung jour, fut enveloppee Ma personne en petit d'espace Et si tresbien fut actrappee Que tué fus en ceste place. (LA VIGNE, S.M., 1496, 429).

-

Quelque petit de : Et meslez tout, comme savant, O les huiles dictes avant, Sauf mettre, par droit appetit, D'eaue rose quelque petit (LA HAYE, P. peste, 1426, 150).

2.

Un / le petit de. "Un peu de / le peu de"

a)

[De + subst. nombrable] : Doulce gent, je vous vieng requerre, Pour Dieu, de voz biens un petit Pour ce mesel la (Mir. Amis, c.1365, 52). ...fors un petit de povres gens qui se sauverent par la forest. (Percef. IV, R., c.1450 [c.1340], 797). ...mon vouloir est, si plaist audit seigneur Roy, que le petit de biens que Dieu et luy m'ont donnez et prestez soient pour ce faire employez (Roi René vie L., 1482, 396).

b)

[De + subst. "massif" (concr. ou abstr.)] : Car il fait tres grant despense et le bien que il despent, il pert par un petit de deffaute. (ORESME, E.A., c.1370, 247). ...nous aviens un petit de mal en noz piéz dont aucun veullent dire que c'est la maladie des riches gens et nous disons que c'est de paine et de travail que nous avons euz. (Hist. Lille T., t.1, 1380, 67). En laquelle question ledit Jehan Cousin fu mis sur le petit tresteau, et un petit d'eaue jettée sur lui. (Reg. crim. Chât., I, 1389-1392, 89). ...et que quant elle seroit couchée auprès de sondit ami nu à nu, et il dormiroit, que d'icelle cire et poix elle prenist un petit, et en frotast sondit ami entre les deux espaules (Reg. crim. Chât., II, 1389-1392, 308). ...ung petit de vin aigre (CHIQUART, Cuis. S., 1420, 148). Ilz doivent prendre et boire, au main, Un peu de vin, plaisant et sain, Qui de bonne oudeur soit doté O un petit de pain tosté. (LA HAYE, P. peste, 1426, 100). ...pour acquerre un petit d'honneur (Percef. IV, R., c.1450 [c.1340], 52). Nous avons du temps ung petit ["Nous avons un peu de temps"] (Gens nouv. T., c.1461-1500, 317).

-

Un petit d'heure. "Un court moment" : Reposséz vous ung petit d'eure (Pass. Semur D.M., c.1420 [1488], 236).

-

Un / aucun petit de temps. "Un peu de temps, un court moment" : En ce point l'attendit aucun petit de temps, qui luy sembla long a merveilles (C.N.N., c.1456-1467, 571). Et, ung petit de temps aprés, le pastour rencontra le loup (MACHO, Esope R., c.1480, 133).

-

Un seul petit de. "Un peu de..., si peu que ce soit" : Hémi ! vrais Diex, se j'avoie Un seul petit de clarté, Trop liement diroie : ... (FROISS., Espin. amour. F., c.1369, 77).

3.

Empl. abs. [Sans compl. en de] "Peu" : Toutes foiz me faut il a parler de toutes choses qui touchent a la venerie ce petit que ja j'en say. (GAST. PHÉBUS, Livre chasse T., 1387-1389, 273). Des biens que j'ay en moy arez, De ce petit qu'ay amassé En tout le temps qui est passé (Pac. Job M., c.1448-1478, 357). Monseigneur, je ne vous puis grâces rendre, qui soient condignes aux bienfaits reçus. Ce petit que j'ay et que je vaulx, me vient de vous. (CHASTELL., Chron. K., t.3, c.1456-1471, 123). ...et de ce petit que j'ay veu n'en viz jamais qui eussent meilleur voulloir de combattre, qui me semble ung bien bon signe et grant resconfort. (COMM., I, 1489-1491, 23).

-

Un petit à + inf. : Nous n'avons q'un petit a vivre (FROISS., Espin. amour. F., c.1369, 51). ...[il] fu despouillié, mis et lié à la question sur le petit tresteau, et ainsi comme l'en lui ot donné un petit à boire, requist instanment que l'en le voulsist mettre hors d' icelle (Reg. crim. Chât., I, 1389-1392, 179).

III. -

Subst.

A. -

Subst. masc. [Valeur de neutre] : Car il avient souvent en geometrie que il a tele proporcion du tout au tout comme de partie a partie, ou du grant au grant comme du petit au petit. (ORESME, E.A., c.1370, 287).

B. -

Subst. masc. et fém.

1.

"Celui / celle qui est de taille inférieure (en partic. qui n'est pas encore adulte)" : ...son mary va revenir a l'ostel et fut perceu par ung petit de ses filz (C.N.N., c.1456-1467, 328).

-

"Animal de taille inférieure" : ...à l'ayde d'une sele à chevaucher qu'il mist au derriere d'une petite desdites jumens, ot durant iceulx huit jours, par plusieurs et diverses fois, compaignie charnele à icelle jument (Reg. crim. Chât., I, 1389-1392, 566).

-

"Jeune animal" : ...et auxi touteffoiz que le pasnage eschiet, iceulx habitans sont tenus mener leurs pors à l'aquit dudit pasnage ou porter, ja sy petit n'y aura, mes qu'il puisse menger ung glen, et se porté et mené n'y est, chacun porc sera tenu païer X s. d'amende au roy (HECTOR DE CHARTRES, Cout. R., 1398-1408, 98).

2.

"Personne de condition modeste" : ...mais querir et vouloir estre honoré des humbles ou moiens ou petis, c'est une chose charchant et qui n'est pas a loer. (ORESME, E.A., c.1370, 254). Le roy face ainsi comme roy, Le petit comme le petit. (Myst. Viel test. R., t.2, c.1450, 267).

-

Ne... grand ne petit. "Ne... personne" : Je m'en voys donc mectre en la voye Et n'atendray petit ny grant (Pac. Job M., c.1448-1478, 245). Tu n'espargnhes grant ne petit ; Au jour d'uy tu m'as desconfie. (Pass. Auv., 1477, 130).

-

Petits et grands / grands et petits / grands comme petits. "Tous, sans exception" : Li ennemis de toutes pars Sont parmi le pays espars, Qui font grans et petis onnis. (MACH., Voir, 1364, 612). ...ilz s'en loërent tous, petis et grans. (Chev. papegau H., c.1400-1500, 90). ...aussi bien en soient pugnis grans comme petis (CHR. PIZ., Paix W., 1412-1413, 137). Je voy courir Et decourir En ce monde de male gens. Petis et grans, Bourgoix, marchans, Nobles, vilains [l. Nobles et vilains] en ung tas, Jeunes, anfans, Sont tous nuysans Les ungs es autres en tous cas. (Pass. Auv., 1477, 110). Quant si pres d'eulx le bon seigneur sentirent, Quoy qu'a aucuns le cas fust ung peu grief, Ce neantmoins grans et petiz sortirent, Et toutes bonnes obeyssances firent Faveurs, support, subjection, souffrance (LA VIGNE, V.N., p.1495, 209).

.

Grands, moyens et petits : Heure, vil dyable, heure, heure ! De les faire plus noir que more Par pechiez ne soyés faintiz. Heure, vil dyable, heure, heure Sus grans, sus moyens et petis ! (Myst. st Adr. P., c.1450-1485, 111).

REM. G.-G. Nicholson, R. Ling. rom. 5, 1929, 2, enregistre le sens de "court espace parcouru, à parcourir", d'après un passage du Jouvencel ( Tant chemina par ses petitz qu'il...) cité par LA CURNE ; leçon journées ds BUEIL, II, 1461-1466, 112.
 

"Fils du fils ou de la fille" : ...a fin que le petit filz qui encore gesoit ou berçueil ne peust venir a demander son heritage (FOUL., Policrat. B., VI, 1372, 213). ...car il vouloit que le roy fist haulser partout la banière du petit fils que le seigneur Ludovic tenoit entre ses mains, qui estoit filz du duc dernier, mort à Pavye, et dont avez ouy parler devant, appellé Jehan Galiace. (COMM., III, 1495-1498, 155).
 

"Petit-lait" : ...car adonc il [le lait] lave les boyaulx et mundifie par sa partie humide, c'est assavoir par le petit-lait, car il repugne au venin de la partie butireuse et fait les membres humides (Rég. santé corps C., 1480, 19).