A. -

"Qui dure très longtemps, si ce n'est éternellement" : Quant Mathathias dut fenir Ses jours, ses enfans fist venir Devant lui pour euls conforter Et aussi pour euls enorter Que bien gardassent les misteres De la loy et que leurs sains peres Ensuïssent, qu'onneur et gloire, Nom pardurable et bon memoire Sera d'eaus, s'il le font einsi (MACH., C. ami, 1357, 58). Finee ["Phinéès"] qui fu nostre pere Plus tenrement ama que mere En amant l'amour de son Dieu, Et ceste amour li tint tel lieu Qu'i ot a perpetuité La plus tres noble dignité Dou monde et la plus honnourable, Nom et memoire pardurable. (MACH., C. ami, 1357, 59). ...que icelle femme voulsist bien estre vengée de sondit mary sans le faire mourir, et icellui mettre en tel estat que jamais, à nul jour du monde, ne se peust aidier ne batre icelle femme, mais demourer en tous les temps de sa vie en longue et perdurable langueur de maladie (Reg. crim. Chât., II, 1389-1392, 324). ...comme nous n'aions point en ce monde de demeure fors par emprunt, est nostre cité pardurable ou ciel (CHR. PIZ., P.V.H., 1416-1418, 44). Maiz les ez ou mousches qui vindrent a la bouche de Platon furent prodige de ferme felicité et pardurable (LA SALE, Sale D., 1451, 265). Si vous l'aymez, sire, pas n'avés tort, Car il estoit à vous servir feable ; Tant de traveil a prins à grant effort Que sa vie a esté moins durable ; Mais sa gloire sera plus pardurable D'avoir eu tel maistre et si grant roy, Qui loyaulment a servy sans desroy. (LE CLERC, Interp. Roye, c.1502, 396).

-

Estre pardurable à : Et cils jours clers, de dous plaisir, Est si biaus, et de tel loisir Que, se la chose est si partie Qu'il plaist a chascune partie Par le gré d'Amours maintenir A leur pooir et soustenir L'estat de l'amoureuse vie, Amiablement, sans envie, Riens ne les porroit assaillir Qui ce jour leur feïst faillir, Einsois leur seroit pardurables Trestous leur temps et delitables. (MACH., D. Aler., a.1349, 289).

-

[Du temps] : Mais ces choses sont sanz alteracion et impassibles et ont vie tres bonne, et par soy tres sufisante et parfaite, et l'ont en tot le temps pardurable. (ORESME, C.M., c.1377, 162).

-

"Qui revient perpétuellement" : Parguse, c'estoit un vergier Si bel, si gent, qu'a droit jugier Il n'estoit lieus plus delitables ; Printemps y estoit pardurables. Tuit cil qui sont et ont esté En vint et quatre jours d'esté Ne te diroient les delis Dou vergier, tant estoit jolis, Et pleins d'odeur plaisant et fine. (MACH., C. ami, 1357, 86).

-

De pardurable + subst. "Tout au long de" : Saige de pardurable vie Ayme Dieu et fait son service (DUPIN, Mélanc. L., c.1324-1340, 120).

B. -

"Qui dure éternellement, éternel"

-

[De Dieu, de la Trinité...] : Quant Susanne son jugement Vit et sa mort apertement, A haute vois, sans detrier, Les mains jointes, prist a crier : "Sire Dieus, qui es pardurables, Justes juges et raisonnables, Tu scez les choses reponnues, Les alees et les venues ; Tu congnois des cuers les pensees, Einsois qu'elles soient pensees..." (MACH., C. ami, 1357, 10). Li dieus qui point ne faut ne ment, Qui n'a fin ne commencement, Qui est fermes, justes, estables, Regnans sans fin et pardurables, A veü et congnut les ouevres De quoy tu as ouvré et ouevres. (MACH., C. ami, 1357, 32). Si te promet, sire, et t'acorde Que tu seras de ma partie Loëz tous les jours de ma vie, Car dou ciel toute la vertu Te loe sans cesser, et tu Has gloire pardurable es siecles Ou tu regnes com Dieus et siecles. (MACH., C. ami, 1357, 55). Et dist yci Averroïz que toutes loys conviennent et sont a acort que Dieu est ou ciel et que Dieu est pardurable. (ORESME, C.M., c.1377, 276). ...toutes choses ordonnées et faites par la Divinité en la Trinité sont perdurables et ne puent estre revoquées. Et pour ce que jugement esperituel sera si à redoubter et pour celle sentence inrevocable, aussi doit l'en redoubter jugement temporel (Cout. bourg. glosé P.M., c.1380-1400, 99). Dieu tout puissant, roy pardurable... (Prières saints R., t.2, 1400-1450, 159). MICHEL. Premier a luy je parleray, Pour ce qu'il m'est fort amÿable Et en deux motz je luy diray Le vouloir de Dieu pardurable. (LA VIGNE, S.M., 1496, 556).

-

[De l'âme] : ...Que l'ame ou corps li espandi, Laquelle est tousjours pardurable (LE FÈVRE, Respit Mort H., 1376-1380, 41).

-

Damnation pardurale : Ceulz yci, ou iront eulz incontinent aprés la mort se non a la dampnacion pardurable de la fosse d'enfer ? (GERS., Déf., 1400, 224). ...car Dieu menace les pecheurs de paines et afflictions temporelles, de obduracion de pensee qui est quant Dieu laisse la creature vser de son sens reprouue ; il menace aussi de dampnacion pardurable. (CIB., p.1451, 188).

-

Biens pardurables / felicité/joie pardurable / gloire pardurable : Saint pére, la gloire et la joie Sanz fin pardurable des cieulx Vous ottroit le glorieux Diex (Mir. pape, 1346, 390). ...c'est chose si vile De haïr ; et c'est un mors tel Com de vivre en pechie mortel ; Qu'on passe les commandemens De Dieu, qui est nos sacremens ; Dont la fin est tele sans fable Qu'on en pert gloire pardurable. Si que, biaus fils, je vous diray, Je vous aim tant et ameray Qu'en nul cas je ne vous faudroie Ne que Hector fist à ceuls de Troie. (MACH., P. Alex., p.1369, 237). Amen ! si que ne faille mie Aux biens perdurables avoir. (Mir. fille roy, c.1379, 82). ...la sainte et divine Escripture oste l'ennuy de la personne qui a luy s'abandonne (...) et luy enseigne le sentier de pardurable felicité (GERS., Concept., 1401, 388). ...tu aras assés de bien Et en la fin joie perdurable. (Myst. st Clément Metz D., p.1439, 562). Laisse celle fole creance, Le baptisme va recevoir, Affin que tu puisses avoir Des cieulx la pardurable joye. (Myst. st Adr. P., c.1450-1485, 80). ...la plaine et parfaicte vision et tresdelectable fruicion de Dieu en gloire pardurable. (CIB., p.1451, 192). ...En glore pardurable [var. permenable] (Jourd. Blaye alex. M., a.1455, 336). ...donques par ainsin le escouter et retenir les nobles histoires, exemples et enseignemens, pourrez acquerir la pardurable joye de Paradis (LA SALE, J.S., 1456, 77).

-

Repos pardurable : ...cest celle [la méditation] qui fait ia en ceste vie gouster et sauourer la doulceur du repos pardurable et des ioyes celestielles. (CIB., p.1451, 180).

-

Vie/mort pardurable : Celle rose [la Vierge] qu'est espannie Nous maint en pardurable vie (DUPIN, Mélanc. L., c.1324-1340, 156). Dieu lour doint perdurable vie. (DUPIN, Mélanc. L., c.1324-1340, 74). ...c'est celle qui a (...) aux chetis pecheurs attendans mercy vie pardurable, qu'ilz avoient perdu, donné. (Mir. ev. arced., c.1341, 105). Dame, par qui fu delivrez Ly mondes de mort pardurable... (Mir. ev. arced., c.1341, 110). Aussi tout tramble, nes li ange Qu'as enluminé de ta grace, Contre la vertu de ta face, Encontre ton ire importable Qu'est aus pecheurs mort pardurable, Qui ne menasse ne deffie, Mais ne soit pecheur qui s'i fie, Car qui s'i fie a mort se fiert Et fait ce qu'a faire n'affiert (MACH., C. ami, 1357, 53). Pour gaigner la vie perdurable... (Myst. st Clément Metz D., p.1439, 171). Ilz en ont vie pardurable Et la joye qu'est parmanable, Sans fin vraye felicité. (Myst. st Adr. P., c.1450-1485, 107). En ce faisant, bien desservir Ilz ont la vie pardurable. (Myst. st Adr. P., c.1450-1485, 159).

C. -

[Subst. à valeur de neutre] "Éternité" : ...Dieu qui est cause premiere Et le vray facteur de lumiere Crea l'ame qui est estable Entre le temps et pardurable, Si qu'elle est a tous deux voisine Et a l'un et a l'autre encline (LE FÈVRE, Vieille, trad. De vetula H., a.1376, 337). Quar cest nom pardurable fu par les anciens enoncié et approprié a la divinité ou aus choses divines pour ce que la fin qui contient le temps de la vie de quelconque chose, duquel temps rien de ceste chose n'est hors selonc nature, il l'appelloient le pardurable ou l'eternité ou siecle de celle chose. (ORESME, C.M., c.1377, 162).