"Mettre les pieds de derrière devant les traces de ceux de devant" : Pren te garde se il s'entremarche, c'est a dire s'il met le pié derriere oultre celui devant, c'est outremarchier [var. entremarchier] (HENRI FERR., Modus et Ratio, Livre deduis T., c.1354-1377, 27).

-

Empl. pronom. : Et en quelque lieu des questes dessus dites qu'il encontre ou voye a l'ueill, face assentir a son limier a l'eure que j'ay dit, et, si c'est aux champs et il connoist a son limier que ce est de bonne erre et ce est cerf qui s'outremarche, c'est a dire que le pié darriere passe le pié devant, ce n'est mie bon signe. (...) Mes, s'il met le pié darriere loing de celui devant, c'est bon signe, ou, s'il marche plus large darriere que devant, encore est ce bon signe, quar, quant un cerf s'outremarche, c'est signe qu'il soit cerf errant, legier et bien fuyant et megre, quar, s'il avoit gros et gras costés et flans, il ne se pourroit outremarcher ne surmarcher, et par le contraire si feroit. (GAST. PHÉBUS, Livre chasse T., 1387-1389, 165).