A. -

"Animal vivant dans les régions arides, chameau" : La haire avoit tousjours vestue [Jean Baptiste]. De mousse, de poil de chamois, Qu'il amassoit parmy les boys, Estoit sa robe par desus. (Liber Fort. G., 1346, 109). Et ly roys Maieugot, qui la male gent guie, Séoit sur ung quameul qui vint d'Esclavonnie (God. Bouillon R., t.2, c.1356, 218). Mais partout leur admenistrerent Chevaus assez qu'il chevauchierent, Qui estoient de paremens Pour les signeurs ; et pour leurs gens, Chameux, roncins et haguenées, Bien et richement ensellées. (MACH., P. Alex., p.1369, 194). Là ourent les Crestiens grant conquest de cameulx, de paveillons et de despouilles (Chron. Valois L., c.1377-1397, 187). Pour IIJ bourses de cuir de chameu, achattées par ledit Argentier pour mettre les gectoirs de sire Jehan de Vaudelair et maistre Jehan Maulin, maistres des comptes dudit seigneurs ; et dudit contrerolleur. (Comptes argent. rois Fr. D.-A., II, 1387, 266). ...au derrain, atout ses chameulx, Fu Hasdrubal desconfit d'eulx (CHR. PIZ., M.F., III, 1400-1403, 227). Adoncques a Hulin cherchiet tous les osteux : Assés i a trouvé et bugles et cameulx. (Huon Bordeaux B., c.1400-1450, 66). Sy te dy que troys choses lui donnerent audience et attrait : L'une, que luy [Mahommet], qui estoit a son commencer marchant et meneur de chameaux, fist tant par deceptions, par art de nigromance, qu'il espousa une dame noble et riche appellee Cadigan (CHART., L. Esp., c.1429-1430, 118). Camel selon ce que dit Ysodores est vne beste portant grant fais tres legiere et la maine l'en ez batailles et est priuee a chascun et de sa nature plesse et courbe ses iambes deuant affin que on la charge de fais (Best. hérald. H.E., c.1435-1450, 473). On doit doncques eslire lait des chameaulx, lequel est inutile pour nourrissement a cause de sa grande humidité, mais il laiche le ventre et n'est pas gras ne de grosse substance (Rég. santé corps C., 1480, 19). ...et predist, l'an ensuyvant, la prinse dudit Roddes par le souldam d'Egipte, lequel chargea IXc chameaux du metail qu'il trouva froissié des dites ydolles (SIMON DE PHARES, Astrol., c.1494-1498, f° 62 r°). Grans dromadayres, bouffles et elephans, Divers chameaux aurons a grant foison (LA VIGNE, S.M., 1496, 228).

-

[P. réf. à Matth. XIX, 24] Il est plus facile à un chameau de passer par le trou d'une aiguille qu'à un riche d'entrer au Paradis : ...Et plus legierement passer Chamel d'aguille le pertruis Puet quë un riche en paradis. (GUILL. DIGULL., Pèler. J.-C. S., 1358, 216). Asséz est plus legiere chose D'entrer un chameil ou chamuille Parmi le pertruis d'une aguille Que un riche ou royaume des cieulx. (LE FÈVRE, Respit Mort H., 1376-1380, 79). Car il est escript que plus ligerement un camel entreret ou pertuis d'une anguille, que un riche n'anterret ou royaume dez Cieux. (Songe verg. S., t.1, 1378, 18). D'autre part dit saint theume et glose Que ce seroit aussi fort chose Passer par le tro d'une aguille Un chamel, texte est d'euvangille, Com d'un riche mondain seroit Qui en paradis entreroit (DESCH., M.M., c.1385-1403, 353).

-

[Représentation] : ...Les camiaulx et les oliphans, Tigres et lyons et serpens Qui entailliés furent en pierres A droit compas et a esquieres. (Renart contref. R.L., t.1, 1328-1342, 159). Item, ung chamel sur une terrasse garnye de perles, ballaiz et saphirez, et a, le chamel, la boce d'une coquille de perle ; et deux chandeliers aux costez ; pesant ung marc deux estellins obole. (Invent. mobilier Ch. V, L., 1380, 289). Et ailleurs il dist que neant plus que un chamel chargié entreroit ou pertuis d'un aguille, n'yroit un riche en Paradis. (CHR. PIZ., Trois vertus W.H., c.1405, 15).

-

[Dans une compar.] : Luxurieux comme le pourceau, fort et puissant comme le chamel (Comp. kal. bergiers C., 1493, 45 v°).

B. -

"Tissu en poils de chameau" : Et si trouverent ou tref du roy de Bellemarine vingt femmes avec trop grant avoir d'or et de joyaulx et de riches cameulx (Chron. Valois L., c.1377-1397, 12).

REM. Dans la traduction d'un texte latin perdu, faite en Italie par un Italien ou par Piloti lui-même, forme gambel reprise à l'italien du nord gambello : En ladicte caravana vont infinis et trèsgrande quantité de gambei, lesquelx peuvent lever une trèsgrande charge, tant de pellerins quant de marchans ; et sont sur lesdis gambels certains engins, lesquelx mettent d'un costé et d'aultre, et par dessus vont certains cercles couvers de couvertures, que ceulx qui sont desoubz ne sentent jamais solleil (...) Et quant ilz veullent deschargier ou desmonter, lezdis gambilz se mettent en ghenoulx (Passage Terre Sainte Piloti D., 1441, 103).Cf. FEW II-1, 129b, commentaire.