A. -

"Portion d'une courbe ; en partic., demi-cercle"

1.

GÉOM. : ...si comme est la figure d'un arc ou une tele (ORESME, C.M., c.1377, 378). Maintenant soustrayons du semy-cercle et d'icelle quarte l'arc .m., et restera du costé de la quarte le triangle orthogone .b.p.c., et de la part du semy-cercle restera la lunette .k. (NIC. CHUQUET, Géométrie H., 1484, 409).

-

"Demi-cercle" : ...ceste figure impression est selon la figure d'un arc qui a la boce contre le ciel (CORBECHON, Propriétés, 1372, XI, 5, 186 v°).

2.

Arc-en-ciel / arc-ou-ciel / arc-du-ciel / arc celeste. "Arc-en-ciel" : L'arc du ciel est une impression qui se fait en une nue caveuse plaine de rousee (CORBECHON, Propriétés, 1372, XI, 5, 186 r°). Et pour respondre a ce, je pensé pieça a une consideracion que je veul exprimer : et premierement d'une impression commune que nous apellons l'arquenciel qui est de .III. couleurs. (ORESME, C.M., c.1377, 726). En après apparent les nues Là suz parmy l'air espandues, Qui sont cause de l'arc célestre Aucunement, ce dit le Maistre, Et, en oultre de celles nues, Sourdent et si sont contenues Les pluyes, les nèges et grelles, Par l'influence des Estelles (LA HAYE, P. peste, 1426, 7). Comment par l'arch ou ciel et du signe Cancer nous est demonstré que paix et union fait petites choses eslever et croistre et dissencion maine grandes choses a neant. (COLART MANS., Dial. créat. R., 1482, 83). L'estrif de l'arc ou ciel et de l'estoille nommee Cancer. Dyalogue .Ve. L'arc de Nostre Seigneur, aprés le deluge, premier apparut es nuees, ayant deux couleurs, c'est assavoir l'une d'eaue et l'autre de feu (COLART MANS., Dial. créat. R., 1482, 95).

Rem. Arc au ciel (H. Lewicka, Les Comp., 1968, 78). Arc en ciel de saint Martin (PANIS, Guidon, tr.II, doct.1, chap.2 ; cf. FEW XXV, 132a, s.v. arcus).

-

[P. réf. à l'arc tendu dans le ciel par la miséricorde de Dieu, Gen. IX, 12-17] : MISÉRICORDE. Et ausi souvenir te doit Que l'arc en ciel qui fort tendoit Jadis me fëis destendre Et la corde en ma main prendre Pour chetis sachier de prison Et oster de chaitivoison, Pour quoy sui Misericorde Nomee, des chetis corde. (GUILL. DIGULL., Pèler. J.-C. S., 1358, 19).

-

[Comme symbole de l'alliance de Dieu avec la terre] : ...et si tost que le deluge fut passé et que la terre commança à apparoir, Noé et ses trois filz yssirent de l'arche, qui fut le second mois, au XVIIe jour que Dieu fist apparoir l'arc ou ciel, en signe de promesse que jamais ne seroit deluge par eaue (SIMON DE PHARES, Astrol., c.1494-1498, f° 14 r°).

3.

ASTR. Arc du jour / arc de la nuit. "Partie de la trajectoire quotidienne du soleil au-dessus et en dessous de l'horizon ; durée du jour / durée de la nuit". : Le 4e chappitre pour savoir l'arc du jour et de la nuit, c'est a dire la grandeur, et aussi l'arc des estoilles. (FUSORIS, Astrolabe P., c.1407-1412, 114).

-

Arc des étoiles. "Durée (de la visibilité) des étoiles sur l'horizon ; durée de la nuit" : Le 4e chappitre pour savoir l'arc du jour et de la nuit, c'est a dire la grandeur, et aussi l'arc des estoilles. (FUSORIS, Astrolabe P., c.1407-1412, 114).

B. -

ARM.

1.

"Arme formée d'une verge (de bois, de métal), courbée au moyen d'une corde tendue avec effort et servant à lancer des flèches"

a)

[Utilisée au combat] : Il n'y ot nulle tour qui ne fust garitee Et de bons ars autour pour traire a la volee (Gir. Vienne D.B., c.1350-1400, 133). Lesquelx Beaubarbier et Caisin estoient garniz chascun d'une espée et d'une taloche, arc et sayetes (Reg. crim. Chât., I, 1389-1392, 64). Et porteray comme brigant Mon arc et une massuette (Gris., 1395, 44). Ars et sayetes ilz avoient Tres lors, dont ilz moult bien trayoient (CHR. PIZ., M.F., II, 1400-1403, 179). ...les autres portans ars, arbalestres, lances et bâtons de guerre, pour doubte des ennemis (FAUQ., II, 1421-1430, 279). ...et commencèrent à tirer de canons, d'arbalestres et ars à main, très-fort contre leurs ennemis. (MONSTRELET, Chron. D.-A., t.3, c.1425-1440, 367). Item. Est entendu que ceulx qui s'en voudront aller, lesquels peuvent emporter leurs biens par le traicté dessus dit, en iceulx biens sont comprins toutes manières de meubles, sauf canons, coulevrines, arbalestes et autre semblable artillerie, si non que ce soient les ars et trousses aux compaignons, et aux arbalestriers leurs arbalestes. (Doc. 1449. In : CHART. J., Chron. Ch. VII, V., t.2 c.1437-1464, 99). ...un archer qui essaioit ung arc duquel il tiroit une flesche contre ung huis qui estoit devant lui, à l'eure que ledit maistre Loys ouvroit, et lui vint passer la fleche tout au travers du corps. (ROYE, Chron. scand., I, 1460-1483, 49). L'ung tient un prisonnier par la main ; l'autre tient un cheval en leisse ; les autres ont trois arcs ou poing, et l'autre trois espées... (BUEIL, I, 1461-1466, 145). ...et [parmi le matériel de siège] que chascun arc ait plusieurs cordes et des flesches en grand et bon nombre à la discretion du maistre de l'artillerie et des archiers. (BUEIL, II, 1461-1466, 47). Puis apres, faictes porter pierres De fais, tantoust sus la muraille, Broches ardant a grosses quarres Pour percer jalerant a maille, Maillez de plon, autre ferraille, Aussi ars, piques et raillons, Jusarmes, hallebardes de taille, Vouges et gran(z)[t] bec de faucons, Salades et grans bassinez, Oveq arbalestes de passe, Lances et fers bien affinez, Qu'i ne soit riens qu'on ne trespasse. (Myst. siège Orléans H., c.1480-1500, 551). Butor, en attendant secours, Fay le guet en nostre dongon Et resveilles les basses tours, Se tu vois arch, flesche ne boujon. (MOLINET, Myst. st Quentin C., c.1482, 18). Ars, flesches, dars (LA VIGNE, V.N., p.1495, 251).

-

Arc à jalets. "Arc servant à lancer des galets, de petites boules de terre glaise très dure ou des balles de plomb" : L'arc a jaletz bien regettant Vault pour ung coup ung arbalaistre (CHAST., Temps rec. D., 1451, 67). Ars a jalés et ars turquins (MICHEL, Myst. Pass. J., 1486, 263).

.

[Dans une compar.] : Tetins rebondis, rondeletz, Durs, picquans, bien gettez au moule, Tendus comme ung arc a jaletz (COQUILL., Oeuvres F., 1478-p.1494, 150).

Rem. Cf. aussi GDC VIII, 168a, s.v. arc a jalet.

-

Arc à / de main. "Arc tendu à la main" : Vous savés que archier de l'arc a main sont trop plus isniel que ne soient arbalestrier. (FROISS., Chron. D., p.1400, 405). ...deniers payez à Jehan Flandrin, artilleur, demourant à Arras, pour deux douzaines d'arcs à main par lui livrez pour les archers d'icellui seigneur au siege devant Crespy (Comptes Etat bourg. M.F., t.1, 1420, 255). ..quatre mille neuf cens quartiers de bois d'if pour faire arcs de main (Comptes Lille L., t.1, 1448, 392).

-

Arc à pierres

Rem. AND I, 36a ; doc. de 1419.

-

Arc à tour. "Arc pourvu d'une manivelle servant à le tendre" : ...li chastiaus (...) fu pourveus d'espringalles, de bonbardes, d'ars a tour et d'aultres instrumens bons et soubtieus. (FROISS., Chron. D., p.1400, 825).

-

Arc anglais. "Arc particulièrement long" : Atant fut loiiet a une estache et escorchiéz par le dos [de] IIII couroiez et puys salleiz ; aprés, fut trait par XXX josveceaulx a arch ainglois et puys trahineis (JEAN D'OUTREM., Myr. histors G., a.1400, 62).

Rem. Cf. l'éd. de Déb. hér. armes P.M., c.1454-1456, 143 : «Les Anglais persistèrent à faire usage de l'arc longtemps après que la supériorité de l'arbalète eût été généralement reconnue». Cf. GAY I, 49b.

-

Arc perilleux. "Sorte de baliste" (Éd.) : D'arc perilleux qui fiert parfont Et qui soudainement s'avance, Puist estre mis jusqu'a oultrance (...) Qui me requerra de faire armes ! (DESCH., Oeuvres R., t.7, c.1370-1407, 35).

-

Arc turquois / arc de Turquie. "Arc à double courbure, d'origine orientale" : ...cascuns a pris l'espée, Et le targe à son col, et le coife est armée, Et le dart pour lancier ou le fauc acérée, Ou l'arc turquois oussi pour traire à le volée. (God. Bouillon R., t.2, c.1356, 356). Ars turquois, angiens et bricoles, Chaz, pannons, baniere, frendoles, Et quanqu'il faut pour assaillir Et pour deffendre (MACH., P. Alex., p.1369, 55). Et sy ay de beaux ars turcoix, D'arbalestres a grosse noix, De coustilles, de bracquemars, De toutes manieres de dars, De quoy je feray grant marchiet (MARCADÉ, Myst. Pass. Arras R., a.1440, 131). ...dessus a ung Sarazin tirant d'un arc de Turquie (Comptes Lille L., t.2, a.1467, 97). Chargés partisanes et dars, Esbarlestres et cranequins, Ars a jalés et ars turquins (MICHEL, Myst. Pass. J., 1486, 263).

Rem. Doc. de 1332 ds GAY I, 49b.

-

Arc de cor. "Arc de corne" (Éd.) : Et si me fist ploier, ausi c'un arc de cor, Par desus mon cheval, dont je me duel encor. (Brun de la Mont. M., c.1350-1400, 85).

-

Arc en corde. "Arc bandé" : ...et vinrent les archers après eux en ordre et en ranc deux à deux tout de pié, et avoient leur salade en teste, bouclée dessous la gorge, l'arc en corde et la flesche en la main pour prestement tirer (CHASTELL., Chron. K., t.3, c.1456-1471, 145).

-

Fleche à arc. "Flèche destinée à être tirée par l'arc" : Et si leur envoierent encores grant quantité de trousses de fleches à arc[,] artillerie, arbalestres et des pouldres à canon. (ROYE, Chron. scand., I, 1460-1483, 280).

-

Tendre / destendre l'arc : Les arbalestriers (...) s'arresterent et tendirent leurs ars, et monstrerent deffense et visaige. (FROISS., Chron. M., XIV, c.1375-1400, 223).

.

[Dans une compar.] : Et quant Butor l'oy, plus tost c'ars ne destent E[s]t venus au hourdis de cuer et baudement (Brun de la Mont. M., c.1350-1400, 72).

.

Prov. : Paix fault avoir, soit gaigne ou perte, Tant au vainqueur comme au vaincu. Arc ne dure tousjours tendu. (GAGUIN, Passe temps oisiv. T., 1489, 422).

-

Tirer de l'arc : Vous, mareschal, et vous, Gervaise, vous viendrez avec les compaignons en l'aunoy qui est dessoubz le bout du pré où l'on tire de l'arc (BUEIL, I, 1461-1466, 68).

-

Trait d'arc. "Tir d'arc" : Gardez le trait de la fenestre, Amans, qui par ruez passez, Car plus tost en serez blessez Que de trait d'arc ou d'arbalestre. (CH. D'ORLÉANS, Chans. C., c.1415-1440, 248).

b)

[Utilisée à la chasse] : ...les saiectes des ars d'Angleterre a cerfs et a bestes mues et avoir bonne paix au Blanc Faucon, au bec et piex dorez (MÉZIÈRES, Songe vieil pèl. C., t.1, c.1386-1389, 399). Aussi puet on prendre les bestes a traire aux arcs, a l'arbaleste et a l'arc de main, que on apelle angloys ou turquoys. (GAST. PHÉBUS, Livre chasse T., 1387-1389, 269). Et ne doit on point avoir deffaulte de compaignons, de chiens, de trompes ne de cors pour excercer nostre dicte art, comme dit Ovide. Et oultre plus, noz maistres par cela apprennent a tirer de l'arc, a darder, a frapper (ROB. HERL., Déb. fauc. lévr. H., c.1470-1500, 41).

-

Enteser l'arc. "Tendre l'arc" : Lors convient il qu'il ait ja entesé l'arc et atendre einsi juques a tant que la beste soit pres pour tirier. (GAST. PHÉBUS, Livre chasse T., 1387-1389, 269).

c)

JEUX V. arbaleste

d)

[Arc du dieu Amour] : Car Amour le maistrie et per ung arc atour Li ait trait ung quarelz enpennéz per vigour Qui au cuer l'ait point si que per la salvour... (Lion Bourges K.P.F., c.1350, 926). Un trop riche arc portoit o li, Trop bien fait et trop bien poly, Avec des fleches barbelees, Trop joliement empanees. (MACH., F. am., c.1361, 210). La fu Beauté qui print un de ses ars, Trait a mon cuer et le perce en deux pars (CHART., R. Bal., c.1410-1425, 389). Environ l'aube ou peu avant, Qu'Amours s'apparut au devant De mon lit a l'arc tout tendu (CHART., E. Dames, 1425, 363).

-

Arc d'amour : Helas, trop me seroit contraire Se mon cueur convenoit retraire De celle qui tant l'a retrait, En elle mon cueur voulz attraire, Car d'ung arc d'amours me vint traire, De doulx regard estoit le trait (RÉGN., F.A., 1432-c.1465, 118).

e)

Loc. au fig.

-

Avoir / estre fourni de deux / trois... cordes à son arc. "Disposer de plusieurs possibilités" : Juges a en son arc trois cordes [justice, rigueur, équité] ; Bien le sces, se tu t'en recordes. De laquelle qu'i veult, puet traire, Dont droit ne li est au contraire. (Myst. Adv. N.D. R., c.1360-1365, 60). ...nous aurons deux cordes à nostre arc. (FROISS., Chron. M., XIV, c.1375-1400, 70). Il a deux cordes a son arc. (MIÉLOT, Prov. U., 1456, 194). Ces deux cordes [foy et charité] convient avoir en nostre arc (Disc. amour divine, 1470, 12). Vous estez venu, fourny de .II. cordes en vostre arc, l'une pour la paix et l'autre pour la guerre. (MOLINET, Chron. D.J., t.1, 1474-1506, 455).

-

Un arc sans corde. "Une chose sans valeur, sans intérêt" : ...puissance sans sens est comme ung arc sans corde (CHART., L. Esp., c.1429-1430, 74).

-

Destendre l'arc de qqn. "Faire agir qqn" : Tous jours dictes : "Actendez, actendez" ; Pas ne payez vos reconfors contens, Joyeux Espoir, dont maints sont malcontens, Qui ne scevent comment vous l'entendez. De Fortune, pour Dieu, l'arc destendez ; Ne souffrez plus qu'elle face contens ["résistance"]. (CH. D'ORLÉANS, Rond. C., 1443-1460, 474).

-

Estre à l'arc tendu. "Tendre à qqc., y être entièrement prêt" : Veillant en soing, suis cy a l'arc tendu, En actendant vostre retour a moy (MICHAULT, Doctr. temps prés. W., 1466, 151).

2.

Trait d'(un) arc. "Portée d'une flèche tirée par un arc ; distance équivalente" : ...les deux jacobins alerent tousjours devant bien environ le trait d'un arc, et se arresterent assez tost après. (Reg. crim. Chât., I, 1389-1392, 458). Alors fu le messaige mis hors par une autre porte, et passe tout par derriere l'ost, au trait d'un arc, que oncques ne fu apperceuz, et chevauche grant aleure vers son oncle, car moult lui tarde que il y puist estre pour dire ces nouvelles. (ARRAS, c.1392-1393, 98). Lors a fait lever sa banniere le trait d'un arc en sus, et la fist tenir a son frere sur un hault destrier, et puis leur dist tout en hault... (ARRAS, c.1392-1393, 109). ...et oultre celle villette environ deux milles [var. environ .ij. trait d'airque] a ung hauberge commun pour hauberger pelerins et autres gens trespassans. (Voy. Jérus., c.1395, 37). ...et l'une et l'autre des maisons par dedens tandues de tappisserie, a demi trait d'arc loing l'une de l'autre, toutes closes de fortes hayes (LA SALE, J.S., 1456, 175). Et, ainsi que les deux bendes marchoient et qu'elles furent à ung grant trait d'arc des Bourguignons, l'artillerie dudit duc de Bourgongne descharga sur iceulx Suixes et y fist quelque dommage. (ROYE, Chron. scand., II, 1460-1483, 38). ...et croy que, s'il eust passé oultre deux traictz d'arc, qu'il eust esté prins, comme aucuns autres qui chassoient devant luy. (COMM., I, 1489-1491, 30).

-

Traitie d'un arc : Quant ilz veirent la ville, ilz s'arresterent tout quoy, ainsi comme à la traittié de deux ars prez (FROISS., Chron. M., XIV, c.1375-1400, 212).

3.

P. métaph.

a)

[Dans le domaine sexuel] "Pénis"

-

Tendre son arc /l 'arc tend : Jadis, ou temps que je pouoie, Es courtils puissamment fouoie Deux fois ou trois sans demourer ; Bien y sçavoie labourer Et touchier a la molle cuisse. Mais com orendroit plus ne puisse Touchier ou labourer Perrette Que peu ou nient, car ma pharetre Est vuide et mon arc ne puet tendre, Dont je n'ai de quoi moi deffendre, Si m'estuet faillir a ma proye. Perrette forment me guerroye Et touche et fiert et esgratine De ses ongles par aatine. (LE FÈVRE, Lament. Math. V.H., c.1380, 40). LA BERGIERE. Tire dans ma mote, Par dessoubz ma cotte, Si tu veulx rien prendre. LE BERGIER. Margot, tu es sotte, Mon arc broye et frote, Mais ne le puis tendre. (BAUDE, Dictz moraulx S., p.1450, 94).

b)

[Métaph. littér.] : Quant je voy l'arc de ton ire [de Dieu] sur moy tendu pour mes pechez, vault il pas mieulx vers toy venir... ? (ALECIS, Dial. crucif. pèler. P.P., 1486, 32).

C. -

ARCHIT. "Construction de forme courbe qui s'appuie par ses extrémités sur deux points solides" : ...pour avoir maçonné ou viez muret des estuves, vers les fossez, un aystre de cinq piez de let et sur ce maçonné le arc tenant les pos de terre donnant la chaleur es estuves, et de sur ce avoir maçonné une cheminee portant la fumiere de la fournaise desdictes estuves (Comptes Etat bourg. M.F., t.3, 1418-1420, 613). ...la somme de vingt cinq florins, pour les armes de la royne, qu'il fait aux deux arcs vis-à-vis de l'ostel du roy en Avignon (Comptes roi René A., t.1, 1478, 194).

Rem. Même sens dans l'ex. suiv. ? : ...sy le mena a grant haste a Romme, ou mont Aventin, et la mist devant le arc ou l'autel de la deesse Dyane pour la sacreffier tantost (LA SALE, Salade, c.1442-1444, 24).

-

"Arche de pont" : ...une autre riviere qui vient d'icellui pays, qui s'appelle le Sallas, estoit tant crute, avec ce que elle court radement, que elle en avoit mené aval la Garonne et rompu ung arch du pont qui est tout de bois (FROISS., Chron. M., XII, c.1375-1400, 27).

-

Arc-boutant. "Maçonnerie en forme d'arc qui s'appuie sur un contrefort pour soutenir de l'extérieur une construction" : ...il faut faire I arc boutant endroit la chappelle Monseigneur l'évesque (...) qui mouvera dessus l'enchappement, et convient que il voise tant haut sus la queue darrière comme jusques à l'amortissement de la première fillole (Doc. cathédr. Troyes A., 1362, 226). Une croix d'argent doré, dont le croison est tout plain sur le quarré, I crucefiz ou milieu, nostre dame et saint Jehan sur tourelles de maçonnerie et estans sur un pié de maçonerie à III ars boutans. (Comptes Lille L., t.2, 1420, 237). Autre mise faite pour les reparations et arczboutans de lad. eglise durant le temps du present compte, faits par Guillebert Lengloys, maistre des oeuvres demourant à Ponthoise. (Livre raison St-Martin-de-Pontoise D., 1476, 38).

Rem. Cf. FEW XV-1, 211a, s.v. *botan.

-

Arc-doubleau. "Arc en saillie sous la courbure d'une voûte" : Audict Laurent, pour Félis son varlet V jours, à faire une parois dessoubs l'arc doubliau de la chappelle (Doc. cathédr. Troyes A., 1462-1463, 396).

Rem. Ex. de 1399-1400 ds GD II, 756a, s.v. doublel¹.

-

Arc triomphant / victorial. "Arc de triomphe" : Selon la verité les arcs victorieus adont profitent as nobles hommes et haulz seigneurs a gloire (FOUL., Policrat. B., I, 1372, 94). ...en diverses provinces te portent grans loenges, et contre ton vouloir, comme se il te levassent un arc victorial (FOUL., Policrat. B., I, 1372, 95). ...et la eust eslevé l'arc victorial pour soy (FOUL., Policrat. B., II, 1372, 189). Si n'estoit pas sans cause que, pour louenge et memoire, les Rommains faisoient ymages de divers metaulx, ars et curres triumphans a ceulx qui vertueusement se portoient pour accroistre la seigneurie rommaine et augmenter le bien publique de leur cité. (CHART., Q. inv., 1422, 17).

.

Arc victorieux

Rem. BERS. ds GDC X, 855a.

-

Arc volu. "Arche voûtée" : Lors le prent par la main et le maine vers ung arc volu qui est par dedens le mur, moittié en terre et moittié dehors (Percef. I, T., c.1450 [c.1340], 122).

Rem. Cf. FEW XXV, 129a, s.v. arcus. V. arvol.
 

CONSTR. "Maçonnerie en forme d'arc qui s'appuie sur un contrefort pour soutenir de l'extérieur une construction" : ...il faut faire I arc boutant endroit la chappelle Monseigneur l'évesque (...) qui mouvera dessus l'enchappement, et convient que il voise tant haut sus la queue darrière comme jusques à l'amortissement de la première fillole (Doc. cathédr. Troyes A., 1362, 226). Une croix d'argent doré, dont le croison est tout plain sur le quarré, I crucefiz ou milieu, nostre dame et saint Jehan sur tourelles de maçonnerie et estans sur un pié de maçonerie à III ars boutans. (Comptes Lille L., t.2, 1420, 237).