A. -

"Être vivant, personne en vie" : Mais encor dist il, sans attendre, Qu'il me voloit dire et aprendre Comment einsi perdus estoie, Quant ma douce dame vëoie. Lors me dist qu'il n'est nuls vivans Qui soit amis, s'il n'est doubtans ; Car on doit sa dame doubter, Et li de courrous eschever, N'on ne li doit dire ne faire Chose qui li puisse desplaire. (MACH., D. verg., a.1340, 51). Voirs est qu'il y ot coustement, Non en cause pecuniaire, Mais par voie si debonnaire Que la chose fu si partie Qu'il plust a chascune partie. Plus n'en di je quant orendroit. Mais il fu miens en tel endroit Que nuls vivans, a droit jugier, N'avoit cause de chalengier. (MACH., D. Aler., a.1349, 345). Comme il est dit devant, les mors ne sont en ceste presente vie fors tant seulement ou memoire des vivans. (ORESME, E.A.C., c.1370, 138). ...toy, à qui ceste chose touche apres ton pere plus que autre vivant (CHR. PIZ., Paix W., 1412-1413, 118). SECOND. Presupposons si Adam lors meffit Et aultre corps faire ne luy chailloit, Mais du peché le mal porter failloit A tous vivans qui de luy descendroient (LA VIGNE, S.M., 1496, 337).

-

Les vivants. "Les hommes" : LE .II. SERGENT. Si tous vivans estoyent en vie, Il y auroit grant presse au monde. (Mir. st Nic. juif, c.1480-1500, 100). Juge, pourquoy avés vous faicte Ceste sentence, orde et infaicte Par qui voulés (vous) estre deffaicte Par poisons, que la mort a faicte, La pluspart de tous les vivans ? (Cene dieux, c.1492, 124).

.

La terre des vivants : Et avoit le cueur ouvert à tous vices et clos à toutes vertus, et disoient aucuns que c'estoit pain beneist de l'avoir effacé de la terre des vivans. (LE CLERC, Interp. Roye, c.1502, 212).

B. -

"Temps de la vie, période où une personne est en vie" : ...Que c'est bien de ma volenté Que volentiers le reverroie Vivant, et fust par tele voie Qu'il eüst fait une autre amie, La quele fust de moy servie, Mon vivant, jusqu'au deschaucier. (MACH., J. R. Nav., 1349, 205). Si vueil user mon vivant, En servant Vo biauté fine esmerée, Et faire vo dous comant. (MACH., L. dames, 1377, 98).

-

Tout son vivant. "Toute sa vie, tant qu'il vivra" : Toutesfoiz, Jhesus, je t'avoye En la voye Estre le prophete tresgrant ; Et pour ce, sire, je vouldroye, Qui que l'oye, En toy croire tout mon vivant. (Pass. Auv., 1477, 132). Console la tout son vivent Comme ta singuliere dame. (Pass. Auv., 1477, 220). CATECUMINAIRE [ressuscité]. (...) Et vous aussi, tout mon vivant Porter vous doibs bien reverance, Quant par vous je suis revivant Et mys hors de toute souffrance. (LA VIGNE, S.M., 1496, 382).

-

À/en son vivant. "De son vivant" : Toutesvoies, Solon ne vouloit pas que l'en affermast les gens estre beneurés en leur vivant pour les transmutacions qui povoient venir et pour ce que il cuidoit bien que felicité fust chose permanente et non pas muable ou variable de legier. (ORESME, E.A., c.1370, 132). Il me semble que se felicité signifie vivre longuement selon vertu, l'en puet bien dire de present d'un homme en son vivant que il est beneuré (ORESME, E.A.C., c.1370, 136). Or ne me vues oïr ne resgarder. Si n'ameray ja mais en mon vivant Ne fiance n'aray en nul amant Ne priseray, se bien sui avisée, Cuer de marbre couronné d'aïmant, Ourlé de fer, à la pointe asserée. (MACH., L. dames, 1377, 223). Giles de Molin (...) s'est opposé et oppose à toutes fins que maistre Philippe de Corbie ne soit institué en l'office de maistre desdictes Requestes de l'Ostel, que tenoit à son vivant feu maistre Tristan du Bos. (BAYE, I, 1400-1410, 209). Aprés, se elle a enfans et le pere ne les ait partis en son vivant, prendra grant cure que les partages des terres et seigneuries soient fais entr'eulx par bon regart et avis des barons et de sage conseil (CHR. PIZ., Trois vertus W.H., c.1405, 84). Ce jour, maistre J. Le Besgue (...) a requiz que la Court (...) lui confere les bourses que tenoit en son vivant maistre J. de Crespy, notaire du Roy (BAYE, II, 1411-1417, 6). ...l'enterrement et funerailles de Ysabel de Baviere, royne de France, en son vivant femme de tres hault et tres puissant et tres excellent prince le roy Charles de Valois VIe (FAUQ., III, 1431-1435, 167). ...en son vivant chambellan dudit duc de Bourgoigne (ESCOUCHY, Chron. B., t.3, Pièces justif., 1454, 437). Et puis après envoya son ambaxade par devers l'assemblée estant à Cambray, afin de savoir leur vouloir et response sur la deliberacion prinse par lesdiz trois estas ainsi assemblez comme dit est. Après ces choses, le jeudi, Ve jour de may mil CCCCLXVIII, dame Ambroise de Loré, en son vivant femme de messire Robert d'Estouteville, chevalier, prevost de Paris, ala de vie à trespas ce jour, environ une heure après myenuit, et fut fort plainte, pour ce qu'elle estoit noble dame, bonne et honneste, et en l'ostel de laquelle toutes nobles et honnestes personnes estoient honorablement receuz. (ROYE, Chron. scand., I, 1460-1483, 201). Et l'un desdiz crieux, qui aloit devant ledit corps, crioit : "Bonnes gens, dictes voz patenostres pour l'ame de feu Laurens Guernier, en son vivant demourant à Provins, qu'on a nouvellement trouvé mort soubz ung chesne ! " (ROYE, Chron. scand., II, 1460-1483, 83). Et, après ledit trespas, son corps, depuis qu'il fut appareillé comme on a de coustume de faire, fut porté inhumer dudit lieu des Montilz en l'eglise Nostre-Dame de Clery, pour ce qu'il voulut et ordonna en son vivant que ainsy feust fait, et ne voult estre mis avecques les deffunctz très nobles roys de France, ses predecesseurs, en l'eglise et abbaye de Sainct-Denis en France. (ROYE, Chron. scand., II, 1460-1483, 137). Jhesus disoit en son vivant Qu'aprés sa mort suscitaroit Le tiers jour, et tout temps vivroit. (Pass. Auv., 1477, 272). Le digne corps madame Saincte Rose En son vivant bonne religïeuse, Gist a Viterbe (LA VIGNE, V.N., p.1495, 227).

-

De son vivant. "De sa vie" : SAINCT HILLAIRE. Brief, oncques jour de mon vivant, Congneu vos manyeres et gestes, Homme ne vis milleur servant De Dieu que je croy que vous estes. (LA VIGNE, S.M., 1496, 260).

-

Dès le vivant de qqn : ...et que elle sache tout le fait de son gouvernement, si que dit est devant, des le vivant de son mary (CHR. PIZ., Trois vertus W.H., c.1405, 152). Et, quant au congié que l'on vous a dit qu'il avoit eu de Monseigneur en ceste partie, il m'a confessé que, dès le vivant de feu Mons. l'escuier Rosequin, il luy resquist en parler à mondit seigneur le duc, qui luy fist responce que, après les sommations et treves acoustumées tenir en tel cas, il estoit content qu'il y fust procedé par toutes voyes deues et raisonnables. (LE CLERC, Interp. Roye, c.1502, 276).

-

Du vivant de qqn : Laquelle compaignie du conte de Boulloigne avoit esté soubz la charge du conte de Dampmartin du vivant du bon roy Charles VIIe ; laquelle luy fut ostée après son decez. (LE CLERC, Interp. Roye, c.1502, 193).

V. aussi vivre