"Vallée" : De celle fontaine de Lesnya entre l'en en ung sablon dur, noir et couvert de petites pierrettes à feu, lequel sablon ainsy dur contient en tour sept journées sans trouver arbre ne herbe, que très peu en aucuns vallons, où sont aucuns petis arbres de thamaris et meschantes espines. (Voy. et pard. M., c.1419-1425, 90). Et de là en avant treuve l'en de beaulx vallons entre deux montaignes, lesquelles, par force du soleil chault, sont aussi noires comme charbons. (Voy. et pard. M., c.1419-1425, 91). Et par ces vallons vait on une foiz par ces sablons, une foiz durs, une foiz molz, jusques à madame Sainte Katerine, et entre deux, par ces vallons, treuve l'en aucunes foiz des arbres portans espines, que les religieux de Sainte Katerine disent que c'est du semblable arbre et espine que Nostre Seigneur en sa Passion fust couronné. (Voy. et pard. M., c.1419-1425, 91).