B. - | "Toutefois, cependant" : Et combien que ce soit faulz, quar le monde n'a pas tant duré que ce peust avoir esté, toutevoies, se le mouvement du ciel duroit perpetuelment, ce seroit bien possible, pour ce que le pole artique vendroit la ou est le pole antartique par un mouvement si tardif que il n'est encor pas apparceu. ([ORESME, C.M., c.1377, 96]). Et toutevoies, aucune fois en tenant un faulz opinion l'en sent et est l'en aussi comme contraint a confesser aucune verité ; et pour ce, Aristote amaine cez ici en tesmoing de ce que il a dit. ([ORESME, C.M., c.1377, 382]). Et tout le pays d'Auvergne fut mieulx sus sa garde que il n'euist esté en devant. Toutesvoyes le conte d'Armignac et le conte daulphin envoierent par devers Perrot de Berne, en disant que faulsement et traiteusement il avoit pris et emblé la ville de Montferrant ([FROISS., Chron. M., XIV, c.1375-1400, 226]). Le cervel, le cuer et le foye Sont par dedens ; et toutevoie Ces .IIJ. gardent la vie ou corps. ([LE FÈVRE, Respit Mort H., 1376-1380, 35]). Une [maniere de trinité] est celle que mettoient les Pythagoriens et est que toute creature a commencement et moyen et fin, quar combien que aucunes soient perpetueles, toutesvoies selon Plato ce n'est pas de leur nature ne par elles, mais seulement du maintieng et de la volenté du createur. ([ORESME, C.M., c.1377, 54]). Pousé que le ciel n'ait pas matiere - a prendre matiere proprement ou telle comme est la matiere des elemens - toutesvoies a prendre matiere largement, les parties integrales du monde sont matiere de luy comme sont le ciel, les elemens et les choses mixtes. ([ORESME, C.M., c.1377, 156]). ...car, puisque le principe et la cause de telles operacions est en celui qui les fait, combien que ilz soient selon elles involuntaires, toutesvoies pour le temps et pour les causes que l'en les fait, elles sont voluntaires. ([ORESME, E.A., c.1370, 178]). Et pour ce que science naturele est de mouvement et choses pesantes et legieres ont en elles principe de mouvement, tous naturiens usent en leur parler de leurs vertus ; mais toutevoies, il ne en determinent fors pou de choses. ([ORESME, C.M., c.1377, 658]). Par ypocrisie je me suis fait le saint homme ou sainte femme et monstré grant semblant de l'estre, et mis grant paine d'acquerir le nom devant les gens, et toutesvoies ne me suis je point tenu de pechier ([Ménagier Paris B.F., c.1392-1394, 24]). Et combien que lez ydolatres attribuassent divinité a choses vaines, toutesvoiez n'a il pas voulu que mesprix ou force fut faicte sans paine en lieu dedié par eulx au tiltre de deité ([CHART., L. Esp., c.1429-1430, 62]). Et lors il y eut ung compaignon qui dit que ceulz estoient bien folz qui cuidoient que ledit philosophe eust fait ung livre par lequel paix peust estre gardee en la cité, car en son hostel il n'avoit que luy, sa femme et sa chambriere, et toutevoie il ne savoit trouver moyen d'acort en son dit hostel, que tousjours n'y eust noise ([JUV. URS., Aud. celi, 1435, 231]). Or ça, je voy bien que vous ne m'estes pas telle que vous deussiez estre par raison. Toutesvoies, esperant que jamais ne vous adviendra, de ce qui est fait ne soit il plus parlé ([C.N.N., c.1456-1467, 419]). Toutes-voies le duc Philippe de Bourgongne, tirant à la haute nature de son rang, le visita souvent, et avec dues révérences ([CHASTELL., Chron. K., t.1, c.1456-1471, 160]). Exemple nous avons en la mer lequel se offre et presente selon sa grandeur totale a nostre veue, et toutevoies selon la reondeur et circuité de lui ne puet du tout estre veu de nous. La cause si est pour sa lueur et pour l'indisposition non proportionnee a tant grande et ample lueur et extencion au regard de nostre veue. ([Somme abr., c.1477-1481, 134]). ...lesquelles foyres et marché (...), de nouvel creons et erigeons par ces mesmes presentes, pourveu toutesvoies que ausdiz jours n'ait aucunes foyres à quatre lieues à la ronde dudit lieu de Montdion ([Doc. Poitou G., t.12, 1479, 268]). |
