A. -

"Grande pièce (d'une maison, d'un palais...) où l'on vit, où l'on reçoit" : Si resgardai par mi la sale Qui n'estoit vileinne ne sale, Ou il avoit grant compaingnie De chevaliers et de mainie, Ci un, ci deus, ci trois, ci quatre, Attendans pour aler esbatre. (MACH., F. am., c.1361, 182). ...m'estoie endormie en pensant a vous. Si me fu avis en mon dormant que je vous trouvoie couchié en une sale en .I. biau lit et bien paré. (MACH., Voir, 1364, 506). Quant [Polyphème] assis est dessus sa roche, Un pin tient dont ces bestes croche. Mais il n'est pas en toit couvert, Ainçois est tout a descouvert, N'il n'a maisons, chambres ne sales, Fors cavernes ordes et sales Es queles li mauffés se boute Quant säoule est sa pance gloute. (MACH., Voir, 1364, 622). Ce fu droit en mois de novembre, Qu'on fait feu en sale et en chambre (MACH., Voir, 1364, 666). Phebus estoit en une sale D'or, d'argent et de pierrerie Bien et richement entaillie. (MACH., Voir, 1364, 698). Quant il fu heure de mengier, Il se partirent, sans dangier, Et s'en alerent en la sale, Qui n'estoit vileinne ne sale. Parée estoit de dras de soie, Et de fin or qui reflamboie ; Et s'en aloient deus et deus. (MACH., P. Alex., p.1369, 36). Entre IJ. tymbres et taburs, Menestriers de bouche, cymbales Faisoient restentir les sales, Et si grant noise demenoient Que toutes les gens essourdoient. (MACH., P. Alex., p.1369, 196). Item, confessa que, aujourd'ui a XVe jours, lui estant à Saint-Pol, où le roy faisoit sa feste, il wida la bourse de Perrin Le Boursier, varlet de garde-robe, qui tendoit tapis du roy en une sale (Reg. crim. Chât., I, 1389-1392, 187). Et ainsi monterent les degrez de la grant sale, qui estoit tendue de riche tapisserie, selon l'usaige du pays et le temps de lors. De la sale sont entrez en une riche chambre. (ARRAS, c.1392-1393, 165). Et premierement qu'elle commande aux chamberieres que bien matin les entrees de vostre hostel (c'estassavoir la salle et les autres lieux par ou les gens entrent et se arrestent en l'ostel pour parler) soient au bien matin balleyez et tenues nectement, et les marchepiez, banquiers, et fourmiers qui illec sont sur les fourmes, despoudrez et escovez. (Ménagier Paris B.F., c.1392-1394, 130). Et premierement qu'elle commande aux chamberieres que bien matin les entrees de vostre hostel (c'estassavoir la salle et les autres lieux par ou les gens entrent et se arrestent en l'ostel pour parler) soient au bien matin balleyez et tenues nectement, et les marchepiez, banquiers, et fourmiers qui illec sont sur les fourmes, despoudrez et escovez. (Ménagier Paris B.F., c.1392-1394, 130). Et estoient toutes les cambres dou chastiel de Calais, la salle et les alees encourtinees et parees de draps de haute lice si ricement conme as estas dou roi et de la roine apertenoit ; (FROISS., Chron. D., p.1400, 852). Et ausi fu li grans ouvrages dou chastiel de Windesore et conmenchiés et pourjettés a maniere de un grant palais de salles, de cambres et de toutes ordenances, si plentiveusement que pour logier le roi et son estat, et la roine et son estat, et les prelas, barons et chevaliers d'Engleterre, et tout a lor aise. (FROISS., Chron. D., p.1400, 596). Cedit jour, après la cause de Hutin de Clamas dessusdicte plaidoiée, s'est levée la Court et est alée en la sale de Saint Loiz derrieres la Tournelle criminelle (BAYE, I, 1400-1410, 180). Aincois en vi les grans piliers, Des sales des palais royaux Il n'est tresor pareil a yaux. (CHR. PIZ., Chem. estude P., 1402-1403, 64). Maintenant sçay je tout pour voir Que biens mondains ne veulz avoir Qui nul ne puent avancier, Tu n'as pas choisi pour te mestre Fortresse, ne donjon, ne sale. (MARCADÉ, Myst. Pass. Arras R., a.1440, 27). Noble roy, je suis en vo sale Descendus pour vous raconter, Si vous me volez escouter, Que trois seigneurs sont al entrée De vo terre et de vo contrée (MARCADÉ, Myst. Pass. Arras R., a.1440, 37). Donner en la sale parée, Dessoubz l'imperial signet, Le Xe jour de jullet. (Myst. st Adr. P., c.1450-1485, 34). ...ilz vindrent en la grand sale, qui estoit pourtendue de belle tapisserie (C.N.N., c.1456-1467, 335). ...de la furent menéz en l'hostel du roy jusques a monter en la salle. (CHASTELL., Chron. IV, D., c.1461-1472, 32). Du Roy humblement serez receue A grant joye et a chiere lye. Voy le la en salle jollie, Belle fille, ou il vous atant (Myst. siège Orléans H., c.1480-1500, 377). ...tappis, veloux de Turquie, de Chipres, de Venise et de toutes sortes en grant nombre, tant es chappelles comme es chambres, salles et autres lieux ou le roy se alloit jouer a son privé. (LA VIGNE, V.N., p.1495, 262).

-

[On y organise des banquets] : Quant on ot chanté tout attrait, Chascuns ala a son retrait, Qui dut son corset desvestir, Pour le seurcot ouvert vestir. Après vint chascuns en la sale Qui ne fu vileinne ne sale, Ou chascuns fu, ce m'est avis, A point honnourez et servis Einsi de vin et de viande Com corps et appetis demande. (MACH., R. Fort., c.1341, 145). Mengüe en ta sale souvent Et tien de tes gens le couvent, Qu'il leur souffist en ta presence Trop mieus et a meins de despense. (MACH., C. ami, 1357, 124). Or vous commande je a tous et a toutes que vous laissiez ce dueil ester, et tendez et appareilliez ceste sale, et menez joye ; et faictes appareillier la messe ; et après le service faictes drecier les tables, et après disner faictes cy, devant moy present, la feste comme se je feusse sur piez, car sachiez que ce me allegera moult mon mal. (ARRAS, c.1392-1393, 121). Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. Et ainsi s'en va esbatant par la sale. Et y voit mainte belle hystoire painte, et les escripz dessus qui donnent la congnoissance que c'est. (ARRAS, c.1392-1393, 303). Qant il furent tout venu, la roine tint son estat et sist a table solempnement en la sale. La furent assis a tables tous chevaliers et esquiers de Hainnau qui partir voloient, et servi de tous més grandement et largement selonch l'usage d'Engleterre. (FROISS., Chron. D., p.1400, 98). Et encores demoroient tout li viel ouvrage entier, qui comprendoient grant fuisson, le dongnon de Windesore et les cambres et le grande sale ou li rois Artus faisoit au temps de son resgne son tinel et tenoit son estat de chevaliers aventureus, de dames et de damoiselles. (FROISS., Chron. D., p.1400, 596). ...que ledit chambellan, ensamble ung chevalier et deux escuiers, sient en salle et soient servis à table, et qu'il ait un varlet à livree oudit hostel (Comptes Etat bourg. M.F., t.1, 1419, 24). ...que ledit chambellan, ensemble un chevalier et deux escuiers, seent en sale et soient serviz à table et qu'il ait un varlet à livree oudit hostel quant bon lui semblera (Comptes Etat bourg. M.F., t.1, 1419, 156). Lors entrerent en la sale pour disner. (LA SALE, J.S., 1456, 55). ...[il] voulut souper en sa chambre ou il s'estoit deshousé, et il fist couvrir, sans aller en la salle. (C.N.N., c.1456-1467, 436). Et ainsi s'en ala faire son oroison en l'eglise Nostre-Dame de Paris, et puis s'en retourna souper en son Palais royal à Paris, en la grant sale d'icellui : lequel souper fut moult bel et plantureux, et coucha celle nuit oudit palais. (ROYE, Chron. scand., I, 1460-1483, 29). Or ne fault oubliier a reciter comment ung soir durant la feste, aprés soupper, en plaine salle la ou les dames dansoient, furent emprises armes entre deux chevaliers de l'hostel (CHASTELL., Chron. IV, D., c.1461-1472, 133). Le lundi aprés (...), le duc de Milan avoit fait appointier ung disner en la grant salle du palais, le plus somptueux qui jamés avoit esté veu au pays et de plus grant magnificence, car y avoit de ricesses et de somptuositéz jusques a esmervellier les voians (CHASTELL., Chron. IV, D., c.1461-1472, 245). Puis quand ce vint à l'issue du noble banquet, et que chacun se fut levé de table, tous se prirent à danser par la salle. (Faits Lalaing K., c.1470, 64). La salle où ce bancquet se faisoit estoit grande et bien tendue d'une tapisserie en quoy estoit faicte la vie de Hercules. (LA MARCHE, Mém., II, c.1470, 348). Pour abreger mon escripture, tantost après le cry dudit Thoison d'or, le bancquet fut assouvy, les nappes furent levées, et chascun fut en pied par la salle, et quant à moy, se me sembla lors ung songe, car, de tous les entremectz des tables, il n'y demoura sinon la fontaine de voirre. (LA MARCHE, Mém., II, c.1470, 369). Et, aprés que Esope eut tout appareillé les autres viandes, les aporta en la sale et trouva sa dame dormant sus son lit, les fesses contre la table. (MACHO, Esope R., c.1480, 44). ...et souppa en la grant salle du dit chasteau, ou l'on monte a plusieurs degrez de pierre, et fut servy par le grant seneschal de Napples tout a cheval, habillé tout de blanc, en tous ses mectz et force trompettes et clerons. (LA VIGNE, V.N., p.1495, 267).

-

[D'un grand personnage] Tenir la salle. "Se montrer dans la pièce où se déroule une fête" : Tous les soirs se firent les danses jusques jusques à la my-nuit ; et tint la royne salle publiquement pour embellir la feste. (CHASTELL., Chron. K., t.5, c.1456-1471, 28).

-

Salle basse. "Pièce située au rez-de-chaussée" : "Monseigneur, vous ne povez partir. Ces gens de pluseurs villes d'Angleterre sont cy venus. Il appartient bien que vous les oez et sachiez que ilz demandent, et puis vous les responderez ou arez conseil du respondre." Envis demoura. Or vindrent ces gens en sa presence, en la sale bas, hors du neuf ouvraige où le hostelz fut ja anciennement. (FROISS., Chron. M., XIV, c.1375-1400, 28). ...en retournant par la sale basse dudit hostel, trouva sur le dressouir qui estoit en ladite sale la tasse d'argent dont cy-dessus est faite mencion, laquelle il print et embla, et la mist et mussa en son sain. (Reg. crim. Chât., II, 1389-1392, 350). ...ladicte femme dudit suppliant ; qui en leur lit estoit couchiée avec luy, se leva d'emprès luy (...) et s'en ala en la sale basse de leur hostel. (Ch. VI, D., t.2, 1400, 74).

-

Salle haute : Empereur, qu'en ta sale haulte Te repose et pran tes desduiz, Savoir te fais qu'en ce pays Il a des crestiens grant nombre, Par lesquelx mains maulx et encombre Te vient (Myst. st Adr. P., c.1450-1485, 66).

-

Salle de plaisance : ...et au lieu que souloient estre les escolles dudict college mondict s^r a fait tout demolir et y a fait faire une salle de plaisance qui est plus à volupté que à prouffit. (Doc. 1486,. In : Ch. Samaran, Le Moy. Âge 22, 1920, 249).

-

Salle aux Lombards : ...une damoiselle Camuse demourant près de la Sale aus Lombars où yceulz Lombars s'esbatent aus dez (Reg. crim. Chât., II, 1389-1392, 459).

-

[Nom donné à un navire] La Salle du roi : Messires Robers de Namur estoit mestres de la Salle dou Roi, et avint que deus groses nefs espagnoles le vinrent environner et le conmenchierent a asalir et l'acroqierent de fait et de force ; et l'enmenoient et euissent menet sans dangier, qant chil qui dedens estoient conmenchierent a criier en hault : "Rescoués, rescoués la Sale dou Roi !" La vois fu oie, et vinrent li sires de Biaumont en Engleterre et li sires de Basset a la rescouse. (FROISS., Chron. D., p.1400, 889).

B. -

DR.

-

Grand salle/salle du palais (royal)/salle du roi. "Grand-salle (du Palais-Royal, parallèle à la Seine, lieu de rendez-vous des plaideurs, des avocats, des procureurs, etc., où se dresse la table de marbre et où l'on publie les ordonnances et les arrêts de la court de Parlement)" : Jetter la vois [la lettre] en my la sale Du roy, a la fin c'on la voie (Mir. st J. Cris., c.1344, 294). ...lui estant oudit Chastellet, en la grant sale où l'en plaide et au dehors du grant parc, coppa un mordant de sainture d'argent blanc à un homme qu'il ne cognoist. (Reg. crim. Chât., I, 1389-1392, 233). Item ledit jour, en jugement en la sale du roy, presens messire Jehan de Mascon, messire Raoul du Refuge, messire Giraut Bagoil, docteurs (Reg. crim. Chât., I, 1389-1392, 442). Item, semblablement avoir mal prins à une lingiere vendant lin en la sale du Palaiz, une petite touaille à laver mains vendue IIIJ blans. (Reg. crim. Chât., II, 1389-1392, 471). Ceste cedule dessusdicte a esté cedit jour publiée en la grant sale à la fenestre par Robert Chaurre, huissier. (BAYE, I, 1400-1410, 95). ...et a ce fait publier la Court à la fenestre de la sale de ceans (FAUQ., I, 1417-1420, 181). Ce jour, la Court a fait publier à la fenestre de la sale du Palais les lettres royaulx, faisans mencion de certain aide nagaires advisé et accordé par les prevost des marchans (FAUQ., I, 1417-1420, 181). Jeudi, IIIJe jour d'octobre, le duc de Bedford, regent le royaume, fist assembler en la grant sale du Palais sur Seyne les prelas, chapitres, gens d'eglise, bourgois et autres de trois estas (FAUQ., II, 1421-1430, 143). Et, le premier jour d'octobre ensuivant, maistre Jehan Balue fut et ala en la sale du Palais royal à Paris, la court de Parlement vacant, pour ilec aussi faire publier lesdictes lettres, où il trouva maistre Jehan de Saint-Rommain, procureur general du roy nostre sire, qui formellement s'opposa à l'effect et execution desdictes lettres (ROYE, Chron. scand., I, 1460-1483, 185). En ladicte année, le roy, aiant en singuliere recommandacion les sains faiz de Saint Loys et Saint Chalemaine, ordonna que leurs ymages de pierre pieça mis et assis en deux des pillers de la grant sale du Palais Royal à Paris, du reng des autres roys de France feussent descendus, et voult iceulx estre mis et posez au bout de ladicte grant sale, au dessus et au long de la chappelle estant au bout de ladicte grant sale ; ce qui fut fait. (ROYE, Chron. scand., II, 1460-1483, 62).