I. -

Adj. "Qui lance des flèches"

Rem. MOLINET, Faictz Dictz D., 1467-1506, gloss.

II. -

Subst.

A. -

"Archer" : Nessus estoit un sagittaire Que Herculès occist a traire, Si qu'il fu a sa mort tendant. A la belle fist entendant Que tant come il la vestiroit, Par amours autre n'ameroit. (MACH., C. ami, 1357, 96). Par dedens estoit la bataille, Comment Achillès en l'estour Se combatoit encontre Hectour, Mais n'i pooit rien conquester N'a ses mortels cops contrester ; Et le mervilleus sagittaire Occioit tant de gens a traire Que c'estoit une grant merveille ; Et Troïllus moult se traveille Pour la fille Calcas de Troie, Briseÿda (MACH., F. am., c.1361, 190). Pour ce qu'Alixandre d'un arc Occist un serf, en un grant parc, Ou nul autre ne pouoit traire, Fu l'isle dicte Sagittaire (CHR. PIZ., M.F., IV, 1400-1403, 37). ...ledit chine estoit adextrez de deux sagitaires, moult bien fais, qui tenoient ars et flesches en leurs mains, et faisoient manière de tirer à l'encontre de ceulx qui voloient aprochier ledit chine (ESCOUCHY, Chron. B., t.2, a.1465, 125). ...et après eulx alloient tabourins, et après alloit un poursuyvant d'armes, vestu d'une cotte d'armes pleine de signes, et après alloit ung grant signe merveilleusement et subtilement faict, ayant une couronne d'or au col, à quoy pendoit ung escu des plaines armes de Cleves, et à celle couronne pendoit une chaisne d'or, qui d'ung bout tenoit à la tresse de l'escu du chevallier, et estoit ce signe adextré de deux sagittaires moult bien faictz, qui tenoient arcs et fleches en leurs mains, et faisoient semblant de tirer à l'encontre de ceulx qui voulloient aprocher le cigne (LA MARCHE, Mém., II, c.1470, 347).

Rem. MOLINET, Faictz Dictz D., 1467-1506, gloss.

-

[Dans l'armée romaine] : Ou mylieu des pietons se tinrent les sagittaires et les aultres aydes et compaignons des Rommains (MAMEROT, Romuleon D., 1466, IV.27, f° 137a).

-

P. métaph. : ...le divin sagittaire [Dieu] (MICHAULT, Procès honn. F., p.1461, 84). Celle aspre Mort, aveugle sagittaire... (SAINT-GELAIS, Séj. honn. D., c.1490-1495, 315).

B. -

"Centaure" : Il dompta aussi les genitaires qui estoient moitié homme et moitié cheval, que aucuns appellent sagitaires, puis passa en Asye, là tua Dyogenus et le fist menger à ses propres chevaux (SIMON DE PHARES, Astrol., c.1494-1498, f° 26 v°).

-

ASTR. "Signe zodiacal du Sagittaire (du centaure qui tend un arc)" : ...et en la tierce face du Sagitaire monte la forme d'un homme de coulleur d'or, et ainsi par toutes les XXXVI faces, montent diverses semblances. (SIMON DE PHARES, Astrol., c.1494-1498, f° 13 v°). Cestui jugea sur une conjunction qui fut l'an du monde 5357, le 359e jour, en la triplicité de feu, c'est assavoir ou VIe degré du Sagitaire. (SIMON DE PHARES, Astrol., c.1494-1498, f° 77 r°).