"Sciemment" : Et ou cas qu'il seroit trouvé que saichamment feissent le contraire, ilz seroient privez dudit mestier ([Mét. corp. Paris L., t.1, 1351, 18]). Et doit le pecheur dire la condicion du pechié : comment il le pensa, quelle fut la cause et le mouvement de son penser ; comment depuis il a pourchacié, fait, dit ou fait faire ; le temps, le lieu ; pourquoy et comment il le fist ; se le pechié qu'il fist est selon nature ou s'il est fait contre nature ; s'il le fist sachamment ou ygnoramment. ([Ménagier Paris B.F., c.1392-1394, 19]). ...les diz Citoiens et habitans ne recepteront, soutiendront, aideront ne hebergeront en laditte Cité ne en leur pouvoir ne ailleurs, sachanment, aucuns ennemis de Nous ne de nostre Royaume ([Ordonn. rois Fr. S., t.8, 1396, 81]). Scientialiter (...) : sachamment (...), en enscient ([LE VER, Dict. M.E., c.1420-1440, 442]). Anselme : - Ainsi, griefment nous pechons toutes fois que sachanment on [var. nous] faisons contre la voulenté de Dieu, car tousjours sommes devant la face de Dieu et de tous temps il nous deffent de faire pechié. ([CRAP., Cur Deus, De arrha B.H., c.1450-1460, 199]). Car le pechié fait par ignorance differe bien a pechié fait par congnoissance - car telle puet estre la ignorance que le pechié mortel puet estre veniel -, et est chouse vraie que jamais homme ne pourroit vouloir sachanmant consentir a Dieu faire mourir ne le vouloir mectre a mort - et pourtant ceulx quy Jhesu Crist occirrent, ignoranment le occirrent -, pourtant le pechié ne leur est pas inputé perpetuellement, car a pechié infinis nul aultre pechié n'est conparé. ([CRAP., Cur Deus, De arrha B.H., c.1450-1460, 233]). |