A. -

[Idée d'inversion]

1.

"Mouvement inverse" : ...et ne scet et n'est recors, pour occasion de ladicte noise dont il estoit troublé, si en passant il donna du retour de sadicte javeline ung coup audit Janvret, ou non ; mais scet bien qu'il ne luy presenta point le fer de ladicte javeline. (Doc. Poitou G., t.12, 1479, 257).

-

[Domaine phys.] "Réflexion de qqc." : Et par ceste maniere et non par autre quelcunque, l'en peut rendre cause de toutes les apparences et de toutes les experiences que l'en voit en mouvemens violens, soient droit en haut ou droit en bas ou en travers ou circulaires, quant a leur isneleté et tardiveté et reflexion ou retour et quant a toutes teles choses desquelles l'en ne peut assigner autre cause soufissante, si comme je ay autrefois declairé plus a plain. (ORESME, C.M., c.1377, 416).

2.

P. anal. "Angle formé par une construction" : ...item, au retour d'un des regards de la fontaine à la Royne, avalué à demye toise (Comptes Paris V.L.D., t.1, 1455-1456, 870).

-

"Angle, partie recourbée que comporte un objet" : Longue pelle fault a retour Qui dessoubz le rost sera mise (DESCH., M.M., c.1385-1403, 47).

3.

Au fig. [Idées de réciprocité, de contrepartie, de réplique]

a)

"Récompense, avantage" : Et se c'est monstre en rhetorique Et saiche tant de theorique Que de juge face l'office, Il sera cruel en justice. Certes se il use de rethour, il a pou ou neant de retour : Le theume tranchié lui puet nuire Tant qu'il ne puet nullui instruire. (LE FÈVRE, Vieille, trad. De vetula H., a.1376, 179).

-

Au retour. "En récompense" : E Diex ! s'elle savoit conment Nous nous sommes pour lui penées, Que nous arions males soldées Huy au retour ! (Mir. abbeesse, 1340, 80).

-

Faire ses beaux retours. "Être récompensé, être payé de retour" : ARCEDIACRE. Pour voz pontifficaulx atours Il vous fault ceste mitre avoir Et, pour faire voz beaux retours, La belle croce recevoir. (LA VIGNE, S.M., 1496, 418).

b)

"Assistance, soutien, secours, consolation" : C'est celle ou sont tuit mi retour (MACH., R. Fort., c.1341, 121). Mès m'esperance et mes retours Est que par ce de moy mercy Arez (Mir. femme, 1368, 225). Ne je n'ose desirer Plus haute riens ne penser Qu'a la clere brune, Ma droite dame honnouree, Que j'ains sans faus tour : C'est ma joie et mon retour Et ma destinee De toute grasce aournee (FROISS., Pris. am. F., 1372-1373, 74). Trop mieuls en vaurroie, Se par vo gré en avoie A chief de fois le retour. (FROISS., Joli buiss. F., 1373, 138). Mon cuer, m'ame, ma voulenté Est en toy servir nuyt et jour, Et a toy est tout mon retour. (Myst. st Clément Metz D., p.1439, 574). Tu es son pere, son reffuge et retours (Pouvre peuple H., c.1450-1492, 195). ...c'est ung sages homs, de bon conseil, et bon amy, et a qui vous et vostre filz ariez ung grand retour et tresbon secours. (C.N.N., c.1456-1467, 297).

-

"Asile, refuge" : C'est mon bien, c'est mon retour, C'est ma joie et mon sejour. (FROISS., Joli buiss. F., 1373, 144).

-

"Liaison amoureuse" : Par ma foy, mon amy, je veil bien que tu saches que j'ay ung retour en ceste ville dont je suis beaucop assoté (C.N.N., c.1456-1467, 207).

c)

"Réplique" : Et ardirent chil esqumeur en l'ille de Wisque et fissent celle saison pluisseurs damages sus mer as Englés, et conquissent, en cel ivier, sus les Englois la belle nefs qui se nonmoit Cristofle, qui estoit malement grande, toute cargie de lainnes, lesquelles on amenoit en Flandres ; mais li Normant en furent mestre et signeur, et tous les Englois qui dedens estoient, il jetterent tout a bort. Et amenerent les lainnes a Calais. La estoit lors souverains retours. (FROISS., Chron. D., p.1400, 345).

-

Faire retour de qqc. "Retrouver en réplique, récupérer qqc." : Anthoine fu moult doulens quant il scot que ceulx de Couloigne faisoient dangier de lui et son ost laissier passer par my la cité. Lors leur manda moult fierement comment il s'en aloit pour lever le siege du roy de Craquo, (...) et que ilz lui mandassent se ilz estoient de la partie des Sarrasins, et il auroit sur ce adviz, et aussi que mal gré leurs dens il trouveroit bien passage, mais non pas si brief que par leur ville, et que, se ilz se destourboient d'une journee, il savoit bien la maniere comment il en feroit retour de quatre. (ARRAS, c.1392-1393, 175).

d)

"Fait de revenir à qqc. " : ...tous mes retours N'estoient fors qu'adés pencer Que... (CHAST., Temps rec. D., 1451, 48).

-

À retour à. "Pour revenir à" : Mais à retour au premier propos, dit ensuivant l'auctorité sagece estre si bien seant en roy que un tel est la seureté et la ferme estableté de tous ses subgiéz et de son peuple. (CHR. PIZ., Paix W., 1412-1413, 70).

e)

DR. "Entrée en possession d'un bien qui arrive par voie successorale" : ...par ledit trespas a ledit René, comme filz aisné, recuilly toute la succession dudit Guyart Audebaut, leur père, sur laquelle, selon la coustume du païs de Poictou, il est tenu faire et bailler audit suppliant provision en attendant le retour de ladicte succession (Doc. Poitou G., t.12, 1477, 162). Item, pour ce que le pays d'Aure est à ung bout et ne se fust par avanture trouvé es terres et limites de Mons. de Guienne, le roy lui a semblablement donné. Item, fut reservé audit Coulonges la conté de l'Isle à Mons. de Bourbon, à cause de mariage. Toutesfoys, ou cas qu'elle viendroit par retour au roy, le roy la lesseroit à mondit seigneur de Guienne. (LE CLERC, Interp. Roye, c.1502, 233).

f)

"Réponse, propos adressé à qqn" : Messire Jehan de Hollande qui estoit connestable de l'ost pour ce temps, à qui touttes les parolles et les regretz et les retours venoient, et qui veoit ses compaignons et ses amis entechiez de ceste maladie dont nul n'en eschappoit... (FROISS., Chron. M., XIV, c.1375-1400, 99). ...et tout le retour qu'il en peut avoir est de crier (Quinze joies mar. R., c.1390-1410, 100).

-

Faire retour vers qqn. "Répondre à qqn, s'adresser à qqn, lui parler (et non pas l'ignorer)" : Courtoise fu, ce me sembla, Quar premiere me salua En moi doucement demandant Que j'aloië ainsi querant. Adonc fu je trestous souspris, Pour ce que pas n'avoie apris Que dame de si grant atour Vers moi daignast faire retour (GUILL. DIGULL., Pèler. vie hum. S., c.1330-1331, 9).

B. -

[Idée de mouvement, de déplacement vers le point de départ (au propre ou au fig.)] "Fait (pour une chose ou pour une pers.) de revenir"

1.

[À propos d'une chose]

-

[À propos du soleil] "Réapparition" : Et samblablement porroit l'en dire du retour du soleil ou temps de Ezechias. (ORESME, C.M., c.1377, 536).

2.

[À propos d'une pers.] "Action de revenir au point de départ" : Ains puis nul de vous n'encontray, Dont au retour je m'esgaray Dedans le boys. (Mir. femme roy Port., c.1342, 167). ...pour ç'attenderay Son retour et si m'en yray, Tarde que tarde. (Mir. st Panth., 1364, 322). Las ! je cuidoie d'elle avoir Joie a mon retour d'oultre mer (Mir. emper. Romme, 1369, 275). Et oy pour certain recorder ung chevalier d'Angleterre à qui j'en parlay sus son retour qu'il fist parmy France, ... que de XVc. hommes d'armes et bien IIIIm. archiers que le duc de Lancastre avoit mis hors d'Angleterre, il n'y en retourna oncquesment plus de la moittié, se moins non. (FROISS., Chron. M., XIV, c.1375-1400, 112). Certes, belle seur, telz services font amer et desirer a homme le retour de son hostel (Ménagier Paris B.F., c.1392-1394, 99). GRISELDIS [au marquis qui la répudie]. ...Sy m'agree Retourner en la maisoncelle Dont je yssy povre pucelle, Nue de trestous bien mundains ; Et nue mon retour y clains, Sanz en retenir rien qui soit. (Gris., 1395, 83). Et furent plus de .XV. jours avant que il peuissent retourner sus lor cemin, et vinrent prendre terre a lor retour de la mer d'Irlande en l'ille de Breha (FROISS., Chron. D., p.1400, 510). Li sires de Manni, ... il li prist devotion d'aler ou voiage de Saint Jaqueme en Galise, et i ala et prist un aultre cemin au retour que il n'euist alé. (FROISS., Chron. D., p.1400, 628). ...messire Pierre de Navarre (...) estoit trespassé, comme l'en dit, à Nevers au retour du voiage de Bourges où a esté le Roy (BAYE, II, 1411-1417, 80). Sur quoy la Court reserva à ordonner jusques au retour de maistre Phelippe de Morvillier, premier president (FAUQ., I, 1417-1420, 226). Enfans, vous estes au retours De Romme ? Bien soyés venu. (Myst. st Bern. Menth. L., c.1450, 115). Mes seurs et mes amies, jusques au retour a Dieu vous comment. (LA SALE, J.S., 1456, 256). Et puys que departir me fault Et du retour ne suys certain (Je ne suys homme sans deffault, Ne qu'aultre d'assier ne d'estain ; Vivre aux humains est incertain Et aprés mort n'y a relaiz) - Je m'en vois en pays lointain -, Si establis ce present laiz. (VILLON, Lais R.H., c.1456-1457, 14). ...puis son partement jusques a son retour, oncques son pere ne sa mere n'en eurent une seule nouvelle (C.N.N., c.1456-1467, 324). Et, ce faict, maistre Jehan Balue, cardinal d'Evreux, maistre Jehan de la Driesche et maistre Jehan Prevost retournerent devers le roy audit lieu de Vernon, qui estoient alez en Flandres de l'ordonnance du roy pardevers ledit de Bourgongne. Et, tantost après ledit retour fait, le roy se parti dudit lieu de Vernon et s'en ala à Chartres (ROYE, Chron. scand., I, 1460-1483, 192). Au retour de dure prison Ou j'ay laissié presque la vie, Se Fortune a sur moy envie, Jugiez s'elle fait mesprison. (VILLON, Test. R.H., 1461-1462, 136). Et sur le tart le prince de Tharente vint parler au roy joignant l'artillerie, dont monsieur de Ligny et monsieur de Guyse estoient en ostaige jusques a son retour. (LA VIGNE, V.N., p.1495, 255).

-

À son retour/au retour. "Au moment où l'on revient" : "Monseigneur, vecy ung present que monseigneur de Foix vous presente à vostre retour d'Espaingne, car il scet bien que vous avez eu pluseurs fraiz. Si vous donne, à bonne entrée en son pays de Berne, VIIIm. frans et ce mulet, ces deux coursiers et ces deux palefroiz." (FROISS., Chron. M., XIV, c.1375-1400, 126). ...au retor du royaume de Navarre, il s'en ala à Montpellier, et illec print et embla, en l'oustel d'un vigneron qui estoit alé aus champs, XV fr. d'or qui estoient en une huche, laquelle il ouvry de son coustel. (Reg. crim. Chât., I, 1389-1392, 251). Et dit que, à l'eure d'après disner, au retour, il passa par derriere les Jacobins, et vit, sur les fossés hors la ville, quatre compoingnons parlans ensemble (Reg. crim. Chât., I, 1389-1392, 434). Requis pourquoy il dist à son retour, à messire Jehan de Courcelle, que il avoit esté devers mons. de Berry, dit que il lui dist que il avoit esté à Poitiers, et non pas devers mons. de Berry, pour ce que il avoit perdu ses lettres (Reg. crim. Chât., I, 1389-1392, 519). Mesires Hervis de Lion ... fu mis en une litiere et ensi amenés a Paris. Li la venu, il ala deviers le roi Phelippe, et fist le message dont il estoit cargiés : .... Et au retour il s'alita a Angiers et la morut. (FROISS., Chron. D., p.1400, 600). ...a son retour a grant joye et honneur le recevra et a toute sa compaignie fera chiere joyeuse (CHR. PIZ., Trois vertus W.H., c.1405, 56). Et est assavoir touchant cest article, ledit conte de Dampmartin, qui estoit de l'avantgarde, logé à deux lyeues de monseigneur le daulphin, estoit allé vers luy pour sçavoir quel estoit son bon plaisir qu'il voulloit que on fist contre ceulx de Balle ; et à son retour trouva que les Suisses les allirent assaillir, et en sortirent environ quatre vings. (LE CLERC, Interp. Roye, c.1502, 141).

.

[Par redondance] : Se nous la pouons par ce tour Mener que se mette au retour De raler s'en en son pais, N'arons garde d'estre esbahis De riens qu'aviengne. (Mir. Berthe, c.1373, 205). Cogneut oultre que, au retour que mons. le viconte d'Acy et autres seigneurs retournerent du voyage de Hongrie, et en passant par le pays de Lombardie, (...) il qui parle, par convoitise, print oudit hostel une houpelande à homme (Reg. crim. Chât., II, 1389-1392, 169).

-

L'aller et le retour : Et cousta le voyaige de Castille au conte de Foix, le aler et le retour, de sa bonne voulenté en celle saison, si comme il me fut dit à Ortois, LX. mille frans. (FROISS., Chron. M., XIV, c.1375-1400, 128).

-

Estre de retour : Ledict evesque de Narbonne feit ce messaige au roy, quand il fut de retour (COMM., I, 1489-1491, 8). ...mais si avoit-il fait publier ladicte paix à Paris trois moys après qu'il fut de retour en son royaulme (COMM., I, 1489-1491, 172).

-

Estre sur son retour : ...comme il estoit sur son retour, il rencontra et trouva, passant pays, pluseurs de sa cognoissance (C.N.N., c.1456-1467, 424).

-

Faire retour. "S'en retourner" : ...quant ot veu tout a tour, Ains que de la feist retour, Le preudomme par bonne entente Tout li donne (Mir. Barl. Josaph., c.1363, 272). Et au retour qu'ilz firent, en passant parmi la ville de Troyes, virent ledit prisonnier, lequel ilz firent convenir par devant le prevost dudit lieu de Troyes. (Reg. crim. Chât., II, 1389-1392, 140). SAINCT MARTIN. (...) Ennemy plain de vitupere, Faiz soubdain en enffer retour ! BURGIBUS. (Il s'enfuyt.) Plus ne fault venir alentour, Je m'en voys plus tost que le pas. (LA VIGNE, S.M., 1496, 485).

.

Faire ses retours. "S'en aller, repartir" : EMPEREUR. Voise aultre part faire ses tours, Car ceans pas ne le demande. SECOND CONSEILLIER. Faictes luy faire ses retours, Sur payne de payer l'amende, Aultre part. (LA VIGNE, S.M., 1496, 502).

-

Se mettre au retour. "S'en retourner" : Si me mis briefment au retour Vers son gent et faitis atour Cointe et bel (MACH., R. Fort., c.1341, 152). Quant la besongne fu faicte, il se mistrent au retour (Bérinus, I, c.1350-1370, 36). ...s'il vous plaist, mettons nous, Sire, au retour. (Mir. Barl. Josaph., c.1363, 252). "Sire, or nous mettons au retour et en alons vers Bayonne ou vers Bourdiaulx pour renouveller air et pour eslongier ceste pestilence, car monseigneur de Lancastre le vuelt et le desire". (FROISS., Chron. M., XIV, c.1375-1400, 114). LE MARQUIS [au secont veneur]. Cornez prise [du cerrf] tost, et la voye Prenons de nous mettre au retour. (Gris., 1395, 27). Qant les gens a mesire Lois d'Espagne orent cargiet chars et charetes de tous meubles et pourfis que il ramenoient a lor navie, et tenoient a avoir fait lor voiage, pour euls mettre au retour viers la navie (FROISS., Chron. D., p.1400, 540). Il se misrent au retour et vindrent en la chambre a parer, ou monseigneur donna la bonne nuyt (C.N.N., c.1456-1467, 249).

-

Prendre/reprendre son retour : Et quant li chevaliers ot reprins son retour... (Bérinus, I, c.1350-1370, 233). Ces saudoiiers de Mortagne, qant il orent fait lor quelloite, il missent ensamble bien .CC. bestes et prissent lor retour, et les fissent cachier devant euls. (FROISS., Chron. D., p.1400, 431). Ne prendez pas vostre retour, Ne vostre chemin, ne vo tour Par Herode. S'ainsi faisiez, Sachiez de vray que vous morriez (MARCADÉ, Myst. Pass. Arras R., a.1440, 49).

3.

P. anal. Retour de santé/de maladie. "Guérison" : Vous veez bien ma maladie. Regardez se par nesun tour De santé puis avoir retour (Mir. st Sev., 1362, 193). Mais a present il me samble, la mercy Dieu, que vous estes au retour de vostre maladie (Percef. III, R., t.1, c.1450 [c.1340], 97).

Rem. WAUQUELIN, Faits conq. Alexandre Hé., a.1440, gloss.

-

Estre sur le retour. "Prendre de l'âge" : Et puis lors qu'ilz seroient en l'eage ja de viellesce et sur le retour et veu qu'ilz seroient seurs de si longuement vivre, ilz vendroient encoires tout a temps d'avoir le loisir de prier Dieu (RENÉ D'ANJOU, Mortif. Vaine Plais. R., 1455, 20).

4.

Au fig.

-

"Fait de revenir sur son intention" : Volentiers le feray (...), Pour chose qu'il aviegne je n'en feray retour. (Flor. Octav. L., t.2, c.1400, 391).

-

"Fait de rendre un bien à qui de droit" : SATISFACTION. (...) Et pour tant, frere, avise toy, Et rens l'autrui sans nulle faille. BIEN ADVISÉ. Par mon serrment, je n'ay de quoy Dont peusse payer une maille. Certez, je feisse mez retours, Mais à quoy, quand je n'ay chevanche ? (Bien avisé Mal avisé B., c.1487-1490 [1396], 176).

5.

Loc. fig.

a)

Sans (nul) retour. "Irréversiblement, irrémédiablement, définitivement" : Eins y congnois ma mort sans nul retour (MACH., J. R. Beh., c.1340, 66). Pour ce m'amour Avec mon cuer vous doin, sans nul retour (MACH., J. R. Beh., c.1340, 80). Quant elle vit que mors et nus Estoit pour li, sans nul retour, A doloir s'en prist par tel tour, Que d'une espée s'acoura Seur le corps et la demoura (MACH., J. R. Nav., 1349, 246). Quand il vist que morir debvoit sans retour (LE BEL, Chron. V.D., t.1, 1352-1356, 83). La ferons mourir sanz retour Panthaleon a grief tourment (Mir. st Panth., 1364, 353). Veoir n'oïr ne puis riens qui destourne Moy ne mon cuer, quel part que face tour, Qu'à vous toudis ma pensée ne tourne Et que vostres ne soie sans retour (MACH., L. dames, 1377, 211). ...mais les uns dient que il durera touzjours sanz fin, et les autres dient qu'il est corruptible sanz retour aussi comme quelconques des autres choses constituees et compousees de plusseurs (ORESME, C.M., c.1377, 178). Car le temps s'en va sanz retour, Et s'ore ez en ta jeune flour, Viellece vient acourant fort Et avec, que piz est, la mort (Gris., 1395, 12). Ceste chose [ton mariage] a tes subgez donne Affin que, se de ta personne Il avenoit aucune chose Dont ta presence nous feust close Et tu t'en alaisses sanz hoir, Il ne convenist remanoir Tristes, pensis et en dolour, Et sanz nul gracïeux retour, Tes feaulx subgez et amis. (Gris., 1395, 13). Gloriant voit se gent morir sans nul retour (Jourd. Blaye alex. M., a.1455, 651).

Rem. Percef. I, R., c.1450 [c.1340], gloss.

-

Il n'y a nul retour. "La situation est sans issue" : . Entre ces deus bierefrois qui estoient arestés devant les murs, avoit .CC. compagnons a tout haviaus et grans pils de fier pour esfondrer le mur ; et ja en avoient des pieres assés ostees et rompues, car li archier qui estoient hault ens es estages, les desfendoient de ject et de tret. Par cel estat et asaut euist esté la ville de la Riole prise, et de fait il n'i avoit nul retour, qant li bourgois de la ville vinrent a mesire Agoth, lor chapitainne, qui point ne s'esfreoit de cose que il veist, et li dissent : "Sire, aiiés avis de nous. Se ces Englois nous prendrent de force, nous sonmes tout mort et nostre ville courue." (FROISS., Chron. D., p.1400, 626).

b)

Sur le retour. "Finalement" : Dont je dispose pour matiere abreger, Et pour l'esprit de plusieurs alleger Qui se delectent et font trop plus d'estime Cent mille fois de prose que de ryme, Que desormais, affin que bon leur semble, Puis qu'ainsi est, de prose et ryme ensemble Sur le retour quant le besoing verray, User des deux, au moins mal que pourray. (LA VIGNE, V.N., p.1495, 251).

-

Pour tous retours. "Finalement, en conclusion" : DOYEN. (...) Vous sçavez le grant desconffort En quoy est la ville de Tours Pour ce que Mort, par son renffort, Du pasteur abat les atours ; Nous avons faict, sur ce, mains tours Affin d'un nouveau y remectre. Mais en effect, pour tous retours, Il y fault frere Martin mectre Et de la charge s'entremectre, Car, par devoste election, On luy veult le degré permectre Pour sa grande perfection. (LA VIGNE, S.M., 1496, 404).

Rem. Éd. : «réponse à une attaque (au sens fig.)» ; DI STEF., 764a : «en revanche».