"Fait de remettre qqc. à plus tard, retard" : Car pardessus son commandement vous ne devez avoir en quelque chose reculement, reffuz, retardement, ou delay, ne pardessus sa deffense rien faire, corrigier, accroistre, appiticier, eslargir, ou estrecier en quelque maniere. (Ménagier Paris B.F., c.1392-1394, 79). [aussi p.88] ...la quelle somme ilz avoient promis et se estoient obligiez comme dessus rendre et paier au Tresor du dit seigneur, à leurs frais et despens, dedens la feste de saint Luc ewangeliste derrenierement passée, dont il ont esté defaillans et en demeure, ou grand prejudice et dommaige d'icelui seigneur et retardement de ses besoignes (Doc. Poitou G., t.6, 1393, 121). ...retardement du paiement (Doc. 1413. In : H. Moranvillé, Bibl. Éc. Chartes 51, 1890, 430). Et combien toutes-voies que le rendre estoit plus sûr pour les enclos, sy estoit-il peut-estre un retardement de mort à autres beaucoup de vaillans hommes des assaillans qui se fussent exposés au péril (CHASTELL., Chron. K., t.1, c.1456-1471, 110). Cesar estoit desireux de la bataille et Pompee queroit retardemens (MAMEROT, Romuleon D., 1466, 188). ...pour nourrir paix et amour entre les dites parties, gens d'eglise, et ceulz de nostre dite ville (...) nous desirons singulierement l'abreviacion et jugement desdites parties, et meismes que le retardement d'iceulz est et peut estre fort prejudiciable au bien commun de nostre dite ville, nous (...) mandons (...) que les diz procès vous widez et expediez avant tous autres (Lettres Louis XI, V., t.5, 1472-1475, 79). ...il doubte que (...) au moien des questions et procès qui sont ja meuz et introduiz pour occasion de ce entre lesdictz habitans dudit Nyort et de Saint Maixent, qui seroit en grant detriment de lui, sa juridicion et de ses subgectz, et retardement de leursdiz procès et en grant fatigacion d'eulx d'estre tenuz obeir en nostre court ordinaire audit lieu de Nyort (Doc. Poitou G., t.12, 1475-1483, 575). ...de mettre et donner ordre et pollice au faict de la justice et autres afaires desdits pays, de pugnyr et corrigier les faultes, abuz, delictz et malefices qui y avoient esté et estoient commis à la foulle et charge de noz subjectz et de la chose publique desditz pays, prejudice et dommaige de nous, diminution et retardement de noz droictz, deniers et demaine, et generallement de y faire et besongner en toutes autres choses, tout ainsi que eussions fait et peu faire se y eussions esté en personne, prometans en bonne foy et en parolle de roy l'avoir agreable et le confermer quant par luy en serons requis. (LE CLERC, Interp. Roye, c.1502, 254).