A. -

[Avec une idée de hasard]

1.

"Mise en présence fortuite (avec qqn ou qqc.), rencontre" : Si se mettoient les pluseurs au retour mal montez, mal housé et tout deschiré, et vous dy que les rencontres de telz gens n'estoit pas bien prouffitable, car ilz desmontoient tous ceulx que ilz encontroient, et prendoient guerre à tous marchans et à toutes gens d'eglise, et à touttes manieres de gens demourans au plat pays, où il y avoit riens à prendre ; (FROISS., Chron. M., XIV, c.1375-1400, 128). ...qui est doncques cil qui nage et bagne es perilz du monde qui ne doie avoir paour du rencontre et pestilence de mort. (CHR. PIZ., Paix W., 1412-1413, 180). ...l'orfevre retint au couscher son chareton, doubtant la rencontre du guet (C.N.N., c.1456-1467, 65). Quant un homme chevauce par le chemin et il rencontre une femme filant, c'est tres mauvais rencontre et doit retourner et prendre son chemin par autre voie. (Ev. Quen., I, c.1466-1474, 104). Aucunes sages femmes, dist Margot le Pelee, ont dit pour vray que le rencontrer au matin d'un blanc moisne est tres mauvais signe, mais le rencontre d'un noir est par le contraire bon signe voire, mais qu'il n'ait riens de blanc. (Ev. Quen., I, c.1466-1474, 109). LE .II. SERGENT. En cheminant (tost) sus, Nostre homme a tous ces cent escus A esté tué maintenant. (...) Icy encontre, Dessoubz les roues du chariot. (...) LE PREVOST. Faulx homme plain de convoitise, Ta mauvaistié icy se monstre. Or est ton ame en danger mise Par ceste fortuné rencontre. (Mir. st Nic. juif, c.1480-1500, 142).

2.

P. méton.

a)

"Ce qui apparaît à la rencontre, aspect, apparence" : L'estelle est de belle rencontre Et se rendt clarté, jour et nuict. (Myst. Pass. Troyes B., a.1482, 246).

b)

"Hasard, chance"

-

Bonne rencontre. "Chance, succès" : C'est une fille a tout le mains Qui est bien venue a ses fins, Et qui a eu bonne rencontre. (Myst. siège Orléans H., c.1480-1500, 514).

-

En sa male rencontre. "Dans sa malchance" : Domp Frederic, chief de telle rencontre, Fut de povoir et puissance expiré ; Raison pourquoy, car en sa malle rencontre Ce fait avoit lourdement conspiré. (LA VIGNE, V.N., p.1495, 175).

c)

"Au jeu, égalité de points avec l'adversaire"

Rem. DESCH., Oeuvres R., t.7, c.1370-1407, 254.

B. -

[Sans idée de hasard]

1.

"Action d'aller au-devant de qqn ; rendez-vous" : Ne changons [rien], le jour est bien. Puis dont [ycy] ne fauldrons riem De venir trestout au rencontre [Il s'agit ici d'une coutume nuptiale : le fiancé accompagné de ses amis se met en chemin à la rencontre de sa fiancée (cf. p. 86 : «Et se fauldra oure partir, Pour aler encontre l'espouse»)]. (Myst. st Bern. Menth. L., c.1450, 27). Il ne fault pas demander si après ces premieres armes de la maistresse et du clerc s'il y eut plusieurs secretes rencontres (C.N.N., c.1456-1467, 152).

-

Trouver rencontre. "Trouver une bonne fortune amoureuse" : Monseigneur, qui ne jeunoit jour de l'amoureux mestier tant qu'il trouvast rencontre, ne cela gueres a la belle meschine le grand bien qu'il luy veult (C.N.N., c.1456-1467, 115).

2.

"Mise en présence de choses"

-

HORLOG. Roue du/de la rencontre. "Roue dont les dents engrènent sur le pivot qui fait mouvoir le balancier" (FEW) : Cy apres ensuit paignon de ladite roue. Premerement si la roue du mouvement a 128 dens et celle du rencontre, qui est dicte du foliot, en a 27, le paignon en doit avoir 8, et fera la roue du mouvement ung tour et ung quart et la roue du foliot 20 tours par heure, et frappera a ung des boutz de la rencontre 540 cops. (Traité d'horlogerie Z., c.1380, 276).

-

Estre rencontre de qqc. "Être cause de qqc."

Rem. Hist. prem. destruct. Troie R., c.1470-1480, gloss.

C. -

En partic. "Attaque, assaut, affrontement" : Li Englès qui voloient hors issir... pour aller fourer ou enventurer... trouvoient souvent des rencontres durs et fort (FROISS., Chron. L., IV, c.1375-1400, 30). Cilz rencontres fu l'an de grasce mil trois cens cinquante neuf, le vigile de Saint Jehan Baptiste (FROISS., Chron. L., V, c.1375-1400, 173). ... à ce rencontre je fus present et portay ce jour la baniere messire Jehan Ferrant Percok (FROISS., Chron. M., XII, c.1375-1400, 271). "Bonne-Lance, biau sire, vous chevaulchiez souvent sus les champs, et ne peut estre que vous ne voiez à le foiz de vostres ennemis et que vous n'aiez aulcuns rencontres." (FROISS., Chron. M., XIV, c.1375-1400, 199). Li sires de Gommegnies avoit eu sus un jour rencontre et bataille as François (FROISS., Chron. R., VIII, c.1375-1400, 188). Enssi ala de la besongne et dou rencontre qui fu che jour à Dunquerque, où il i ot bien mors neuf mille Flamens (FROISS., Chron. R., XI, c.1375-1400, 106). Et estoient moult courouchiet en coer et en parloient souvent ensamble dou rencontre liquels avoit esté fais au Pont a Tresin, la ou mesires Robers de Bailluel et li sires de Rodemac ruerent jus messire Guillaume de Bailluel et lors gens, et disoient que volentiers se contrevengeroient. (FROISS., Chron. D., p.1400, 439). En la compagnie desquelz estoit la pucelle, qui avoit esté avec eulz (...) à la prise et recouvrance de Jargueau par lesdis ennemis, qui, ou rencontre dessusdite prindrent entre les autres leurs prisonniers lesdiz de Talboth, Rampston et Lescale, si comme on disoit. (FAUQ., II, 1421-1430, 313). ...et aussi [il] a esté a pluseurs autres rancontres dont il n'est recors, mais en a eu sa part des butins et gaignes qui y ont esté faictes. (Chancell. Henri VI, L., t.2, 1431, 156). ...avant la battaille, l'assault ou le rencontre (LA SALE, Salade, c.1442-1444, 234). ...je promectz a Dieu mon createur tant honorer de ferme foy le saint sacrement de baptesme que jamais, pour quelque peril, rencontre ou assault que le dyable me face, je ne feray le signe de la croix (C.N.N., c.1456-1467, 427). Et y ot d'iceulx Bourguignons à ladicte rencontre grant quantité de mors et de prins. (ROYE, Chron. scand., I, 1460-1483, 65). ...messire Pierre de Breszé, qui fut tué à la rencontre de Montlehery (ROYE, Chron. scand., II, 1460-1483, 15). Prenostica aussi de la commecte qui s'aparut environ ce temps et de la dure rencontre qui fut en Flandres où il mourut des François environ XIIm hommes par ceulx de Bruges (SIMON DE PHARES, Astrol., c.1494-1498, f° 128 v°). Mais la grant bende se tenoit tousjours couverte au plus qu'elle povoit, et incontinent qu'ilz sortirent au decouvert impetueusement, couraigeusement et tres fierement, les ungs sur les autres de tous costez commencerent a choquer et donner dedens, et fut la rencontre merveilleusement soubdaine et aspre. (LA VIGNE, V.N., p.1495, 287). Item, ce dict jour fut prins par aucuns des bienvueillans du roy ung messagier qui alloit vers le duc de Millan porter le nombre des gens de bien qui avoient esté tuez en ceste bataille ; ainsi la puis je bien dire et nommer non pas rencontre, car les dictz ennemys tenoient camp ordinaire tous les jours du monde en attendant le roy (LA VIGNE, V.N., p.1495, 290). Mes gens de guerre de Bourgoigne et Ferrete et Luxembourg font bon devoir en Champaigne. J'ay sceu que aussi faictes vous en vostre endroit, dont je suis très joieux, et mesmement de deux rencontres que l'on dit avoir esté faittes à vostre avantaige. (LE CLERC, Interp. Roye, c.1502, 310).

-

Rencontre sur mer : En ceste naire avoit bien cinq cens hommes d'armes et deux mil arciers, pour les perils et les rencontres de sus mer (FROISS., Chron. L., V, c.1375-1400, 82). ...en costiant Hollandes et Engletière, et eslongant les perils dou rencontre des Englès sus mer, il arivèrent en Escoce (FROISS., Chron. R., XI, c.1375-1400, 168).

-

De rencontre. "Dans l'attaque, dans l'affrontement" : Il avint que, deseure Saint Vaast, il trouva de rencontre environ vingt cinq coureurs françois que troi chevalier de Poito menoient (FROISS., Chron. L., II, c.1375-1400, 15). Si trouvèrent de rencontre ces Englès ou fons d'un chemin... qui tantost escriièrent ces François et se ferirent entre yaus de grant volenté (FROISS., Chron. L., V, c.1375-1400, 113). Il vinrent droit sur iaux en escriant "Nostre Dame ! Arondiel ! " Quant messires Oliviers oï ce cri et les veï de rencontre, si volsist bien yestre à Valongne (FROISS., Chron. R., IX, c.1375-1400, 98). ...et certes il sembloit bien chevalier de dure rencontre (LA MARCHE, Mém., II, c.1470, 70).

-

Donner rencontre à qqn. "Donner à qqn l'occasion, la possibilité d'un combat singulier, d'une joute" : ...a yceulx cinq [le duc] alla racompter les parolles de messire Henry ; et (...) dirent qu'il estoit bon de luy donner rencontre (CHASTELL., Chron. IV, D., c.1461-1472, 137).

-

Se ferir d'une rencontre sur : Li contes Douglas et se route , où bien avoit cinq cens armeures de fier, s'en vinrent ... ferir d'un rencontre sus ces Englès (FROISS., Chron. L., IV, c.1375-1400, 158).