Loc. adv. De rechef. "De nouveau, encore une fois" : Si que, seigneurs, vous en irez Et à vostre roy le direz, De mot à mot, de chief en chief. Et se vous dison de rechief Que vo Crestien seront en cage, Et en perpetuel servage, Sans mais partir, s'on n'en fait tant Que le soudan en soit contant. (MACH., P. Alex., p.1369, 118). Car loing de li est mes fins cuers souvent, Par sa biauté plaisant et gracieuse Pris de rechief en prison amoureuse. (MACH., L. dames, 1377, 50). Toute dolour prent en moy sa demeure, Car il m'estuet dementer et gemir En desirant ; et si tenrement pleure Que qui n'en aroit tenrour, Trop dur aroit le cuer, car en mon plour De rechief sui par dolour si transis Que je ne sçay se je sui mors ou vis. (MACH., L. dames, 1377, 149). Et de rechief ledit procureur du Roy (...) lui requist qu'il seellast ledit adjornement (BAYE, I, 1400-1410, 21). ...le Chancelier fist de rechief lire et publier lesdictes lettres qui avoient ceans esté publiées samedi derrain passé (FAUQ., I, 1417-1420, 213). La dame fut reprinse et de rechef par l'amoureux enferrée tresbien et a loysir (C.N.N., c.1456-1467, 51). ...elle ne doubta en rien que de sa part son honneur ne fut gardé, luy suppliant de rechief que sa requeste luy voulsist accorder' (C.N.N., c.1456-1467, 387). De rechief donne a Perrenet, J'entens le bastart de la Barre, Pource qu'il est beau filz et net, En son escu, en lieu de barre, Trois dez plombez de bonne quarre Et ung beau joly jeu de cartes. (VILLON, Test. R.H., 1461-1462, 93). S. NICOLAS [à Dieu]. De rechief je te vueil requerre Que le juif reçoive la loy (Mir. st Nic. juif, c.1480-1500, 136). LE JUIF. Sainct Nicolas (...) Que simplement Et de rechef je te supply Qu'avec toy soye finablement (Mir. st Nic. juif, c.1480-1500, 156). Lermoyez mes yeulx de rechief, Plorez de plus fort en plus fort. (Cene dieux, c.1492, 125).