"Cuisinier" : ...un petit jardin qui est des diz religieus, enclavé entre la chambre ou le queux des diz religieus gist, assez pres des estables (Chartes Abb. St-Magl. T.F., t.3, 1368, 370). Et combien que je ne soye pas, helas ! souffissant queu pour appareillier viande royale ne appoticaire aussy soutil pour faire bonne confiture, toutefois, par la bonté de Dieu, toujours a sa reverence et doubtance, grossement et simplement en bonne foy, meu de charité, je me suis entremis comme il appert en la matere de cestui livre proposee. (...) si fait bien besoing que le grant Roy des noces ne prengne pas garde des viandes a la composition mais a la bonne volenté du povre queu et a sa simple entencion. (MÉZIÈRES, Vertu sacr. mar. W., c.1384-1389, 379). Et si fault faire grans despens : Un clerc fault et un chapelain Qui chantera la messe au main, Un queux, une femme de chambre (DESCH., M.M., c.1385-1403, 46). ...il n'est pas record quel jour après ensuivant icelli mons. l'evesque de Poitiers se parti d'icelle ville, combien qu'il qui parle alast devant là où ledit mons. l'evesque devoit disner et soupper, en faisant son office de queux comme il avoit acoustumé. (Reg. crim. Chât., I, 1389-1392, 550). Or vous dirai je des queux et varlez de sommiers qui estoient alez devant, et avoient annonciee la venue Remondin. (ARRAS, c.1392-1393, 77). Item, nota qu'il y a differance entre les queux entre boutonner et larder, car boutonner est de giroffle et larder est de lart. (Ménagier Paris B.F., c.1392-1394, 173). LE FAULCONNIER. Vostre faulcon a ja saisi Le hairon (...) Si fault aler querre la proye. (...) S'on ne me pende par le col, Au queux le baurray a plumer, Si qu'il soit prest a desjuner Au moins sera ce d'avantaige (Gris., 1395, 6). ...les cordouanniers de Troyes avoient esté devent l'uiz de monseigneur le premier president in turba et tumultu, pour ce que son queuz avoit deu dire lors qui dansoient par la ville, que c'estoit la feste aux savetiers (BAYE, I, 1400-1410, 48). ...deux queux, a trois chevaulz, un fourrier, un mareschal et un armurier, a IIIJ chevaulz (LA SALE, J.S., 1456, 89). Et avoit esté ledit homme queux de frere Jourdain de Vercors, abbé de Saint-Jehan d'Angeli. (LE CLERC, Interp. Roye, c.1502, 312).

-

[Comme officier du roi ou d'un grand seigneur, chargé du service de bouche] : Messire Guillaume Chastellain, de Beauvez, queu de France, pour ses droiz et services du jour de Noël, qu'il servi le roi (Comptes hôtel rois Fr. D.-A., 1380-1381, 17). ...pour la fourreure d'une aulmuce d'escarlate vermeille, pour le premier queux du Roy, pour le jour de Pasques, 32 ventres de menu vair (Comptes argent. rois Fr. D.-A., II, 1387, 160). À Lusquin de Marez, queuz de mondit seigneur, la somme de cinquante frans que mondit seigneur, pour consideracion des bons et agreables services qu'il lui a fais dudit office (Comptes Etat bourg. M.F., t.2, 1418-1420, 793). ...deux robes de drap de soye que MdS a fait donner à ses deux queux de bouche (Comptes Lille L., t.1, 1454-1455, 454). ...et dist qu'il n'y pourroit riens faire sans le moien de Colinet, queux du roy, et qui aussi avoit esté et demouré avecques ledit Hardy et saulcier en l'ostel dudit seigneur de Guienne, en disant par ledit saulcier à icellui Hardy qu'il parleroit audit queux et y feroit ce qu'il pourroit, en disant audit Hardi qu'il lui delivrast lesdictes poisons pour les monstrer audit queux. (ROYE, Chron. scand., I, 1460-1483, 304). ...et par election solennelle, et après avoir receu le serment de chascun se doit creer le queux ; car ce n'est pas estat ou office commun, c'est mestier subtil et sumptueux, et qui toute seureté sent, et est le prouffit necessaire du prince, et dont on ne se peut passer ; et est bien raison que le prince, par le rapport de ses maistres d'hostel, [et] de l'election sur ce faite, donne le don au queux. (LA MARCHE, Mém., IV, Pièces annexées, 1474,,, 51).

-

Queux de bouche : A Guyot Constant, keux de bouche de madame la duchesse, la somme de 8 ú dudit pris pour don a luy fait par mondit seigneur de sa grace en consideracion d'aucuns aggreables services qu'il luy a faiz (Comptes argentier Ch. le Téméraire B.F.L., t.3/1, 1470, 437).

-

En appos. : ...il est nez de la ville de Soissons, povre varlet laboureur, maçon et charpentier, lequel aucunes fois a servy messire Baude de Vauvilliers, chevalier du guet, comme garde de chevaulx, Thevenin de Lylle, comme varlet queux (Reg. crim. Chât., II, 1389-1392, 370).