"Futaille qui contient environ un muid et demi (soit pour le vin et à la mesure de Paris 402 litres)" : Pour chascune galee, 25 tonneaux de bescuit, 6 queues et 72 barils a metre eaue et beverage (Clos galées Rouen M.-C., t.2, 1355, 144). Et doit ons avoir tousjours II cowes ou covellars grans, emplis de cleire aiwe ; et emplir les doient les varlés de cherier, por stoffeir l'assay plaintiveusement. Et, à deseure de ches cowes ou covellars, doit avoir des toiles gessantes sour les boires, parmy lesqueiles ly aywe doit yestre tammehie et colleie, por wardeir des bouxhes et de mierde qui poroit ens chaioir. (HEMRICOURT, Patron Temp. B., c.1360-1399, 119). ...ainsi que il faisoient ou relioient illec une cuve, queue ou tonnel, et que le dit Pierre tenoit sur un cercle un petit maillet, et que le dit exposant feroit d'un plus grant maillet sur le maillet d'icelli Pierre, pour chacier et mettre aval le dit cercle et estraindre le dit vaissel, le manche du maillet du dit exposant en ferant fort d'icellui sur le maillet du dit Pierre (Doc. Poitou G., t.5, 1380, 139). ...une nape qui estoit en un hostel qu'il trouva ouvert, mise sur une queue wyde, laquelle il vendi, à Saint-Denis, cinq blans. (Reg. crim. Chât., I, 1389-1392, 39). ...il estant oudit hostel, jetta et mist icelles clefs et lettres en une queue ou poinçon ["tonneau"] estant en hault en une des chambres dudit hostel, et laditte bourse de velueau il muça en son saing (Reg. crim. Chât., II, 1389-1392, 12). Et auxi doit avoir boiz par livrée semblablement pour faire tonnez et tonneaux, cuves, queues, sercles, et tout autre mesrien à vin, et les pevent faire semblablement comme le boiz à ardoir. (HECTOR DE CHARTRES, Cout. R., 1398-1408, 238). En oultre, les dessusdiz malfaicteurs firent fermer en queues grant partie des biens dessusdiz (MONSTRELET, Chron. D.-A., t.2, c.1425-1440, 246). Dyogenés en son tonniau (....) : "De la queue ou me suy boutez Je voy que tous se contrefont." (MARTIN LE FRANC, Champion dames D., t.4, 1440-1442, 37).

-

[Pour le vin] : ...et une queue de vin vermeil de Bourgoigne valoit plus de L livres parisis ; mais la monnoie estoit foible, car un escu valoit bien XLVIII soulz parisis, et assez tost apres valut LII soulz parisis. (Chron. Jean II Ch. V, D., t.1, c.1375, 249). Et pour les XVI deirainement dis, ilh le laissont arier le dit bailhier et, par bon acort fait, une cowe de vin contenante environ de VI ames et une tonne de golant. (Arch. Nord, 1379, B 833, n° 10795, IGLF). Les gens d'Aussoirre donnerent à Madame II queuues de vin et cent biches d'avainne. (LE FÈVRE, Journ. M., c.1380-1390, 97). De Hennequin Laurent, chastellain de Vergy, garde des celliers et visiteur des vignes de mondit seigneur en son pais de Bourgoingne, la somme de deux cens dix huit frans demi, sur ce qu'il puet et pourra devoir, par fin et reste de son compte particulier par lui rendu en la Chambre des comptes de mondit seigneur à Dijon pour le charroy et voicture de LX quehues de vin qu'il fit mener devers mondit seigneur à Provins (Comptes Etat bourg. M.F., t.2, 1420, 630-631). ...en celle saison estoit le vin si cher que une queue de vin du creu d'entour Paris, on la vendoit XXI ou XXII frans ou plus (Journal bourgeois Paris T., 1420, 143). ...par ces présentes que elle puisse faire et face avaler et tirer par la riviere de Loire et passer au Pont de Sée, ou par terre à charroy, deux cens pipes ou queues de vin (Cartul. Laval B., t.3, 1424, 68). ...et grant nombre de queues de vin (MONSTRELET, Chron. D.-A., t.3, c.1425-1440, 34). ...et s'est trait devers un charretier et lui a prié qu'il lui alast mener deux queues de vin (Paris domin. angl. L., 1431, 319). ...audit Vienot brûlé ung chalit, deux fenestres, deux quehues à mectre vin et deux charretées de foing (Ecorch. Ch. VII, T., 1444, 321). Sire, vostre plaisir soit que l'ordonnance par vous faicte de lever ung escu sur chascune queuwe de vin, quy passeroit et seroit amenée deça la riviere de Somme (Hist. dr. munic. E., t.1, 1477,,, 446).

-

[Pour les solides] : A la vesve de feu Jehan Buuc, fourniere, pour le pesant de 630 livres de bescuit blanc et de 12 douzaines de pain, parmi le portage 16 livres 12 solz ; A elle, pour une queue et un poinçon vuyt à mettre ledit bescuit, 18 solz (Comptes Etat bourg. M.F., t.3, 1418-1420, 684). De Guilleaume Pellerin, compaignon de Lambert de Lignes, de Boulongne, de 6 queues de hareng caque 20 s. p. (Comptes Paris V.L.D., t.1, 1455-1456, 845).

-

En partic. [Rempli de terre, utilisé pour renforcer un ouvrage de fortification] : Et comme lesdiz asségans entendissent curieusement à grever nuit et jour et subjuguer leurs ennemis, en cas pareil lesdiz asségez se défendoient par grant vigueur, et si tost que leurs murs estoient dérompus par les engins de leurs adversaires, les refortifioient soigneusement de queues pleines de terre, de bois et autres besongnes à ce compétens. (MONSTRELET, Chron. D.-A., t.3, c.1425-1440, 411). Et entretant, les engiens du roy de France (...) gettoient continuelment contre les tours et murailles d'ycelles, et les dérompoient en pluiseurs lieux. Mais les dessusdiz assiégés les refaisoient nuit et jour, de queues et de bois, au mieulx qu'ilz povoient. (MONSTRELET, Chron. D.-A., t.6, c.1444-1453, 10). Et à ceste heure, avoit deux Anglois qui faisoient le guet audit bolwercq qui estoient appoiez contre deux queves [l. queues], qui illec estoient plainnes de terre (ESCOUCHY, Chron. B., t.1, c.1453-14, 310-311).

-

P. méton. "Mesure de capacité" : ...pour avoir faict une queue de cimant de tieulle battue et mollue (Trés. Reth. S.L., t.2, 1409-1410, 603).