"Promptement, aussitôt" : ...les dons, donnéz prestement et tost, deservent plus de loenge et de grace. ([FOUL., Policrat. B., III, 1372, 231]). Et je vueil bien estre a ce fait donnez, Tant qu'en ce mont vous plaira que je vive. Mais si grant fait n'oseroie entreprendre, Se je n'avoie avec moy prestement Vos trois enfans pour moy duire et aprendre, Com dit m'avez ici presentement. ([MACH., Prol., c.1377, 3]). Et ce que nous voulons si prestement parler de si haute matiere, l'en doit reputer que nous le faisons aveques verconde, par desir de enquerir verité plus que par trop grant hardiesce ou par presompcion. ([ORESME, C.M., c.1377, 496]). ...le peril si est trop plus grant ez causes espirituelles que ez causes temporelles et, pour tant, il en est plus grant besoing d'y remedier plus praistement ([Songe verg. S., t.2, 1378, 68]). Et ceulx (...) estoient moult joyeux ou cuer de l'appareil du noble secours qu'ilz veoient si prestement appareillier, car ilz l'eussent bien pris en demy an aprez autel, dont ilz louent devotement Jhesucrist et sa doulce chiere mere. ([ARRAS, c.1392-1393, 151]). Mais lever m'estuet prestement. ([CHR. PIZ., Chem. estude P., 1402-1403, 30]). ...l'un d'iceulx lui lança une javeline parmy le corps droit au cuer, si doloreusement qu'il chey prestement mort ([MONSTRELET, Chron. D.-A., t.2, c.1425-1440, 7]). Faictes les prestement entrer Et venir cy a ma presence. ([Myst. st Bern. Menth. L., c.1450, 51]). Alors a tresgrande et lie chiere tous deux a Madame sont venus, et lors le seigneur de Saintré la prie ; et quant Madame l'a entendu prestement lui reffuse, disant qu'elle a moult a besoingnier ([LA SALE, J.S., 1456, 288]). Vostre femme est fort aggravée de chaulde maladie et en dangier de mort, s'elle n'est prestement secourue. ([C.N.N., c.1456-1467, 135]). ...la damoiselle s'en alla prestement coucher. ([C.N.N., c.1456-1467, 381]). Or sa, menestiers, prestement Vulhés toucher vous [e]strumens ! ([OLIOU, Mess. Arg. A., c.1470, 501]). |
